¹ Arong amah rise pijik asa ang hyakara anang amih a koroh inung uwuri. ² Ken nang ah rho awuri anang amih, inung urhasi kumi amah rheyhe anah yizi ayhan arereh utumuh urhu. ³ Ken nang mini ma rheyhe kung ripkwa uwoh un kitara manang mana ichettu rhasi asa un nyakaravuh ken nang ma rih piya gwaki Tiyapolos. ⁴ Asa piyi pi ya'ahteh rivin rih kasu kimi nang awah miseh vuh. ⁵ Kadaor kami nang Hiridus imah reh piwomo uya hudiya amah rih urung ku firist nang amako zakariya, amayinzi ma Abijah, piyhowo uyi imah rih inung anonoh na yani na Haruna rizayi riyi na amaha kuwoh Lisabatu. ⁶ Nasang kuyaon amah rih amatini ayhen moh Siri. Agura sin jara unrinah uiya urara. ⁷ Ama zaku rih konoh, awar kuwoh Lisabatu rimih reh ikuru, amma cirvuwoh nasang ku yhon a daor kami. ⁸ Ama wana kadaor kaminang Zakiriya imah rih ayhen moh Siri asin rise utuma uti firist ken nang amah tara. ⁹ Ama zikanani un rina umi na ama cere, ufirist kumi kung rise utumah, yi nang amah cangka yhi asa inighe un rarah ko Siri asa ipokso anjho (uturare). ¹⁰ Ayaor adun ang kongsozoni uyah asin tanzana Asiri adaor kami nang imasin pokso anjho mumi. ¹¹ Anre malaika ma Titu gwaki mang kutu rhatha anre mangkuyizeneh apituwa purham ku ripik kong jho mumi. ¹² Kadaor kami nang zakariya imah reyhe malaika mami anre itu pokoro khau. ¹³ Anre malaika mami man woh uyi, "Su pokoro khau, Zakariya, ama pokoro a tanzu ka pu, piyhowo upuh Lisabaturen reyenhvuh konoh, pen kaku kangde kan awoh Yuhana. ¹⁴ Pen ka rise righarha, ayahar adun an gharanho awarku reyhu diyi. ¹⁵ Enka wana piya gwaki ayhen mu titugwaki, enka zaku sese amanimi nabi vah kikusu kimi ki zaku nir'ahnani vah, an korone yi nang mazir mavur, inung ariviri rih muna. ¹⁶ Ayhar adun awori in Isra'ila anka vanduruwoh mallama nang Titu gwaki oh Siri kayaon. ¹⁷ Enka jhara yhen mu Titu gwaki inung a mazir nang usiru Iliya. Inka rise ken asa ivandare na suwuh na putih makana nang nonoh na yhon, asa ayha azaku rih matini an jhar amaturo nang rivin asa ayhar an napsana maruvah ma Titu gwaki. ¹⁸ Zakariya iwoh u malaika mami, "ini nang mang uha'ahte ara arana? Mini imrah pireveh, piyhowu nang ima cirvuwoh unayhi." ¹⁹ Malaika mami man mane yi awoh, "Mini Jibrailu piya i yhaozi ayhen moh Siri, ku tumam un vereh nang piyi, asa un yendevuh masara mamma marentu. ²⁰ Reyhe, pen wana ku zah'aonaoh pen kapi suska vuh verveneh amaka jaghari katuk kami nang manang mami ma wana ken. Awarku woh piroto rume nang avereh nang ami anka koroh adaor kami ²¹ Ayaor amah rah suksa Zakariya, arah seri amina ken nan yi Zakariya eh zika adaor kadun inung urarah ko Siri (hailaki). ²² Ima cirah azaku susku ku vereh nang yaon. Anre anku yhaghathake awaoh, imah rehye uwa'ayi adaor kami nan imahrih inung urarah ko Siri (Haikali). Anre iku ra vervenu yaon ana cara, aku pi zaku vereh. ²³ Katuk kutumah uyhi kama vharha, anre iku gunyhi urarah kuyhi. ²⁴ Natuk nami nama vharha, piyhowo