¹ Bah ngo godigya Gayus, yon ndalta si tong jire. ² 'Yak ndaltuno, ne ɗonshuk to dom tong lei miya shafki lahiya, kit shida yo kelung koi bu'uno tishe dom. ³ Gyarok kolko zei ɗo yaganaku ndano 'yano eni ka jire sok andi, ka marshetko ka jire. ⁴ An kuyui ne ndalo yo walla ka a bu, ne koli ta millano marshe tong jire. ⁵ 'Yak ndaltuno, ko ishe rutai zina tong lei shida rutai yiya yok ishek yaganaku, ki ngerhahi, ⁶ nzuni tamshe ndaltungko tong ban ɗonshe. ko ishe ei zina nako moksu zena tong marshesu ka billa Ndeyi, ⁷ kika sun woi zofko nguni hatangko 'yak gem ngobu. ⁸ Kika ka'a mu biska shida mamayei mu ɗeyinmu moɗi tong ruta jire. ⁹ Ne tura ei ma'atok algi, Diyoturiyis me, yo ndalo ɗeyi na'akonsu, biska muni bu. ¹⁰ Kika ka'a, nan ndinoi, ne diɓa shida rutai a ishe, shida eniy disa yo anshe kammu. Woi mana sibu, si guda kanni biska yaganaku mu bu. A ngeshentik mayei ndalangko rutai'e ke a rokshensuk tong algi. ¹¹ 'Yak ndaltuno, ko e rutai disa bu kaba dei yo zina. ngoi a ishe ei zina yo Ndeyi; ngoi a rutai disa man Ndeyi bu. ¹² Dimitiriyus an sheida kannik gem algi lai jire guda kato. Muni kem sheidak ka'a kek manoti sheidammus jire. ¹³ Ne an 'ya shei yon ndalon tureko, men ndalon tureko nzuni lalanaki ruɗu bu. ¹⁴ Nen ndalon moi koi tong sommoɗi shim, mu ina eni idok ido. ¹⁵ Deinok lahiya ɗeyik koi. sha enti bunji lakɗa koi. Lakdi sha'enti bunjik sunsu.