¹ Tà lǝ Njendisǝ non kɨ ǝdǝ Joel ngonn lǝ Pet ne ǝdǝ nɛ̀: ² Sǝi bugǝ gɨ ooi majǝ sǝi koos doo gɨ kɨm ɓee'tɨ uri mbi si ooi tà nɛ̀! Ke gar nya kɨ titɨ kɨ ɓè tee kɛ̀m ndɔ kɨ lǝ si eke kɛ̀m ndɔ kɨ lǝ ɓɔɔ si gɨ wa? ³ Sǝi ɔri sǝr'n adɨ ngann si gɨ, ngann si gɨ ɔri sǝr'n adɨ ngann dǝ gɨ adi gir kà gɨ kɨ a orei go dǝ. ⁵ Sǝi kɨ yib ulǝ mbǝu dǝ si't, i ndǝli dǝ ɓi'tɨ a i noin! Sǝi nje kain mann ndu kɨ atɨ gɨ i ton-in tǝdǝ mann ndu kɨ sɔl nga nal tà si. ⁶ Tǝdǝ koss doo gɨ kɨ reei uri kɛ̀m ɓee'tɨ lǝm, ei nje tɔgmong gɨ kɨ kɔr dǝ dum tutɨ. Gɔg dǝ̀ è titɨ gɔg toboin a ngǝr-ngǝng dǝ̀ gea è titɨ lǝ kon toboin a tɔ. ⁷ Dè tujǝ kag ndu lǝm, dǝ tujǝ kag kote lǝm dǝ̀ gang mbi'n ndàt-ndàt, dǝ djang balkum ndu gɨ dadǝ ndai hǝw a tɔ. ⁸ I ndigǝ rai titɨ ngonn madǝ kɨ ulǝ kubu kuwǝ ndoo lǝ non'n gaw mandǝ lǝnn kɨ wǝi sǝ balsa'n. ⁹ Nyan nojǝ gǝ a nyan nojǝ kɨ siyǝ dǝ nya kujǝmǝs nga gotei kɛ̀m kǝi lǝ Njendisǝnon. Njekujǝnyanmǝs gɨ kɨ ei ɓǝrkulǝ gɨ lǝ Njendisǝnon ndii dann kumndoo'tɨ. ¹⁰ Ndɔr gɨ tuji ndàt-ndàt a dǝ nang uwǝ ndoo; Tǝdǝ kogɨ tuji a mann nduu kɨ sɔl goto a ubu gea goto a tɔ. ¹¹ Njendɔr gɨ tà igǝ sǝl, njendɔrndugɨ toin a tǝdǝ ko kɨ dǝ barǝ'n promen eke è dǝ bar'n ɔrj kɨ tuji , tǝdǝ ko kɨ kum kujǝ kɨ kɛ̀m ndɔr gɨ'tɨ gea tuji a tɔ. ¹² Kag nduu tutɨ a kag kote ɔr kujǝ a, kag kɨ dǝ bar'n grenadie a kag tumbur a kag kɨ dǝ̀ bar'n pommie a kag gɨ malang kɨ kɛ̀m ndɔr'tɨ ndolei a tɔ. Ranǝl goto dann nganndoogɨ tɨ. ¹³ Sǝi njekujǝ nyan mǝs gɨ i dooi ɓǝdǝ si a, i noin a tɔ. Sǝi ɓǝrkulǝ gɨ i rai kulǝ loo kujǝ nyan mǝs gɨ i ndi gei ra si! Ɓǝrkulǝ gɨ lǝ Nubǝ lǝm, i reei, i tulǝi kubu kuwǝ ndoo ra si'tɨ i tooi ndɔɔ saar adi loo ar dǝ si'tɨ. Tǝdǝ nyan nojǝ eke nyan nojǝ kɨ siyǝ dǝ̀ nyan kujǝmǝs nga gotei kɛ̀m kǝi'tɨ lǝ Nubǝ lǝ si. ¹⁴ Ilei kɔg kɛ̀m bò a, kuwǝ dǝ nan lǝ si kɨ too sǝ ni'n! Ɔsi nja ngatɔgɨ nan'tɨ doo gɨ kɨ kɛ̀m ɓeekon gɨ malang, kɛ̀m kǝi lǝ Njendisǝnon Nubǝ lǝ si i noin i bari Njendisǝnon. ¹⁵ Habi! an-in ndɔ nè! Tǝdǝ ndɔ lǝ Njendisǝnon nain ngɔr: è ree titɨ njedum dǝ loo kɨ tujǝ nyan ɓè. ¹⁶ D'ɔr nyan kusǝ tà kum jǝi'tɨ d4adǝ j'an-in le wa? Ranǝl sǝ kalra gotǝi kɛ̀mkǝi lǝ Nubǝ lǝ je le wa? ¹⁷ Ko nyan gɨ ubǝi bubungs nang a, kɛ̀m dam gɨ toi wǝi a, kǝi ngonm nyan gɨ tuji adǝ gɛ̀mɛ gea goto ndàt-ndàt a tɔ. ¹⁹ Titɨ kɨ dangɨ toin, kos mang gɨ gea ulǝi san-san tǝdǝ loo kul dǝ goto a, kos batgɨ gea kum dǝ too ndoo a tɔ. ¹⁸ Ei Njendisǝnon, è i kuwǝ m'non kɨ noin'tɨ! Tǝdǝ pɔr on mboo kɨ dǝ dilǝloo'tɨ a, sǝ ndon pɔr kɨ on kag gɨ malang kɨ kɛ̀m ndɔrgɨ'tɨ. ²⁰ Dangɨ kɨ wale gea noin rai'tɨ tǝdǝ kum kanran mann gɨ ii a pɔr on ndaa mboo kɛ̀ dilǝ'tɨ a tɔ.