1
Pǝdǝk-pǝdǝk, dǝgǝm malmcin dumaya nda gǝmu ɗa gayi na gazgaraucin na nda taran na marmamin yahudaucin. Sai nda tausaci. Dabar naci i Bilatus.
2
Bilatus da jayaci, "Ci dǝgǝm yahudawan ci bi?" Da rami ci ma, "Ka ramdu"
3
Dǝgǝm malamcin dumayayingu chacpina bike gawa i Yeso.
4
Bilatus da jayaci, "kauro bai? Aki gawa bike dandi aɗa ci?
5
Amman Yeso wuti Bilatus bai, da jǝbtina ci.
6
Gusisku lakwtu ta ngumuri, Bilatus a tadikshi pirsina gayi mi akshiacu, na munapaucin akun dulogu.
7
Se na ndak tarzuma akun dilo, da kun nda tǝk ndawa, ndak tlathi tarzuma dlugun gǝri ma Barabas.
8
Algu danai iri Bilatus da jǝb jaya gǝri be a tlameskshi kaki waci.
9
Bilatus daurikshi maya, "Kwanci na tadǝna dǝgǝm yahudaucin bi?
10
A ciro zigadu gaɗa ta gǝshi dǝgǝm dumaya bardici Yeso.
11
Amman dǝgǝm dumaya riɓi ndawa daramma nda tadna Barabas i suringu
12
Bilatus daurik shi wam maya, "Na tlan gimowam na dǝgǝm yahudaucin?
13
Akshi da gǝrnyi wam, "Ndathlaganaci"
14
Bilatus daramikshi maya, "Tilan gabshu tawan?" Amman akshi dǝgirnyi thlapar "Ndatlganaci."
15
Bilatus ancu da tlan be algu ancu se da tad dikshi Barabas. Da bar dikshi Yeso i amikshi dathlginaci
16
Askarabu gu dayi naci wunduwa dǝgǝm, se dadare askarabaucin chakchak.
17
Da yayaiɗi du dina alkas iɗa Yeso, da yayɗi arugufu jijǝm i aɗa gǝri.
18
Da jǝb ndima gǝri, ngiburo dǝgǝm yahudaucin.
19
Da jǝb kǝma aɗa gǝri na zawa, da jǝb tubke ci nawak. Da gutkinashi a tlamaci nakwana.
20
Akshi ngarim taci tǝn, akshi damina alkas dinau da ɗawici kǝri, dayi naci ri tligau.
21
Da ɗawi ndak nata anida kun ɗa da mu dum thliga Yeso, waro dltugun gu ma Siman ki cyrene afǝk Alexanda na Rufus. Da ɗawaci da mi dǝm thlagau
22
Askarabaucin dana Yeso i ri ɗagai da dauro ma Golgotta (ma'ana, "Ri kwankwayak)"
23
Da ba rici amɗi waka na mur amman ai sa bai.
24
Datlgina ci da ɓǝrna kachum gǝri i bama daki askarabu tawan abiwu.
25
I kun saktu kǝmakwan akshi daltligina ci.
26
Iɗa gǝnawa me nda tarnu iɗa gǝri, "Dǝgǝm yahudaucin."
27
Ndatligi akiraucin shirin i ri gǝri, gayi da mata gayi da matlawai.
28
Nda baci na aibu bai.
29
Ndak nuta da nangaci, arib adakshi maya, "Aha! Babu rubga susau magita dalmi yuwan kwan.
30
Ari aɗa ci, ka fuwai da ɗak dǝm thlagau.
31
I dvu gay digum dumaya ngarinta ci da gayi na dak taran, daram maya aran ndawa amma admu ra ada gri bai.
32
Abzi masihu, dgem yahudaucin daffuwai da da dum thligau jaki. Ja yardaci na aci ndawa mi ndatlgag shi dagyi da tambakshi.
33
I saktu ki ma zidu, ɗa dacimin gara chakchak saktu ki ma kudkuvǝda.
34
I saktu kudkuvǝdau Yeso da danyi wura tlapar, "Eloli eloli, labachtjani?" nda palti maya, "Kakasku, Kakasku, kabzayu gaɗa gǝmo.
35
Ndak irdi baka kimau ma, "Aki atka daura Iliya."
36
Dagai da rawi, dartli soso na am dathlgi miya zawa, da dawi ci miya gǝri ma dashi waro maya, "Ardina waki ko Iliya ani daurte na a ci."
37
Se Yeso da danyi tlapar se damcin gǝri.
38
Se baburum wunduwa Suku da thlimpiyin gara da dusku har diɗa.
39
Lakwtu marum askarabu dardi a lawan Yeso na bai mutun gǝri, darammaya, "Jire nangu wun Seku.
40
Na ammatau wara da pǝdim na aci, A gadavak shi na Maryamu magadaliya, na Maryamu mi Yukubu gǝdin Joses), na Salomi.
41
Aci akun galili tǝn akshi dage achi da tlamici nakwana. Amatau gawa dǝge aci i Urshalima.
42
Aduwau tlamin gara tǝn, gaɗa gafa sapire, gaɗa gafadamba putu yahudaucin.
43
Isubu Armatiya de riwu. Aci baci martapa i kun majalisa, a diri garva Suku. Dayi na awayau iri Bilatus da jayaci guvu Yeso.
44
Bilatus da gigicin gǝri gaɗa Yeso mutǝn gǝri; da darai marum askarabu da jayi ma Yeso muten gǝri be.
45
Lakwtu Bilatus kǝmau dari marum askarabu ma Yeso mutǝn gǝri tǝn, se da barna guvu i Isubu.
46
Isubu da masai bakta. Da minaci daɗa dǝm thligau da yaydaci kun baktu, da dawuna ci kun audu me nda zidu i kun guguyak. Da virgaginina guguyak imiya audu gu.
47
Maryamu magdaliya na Maryamu mi Jose i kan ri me nda dabgi Yeso.