14 ¹ Nany ndɔɔ joó ɓaa i ndɔɔ ra na̰a gaŋ dɔɔ kə a raan kə mapa kə kanj kaa. Kə boo ya nge kəja mos kadkari gə ho nge sinyɛ maktub gə ho oon naa ba saan rob kəwɔ Jeju kə məyɛrɛ kadə tɔlən. ² Taa tel ɔjin naa danditə «kad i ndɔɔ ra naa tə al na tegə gaknaa tee dan kos gə tə.» ³ Dan Jeju i Betani kuj ya Simɔ kə nge banjtə Jeju ndi ta nyaa kəsa tə anii, dinya kogəm ree ron tə kə kuu Albatre kə ros kə yib Nar kə kot maj kə kat ngany kemɛɛ. Dinya tɔɔ ku ɔg yibə do Jeju tə. ⁴ De gə kə mad gə neldə al ad nyurin naj dandətə, idan na kum nuj yib da i rii wa? ⁵ Yib Nar kə kot maj kə kat ngany kad ya gatə taan nar kə as deni ɓuuməta ya kad nge ndoo gə.» Jeju tel ndaŋdi. ⁶ Ba Jeju idadi na, «inyanii jikɛɛ. I tam ya rii ta adəniinɛɛ wɔŋ kə titibeewa? Dinyanənɔ ra i nyaa kə maj tam yamtə. ⁷ Nge ndoo gə a ndin sesiila kə ndɔɔ gə. Ad re i ndigii ra anɛ, ay ray maj sed, ba maa mam ndi sesii ngandaŋ ale. ⁸ Nii ra i nyaa kə tɔgən asra. Nii ra yib rɔm kad dubum nɛɛ. ⁹ Rɔkum ma mədesi, lo malaŋ kə donaŋ re ɔjii Naj kə maj ya Nəbə kutu ɓaa ɔjii naj gotə nya ra dinyanə to kad tel i nyaa gir don tə.» ¹⁰ Taala Judas Eskariot i i kə kogum dan kə kutəgidiijoo tə ow rɔ nge kə boo gə tə ya nge kəja moss kad karii tam ndig kla Jeju jiditnə. ¹¹ Loonə nge kəja moss kad karii kə boo gə oonə najənə too da raan ronel ba unən kɔdə kad nəadinə nar. Taanɛɛ ni sa ta rob ya klan nɛɛ jidi tə. ¹² Ndɔɔ kə dɔtal baŋ ya mapa kə kanj kaa, ndɔɔ kəja kɔɔ ngan batə gə tam ya nyaa kəsa naa gaŋ dɔ, nge ndoo yan gə tel dejenən ke i ra ni ndig kadə jaw tutu kad ji ra nya kəsa ya naa kaŋ dɔ kɛmɛɛ ya kad isa wa. ¹³ Jeju ila deg joo dan nge ndoo gə tə idadə na, «Awii kem bee tə, a i ndɔdi de madə i to joo man. Unii go de nɔ. ¹⁴ Unii go de nɔ, lon udu kujuu woy ɓaa awun gonə tə idanə kɔ kuju na, «ngol ji deje na kuj kə ra ma məsa nya naa gaŋ dɔ tutə naatə kə nge ndo gə yam wa?» ¹⁵ De ngen nɔ a ɔjisi kem kuj kə dɔɔ kə boo kə nyaa gə kə kemɛɛ i kɛ ra ketee malaŋ kad i ra i go nyaa naa gaŋ dɔ tutə.» ¹⁶ Nge ndoo gə ɔt awən kem be boo tə ɓaala ninə ingen nyaa gə malaŋ titən idadə nɛɛ nə. Ad nin ran go nyaa naa gaŋ dɔ tutə. ¹⁷ Ba re lo sol kɔɔ ɓa Jeju re naa tə kə nge ndo gə kə kutəgidijoo. ¹⁸ Lon ndin ta nyaa kəsa tə ndi san nyaa, Jeju idadi na, «rɔkum kad mədasi de kogəm kə dansitəla a i sa nyaa sem a i lam ji mad ba̰a gə tə.» ¹⁹ Nin malaŋ raan wɔŋ ad dijn Jeju naj kogəm kogəm ke i ma̰ wa?» ²⁰ Taala Jeju tur idadi i dansitə sey kə kutgidijoo, «ad i de nə ila jin gom tə kem kara a ilam ji de gə tə. ²¹ Rɔkum ngan dee aw lo tɔlim tə titə kə sinyɛn nɛɛ kem maktub tə ɔjin nɛɛ don. Na