7 ¹ Parij gǝ ho, nge sǝyã maktub kǝ madǝ gǝ n ĩĩn Jerujalem ɗeen nǝ, ɔsǝn dɔdǝ naa tǝ rɔ Jeju tǝ. ² Nen ããn kadǝ nge ndoo yãã yan kǝ madǝ gǝ ǝsan yãã kǝ jidǝ kǝ woro, adǝ anjǝ togo. ³ Tam Parij gǝ ho, Jwip gǝ malang ho, a ǝsan yãã anjǝ togo jidǝ nja ngãy lee, kǝ go yãã kag ɓe yadǝ lee. ⁴ Dan n Parijj gǝ telǝn ndaa ɓaalaa, togon jiidǝ nja ngãy paa taa ǝsan yãã ɓay. Nɛn ǝndan kudǝ gir yãã ǝrang kǝ titǝ tǝgo jar man gǝ, kǝ waa gǝ, kal man gǝ, bay gǝ, bugǝru gǝ, kǝ sesǝ g, taa yãã kǝrang gǝ i ngãy ɓay. ⁵ Parij gǝ ho, nge sǝyã maktub gǝ ho, dejen Jeju nǝ: Nge ndoo yãã yai gǝ ɗaan yãã kǝ go yãã kag ɓe n ngǝ tɔg gǝ ǝdan na lee, bǝ ǝsan yãã anjǝ togo jidǝ i tam ɗii tǝ ɛɛ? ⁶ Bə Jeju ǝdǝ dǝ nɛ: Sei nge gol kum dee g, najǝ n ɔjǝ ɔjǝ n dɔsi nǝ i kǝ goo. Ne ǝdǝ nɛ: Dee gǝ n ndoo ɗɔymǝn i ndar tadǝ tǝ laa kari, bǝ kem dǝ i sãy ngãy sem. ⁷ Tɔy n dee gǝ n ndoo tɔymǝn to kumǝn goto ho, sǝyãn i ndunajǝ yǝ dee gǝ bǝ ɗaan kadǝ i kadǝ i ngǝrǝ ndoo yadǝ gǝ ho. ⁸ I-mbati ndunajǝ y Nǝbǝ, bǝ i-dõõi rɔsi ngãã kǝ ndunajǝ ya dee gee. ⁹ Bǝ ne tel ǝdǝ dǝ: I-mbati ndunajǝ yǝ Nǝbǝ lay, kadǝ ǝwai nɛɛ yãã kag ɓe yasi ngãã. ¹⁰ Tam Mooj ǝdǝ nɛ: I-ɗɔy bɔbi ho, kõi ho, bǝ dee n ɔr najǝ kǝ majǝ lee dǝ kõn tǝ ho, dǝ bɔbǝn tǝ ho, ɓaalaa a oy. ¹¹ Bǝ i sei idai nɛ: Ɗe dee idǝ bɔbn lee ɓaa idǝ kõn nɛ: Yããn m-saai kɔsǝn kili nǝ i Kɔrbã (adǝ i kad kari yǝ Nǝbǝ). ¹² I bee n hã i sei ɔgǝni nɛ kɔsǝ kil bɔbǝn ho, kõn ho nǝ. ¹³ I sei i-kusi ndunajǝ yǝ Nǝbǝ kɔkǝ kǝ yãã kaf ɓe yasi gǝ n kasi gǝ ǝyan adǝn si nǝ. Bǝ i-ɗaai yãã kǝrang kǝ tǝ noo gǝ i ngãy ɓay. ¹⁴ Ne tel ɓar kosǝ gǝ bǝ idǝ dǝ nɛ: I-saai, ooi najǝ n ma m-ǝdǝ si too, bǝ i-geri kum. ¹⁵ Yãã kogi kǝ kĩĩ ndaa kudǝ rɔ dee tǝ, kǝ ɗaan kadǝ yɛr gotoo. Bǝ i yãã n tee kem dee tǝ nǝ n ɗaan kadǝ yɛr nǝ. ¹⁶ Maktub kǝ sǝyã kǝ madǝ gǝ ĩĩn bal dǝ bersee n ndoo tǝ: Ɗe dee i kǝ mbin nɛ kadǝ oo ɓaalaa adǝ oo. ¹⁷ Lo n Jeju ǝyã kosǝ dee gǝ, bǝ tel udǝ kuju ɓalaa nge ndoo gǝ dejen kum ɗǝnǝ naj nǝ. ¹⁸ Jeju idǝ dǝ nɛ: Adǝ i sei nǝ ter yasi goto ɓay a? I sei ããi adǝ yããn udǝ kem dee tǝ nǝ, ɗaan adǝ tel kǝ yẽr a? ¹⁹ tam yãã nǝ udǝ i kemǝn tǝ lee, bǝ i tiin tǝ adǝ a tee yede kɔɔkǝ. Jeju idǝ najǝ n ndoo tǝ n ndoo ɓaalaa ɔjǝ kadǝ yãã kǝsǝ malang i kǝ majǝ. ²⁰ Ne idǝ ḍǝ nɛ: I yãã n tee kem dee tǝ nǝ n ɗaan kadǝ tel kǝ yẽr nǝ. ²¹ Yãã kǝ titǝ gir kǝ majǝ lee gǝ ho,saa naa lo kaya t ho, ɓog ho, tɔl dee ho nǝ teen i kem dee tǝ. ²² ray ho, kum ndaa ho, kem majǝ lee ho, ɓog ho, kaya ho, ngur kǝ majǝ lee ho, gangl dee gǝ ho, kɔjǝ rɔ ho, gal ho, ²³ yãã kǝ majǝ lee gǝ malang n ndoo teen i kem dee tǝ, bǝ i nɛn n ɗaan kadǝ dee yẽr nǝ. ²⁴ Ne ɔtǝ lon noo tǝ aa go nang kǝ Tir kǝ Sidõ tǝ. Ne udǝ kuju jǝkɛɛ, tam nee gee kadǝ dee ger gon lee. Bǝ nee asǝ ɓɔ rɔn lee. ²⁵ Tamǝn tam too lee ɓaalaa dǝyã kogi kǝ ndil majǝ lee ɗaa ngonǝn kǝ dǝyã oo kããn, adǝ ɗee oso njan tǝ. ²⁶ Dǝyã nǝ i dǝyã Grɛk kǝ Siro-Penesi tǝ. Nɛ ɗaan ɓɔɔ kadǝ tǝbǝ ndil kǝ majǝ lee gǝ n kem ngonǝn tǝ nǝ kɔɔkǝ. ²⁷ Bǝ nee idan nɛ: Adǝ ngan gǝ ǝsan yãã ndanǝn paa taa, tam majǝ kadǝ dee un yãã kǝsǝ tadǝ tǝ ǝnǝ adǝ ngan bis gǝ lee. ²⁸ Bǝ dǝyã nǝ tel ǝdan nɛ: Kǝ rɔɔ, Kǝwǝ ɓee, bǝ bis gǝ n ton gir tabǝl tǝ nǝ isan butǝ yãã n yǝ ngan gǝ n toso nang tǝ nǝ. ²⁹ Ne tel idǝ dǝyã nǝ nɛ: Tam najǝ n idǝ too nǝ, aa kǝ lɔmɔ. Ndil kǝ majǝ lee nǝ tee kem ngoni tǝ kɔɔkǝ. ³⁰ Dǝyã nǝ ɔtǝ aa ɓee ɓaalaa ǝngǝ ngonǝn kǝ dǝyã nǝ totǝ nang dǝ tǝraa, tam ndil kǝ maj lee nǝ tee kemǝn tǝ kɔɔkǝ. ³¹ Jeju ǝyã go nang kǝ Tir, bǝ man Sidõ kumǝn kǝ baa kǝ Galile tǝ, nee ugǝ dɔnang kǝ Dekapol tǝ. ³² Dee gǝ ɗeen kǝ mbiki kogii kǝ dǝngam kǝ kɔr najǝ tor rɔn ngãy, bǝ dejenǝn kadǝ indǝ jin dɔn tǝ. ³³ Nɛ ndɔrǝn dan dee gǝ t tee senɛɛ ndaa, bǝ tǝlǝ tǝ ngan jin mbin tǝ ho, ɗaa hor tan ɔdǝn tǝ ndõõn ho. ³⁴ Nee ǝnǝ kumǝn kǝ dɔɔ dǝrãã, tɛtǝ koo pĩĩ, bǝ ǝdǝ nɛ: Epata. kumǝn nɛ, i-tẽẽ tai. ³⁵ Tamǝn tam too lee ɓaa mbin ndɔbǝ ho, yãã n dõõ kǝlǝ ndõõn nǝ tutǝ adǝ ɔr najǝ majǝ ho. ³⁶ Nee taa dǝ kadǝ idan dee lee batǝ batǝ. Bǝ loo n nee taa dǝ ngãã ngãy kadǝ idan dee lee, ɓaalaa nɛn walǝn najǝ nǝ ngã man dɔɔ, ³⁷ Ɔr kum kosǝ gǝ ngãy adǝ idan nɛ: Nee ɗaa yãã malang majǝ ngãy. Nɛ ɗaa adǝ mbiki gǝ oon tam ho, nge gǝ n kǝlǝ ndõõ dǝ dõõ nǝ ɔrǝn najǝ ho.