¹ Paki muni tebœr kana burr ƒɛti na lãni nnã ndinani mitɔn nni.Sarkœ chiŋ vlekwutɔn ɲɔtɔn muni te vlɛ na nwarrwutɔn ɲɔtɔn napɛ kelɛ ni Yezu tɛn debarr le nini a ku. ² Po napɛ nju kɛ:Keke lani npayi ƒɛti hɔn,nɔn wuŋk na niya. ³ Ni Yezu napɛ Betani kule,wuyiti Simɔn wœle,po napɛ nŋɔn ni Su ye deyi npo.Dɛkœ nfupi ye napɛ te mœle ni niyar puwɔnfiyɔnhɔn na pɛ kele,ni a ke jayœ,ni se viŋ nkuwɛ Yezu ŋɔn. ⁴ Nɔnsug pɛ po vœ nviã nvlɛ:A parƒum lɛnahã terr wo puhɔ nɛhɛ? ⁵ Na naƒa se ŋɔk se pœ nkɔ wana titã hɛ nini se tœ ŋãk tɔn kã.Ni nɔn pɛ po nwɔnk nvlɛ a pi ŋɔn. ⁶ Nimɛ Yezu ju kɛ:I a Su je.Terr wohó i pɛ ke payi pœk yɛ a Pi lɛ? A wo tisebɛ payi mu lɛ; ⁷ i mutani ŋãtɔn pɛ iwilɛ minɛ nkele,i napɛ kelɛ,i ƒa tisebɛ payi polɛ,nimɛ i ke pɛ ke pɛ ke duk payi mulɛ minɛ nkele. ⁸ A Su wo te payī tayi payi;a wo a parfum mu ŋɔn mu yinã jani. ⁹ Nwoni nŋɔn ju ilɛ,Tepa vlɛ sebɛ npeyi nju tiahó tiyanɛ ,po npeyi a Su tipayina tayi ju te ketiya. ¹⁰ Yezu hɔntɔn nɔbɔnina le nãyi ye napɛ te ŋig pɛ kɛ Juda Isicario kayi Tepa vlɛ juwutɔn ŋɔtɛ nini Yezu tɛn po kã. ¹¹ Po wo te popo ŋɔn na nti ke po nãyi nwayi,ni po a chiya kɛ po npeyi a kã pœyɛ. Ni Juda pɛ Yezu tɛntɛ mœ fiye nini po kã. ¹² A paki mitɔn nbi hɔn,Yezu hɔtɔn a chiya: A pɛ kelɛ nani payi tiyawo? ¹³ Ni a te hɔtɔn nɔn niŋ tɔmã nkayi ni po chiya: I kayi kuɔle,i npeyi di ye ja nti nƒu hɛ te ŋɔnle nìŋ hɛ kele,ini sayi tehɔn. ¹⁴ A na ke kayi deyi Bu nɛ le,ini deyi nkayi a Butɛn chiya:Ŋɔntɛ w ju:Mu muni mu tɔnpayiwutɔn npeyi ntɛ ŋɔn Paki hɔn tiyawo? ¹⁶ A npey i vlake wɔk ƒœ nka ye hɛ tasã ntiná hɛ:Ketiya wo nɛhɛ na npeyi na Paki payi. ¹⁵ Te tɔnpayiwutɔn chiŋ nkayi na Ku ƒœle ni nkayi a ti wɛ Telɛ po chiya duk;ni po a Paki ti tamã. ¹⁷ Ŋɔmiŋ wo po nã,a po amuni te hɔtɔn. ¹⁸ Po na pɛ nŋɔn minɛ,Yezu ju:Nwoni nŋɔn hɛ i chiya,ile nayinug ye pɛ nŋɔn mu hɛ,tewotɛn npeyi mu nkã. ¹⁹ Tek tamã npɛ po tɛ,ni ntɛ kele pɛ a pihã:ke npeyi npayi mu hɛ? ²⁰ A po chiya:I nɔbɔninã le nayinug ye pɛ ŋɔn mu hɛ tɛsɛ kuwanug le tewotɛhɛ. ²¹ Ke wo warr dug nɛ, Nãhi pidi. npeyi nchiŋ.Nimɛ ntɛnɛ npeyi a tɛkã tɔ npeyi nkle! Tewutɛn po du nkɛ wo ƒɔn. ²² Po napɛ ŋɔn minɛ,Yezu burr tœ,ni telɛ Tepa niŋ ntina ke ŋɔn,a ke kɔnkɔk ni po kã ni po chiya: Ichi,mu wonɛhɛ npɛ ikã. ²³ A teviŋ niŋ tœ ni Tepa niŋ seŋɔn,ni po kã puwo po duglewɔ. ²⁴ Ni a po chiya:Sebɔn ni mu tuɛn hɛ,tuɛn nɛ npeyi nɔn duglewɔ nãk dw pùwi le. ²⁵ Nwoni nŋɔn ju i lɛ,nke ntã npeyi vɛn sepiek niŋ wo ƒɔ npeyi nã mulɛ seyo wonã lɛ Tepa biya. ²⁶ Puwo Tepa nini yek bayi nti minɛ,po kayi oliviye nã ŋɔnle. ²⁷ Yezu po chiya: I duglewɔ ƒœ npeyi i púhù,ke wo warr kɛ: mu npeyi npyie tɛnwutɛn mãyī ni a npiye npeyi sekarsã. ²⁸ Mu nake ku ni nvi njek ,mu npeyi mã i jani Galile. ²⁹ Piɛri a chiya:Nɔnduglewɔ ƒœ ka nko po pu,mu tayi keni npùhu. ³⁰ Ni Yezu a chiya:Nwoni nŋɔn ju alɛ,kɔhɔ sekã mɛle sanɛ chipuwɔnã ni sã baya ninã,a npeyi mu viŋa klɛn baya tanã. ³¹ Nimɛ Piɛri tã tevi ke tasã nju:Mu na nke npeyi nku ɔhɛ,mu keni nklɛn.Ni nɔdglewɔ ŋa kebɔn nug ju ³² Po poviŋ nkayi tiya ye ketiya ŋek wo kɛ Gɛtemane,niYezu te tɔnpayiwutɔn chiya:I tɛnsua ndiya,muni Tepa niŋ. ³³ A pɛ Tepa niŋ a mutani Piɛri,Jaki muni Jã,ni tek muni fœ marr nã tamã npɛ a tɛn. ³⁴ A po chiya:Mu mœrr klenã pɛ,ƒɔ npeyi nã mu kunã lɛ nayi duk keke doh. ³⁵ A wo ti ni te jetɛn sɛnã jani,a tewœ mã nsek suwatã,ni Tepa niŋ,kɛ kebɔn minɛ ni sɔke tehɛ. ³⁶ A napɛ nju:Mu Suh Abba,a ƒa ti duglewɔ payi,ni kebɔn terr nɛ sɔke mu hɛ!ke ju mu diye duk nimɛ ɔ diye duk. ³⁷ Ni a te viŋ npo te nɔn mã,ni npo po wɛ pope ndoh,ni a Piɛri chiya: Simɔn a pɛ ndoh! A ke kuwɔ ni ntɛ hale sɛna! ³⁸ I Tepa niŋ i keke doh,kebɔn niya i keke po je poni po tɛni i payiya nja;mœg(force) pɛ mœrr hɔn,nimɛ keduk ke pɛ nayipi chele. ³⁹ A tã te jemã nkayi sɔke ntiya,ni ntã Tepa niŋ mɛhɛ. ⁴⁰ A te viŋ npo ni ntã npo po wɛ popɛ ndoh;po yãnã napɛ sewœ weyi. Po ke pãyi poni terr nɛ ju telɛ. ⁴¹ A tã te viŋ npo bayã tãwutɛhɛ,ni po chiya:Nunu i fã ndoh ni i mãyiha!Ke wo lã nbuɔ! I ja; nãyi pih tɛn kã mi wo nã nti tilɛ payiwutɔn lɛ. ⁴² I jek nani chiŋ,i ja ntɛnɛ npeyi ntɛ nkã wo nãti. ⁴³ Ni a napɛ nvlɛ,ni vlɛ nãh nwarrwutɔn,muni se nã njuwutɔn muni nɔdij,Judas ntɛnɛ nani tehɔntɛ yehe tɔmã npo a muni nɔn lelehɛ ni kãyinã muni mapiwanã hɛ po muhɔn le. ⁴⁴ Ntɛnɛ wo lani a tɛ nkã na po vlake: Ntɛnɛ npeyi npayi mu diye nãhi hɛ,ya tɛ npo. ⁴⁵ Puwo a tɛ npo nã,a te jetɛ Yezu mã,ni nju:Rabbi! Ni te lipaar sa te kãle. ⁴⁶ Ni nɔn ŋa Yezu tɛ. ⁴⁷ Pule nayi nug he napɛ ketiya a te mapiwa vlek ni a ŋɔtɔn tɔnpayiwutɛn