rotondoo i ya de nə ila Jeju ji mad ba̰ gə tə! Maj ngany kad kojnal i sootə. ²² Lon ndii san nyaa, Jeju un mapa ndad Nəbə ba tɛtə addi ba idadəna « i taa i. Entoo i da̰rɔm.» ²³ Goo tə gogə Jeju un kop ndad Nəbə ba addi nɛn malaŋ anyin. ²⁴ Jeju idadə entoo i mɔsim ad mɔs kij kun kɔ naa aŋ naŋtə tam ya de gə kə ngany gə tə. ²⁵ Kə rakum gə tə kad mədasi ma many man kand ndu gogə al mbɔŋ kad ndɔ kə nutə ma many kə kij kem kɔr bee ya Nəbə tə sesii.» ²⁶ Taanɛɛ ɔsiin paa kogum paataa te awun dɔ mbal gagə waɾa tə . ²⁷ Jeju idədə na sey malaŋ inyamikɔɔ tam sinyanə kem maktub ya Nəbə tə na, «Nəbə ida gə kul batə gə ad batə gə tiny naa.» ²⁸ Go gə mamə ndol, ma maw kete nɔsitə do naŋ Galile tə.» ²⁹ Piyɛr ida Jeju na re de gə malaŋ inyani kɔɔ gə gee a man minyanyə kɔɔ al batə.» ³⁰ Jeju ida Piyɛr, «kete kə rukum tə kad məday kete kaj kinja nɔɔ nja joo ay mbatəm jaa məta. ³¹ Piyɛr tel ida Jeju naj kə tɔgən nɛɛ ɓay tɔ, « re a tɔlən i mbe gəge a mam nej naj gerii al batə» ad nən malaŋ idanə tinə nɔ. ^{33 32} Gogə gootə te awnə lo mad tə nə a ɓarən Jetsemanɛ, Jeju ida nge ndoo gə yan kad ndin laa ba « naw nuu ya kad nə ndɔy.» Taanɛɛ Jeju un Piyɛr kə Jak kə Ja̰ aw sed lo ndɔy tə ɓa ilan gir ɓol adi hangaldi ndi majal. ³⁴ Jeju ida di na, «ngaraŋ kem ros wɔŋ ad ma̰ i ngɔr kad moy ba i ndii la janja.» ³⁵ Jeju ɔtə aw sḭ anɛ, əso naŋtə ndɔw Nəbə idanɛ re indig anɛ ad kum ɓaŋ əntoo man dom tə. ³⁶ Ni idana «Aba, Bra, nyaa gə malaŋ i gotə ɔr kop nə kɔɔ romtə. I ra go ndig yamtə ale ba i go ndig yaytita. ³⁷ Jeju tel re ingedi a ɓiinə i mbee ida Piyɛr na, «Simɔ, i ɓiia? I as kɔg rɔy mbi le i tam ritə?» ³⁸ Indolii ba i ndɔi Nəbə na tegə i soy ji Su tə Ndil ndig rɔgum ba da̰rɔ tɔgən gotoo.» ³⁹ Jeju tel aw ndɔy titi kə kete ɓay tɔ. ⁴⁰ Tel ree ingedi a ɓiini i mbee ad kumdi to i kə ɓii ngany ad ger naj kə ya kəda ale. ⁴¹ Jeju tel ree kə kɔɔməta ba idadə na, «i ɓii ngɔrlaa ho ɔrii koo ho ba kum mbaŋ as kɔɔ ad a ilan ngon de ji nge ra majal gə kad a tɔlən. ⁴² Ḭdɔɔ ba awii na nge klam ji de gə tə i ngɔr. ⁴³ Dan Jeju a ɔr naj anɛɛ, Juda i kogən dan nge kə kutgidiijoo reen naatə kos de gə ngany askar gə senɛɛ ho kə kaskar gə jiditə ho kə salaŋ gə jiditə ho nge gugdɔ gə wo nge ndaŋ maktub gə wo kum kɔɔ gə ho. ⁴⁴ Judas nge klanə ji de gə tə nə ra nyaa kɔj kogəm idana «de nə mamə djibi tam ɓaa i nɛ, uwɔni awin senɛɛ i ngomənɛɛ maj.» ⁴⁵ Danə Judas ree law ngay aw nda rɔ Jeju tə idana, «Ngolim» ba djibə tam. ⁴⁶ De gə indam jidi dɔ Jeju tə ba iwɔnənə. ⁴⁷ Lay ngany Piyɛr tee kə kiya tiga mbi de kogum dan nge gugdɔ gə tə gaŋ kɔɔ. ⁴⁸ Jeju Idadina «I rey rom tə tə