¹ Yezu muni tehɔtɔn na nãti Betifaze muni Betani muni Olivienãɲɔng bopole,potiya na ke sɔkœ Zeruzalɛmu ku hɛ,a te tɔnpayiwutɔn nɔni nĩkayi, ² ni po chiya kɛ:«ikayi ijani kumɛle,ikayi deyimĩ,i npeyi susupã npiyek ye taamãnã wɛ,nayiduk keto dœha te nãle.Ini a dɛ npo te hɛn. ³ Ntɛnɛn nakœ i piyã te dɛdɛ ɲɔnhɛ,ini tetɛn chiya kɛ i ɲɔtɛka pɛn telɛ,ni kɛn sani dohonã a npeyi nɔnmã npeyi po npeyi te hɛn». ⁴ Ni po chiŋ nkayi a susupãpiek taamãnã wɛ wœbiyamu ye ya nwɔk bópóle. po tamã npɛ a dɛh. ⁵ Nɔnɛ na pɛn ketiya posug po piyã kɛ:«ke pãyinɛ ipɛn a susupãpiek wa?» ⁶ A tɔnpayiwutɔn po chiya po ɲɔtɛn nbeyi lɛ po chiya duk. A nɔn fãyichi kɛ poni kayi tehɛn. ⁷ Po chiŋ nkayi Yezu kã tehɛn ni po puflenã mã te nale ni Yezu dœtɛn te nãle. ⁸ Nɔnlele po flenã mã nwɔk ɲɔn,ni posug kayi mãyinã kuwã to npo mã te chichi nwɔk ɲɔn. ⁹ Nɔnɛ napɛn Yezu jani muni te nãni pɛ nyia kɛ:«Napɛn nniŋ,a wœfiye! Ntɛnɛ pɛn npeyi Yezu ɲig ɲɔn Tepa duga ni pɛn tetɛn hɔn. ¹⁰ Ɲɔtɛn nɛ pɛn npeyi na sug Daouda tɔle,napɛn Tepa niŋ ani duga payi telɛ.!» ¹¹ Yezu wo deyi minɛ Zeruzalɛm kufœle,a kayi ndeyi Tepa nini wœle ni ke fœle yinã fiye jɔkmã.Kebɔn nani,ɲɔnmi napɛn kelɛni nã,ni a muni te tɔnpayiwutɔn nɔnbɔninã jek nkayi Betani kule. ¹² Ke suwãdɔ,Yezu muni te tɔnpayiwutɔn wukmi Betani kule,kuwɔk a tɛn. ¹³ A napɛn sɔke ntiya ni te hãyi pɛ figie sepiek ɲɔn mãyihɛ kele. A kayi nja ni ntœ ke chinã pɛnwó. A wo te tuŋtɛn kemã nja a ke kuwadug wɛ kele ni mãyinã kɔn,ke chimiŋ na ketœ nã. ¹⁴ Yezu a sepiek chiya kɛ:«Nayidug ke ntãpeyi a chinã ɲɔnhawɛ.».Te tɔnpayiwutɔn a vlɛn na. ¹⁵ Yezu muni te tɔnpayiwutɔn wo kayi nã minɛ Zeruzalɛm.a kayi deyi Tepa nini wœle.Yi ɲɔgwutɔn muni yi duwiwutɔn nɛ napɛn ke tiya,a tamã npɛn po hãyi,ni pœtugwutɔn tabalinã muni daɲɔnkepinã ɲɔkwutɔn kunã sayi nsu. ¹⁶ A ketã fãyichi yi ɲɔgwutɔn pɛ nchi po ɲɔɲɔg yi hɛ a wœ jani. ¹⁷ Kebɔn nani,a pɛn nɔn sã kɛ:«Ke wo ju Tepa vlɛn le kɛ:'Mu biya npeyi npayi kunã duglewɔ Tepa niŋtiya hɛ'. Nimɛ ibɔn wo ketiya payi ɲãwayi tiyahɛ.» ¹⁸ Saraka chikãwutɔn ɲɔtɔn muni Tepa vlɛ nãwarwutɔn wo kœna minɛ,po tamã npɛn Yezu kuku dug fiye.Nimɛ puwo tek payi Yezu ya,komi telɛ nɔn sãduk na nã nɔnlele diye. ¹⁹ Mitɔn yitina,Yezu muni te tɔnpayiwutɔn wuk a ku fœle. ²⁰ Ke suwãdɔ sedɔhɔn, Yezu muni te tɔnpayiwutɔn pɛn chiŋ a figie sepiek dãgatinãmɛ mã,po kewɛ kekœ fɔ nkayi nã ke ɲanãlɛ. ²¹ Yezu na vlɛnɛ ju,Piɛri diyewoklɛn a Yezu chiya kɛ:«Nɔsãwu,ja,ana figie sepiek nɛ dãga kewo kœ.» ²² Yezu pochiya kɛ:«Ibɔn ni sɛn Tepa ɲɔn. ²³ Nɲɔngɲɔn,nwoni ichiya kɛ nãyi nake ɲɔngmɛn chiya kɛ:Jek ntãyi ndiya ni nkayi deyi kuwɔyɔle,tetɛn nakeke tek payi,ni nsɛn keɲɔn kɛ puwo ke ntɛnɛn ju kɛn ke npeyi npayĩ,ke terr-nɛn npeyi payi tetɛn lɛ. ²⁴ Kebɔn wo je,npɛn ichiya kɛ i nake kuwahókuwa niŋ Tepalɛ,ini pãyi kɛ i npeyi kebɔn kuwanɛ wɛ. ²⁵ Niyije Tepa niɲnale,kena payi kɛ nãyiye wo payipu ilɛ,ini ke terrnɛ kɔnda tetɛnle,kebɔn niyã i Su nɛpɛn tɔgha ani itipayinã kɔndatœ ile. ²⁶ Nimɛ ina keke po tipayinã kɔnda pole,i Su nɛpɛn tɔgha a ke npeyi iti kɔndatœ ile.» ²⁷ Yezu muni te tɔnpayiwutɔn tã poviŋ nkayi Zeruzalɛm.Ni Yezu je kœkãnale Tepa niniŋ wœle,sarkœchikãwutɔn ɲɔtɔn muni Tepa vlɛ nãwarwutɔn,muni nɔdiŋ chiŋ nkayi temã. ²⁸ Ni po a piya kɛ:«Apɛn tinɛn payi,nwoho se papayi nwœk hɛ nkã? Nwoho se papayi fãgahɛ nkã?» ³⁰ Yezu po chiya kɛ:«Nwoni i piyã terrnug hɛ,i nake kuwɔ ni nchiya nɲɔnhɛ,nwoni nflɛ ichiya ntɛnɛn wo nkã ati papayi nwɔkhɛ muni i chiya tetɛn ɲig hɛ. ²⁹ Nwoho Zã niŋ ani nɔn batse,Tepahalaa,nɔn hɛ? i nchiya nɲɔn hɛ.» ³¹ Kebɔn minɛ,pupɛn puwichiya kɛ«Na nake achiya kɛ Tepahœ,a npeyi na piyã kɛ terrwoho nake sɛn puwɔɲɔn. ³² Na nake achiya kɛ nɔnhɔn,haya!» Po napɛn tek payi nɔn ya,a nɔn napɛn Zã payi Tepa tɔnpayiwutɛhɛn. ³³ Kebɔnhɔn po Yezu chiya kɛ:«Nake pãyi.»Yezu po chiya kɛ:«Kebɔnna,ntɛnɛn wo nkã nwɔk hɛ muni sebɔn tinɛ payi nke npeyi ichiya tœ.»