¹ Su Bulus muwanak. Muwanak de dari nən bai ko mawanak ganai dari Yeso masihu na Kakasəku afək, wara tlatla ci da mutu. ² Na duk yaganaucin mi wara aɗa gayi na 'iyu, Na tarnau Ikilisiya a Galatiya. ³ Herr Yeso Məgənyi na salama məgənyi afawa da dlaɓi i aɗa kun. ⁴ Mi bar aɗa gəri gaɗa aibawa gaɗa dariwa da kun gabshi zaman tuku, i dak kalkal ki Afawa. ⁵ Saksakta gəri da dlaɓi i aɗa kun har dumara. ⁶ Na jabtu be mi wara ɗawu kwa kalakcina kun kaɗe i nye zadak labar herr dama. Na jabtu iɗak məsta kun dari nən mi dauri kun da ri herr Masihu. ⁷ Na labar herr dama bai, amman na nda wa dagai dedi kun tlatli ankal gaɗa da dlimcina labar herr Masihu. ⁸ Amman, ko ja ko Malaikawaucin da dəsku dlamikun wagərma dama ki labar herr dama na mi ja dlam nin, məgənyi da tlarya na aci. ⁹ Ka ki mi ja rami kun i waci gususku zam na sukna rame kun, "I ɗagai andi kun wazərma dama ki labar herr dama na mi ja dedi kun nin, məgənyi da tlarya na aci." ¹⁰ Na maka saida ndawa ko ki Kakasəku? nan cu ndawa daki mi karak gabi? zam gusuku nan cu ndawa dakəmi karak ga nin, zam i guzub ki Masihu bai. ¹¹ Nancu kwa zigi, yaganaucin, labar herr mi na wagərma garau dari nən gaiwa bai. ¹² Na genatu da ri nən bai, na nən gugza atu bai, I sərum kasən, dari tatka Yeso Masihu i riga. ¹³ Kwa kəma na labar mbasu ga yahudaucin, ka ki mi na tatku bone i Ikilisiya Kakasəku, kuru na dlimtu na atu. ¹⁴ Na kəma-kəma ikun Yahudaucin na i kun nda ganai i Galatiya. I dawa aɗa gawa i kun kiladu afafkin ga. ¹⁵ Amman dlamin gara bəlan i Kakasəku da cikɗa 'yu da kun ma 'yawu ga. Da daura 'yu da ri herr gəri. ¹⁶ Tatki wən gəri da kunu ga, gaɗa na dlam wagərma gəri i kun ndawa mi ziga Səku bai ko tasina, na maki shawar nən bai. ¹⁷ Na ji Urshalima bai i ri ndawa mi dlamnakshi mawanaucin kafin 'iyu. I sərum kasən, se na yinga i Arebiga, da sen se na ninga i Damasku. ¹⁸ Aku aman kwan na yinga i Urshalima gaɗa na zigi Kefas, nan mbashi na aci ki 'yuwan guma ayawa vaɗ. ¹⁹ Amman naika ko gayi bai da kun mawanaucin bai Yakubu rugeri, yagana Məgənyi. ²⁰ Aiki i kəma Səku, na dlam ngadar bai i kun be mi na tarne kun. ²¹ Da sen se na yin ga i cidi Siriga na Silisiya. ²² Isartu na nən mi zəga 'iyu da na da bai i kun Ikilisiya Yahudaucin mi a kun Masihu. ²³ Amman se akshi a kunu labarga, "Nən mi waci a barikshi bone gususku a tika wagərma bar jirewa mi waci aci a tika rabgau." ²⁴ Akshi a gədləɓ Səku gaɗa ga.