¹ Ki gem bahngo godi gem mandu an banos zabangko ki millanto, son nda tek jire ne' e moɗano bu, me biyai shaf manangkotik jire- ² kika jires mu anandi ke ɗeyak muni wara wuye. ³ Eni tili moɗis jig-yayi deinok lahiya ɗeyik munik gem Ndeyi Boti ki Yeso Kristi, Lah Boti, tong jire ki ndaltu. ⁴ Ne kuyu yam kika ne bolko millanshiy ma'ato marshe tong jire, yak kit shida yom biskangko eni woi ki gem Boti. ⁵ Kauson ɗonsha nguni, mandu- kit ne turenku 'yei ma'ato hoyo bu, weshida yom manangko tingki tono-tam ndalta nzehe. ⁶ Woi ndaltus 'e, taɗo mue kit yo ngu kolangko tingki tono yak'i taɗo ngu 'e marshe kanni. ⁷ Kika ana youta biyan dansu tong dunya, me anshe ta Yeso Kristi ndino tong zugo kit muni bu. Woi ana youtu ke ana kuɗa kristi. ⁸ Ɗeita katku, kadang yakle rutai mu 'yangkoi bu, me dei ngu biska bo hawotku shei. ⁹ Shaf a tina dom me an shutantu Kiristi tili bum man Ndeyi bu. Ngoi a kolshe shutantui, ngoi woi an Ndeyi shafki lah ni. ¹⁰ Leingoi yiya na ndino gemangku na mokingku shutantu woi bui, ngu biske si banotku bu keng lakde si bu. ¹¹ Gyaro ngoi na lakda siy a ruta zug zehe tong rutaniy disa. ¹² Ne an ei shei yon gonno turengku, ne ndalon turek lalauna ki piro bu. Shafki ka'a, ne ndalon nditu gemangkum e eni idok ido, nami kuyumu ngami. ¹³ Milla yagenanshis zabangko a lakda shi.