9 ¹ jeju ǝdǝ dǝ nǝ: M-ǝdǝ si najǝ kǝ rɔrɔ gǝ tǝ, dee kǝnay gǝ dan si tǝ laa, a oyǝn lee batǝ kadǝ a ããn kõɓe kǝ dǝrãã tǝ a ɗee kǝ tɔgǝn nɛɛ. ² Ɗaa ndɔ mẽhɛɛ gid goo ɓaa, Jeju un Pǝyer ho, Jak ho, Jãã ho, al aa sedǝ dǝ mbalaa. Adǝ rɔn tel kǝrang nodǝ tǝ. ³ Adǝ kub kǝ rɔn tǝ ndelee ngotǝ ngotǝ ho, nda ngong ngong ho, dee kǝ a togo kub yan kadǝ ndaa titǝ n noo gotoo. ⁴ Adǝ Eli ho, Mooj ho, teen kǝ rɔdǝ tǝ hɔy, bǝ walǝn tam kǝ Jejuu. ⁵ Pǝyer unǝ naj ǝdǝ Jeju nǝ: Kǝwǝ ji, majǝ kadǝ ji ndiitii laa, adǝ jǝ-ɗaa dabǝ gǝ mǝtǝ, kogi tam yai tǝ ho, kogii tam yǝ Mooj tǝ ho, kogii tam yǝ Eli tǝ ho. ⁶ Pǝyer ger kum najǝ kǝ yǝ kǝdaa lee. Tam ɓol asǝ dǝ nak. ⁷ Kil man ɗee ndibǝ dɔdǝ ripǝ kɔɔkǝ. Bǝ ndu tee ke;m kil man tǝ, ǝdǝ nǝ: Dee n ndoo i ngon kotqr yam, i-neli mbisi kǝ rɔn tǝ. ⁸ Tamǝn tam too ɓaa, ãã loo gong gidǝ dǝ, ɓaa ããn dee lee, bǝ i Jeju ngoy. ⁹ Lo n hãã ɗisn dǝ mbalaa ɓaa Jeju adǝ dǝ ndun kadǝ idan dee kogii yãã n ããn naa lee, batǝ kadǝ Ngon Dee tɔsǝ n ndol dan dee kǝ koy gǝ tǝ taa. ¹⁰ Nɛn ngɔmǝn najǝ n ndoo bǝ dejen naa najǝ kǝ sɔoɔ dǝ tɔsǝn ndol dan dee kǝ koy gǝ tǝ. ¹¹ Dejen Jeju, kee i tam ɗi tǝ n kadǝ Eli tel ɗee kete nɛɛ? ¹² Jeju tel ǝdǝ dǝ nǝ: Sɔɔ kadǝ Eli a ɗee kete, kadǝ ǝndǝ dǝ yãã malang naa tǝ gogǝ, bǝ sǝyãn najǝ yǝ Ngon Dee kem maktub yǝ Nǝbǝ tǝ ǝdan nɛ: Sɔɔ kadǝ a ǝngǝ yãã kǝ tor ho, a ɗaanǝn yãã kǝ matǝ marǝyã, titǝ dee kǝ dee kidǝn ho, i tam ɗi tǝ ɛɛ? ¹³ Bǝ m-ǝdǝ si Eli ɗee kɔɔkǝ ɓaa, bǝ ɗaan senɛɛ yan kem dǝ ndig nǝ, titǝ koon hã maktub Nǝbǝ ǝndan dɔn tǝ nǝ. ¹⁴ Lo n tel ɗeen rɔ nge ndoo madǝ dǝ gǝ tǝ ɓaa ããn kosǝ girǝn gidǝ dǝ ho, nɛn a nejǝn naa najǝ kǝ nge sǝyã maktub gee ho. ¹⁵ Kǝ loo koo n noo tǝ, kosǝ dee gǝ ãã Jeju ɓaa yaa dǝ ngãy, adǝ ãyǝn ǝngɔdǝ kǝ rɔn tǝ ɗaann lapia. ¹⁶ Jeju deje nge ndoo yan gǝ, i-neji naa najǝ sedǝ i dǝ ɗi tǝ ɛɛ? ¹⁷ Dee kogii dan dee gǝ tǝ tel ǝdan nǝ: Kǝwǝ ji, m-ɗee kǝ ngonǝm rɔ̀i tǝ, nee i kǝ ndil kǝ majǝ lee kǝ ɔgǝn kɔr