kə ma̰ i nge ɓog kə kaskar gə, gə kə kiye gə ho kə salaŋ gə ho kad i rɔminɛɛ. ⁴⁹ Dan ma̰ i sesi mam ndɔɔ de gə naj ya Nəbə kə ndɔ gə kem kuj ya Nəbə tə ni uwɔmi lee, ba kə ngɔrnə totə, naj nə maktub ya Nəbə ida nə re najə.» ⁵⁰ Ba de gə malaŋ ni i kə Jeju ni nyanənə ba tii na̰ kə lo gə tə malaŋ. ⁵¹ Balsaa kogum unə go Jeju, ba nə ta kubu dɔn dɔn tə. Lonə de gə sanə kəwɔn ani, ⁵² ni inyan ta kubu ba ɔtə a̰ny girin karii. ⁵³ Gotə awən kə Jeju rɔ ngol nge gug dɔ kə boo gə tə. Ad nin i naa tə kə nge gug dɔ kə boo gə tə, kə um kɔɔ gə ho nge ndaŋ maktub gə wo. ⁵⁴ Piyɛr un gon dan woy tam, aw ud kem ndog ya ngol nge gug dɔ kə boo tə. Ndi naa tə a ndibin hor ta ndal kə ge ngom ta lo gə. ⁵⁵ Nge gug dɔ gə kə boo gə naatə kə nge kad kɔj kə boo gə ya Jup ge sanənajə kə kum tə kad nəwɔnənə kə naja ba i ngen naj kogum le. ⁵⁶ Ad de gə ngany reen kə naj kə rɔ al gə ba ingen naj kə rɔkum le. ⁵⁷ De gə ngany in kə naj kə kotə al reenɛɛ do Jeju tə ba idan na: ⁵⁸ «Djii joo na, Jeju idana « mamə kuj kə de gə ran ke jidi naŋ kə ba ndɔ kə kɔɔ məta mamə ra kuj kə de ra kə jinal gogə.» ⁵⁹ I tam naj too tə gigee naj kəkum tə kə ya kəwɔn nɛɛ isogonaa tə ale. ⁶⁰ Ngol ya boo ya nge gug dɔ gə ḭ dɔɔ dɔdandi tə ida Jeju na, «tam ya de gə nə ɔrin naj səlan girii ni, ɔr naj le a?» ⁶¹ Jeju dənaj le. Ndi tan mbɔɔ. Ngol ya nge gug dɔɔ gə dəjen na, «i i Kris a, ngon Nəbə ngen a tɔrnə tadə dɔn tə ni a?» ⁶² Jeju tun na ma̰ i nɛ. A a̰ny ngon dee a ndi dɔ ji ko̰ bran tə kə tɔgɔɔ ngany ho a ree dan kilman tə kə dɔra̰ tə oo. ⁶³ Ngol kə boo ya nge gug dɔɔ gə rinya kubu dɔntə ba idana «i say naj kə raŋ gə kə kum tə tam rii tə ɓay tɔ?» ⁶⁴ Siny malaŋ oy a gaŋ Nəbə yaji ni kad jiday na i ri. Maj kad ji tɔlin nə kɔɔ. ⁶⁵ Lon nɔ tə ilan gir tibin hor kum Jeju tə woo dɔɔnə kumən ho ba dijen nə na ida ji naj kə lo mundə tə ba təndan nə kə jidi gə, ba dijinənə na «idaji naj kə lo mundu tə.» ⁶⁶ Dan Piyɛr ndi gir mbogən nɔtə ni, ngon dinya kogum ya nge gug dɔɔ gə tə ree rɔn tə. ⁶⁷ Dinya ni a̰ Piyɛr a ndib hor anɛɛ idanɛ na «i i kogum kə dan kə Jeju kə Najarɛt wo.» ⁶⁸ Piyɛr nej naj idana mə ger de nə nɔ le. Go tə gog Piyɛr tee ndaga ad kinja nɔɔ. ⁶⁹ Ba de kə dinya kogum ida naj ɓay tɔ̰ idana «de nɔ i sed wo!» ⁷⁰ Ba piyɛr nej naj kə raŋ ɓay tɔ. Ba gootə kum mbaŋ kə sḭ tə anii de gən laa ni idan Piyɛr na «Rɔgum i i ngom kə sed tam i i de kə Galile wo.» ⁷¹ Ba Piyɛr lagir ndɔl rɔn ho tub kə ron ho, «idana mə ger de nɔ ale.» ⁷² Goo tə kra kinja nɔɔ kə kɔ̰ joo ad Piyɛr iga kemən dɔ najnə Jeju dan ti na «kete pataa kra kinja a nɔɔ nə a i nej naj kerim el njaa məta ad Piyɛr tee kə nɔɔ.