¹ Khi Uyesu bene fu ni guza ka aduwa te, utsagbani ana de bia gede umali, nya sa paaza sesele-sesele me a me ni iku ne me te li? ² Uga gede, nya pa aza sesele inikpukpu ni kpukpu me? A ba so ya gbi, a nabo udode e gyengye la. ³ Khi Uyesu dende ni lugu ka oliva ni ga tsesa ka guza ka aduwa, Ubitulusu, Uyakubu, Uyahaya ni Andulu ne bia lige kyo. ⁴ Ge yi, etekino i beme ya yi, ngye iya vu senda me ya kpu gede i be me ya yi te. ⁵ Uyesu ge ba gede, nyine aka wulu gi gongo a ze ene la. ⁶ Bani ni gedu ne ba ebe ni liye ka mi ne gi ba gede, nimi n vu nna, gi ba gigi gi bani ni gedu ne e pili. ⁷ Nyine bene wu lika ka luka, nyine aka gba iye la, ibeye ya yi, nde wa nu gebye be la. ⁸ Bani e go idika gogo, gubo gime ba li afu ni gubo giye ne. Tize a me n se ni nneki ni gedu ne, lime a gu bani. Si ga yi te, a pa gengye be la. ⁹ Nyine a mo iwu ye ne ibo, ba gene ene ni itinibo e lu ene ni aza ya aduwa. Ba gene ene ni bagomo si igomina gebo ka liye ka mi. ¹⁰ Nde lika ka Usigapa wa za a go ce gi gase e bye. ¹¹ Aba mo ene gene vo ba, nyine aka sona wa ube ugege la, tuye te ulufu wa tsini ene ube ugege. Ulufu wa ge lika a gyi ene. ¹² Unuko wa tse unuko ana a gi gi a wa, Ada wa tse ubi a gi. Bebyi ba go Ada gogo gi ba wu ba. ¹³ A gye ene gebo ka mi, nde unime mo liye ge gebye wa wa ga na. ¹⁴ A bana me aka ibibisa ni ugede gede (uni me wa karanta te wa kpu) ba ni me mba le ni Uyahudi te ba tsa aki e go agu. ¹⁵ Unime guzi ba ni lugu be, uka ba ge si ibe yana ga ku gala, ¹⁶ unime u de ni uno, uka kolegi be ugbodo ana ge su la. ¹⁷ Aliwade a bani aye si ba ni m bangi bebi abatu ni izu ye te. ¹⁸ Nyine a me aduwa gi ukaba yi ni gugu ne la. ¹⁹ Liye gume a ma pa be la te, a ma, ka a gini a ma kata ga la. ²⁰ Avu gede Usigapa e tsu izu iye e bene la, anya unume wa na te la. Nde gebo ka ivavala, ba ni me u fune te, wa fulu izu ye. ²¹ To, nde unude u gene gede Uyesu ute, ko na ute, nyine aka wulu la. ²² Gebo gede Uyesu si ya ami ba ebe giba me aka ya anyini, gi ba wa ene a za. ²³ Nni ge ene ta! nyine a mo iwu ye ne ibo. ²⁴ Nde liye giye u ba ni kye, nneki ele gubi, upya a ta la, ²⁵ ize ya nki ya ba efu e lu tize, nki ya me nse. ²⁶ Nyine, a pa Uyesu gi wa si ni nki ni ntsi yana ne. ²⁷ Nyine wa ne imala'ika yana gi ba vala bani ya na e bene lubolubo gbi. ²⁸ Nyine nyine guzutu, ubana etu afe, to ugbo tsutsu ga ta tize be. ²⁹ Gebo giye te, nyine si ba na ba aka idadama, to une ni nu ganu ka ukpaki be. ³⁰ Gugusi, ibeye ya tu ene la, gase gume ebye la. ³¹ Tize ni nki ne ya bye, nde lika ka mi ebye la. ³² A vu Ada khili la, si ubi, si imala'iku, gongo a kpu utu ye ni uzu ye ne la. ³³ Nyine eke ze bala la, nyine a me aduwa gebo gede nyine akpu uzu ye ni utu ye ne la. ³⁴ U yi ga yi ka unume u ge nneki nabo befo ana gede ba na pa gam kana, gongo ni gatime kana ne, u ge uni nneki ga pu gede u ka ze bala la. ³⁵ T, nyine eke ze bala la, gede nyine akpu etekime uni gami wa be te la, dikate wa vu uzugane, dikate uvu utu gakigaki, ko gegigi tu me ukokoleki a gi gule te, ko ni ututu ne. ³⁶ Uka ba tue khi nya ze bala te lo. Ubeme ma ge ene te, ma ge ma gi gongo nyine eke ze bala la.