u Zakariya, Lisabatu rin zika riviri, asin wukuze ritini kinm anre kinkuwoh, ²⁵ "Ki kusu ki nang Titu gwaki imah risem, adaor kamina etirkirim aririllipovoh asa icuwunem ugwhor anhyen moh yaor. ²⁶ Inung unpi utasi, Kasir kama tumah malaika mami na ako Jibrail ama kanu rong ku rho kumi nan akoh Nazarat inung a mayinzi mu Galili. ²⁷ Amakana nang karon karinni kami kayho kan pinimi nan amako ki Maryamu. Kimi kiri unugwu sa kinka runga pirong uyaor nang ama kuwoh Isuvu, iwori urarah ku Dauda. ²⁸ Anre malaika mami manku woh ukin, "Kusumozi, piyi piya pima zuwo utogamashi udun! Kasiri karih nang piyi." ²⁹ Anre kini Maryamu kin kutu rikise, ana vereh a malaika, mami, kin tura dinne 'muzu sumazi kumi. ³⁰ Malaika mami man woh ukin, su pokoro ukau Maryamu, pima zuwa uneghenu suwn uvohuri nang Kasiri ³¹ Reyhe pin zika riviri a reyhe kono, pin ka kangne rizayi rikan awoh, "Yesoh". ³² Inka wana piya gwaki, an kaku kangde kan awoh kono ku piya-zo-izo muwhuri. Titu gwaki Kasiri kanka rhoyi arira kati womoh ka putu Dauda. ³³ Yi Yesoh enka rise tiwomo Inung urara ku Yakuvu karen, tiwomoh tiyi tenka zatin marasa. ³⁴ Ki Maryamu kin woh umalaikamami, "ini na manang mana mang ka wanar kini, mini piya un roto nana nomo nang pirong urumi?" ³⁵ Malaika ma Siri man mane awoh ukin, "mazir mavur man ruvah vu, isiru u (Most High) un ruvah inung upu. Piya vur umi na pen rehye an kaku woh pivezene oh Siri. ³⁶ Rehye, inung arari kayin, Lisabatu rima zika riviri ati curvu tikim, upi oh tasi nekini, piya nang amako pikuru. ³⁷ Zah kikuskikusu na Kasirih kan ka suskakan. ³⁸ Anre ki Marymau kiwoh, " Reyhe inre pirere uyhoni u Titu gwaki, mhun wan ken nang pe vereh." Anre malaika mami manku tu jao kin mim. ³⁹ Anre ki Marmau kin kutu cho ana tuk ami arhakharha, anre kin ku jarakin urho ku kwang amayinzi muh Yahudiyar. ⁴⁰ Anre kinki nighe urarah ku Zakariya, a sumaze Lisabatu. ⁴¹ Kadaor kaminang Lisabatu re pokoro usumazu ki Maryamu , kono kami kareh ariviri re, Lisabatu kang kutu tupta, Lisabatu rivitu koru-nuwoh nang mazir mavur. ⁴² Anre Libasatu rin kutu zhapkpwo riyhi unsiru awoh, "pire piya ritau ririp inung ana yhowo, kikusu kimi kirih ariviri na pu, kireh piya ritau riri? ⁴³ Anre yene wanah nang mini munu Titu gwaki unang eh ruvah nang mini? ⁴⁴ Rehye, kadaor kami nang artoh anang a pokoro usumazi kupu, kono kami karih ariviri rinang kantu tupta awar ka righarha. ⁴⁵ Piya eh rume, awph manang ma manka koro mami nang Titu gwaki eh mi'ah kin, ire piya ritau ririp." ⁴⁶ Ki Maryamu kin woh, "Kasuhwu kanang kasin cangha a Titu gwaki, ⁴⁷ Mazir manang masin gharhanha inung Asiri piyu waska kunang. ⁴⁸ Awarku woh kama jengne ti kanci ti pireru kan uyhoni - Rohye, ne kini asana ankura woh unanga, piya ritau ririp. ⁴⁹ Awar kuwoh piya ireh ma daukaki imahrise amanang magwaki awar kanang, Rizayi riyi mavur. ⁵⁰ Ririllipovo reh Siri rihdhakoni asana ami a pok ukau ukan. ⁵¹ Kama