¹ Yahuʒa, guʒib Yəso masipu ʒam yaganak Yakubu, i ndawa mi ndaɗarak sɦi, mantaucin ikun kakasku Afik, da chicəpta gaɗa Yəso kristi; ² Abʒi kanjino na salam nantau datlpapin; ikuna kun. ^{3 4} Mantauwaɗ, natika ɗawa aɗu ga natarnikun gaɗa raa wa duk, Haminyara dolle na yuwi aguɗ kun sosai gada barjirewa mi ndabari ndak ɗiga ʒəgir gətuk na sukuna bai. Gaɗa ndo jigaɓ simɗenakshi dattifenakshi dadiɓsa ndiwa me nda tarnə gaɗa agatakshi tun gaskwakwiyak ndiwa mi na Iman bai, ndiwa mi paltu herr kakasku i guɓthu wanas ʒam akshi gamɗaya tina shugaba getak na miginyi, Yəso masihu. ⁵ Nancu na tanikkun ko gaɗa daman na bi kwaʒgadaa biyu, I ɗa kakasku ranaa ndo jigaɓ da lardi masar, amman dakugu da kambetina ndiwa mə najire bai. ⁶ Zam malekawaɗ mi jiɓ irdi garvakshi bai, amman dabʒina rii mbasakshi ki sukur-kakasku mi taa aɗakshi da sar a migo dadigiri ikun ɗa ayuwa pələk gaɗa gafa shariya. ⁷ Akshi ariyu kaki saduma na awamarata na ɗa-ɗa mi vaikakshi, ndiwa mi barna aɗakshi i tapai a ɗiga sha"awawin miki diga bai. Nda mistinak shi bik ginawa akshi dashi aka mi na dadigiri bai. ⁸ Zan wan, ndagu ndak suwantuku a thlimta tikakshi. A muwa ndak garva ʒam a rama gaɓshashin be i dak ndawa mi nda sak-saktau. ⁹ Amman ko mikailu marum maleƙawaɗ, ilakwatu mi a yuwa rama na samana na lispir i aɗak guvu musa, tlan kuskure bai da rami tilam hukunci i aɗagiri bai. Isiringu maya, Abʒi miginyi da girnyi aɗa ci. ¹⁰ Amman ndatin anna tlimit i aɗa be mi akshi sanutu bai. Ndo ndak hal fayin, ayuwayi kambeta i aɗakshi. ¹¹ Wadarekshi! Gaɗa akshi ɗigina divu kayinu, ʒam panakshi wam ikun Bal amu gaɗa bik sukuna. Da kambeta iku gamɗaya jiri ki kora. ¹² Sutuku ɓana dadiɓsa akun bukakin kun ki ntau A shagalakshi go ʒhirau ko kalau, atona aɗakshi rukshi. Akshi ka kanam vatku kunu go amma, mi ʒuwak a rakau. Akshi wakakun jirim go ɗi, mutu ʒəgir shirin, dabta tin da arau. ¹³ Akshi tligimamin anku ndak ʒuwak, amarim aro ikun kumpak ʒhirushi. Akshi ka ngishau ndak wudadar. Ndawa mi nda kinchikatekshi ɗa iayuwa pələk go dadigəri. ¹⁴ "Ahnuhu , nin ki gatkasa dari Adamu , thlam rama mi age wakatana "Aiki, Miginyi aye nii na nuk nddiwa mi na aibu bai kiri duburam. ¹⁵ Gada daudina shariya i adak tike ,da maki miyak duk ndiwa mi a ladab bai Ikun duk wananin shi na ladab bai mi akshi tlamu da diru mi tlam bilan bai, ʒam na tilam mi na yanan na ndak ʒunupi mi rami. ađa giri". ¹⁶ Ndangu ndak gamɗaya, ndak ngurngur, ndak ɗiga tlama kimangar, ndak maya na pariya, ndak ma aɗakshi gaɗa sukuna aɗakshi. ¹⁷ Amman kun mantanchinga, atanina na tilam mi mawanauchi yəso masihu ramikun tinwaci. ¹⁸ Ramikun maya, Ikun damak duniya, nda bina ndak nyau, ndawa mi aɗiga ntu be ki rashi ɗiga suku". ¹⁹ Ndan gu ndak nina, ɓirak aɗa, kuma akshi ndak duniya, akshi kuma na nunuwa suku bai. ²⁰ Amman kun, mantauchinga, almina aɗakun Ikun rama ɗiga suku mik martapa, kwa magitatinkun ikun Nunuwa suku. ²¹ A jibina aɗakun ikun intu suku, kwa diri kanjino miginyi yəso masihu mi anna aro go dadigiri. ²² A tatikina kanjino i ndak marwai. Ara ndo jigaɓ dari yuwayakshi dakun aka. ²³ I ndo jigaɓ ke atatikina kanjino na jigantak tiƙa, atlamina nyanya ko kare tikakshigun. ²⁴ Gususku, i nye ri mi na kirmai ki daptekun dagamu, da ɗawin kun kwardi i kima tsatsakta nigiri, na bi nanga bai na pirɗai gawa. ²⁵ I kakasku getak baci raa wa darik yəso masihu afik wa, ma aɗa na marim na garva na kirmai da tlamɓi, damba duk lakwtu, gususku na har dumaro.