11 ¹ Bǝ ãã dan n a ɗeen kǝ Jerujalem, ugǝn ngɔr kǝ Betpaje, kǝ Betani tǝ, kadǝ mbal kǝ Olibiye tǝ, Jeju ǝlǝ nge ndoo yãã yan gǝ joo. ² idǝ dǝ nǝ: Aai kem ɓee n ǝndatǝ noo si tǝ noo, aai ɗe udi ɓaalaa a ããi ngon koro kǝ dõõn kǝ dee alǝn kete lee ɓay, i tutǝni i-ɗeei senɛɛ adǝm. ³ Bǝ ɗe dee deje si nɛ ke i tutǝni i tam ɗi wa ɓaalaa, idani nɛ i Kǝwǝɓe n geen nǝ. Nee ǝyan adǝ ɗeen senɛɛ. ⁴ Nɛn aan ɓaa ǝngan ngon koro nǝ dõõn gidǝ ɓe tǝ, nɛn tutǝn ɗeen senɛ. ⁵ Dee gǝ madǝ gǝ ndan noo nǝ, ǝdan dǝ nɛ: I-tuti ngon koro nǝ i yǝ ɗaan ɗi ɛɛ? ⁶ Nɛn idan dǝ titǝ n Jeju idan dǝ nǝ. Ɓaalaa dee gǝ nǝ ǝyan dǝ adǝ aan. ⁷ Nge ndoo kǝ joo gǝ nǝ, ɗeen kǝ ngon koro nǝ adǝn Jeju, nɛn ɓokǝn kub yadǝ gǝ gidǝn tǝ, adǝ nee al nditǝ dɔ tǝ. ⁸ Dee kǝ ngãy gǝ hɛlǝn kubǝ yadǝ gǝ nang tǝ ho, tɛtǝn tǝ ji kagǝ gǝ ɓokǝn ɗobo ho. ⁹ Dee gǝ n njiyan kete non tǝ ho, nge gǝ n njiyan gon tǝ nǝ ho, turǝn kɔl ǝdan nǝ: Ojana, dee n ɗee kǝ ri kǝwǝ ɓee nǝ. ¹⁰ Kɔr ta i kǝ dǝ kõɓe yǝ bɔbǝ ji Dabid tǝ. Ojana kǝ kem loo kǝ kǝ dɔɔ ngãy tǝ. ¹¹ I tǝ n ndoon Jeju udǝn nɛɛ Jejuralem nǝ, bǝ aa kuj kan naa tǝ, bǝ ãã yãã malalng. Bǝ lo sɔli ɓaa nee tel aa Betani kǝ nge ndoo yãã yan kǝ kutǝ gidi joo gǝ nǝ. ¹² Tee kǝ bini ɓaa, ĩĩn Betani tel ɗeen kǝ Jejujae]lem gogǝ. Bǝ ɓoo ɗaan. ¹³ Nee tee sãy ɓaa ãã kotǝ kogii kǝ mbin majǝ ngãy, nee aa rɔ tǝ gir kadǝ kee nǝ n-ǝngǝ kanǝn wǝ. Bǝ kanǝn gotoo bǝ i mbin ngoy. Tam naa kan kotǝ nay ɓay. ¹⁴ Nee ǝdǝ kotǝ nǝ nǝ: Dee kogii a i-sǝ kani tõ lee. Bǝ ngee ndoo yan gǝ oon najǝ n ǝdǝ nǝ.. ¹⁵ Nɛn ugǝn Jerujalem, man aan kujǝ kan naa tǝ, nee ǝlǝ gir tǝbǝ nge ndogo yãã gǝ ho, nge mang yãã gǝ, rembee tablǝ yǝ nge mbel gusu gǝ ho, rembee sesǝ yǝ nge gatǝ der gǝ ho. ¹⁶ Nee ǝyã dee kogii kadǝ udǝ kujǝ kan naa tǝ kǝ yãã