chankharha unir'ahnanu, ana chara nakan, kama shoskoroayu gwaku ati inung udinenu una suwuh na yaon. ⁵² Kasiri kama toddo avezene awomo ana rira na tumomoh, anre kan ku cone ayaharih a jhas (ayah tikanci) ⁵³ Kama sitine ayah pok igwamb an kusu muh rip Anre kanku cidda akarma ana chara na wami. ⁵⁴ Kasiri kama kana pirere ukan Isra'ila asa kan dinne asa ririlipovoh. ⁵⁵ Ken nangka vereh nan a titea wurin zoni makana nang Ibrahim nan karari kini, ku zakun marasa". ⁵⁶ Ki Maryamu kima zomoh nang Lisabatu inpi iyar, anuh gurukin un rarah kukin. ⁵⁷ Kadaor kama wana ken nan Lisabatu rehye kono anre rinku rehye konoh karumi. ⁵⁸ Ajhami azontokoh nang karari karin ama pokoro ken nang Titu gwaki eh pokoro ririllupovo rikan, anre ku ghorhorho nang rin ⁵⁹ Ken nang moh wana atuk kamanaziva, ama ruvah asa an senge kan pigang nang utar kan rizayi awoh, "Zakariya," rizayi ri putuh ⁶⁰ Muna Lisabatu rin mane awoh, "Azanken, an kangde kaawoh Yuhana." ⁶¹ Anre anku woh ukin, "Arari kayin zah pirong irih imuzi rizayi rina." ⁶² Anre ku veru putu ana chara, ken nang isuni an tarakan rizayi. ⁶³ Rutu kanirivi awoh ruh yi ikusu ku nyakaram, anre iku nyakara awoh, "Rizayi rikan Yuhana," anra sesezi amina ana nang arah. ⁶⁴ Adaor kami kanho ka putu kantu wontoyi, rirem riyi rinka viskinuwo. Anre iku vereh a cagha Asiri. ⁶⁵ Ukau umaka puru ayahazonzi urara kumi. Ama sara ama nang mana inung amayinzi mu Yahudiya. ⁶⁶ Ayaor ami ama pokoro anang arah ama tarani ana suwuhwu na yaon akura woh, "kono ka kanka wana yemmi?" Awar kuwoh na, Tita ugwaki nari nan kan ⁶⁷ Putu Zakariya ima kori nang mazir mavur anre iku rise anabci awoh, ⁶⁸ "Ucha'uh ure u Tita ugwaki, Kasiri ki Isra'ila, kama ruvah kang kana, kama ruvu uwaska kho yaor akan. ⁶⁹ Kama cone rituma ru waska awarka wuri inung urara kupirere ukan Dauda. ⁷⁰ Ken nang kavere a nhaoka anabawa akan ami ama ri unrhasi. ⁷¹ Kan ka waska iri ana chara na ya zah ku suni ri nang ana chara na ya ain vhanzho ni ri ri ⁷² Kan rene ken awar karirillipovoh re Titah awuri asakan divine matazzana makan mavur ⁷³ Masiri mami nang Kasiri kama vere nang tita uwari Ibirahim. ⁷⁴ Kasiri kama siri uwoh, awar kuwoh kama waska iri ana chara na ya zah yaon usu iri, awoh titu kuzuwoh kan zah ukau ⁷⁵ Inung unvur nang urip ayaon moh Siri ana tuk awuri nasang. ⁷⁶ Ken piyi kono anku kangde vuh awoh annabi ma piyah-zo-izo Muwuri awar kuwoh pen jara anyaon muh Titu gwaki asa pi napsa yi urina, a napsa yaor awarku ku ruvah o Siri. ⁷⁷ Aroh uyha kuwaska nang ayaor akan, uguzu kivang iyaon. ⁷⁸ Arami an wana ken awarka kari ririllipovo ri rentu re Siri awar ku kun nangan peze muhn cira mu wori zoh asa munkaniri. ⁷⁹ Muh cira ayha azonzi amarini, inung un tongdong kukha. Kasiri kan rise ken asa na vina na wuri nakasin jara un rina uma vohk ⁸⁰ Nakini kono kamkama kunza awana piu siru amazir ara ka zomi a rimi amakana adaor kami nang kama chira anpeze nang Isra'ila.