najǝ. ¹⁸ Ndil nǝ gangǝn kǝ wan gǝgee ɓaa ǝdan nang tǝ bap bap, adǝ huulu kǝ ndaa tee tan tǝ mbɛt mbɛt ho, a ngor gɔgǝn mǝgǝgǝ mǝgǝgǝ ho, sǝran rang rang ho. M-deje nge ndoo yãã yai gǝ kadǝ tǝbanǝn dɔn tǝ kɔɔkǝ, bǝ asǝn lee. ¹⁹ Jeju tur dǝ ǝdǝ nɛ: I sei nge kem ngãã kǝ koonii laa gǝ n ndoo, kum mbang kondong n m-nditǝ nɛɛ sesi nǝ? I kum mbang kondong n m-tǝgan tam sesi nǝ? I-ɗeei sene rɔm tǝ laa. ²⁰ Ɗeen kǝ ngon nǝ adǝn, lo n ndil kǝ maj lee nǝ ãã Jeju ɓaalaa, tamǝn tam too lee ɓaa ǝndan nang tǝ parak, b turǝn marǝ marǝ adǝ huulu kǝ ndaa tee tan tǝ mbɛt mbɛt. ²¹ Jeju deje bɔbǝ ngon nǝ: Mõy n ndoo ɗaan i ndɔ kondong ɛɛ? Bɔbǝn tel ǝdan nɛ i kǝ kasǝn nee nuu. ²² Ndil kǝ majǝ lee nǝ, a ǝnan horo ho, kum man tǝ ho, adǝ a saa i-tɔlǝn, ɗe asǝ ɗaa yãã kogii ɓaalaa, ãã kum tondoo yaji, bǝ i-ɗaa seji. ²³ Jeju idan nǝ: Ɗe asǝ ɓaa i-taa kem. Tam dee n taa kem noo, asǝ ɗaa yãã malang. ²⁴ Tamn tam too lee ɓaa, bɔbǝ ngon ǝdǝ kǝ ndun kǝ boo nǝ: M-taa kem, i-ɗee, i-dĩĩm dǝ taa kem yam kǝ hɔɔlɔ tǝ. ²⁵ Lo n Jeju ããyǝn ngɔdǝ kum kǝ rɔdǝ tǝ, nee ndang ndil kǝ majǝ lee nǝ ǝdǝ nǝ: Ii ndil kǝ mundǝ ho, kǝ mbiki ho, m-ǝdai kadǝ i-tee kɔɔkǝ ho, a i-tel udǝ gogǝ lee batǝ ho. ²⁶ Ndil nǝ soom ho, turǝ ngon nǝ kǝ tɔgǝn nɛɛ ho, bǝ tee kɔɔ kǝ kemǝn tǝ. Ngon nǝ tootǝ titǝ kǝ koy bee. Adǝ kosǝ gǝ ǝdan nǝ, ngon nǝ oy kɔɔkǝ. ²⁷ Bǝ Jeju ǝwǝ tǝ j́in unǝn dɔɔ, adǝ ngon nǝ ĩĩ ndatǝ dɔɔ. ́ ²⁸ Lo n Jeju tel udǝ ndogo ɓee ɓaa, nge ndoo yãã yan gǝ dejenǝn najǝ kǝ kogǝ dǝ, j-asǝ tǝbǝ ndil n ndoo lee i tam ɗi tǝ ɛɛ. ²⁹ Ndil kǝ bee gǝ n ndoo a i-tǝbai dǝ i kǝ ndɔyɔ ngoy. ³⁰ Dan ĩĩn loo n noo tǝ aan kǝ go nang kǝ Galile tǝ Jeju ndig kadǝ dee gǝ gerǝn gon lee. ³¹ Jeju ndoo nge ndoo yãã yan gǝ ǝdǝ dǝ nǝ: A ǝlan Ngon Dee ji dee gǝ tǝ kadǝ tɔlǝn, bǝ a tɔsǝ dan dee kǝ koy gǝ tǝ, kǝ ndɔ kǝ kõ mǝ. ³² Bǝ nɛn gerǝn kum najǝ n noo lee ho, ɓolǝn dejen gir ho. ³³ Ɗeen ugǝn Kapernayum tǝ, bǝ lo n nɛn i kuju ɓaa, nee deje