¹ Ariwah ririkiri ishi ritiwomohti Tibariya Kaisar - adaor kami na Buntus Bilatus imah reh gomma ka Yadudiya Hirudus ireh piwomo uGalili kamina kayhi Filibus ireh piwomo Ituriya nang uTarakunitas, Lisiniyas ireh piwomo uAbiliya. ² Adaor kami nang Hanana nan kayafa amare ma Firist Magwakazi, avereh Asiri an ruvah makanang Yuhanna pivezene uZakariya arimi. ³ Yuhanna imah nighe inung amayinzi mami magirkin umana ku Urdun a seri Mavervene Masiri akan zure awarku tuba nang kugusku ivang. ⁴ Ken nang a nyakarani inung ana vha a vereh anabi "Rinyi ripirong risin kagha inunung arimi, "Napsani urina "Titu gwaki, zhavharhonu urina mariva. ⁵ A korane ate ghe kami ka nhaon ajas asighi awhaok kokuriki upana nang ki zagha, an nome kun, uriha umi umangtari an yezene uni na wass, urina umi uku thaonghaze ayaor unka rimpka. ⁶ Ayaor nasang an rehye uwaska koh Siri. ⁷ Yuhana iwoh arifigh ren yaor ami asin rupsa nang yhi, asa izuzzeyaon, "Ini nonoh nugbowo pinagha e nyakanu yhin asa in sumini rikhozho ripiu re Siri rimi ren ruvah?" ⁸ Awarku ke ciddani nono nami nama hama ukuvuruwo insu semu ukura woh ana ti ayhin, 'Tirih a tita uwuri Ibrahim, "insin misini Kasiri kanka suska ucidda nonoh ni Ibrahim ana kwang arah. ⁹ Kone kini ama kapkawara irama unnaok kuna tih kati kami ka rhoto cidda nonoh narip, ang pe egh kan a tanghane inung unrah." ¹⁰ Anreh rifighi re yaor rin ra ripsi yhi awoh, "na yhenmi nafen rise?" ¹¹ Imane yaon awoh, "piya iri makusu mavah, irho piya izayi, piyami iri mariniru irene ken unayhin." ¹² Ayu sese kuna ganduyaon ma ama ruvah asa an zuzze yaon unayaon, anre kuwoh unyhi, "pimisen "Ini nang ten rene?" ¹³ Anre ikuwoh unyaon, "sunu sese ikorwo, aka pirkane ken nang awoh in sese." ¹⁴ Anrong a wumanima an rivi yhi awoh, "A wurisu? iyhen nang ten rise?" Sunu sere ikorwo nang pirong unsiru, sunu rise pirong icotti. Nome ni na sughwuh. ¹⁵ Ken nang ayaor amasin suksa maruvahma Kristoh, an seri amina ana suwuh na yaon a makana, nang Yuhanna, anka gita reh yhi Kristoh. ¹⁶ Yuhanna ima mane yaon nasang kuyaon, "Are mini isin zuzzini amani masir, pirong ruvah umi ipirim unsirumini unrhoto hama uvinzi araka ayhi, en Zurini a mazir marip nang ¹⁷ Kuvuruk kuti nyi'ahra kuri ana chara nayhi, en ruva a veskene agoh na piring, a kongkaro rikama awara aming ka yhi, a pokso anghofoh mumi urah uza k kha." ¹⁸ Nang aron avereh adun, Yuhana ima mise ayhar masara marip. ¹⁹ Adaor kami nang Hiridus imah ghira piyhowo ukommina, asin rise an kusu mu yimum nasang na Hiridus ima rene Yuhanna igwonzoh uyhi. ²⁰ Ima perem ana nang are anatik ayaon nasang, anreh iku wura a Yuhana amawuranu. ²¹ Ama wana, Kadaor kami nang ama zure ayaor nasang, Yesoh unayhi an zure yhi, adaor kami nang imah sere a vere nan Kasiri izoh into whontho. ²² Mazir mavur mantu toro ariti riyhi, ne Kapuktu, rinyi rin cira ri wori izoh, "piyhi konoh kanang kami nang un suni kan, un pok urentu ukan." ²³ Kadaor na Yesoh imah seme utumah uyhi, ima ravih tiwah akiri atar nang ureghwu, ima reh pivezene (amakho) Isufu, pivezene uHeli. ²⁴ Heli pivezene uMatat pivezene uLawi, Lawi pivezene u Malki, Malki pivezene uYanna, Yanna pivizene ne Isufu, ²⁵ Isufu pivezene uMatatiya, Matatiya pivezene uAmos, Amos pivezene uNahum pivezene uAzaliya pivezene uNajaya. ²⁶ Najaya pivezene uMa'at, Ma'ata pivezene uMataliya, Mataliya pivezene, Shimeya pivezene Isufu, Isufu pivezene uYahuza. ²⁷ Yahuza pivezene uYowana, Yowana pivezene u Refaya, uShiyaltiyel, Shiyaltiyel pivezene uNiri. ²⁸ Niri pivezene uMalki, /Malki pivezene uAddi, Addi pivezene uKosama, Kosamapivezene uAlmadama Almadama pivizene uEr. ²⁹ Er pivezene uYosi, Yosi pivezene uEliyezer, Eliyezer pivezene uYorima, Yorima pivezene uMatat, Matat pivezene uLawi, ³⁰ Lawi kono ka Saminu, Saminu pivezene uYahuza, Yahuza pivezene Isufu, Isufu pivezene uYonana, Yonana pivezene uEliyakim, ³¹ Eliyakim Eliyakim pivezene uMalaya, Malaya pivezene uMainana, Mainana pivezene uMatata, Matata pivezene uNatan pivezene uDawuda, ³² Dawuda pivezene uYesse, Yesse pivezene uObida, Obida pivezene uBo'aza, Bo'aza pivezene uSalmon Salmon pivezene uNashon. ³³ Nashon pivezene uAminadab, Aminadab, pivezene uAram, Aram pivezene uHesruna, Hesruna pivezene uFeresa, Feresa pivezene uYahuza. ³⁴ Yahuza kovoh kah Yakuvu, Yakuvu pivezene uShaku, Ishaku pivezene Ibirahim, Ibirahim pivezene iTerah, Terah pivevene iNahor. ³⁵ Nahor pivezene Iserug, Serug pivezene uReyu, Reyu pivezene uFeleg, Feleg pivezene iEber, Eber pivezene uShelar. ³⁶ Shela pivezene uKenam, Kenam pivezene uArfakshad, Arfakshad pivezene Shem, Shem pivezene uNuhu, Nuhu pivezene uLamek. ³⁷ Lamek kono ka Metusela, Metusela pivezene uAnuhu, Anuhu kono ka Yared, Yared pivezene uMahalel, Mahalel pivezene uKenan. ³⁸ Kenan pivezene uEnosh, Enosh pivezene uShitu, Shitu pivezene uDamu, Kadamu, Kasiri