gata lee. ¹⁷ Nee ndoo dǝ najǝ gǝ n ndoo idǝ nǝ: A ɓarǝn kujǝ yam i kujǝ ndɔy, bǝ i sei ɗaani kujǝ ɓogǝ yasi tǝ. ¹⁸ Nge gugǝ yãã gǝ ho, nge sǝyã maktub gǝ ho, oon najǝ n ǝdǝ nǝ, bǝ nɛn saan tǝ ɗobǝ kǝ yǝ tɔlǝn nɛ. ¹⁹ Lo sɔli ɓaa, nɛn tel aan. ²⁰ Kǝ ndɔɔi nɛn teen lon noo tǝ ɓaalaa, neen ããn kotǝ nǝ tutǝ dɔɔ batǝ ngǝran tǝ. ²¹ Igǝ ur Pǝyer dǝ najǝ n tagǝ bǝgee tǝ nǝ, bǝ idan nǝ: Kǝwǝ ɓee, kag ngaa n i-kõnjǝn nǝ oy kɔɔkǝ. ²² Jeju tel idǝ dǝ nǝ: Inai ur si adi Nǝbǝ. ²³ M-ǝdǝ si kǝ ɗokǝm tǝ, ɗe dee kogii ida mbal n ndoo n, ĩĩ oso kum baa tǝ anjǝ nej kemi tǝ, bǝ i-taa kem kadǝ yãã n idǝ too a ɗaa yãã ɓaalaa, a ɗaa yãã gar. ²⁴ Bee nǝ, yãã n i-dejei kǝ ndɔyɔ nǝ, i-taai kem kadǝ a ingai. ²⁵ Lo n i-ndai dɔɔ i-ndɔyi Nǝbǝ nǝ, ɗe aai kǝ naja kǝ dee kem si tǝ ɓaalaa, i-dejei mãyrɔ, ɓaa Bɔsbǝ si .dǝrãã tǝ a mãyrɔn dɔ majal yasi gǝ tǝ ho. ²⁶ Bǝ ɗe i sei i-mãyi rɔsi dǝ majal yǝ dee gǝ tǝ lee ɓaa, bɔbǝ si kǝ dǝrãã tǝ a mãyrɔn dǝ majal yasi tǝ lee ho. ²⁷ Nɛn tel ɗeen Jerujalem, bǝ gugǝ yãã gǝ ho, nge sǝyã maktub gǝ ho, kum kɔqɔ gǝ ho, ɗeen rɔn tǝ. ²⁸ Idǝ ji, i-ɗaa yãã gǝ n ndoo i kǝ tɔgǝ kǝ ɗaa? Bǝ i naa n adi tɔgǝ kadǝ i-ɗaan nǝ. ²⁹ Jeju tur dǝ ǝdǝ nɛ: Ma m-deje si najǝ kogii, bǝ i-turmi ɓaa ma m-ɔjǝ si lo n m-ǝnge tɔgǝ ndoo tutǝ a m-ɗaan yãã gǝ ndoo nǝ. ³⁰ Batɛm yǝ Jãã nǝ i dɔɔ dǝrãã kee ĩĩ i rɔ dee gǝ tǝ ɛɛ? I-turmi tǝ. ³¹ Nɛn nejǝn naa dǝdan dǝ tǝ, idan nǝ; N ndoo ɗe j-ǝdǝ nǝ, ĩĩ i dǝrãã tǝ a, nee a tel yǝ kǝdǝ ji kǝd nɛ, bǝ i taai kemǝn lee i tam ɗi ɛɛ? ³² Bǝ ɗe j-ǝdǝ nǝ, ĩĩ i rɔ dee gǝ tǝ ɓaa, nɛn ɓolǝn kosǝ dee gǝ ho, tam kosǝ dee gǝ malang gern kadǝ Jãã i ngǝmbang kǝlǝ. ³³ Bǝ nɛn tel turǝn Jeju nǝ: Je-geri lee. ɓaa Jeju tel idǝ dǝ nǝ, ma koo gee a m-ɗaa kǝlǝ gǝ n ndoo i tɔg naa wa nǝ m-ger lee ho.