nge ndoo yãã yan gǝ, kee nejǝn naa najǝ i dɔ ɗi tǝ ɗobo nǝ wǝ? ³⁴ Bǝ nɛn ndin tadǝ mboo jǝkɛɛ, tam nɛn nejǝn naa najǝ ɗobo, ke dandǝ tǝ nǝ kee i naa n i kǝ boo nǝ wǝ? ³⁵ Jeju nditǝ nang tǝ bǝ ɓar nge ndoo yãã yan kǝ kutǝ gidi joo gǝ nǝ mbakǝ, bǝ ǝdǝ dǝ nǝ: Dee n ndig tel kǝ kete ɓaa majǝ kadǝ nee tel kǝ go gogǝ ho, majǝ kadǝ nee ɗaa ɓer yǝ madǝn gǝ malang ho. ³⁶ Nee un ngon kǝ duu ǝndan dǝdan dǝ tǝ, nee unǝn kǝ jin tǝ, bǝ ǝdǝ nǝ: ³⁷ Dee ǝwǝ ngon kǝ duu kǝ titǝ madǝn ndoo kǝ rɔn tǝ, kǝ rim ɓaalaa ǝwam i ma. Bǝ .ɗe dee ǝwam kǝ rɔn tǝ, ɓaa ǝwam i ma ngoy lee, bǝ ǝwǝ i ngẽn ǝlam nǝ. ³⁸ Jãã ǝdan nɛ: J-ãã dee kogǝm tǝbǝ ndil kǝ majǝ lee gǝ kǝ rii, bǝ j-ɔgǝn, tam un goji lee. ³⁹ Bǝ Jeju ǝdan nǝ: Ɔg ni lee. Dee kǝ asǝ ɗaa yãã kǝ majǝ kǝ rim, asǝ mbatǝm lee. ⁴⁰ Dee n im ji lee nǝ i seji nǝ. ⁴¹ Dee n adǝ ngon nge kǝlǝ yam man kãy kem kal mana, tam i dee yam ma Kris ɓaalaa, kǝwǝ a ing kǝgǝ yan kǝ rɔ rɔ gǝ tǝ. ⁴² Bǝ dee tel bede adǝ iigǝ kǝ duu gǝ n taan kem too ɓaa, i soo tǝ kadǝ dõoõn mbal kusǝ yãã kɔn tǝ, bǝ bĩĩ inanǝn kum ɓul baa tǝ. ⁴³ ɗe jii i bedee kadǝ ɗaai kadǝ oso kem majal tǝ ɓaalaa, i-gagǝn kɔɔkǝ. ⁴⁴ Kǝ soo tǝ n, majǝ kadǝ udǝ kem kum kajǝ tǝ kǝ bedee rɔi, majǝ ngãy kadǝ udǝ kǝ rɔi malang kum hor tǝ. I hor kǝ a oy lee. ⁴⁵ Ɗe njai i bedee kǝ kǝ kadǝ oso kem majal tǝ, ɓaalaa i-gagǝn kɔɔkǝ. Kǝ soo tǝ tam yai tǝ nǝ, majǝ ngãy kadǝ udǝ kem kum kajǝ tǝ kǝ moto. ⁴⁶ Tɔy kadǝ aa kum hor kǝ a oy lee kǝ njai gee joo mbakǝ. ⁴⁷ Ɗee i kumin i yãã n a ɗaai kadǝ oso kem majal tǝ nǝ ɓaalaa, majǝ kadǝ ɔrǝn kɔɔkǝ ɗɛr. Tam majǝ ngãy kadǝ udǝ kem kõɓe yǝ Nǝbǝ tǝ kǝ kumi kǝ koggi, tɔykadǝ aa kum hor tǝ kǝ kumii gee joo mbakǝ. ⁴⁸ Kede gǝ kǝ kum hor n ndoo tǝ oyǝn lee ho, horr nǝ ee oy lee batǝ ho. ⁴⁹ Tam a hɛlǝn hor katǝ dǝ dee tǝ kogii kogii. ⁵⁰ Katǝ i yãã kǝ majǝ, bǝ ɗe mǝran tee kɔɔkǝ nǝ, dee a ɗaan i ɗi ɓay tõ nɛɛ. I-ndii kǝ kata kem si tǝ ho, i-ndii lɔmɔ kõrõ si tǝ kogǝm kogǝm ho.