ye mãyi ni te nãk kɔn. ⁴⁸ Yezu vlɛ chí ni po chiya: I wo po kãyina muni mapiwanã hɛ i muɔle a npeyi nju i wo po ŋawu tɛtiya ni npo mu tɛ ntiya. ⁴⁹ Mu napɛ sɔnɛkele i setarr le ni npɛ nɔn sã aTepa wœle ni i ke ntɛ ketiya. Ni se wo nwarr nti minɛ. ⁵⁰ Ni nɔn duglewɔ tù ni a je ketiya tewœ. ⁵¹ Dìh ye na sayi tehɔn,ƒo ye nmarr napɛ te beyisek le.Po tɔ le tɛn; ⁵² a te ƒo dɛ nŋama ni tewœ fiye te sɛpãk. ⁵³ Po Yezu tɛ nkayi po ŋɔntɛ lɛ ketiya ŋɔntɔn duglewo napɛ. ⁵⁴ Piɛri sayi tehɔn sɔketiya ni po kayi ndeyi ndeyi po ŋɔntɛ Búle;a kayi a nɔn tɔnpayiwutɔn mã ni npɛ niya mlɛ ⁵⁶ Po ŋɔtɔn muni sanedɛrɛtɔn duglewɔ napɛ kelɛ ni viŋ sá Yezu ŋɔn nini a ku;nimɛ po ke te kuku terr wɛ; ⁵⁵ nɔnlele napɛ viŋna sã te ŋɔn,nimɛ sebɔn vínɛ nake nã ponina ku. ⁵⁷ Nɔnsug wo vina jù Yezu ŋɔn.,kɛ: ⁵⁸ A npɛ nju napɛ nna kɛ: Mu npeyi Tepa nitiya wœ duglewɔ buk,ni muni nvi keje mã mitɔn ntã setarr le kebɔn ke npeyi npayi nayipi muɔn mãna hɛ. ⁵⁹ Kebɔn tiya junãduk ke po npayi terrnug hɛ a nɔn lɛ. ⁶⁰ Ni po ŋɔntɛ jek ni ntɛ nɔn setarr le ni Yezu pīya kɛ:A nɔn pɛ tinawo ju a ŋɔn? A ke pɛ nvlɛbó? ⁶¹ Yezu wayitɛ a ke bomã.A nɔn ŋɔntɛ tã tevi a piŋa,ni nju kɛ:Hɔni Tepɛ diye pih Krista hɛ? ⁶² Yezu ju kɛ:Múhù.Ni ipeyi nwɛ nayipi ye npeyi njek tɔk ha ni npeyi ntɛn Tepa bopole. ⁶⁴ Ketiya a nɔn janitɛ te ƒlena dɛh ni nju:Terr wo ta nviŋ ni nake kenã aŋɔn? ⁶³ I wo a viŋnã nà.Sèwuk kuwawomã? Nɔnduklewɔ ju kɛ a wolã kunãhɛ. ⁶⁵ Ni nɔsug ŋa npɛ po súsùna mã te ŋɔn.,ni te jabà ni npɛ a mãyi ni npɛ a chiya: Keje ju! Ni a nɔn tɔnpayiwutɔn ŋa a tɛn ni npɛ te yità mãyi. ⁶⁶ Piɛri napɛ a búh setuɔ ni a ŋɔntɛ tɔnpayiwu sú ye po. ⁶⁷ A wo po Piɛri wɛ a pɛ niya mlɛ,a Piɛri jaha ni a chiya:Ɔle napɛ Nazarɛti Yezuhɛ. ⁶⁸ Piɛri dayi,ni nju kɛ:Mu ke pãyi,apɛ kelɛni kɛ ntɛni ju mu ke ke jawɛ.Piɛri wuk nkayi a búh biyamuya.Ni a chiŋpuɔ mī. ⁶⁹ A Sú wo a wɛ,ni temã tɔn chiya:Dimɛ ni Yezu. hɔntɛn yèhé. ⁷⁰ Ni Piɛri tã tviŋ ndayi. Ni kebɔn nani nɔnɛ na pɛ k tiya po Piɛri chiya: Nŋɔnhɔn ani Yezu tayi nãyī,nsa apɛ jek Galile ⁷¹ Piɛri tamã npɛ te vú:I pɛ ntɛnɛ tayi ju mu ke tewotɛn pãyi. ⁷² Ni ke tiya a chipuɔ tã mī.Ketiya Piɛri diyekɛn. Yezu na a chiya vlɛnɛhɛ:Sani a chipuɔ ni mī baya ninã,a npeyi mu klɛn baya tãna. Ni ana kebɔn sɔn,a ŋa npɛ nmi.