¹ Ummah vereh avereh rah nang a yhini asa isuka tereh. ² Anka zhaovih nih amararah mah tanzu Kasiri. Kadhaor kan ruva na kowami enka wuni nih akuwoh Kasiri nang iseri kan utumah. ³ Anka rise ankusu muna, awarkuwoh azaku Tta vah mini. ⁴ Mah Vereh avereh arana nang a yhini asa kadharor kami kanka reh Ka ruvah in dinne awoh ummamah miya inih arih tih reh nih. Ummah rhaothao miya inih anang arah arizoni awarku woh ummah rih nang ahyini. ⁵ Ne kini in rama gurum nan piyha eh tumam, vah pirong uyhin imah rivin,'Iki na pirama kanam?' ⁶ Awar kuwoh mah vereh uyhin an kusu muna, nasuwah na yhin nang matu wantazani nih. ⁷ Areh rivin na insin misini, kurip uwoh un jar mim in nang un rhaothao jaram pinomeni eh suwuh (comforter) enka zaku iruvah nang ayhini. ⁸ Kadhaor nang eh ruvah pinomeni osuwuh(comforter) enka cidda anpezeh ken nang kurikuyah kuma wuru arihtihrih vang unyaozih nawas (Rightousness) nang mateh, ⁹ arihtih rih vang awarkuwoh kuwoh arhaothao rume nang mini, ¹⁰ arihtih ruh yaozhi na was, awar kuwoh un rama kanam nang Tita, inang ka zaku pi reyhem. ¹¹ tih rimateh awarkuwoh ama ceske piwomoh urikuya mateh, ¹² Inrih ankusu muh-dun na man vereh uyhin, in nang ka zaku yao'aoteh mun ne kini. ¹³ Kadhaor kami nan enka reh eruvah, Mazir marivin, mangka wana kuzaong kuzaong kuyhin inung a rivin na sang, mang ka zahu vervene amih awori arih rihh man, manka vervene ikusu nama pok, mangka miyamih akusu mumi maon ruvah. ¹⁴ Manka daukakam(glorify) awarkuwoh manka zika in kusu kire kinang a miya inih. ¹⁵ Ki kusu nang tita irih kireh kinang awar ken nang mawoh mazir manka zika inung in kusu kinang amiya inihm. ¹⁶ Adhaor na cini innang ka zaku pi reyhen, adhaor ka cini in nang ka reyhem. ¹⁷ Anre arong a gwekseni ayhi anwoh anajami,"Yemmi nang ekuwoh u wuri 'Adhaor na cini innang kazaku pi reyhemm, adhaorka cini in nang ka reyhem' 'nan' 'mang kana nang Tita." ¹⁸ Awarken anre ankuwoh," Yemmi nang ekuwoh,"Adhaor na cini?' Ti rhaothao yao'aoteh ikusu nang isin vervene arih ti rikin. ¹⁹ Yesoh imah reyhe yhaon an sunu rivi yhi, ikuwoh uyhoan, " ki kusu nang insin rippsi atihayhin kin kina, ki kusui na maku vereh, ' Adhaor ka cini, in nang ka zaku pi reyhem, nan kadhaor kacini in nang reyhem?" ²⁰ Rivin, rivin in sin misini, in nang rise mayizi, nang na suwuh na sir, kurikuya kun seri righaorhao, in nan ka wana ayha na suwuh nasir, nasuwuh nnasir nayhin nanka vanduruwo awana narighaorhao. ²¹ Kadhaor kami na piyhowo isin reksene, kasuwuh kaku ser'ihyhi awarkuwoh kadhaor kama ruvah, kadhaor kami nang eh reyghe, eh ku zaku pi taka dinne uwo nu yhi awar ka righaohrhao kuwoh amah reyhe piyar inung urikug. ²² Ne kini nasuwuh nayhin na Siris, mamng ka gura reyhi nih nasuwuh nayhin nanka voko, vah piya enka zikini righaorhao rimi. ²³ A tuk karakan, in nang ka zaku rivim irangwa, rivin, rivin, nang insin misini. In nang eh tanzana Tita arizayhi rinang, enka roh inih ikusu kimi. ²⁴ Ne kadhaor kana in rhaothao tanzanam irangwa arizayhi rih nang. Tan zanani, innang ka sere asa righaorhao riyhin rin kor. ²⁵ Umma vereh ankusu mun nang ayhin un misali na kini kadhaor kang ruvah namanka zaku pi vervenu yhin un misali mangka misini amanyandari arih rih fitah. ²⁶ Atuk karakan, in nang ka tanzana an zayhi rinang un rhaothao vereh awoh mangka tanzana Tita awark yhin. ²⁷ Awarku woh Titaharih tih rih yhi isuni nih awar kuwoh immah soa mini, nan awarkuwoh immah rume awoh mini un wori nang Tita. ²⁸ Ummah ruvah a wori nang Tita, ummah ruvah inung urikuya. insin gura jize urikuya, un rama kana nan Tita." ²⁹ Agwekseni ayhi anwoh,"REyhe, ne kini na pira vervenu wuri amacaong kaonaoni, pizaku seri unisali. ³⁰ Ne kini natenu yao'aoteh awoh piyao an kusu mun pizaku suni uwoh pirong irise narip, awar ka ranah timah rume awoh piwori nang Kasiri. ³¹ anre Yesoh iku mane yhaon,"En nuh rume ne kini?" ³² Reyhe nih, kadhaor kan ruvah, yih kama nang ruvah, kadhaor nang ruvah, kadhaor nang an tiskini nih, kowami makanu rarah kughi, in nang ka jhao mimim utenang. Mangka zajurih utenang, awarku woh Tita irih nang mini. ³³ Ummah vervene avereh arana nang ayihini, asa in zuk mavok inung unang, inung urikuya insin seze urereh, sisani anasuwuh nayhin, umma yelli u lakka nang kurikuya.