¹ Uyahuda ufe wa Usigapa, unịkiki wa Uyakubu wa gẹ lika ni banị ivala ya Usigapa Ada ime mba vu ya Uyesu tẹ̀. ² Liyeba, si liyesi ni gaye ne wa yi nene nẹ. ³ Ivala, tu mẹ, nma gbu ludu gi ma ka ma vo éne ni lutu ka ga na ka yite mā ka ma vo éne gẹ̀dẹ nyine a gbu ludu tsem ni lutu tsem ni lutu ka ubangaskiya ume e bene vo ene gbi te. ⁴ Banị de sese zu ene ni gewo-gewo. Ba vu bani me ā guzi ba gye be te, ba gine aniheli ya usigapa gene ni benyine ge ye, si ba ni me mba gye lika ka ada yesu kristi tẹ̀. ⁵ Ma ye ma te éne gẹ̀dẹ, si gẹ̀dẹ nyine kpu gẹ̀dẹ Uyesu fune banị ki tịze kọ Umasa, ne ni igi-yana, u zo banị me mba ge ga wulu tẹ̀. ⁶ Si imaleiku me mba mo litse ka ba ibola te, nde ba gi ki nni ga le ka ba usigapa ni ba le ni atsamgba gbogbo age ni gubi a pu uzu me ā za ba iwa te. ⁷ Usi yi gayi ka Usodomi ni Ugomola ne, si ile me i ta ba gigwo te, ba de iwu yaba ni aka ya banyine ni belolo ga ye ne. E su ba mo ni bani me mba me liye ni giwa gbogbo age te ne. ⁸ Ni utumozi udode banị bala ge kulu ba zo iwu yaba, ba gye itinibo, mba gini'a ga aka tsuku-tsuku ni lutu ka bani sensele. ⁹ Nde si Umuka'ilu Umálaika unikpukpu, tu ne wa me ga mintsi mba ku aka ni Usẹtan ne ni lutu ka gitsi ka Umusa te, wa ge aka ibibi ni lutu kana la, u ga gẹ̀dẹ Usigapa a gini'a. ¹⁰ Nde banị ye, ba tse aka a zune ni ibeme mba wa gaba kana la tẹ̀. Si ubeme mba wa gaba kana tẹ ubeme izikpa kpu te, ibeme ya gọ ba atu te i yi tẹ̀. ¹¹ Aluwade aba, gebo gẹ̀dẹ ba vu banị kanko ya Ukayinu, n ba gini ba tumozi ya Balaam gebo ka uluba. ¹² Imeni me vu ga gọ'a atu ni gapya kẹne ya gaye. Ba libe ba azi, ba li a gi iwu ya ba kili ba vu abembele me afu e vo ya e gine ba uzo tẹ̀. Ba vu iki me ba wu late itsitsi nne iva, isusu nu upọ. ¹³ Ba vu afu ibibi ni uteku ba yi luvu ni ginye ka azi ya ba. bavu ize ya nki ime mba wa nni ga yi late, ani gubi punu dim zi ba gbogbo a ge. ¹⁴ Enok, uni wa tova me a mo ni igi ya Adamu tẹ̀, ge lika ni lutu ka ba gẹ̀dẹ, '' pa! Usigapa wa be ni banị yana ni gedu ne, banị sensele. ¹⁵ Wa ebe gi uba za gọngọ iwa. wa ebe gi uba za bani ibibi iwa ni lutu ka ibe ibibi me mba me te, si aka ibibi me mba ni bibi ge ku'a tẹ̀''. ¹⁶ Ba vu banị ayibu, agubula ga le ba ba itimozi ibibi ya iwu ya ba. Ba gone iwu yaba ba gọ banị atu gebo ka uluba ya iwu yaba. ¹⁷ Nde nyine ivavala nyine a te aka me n matsi ya yọ Usigapa gẹ ekiyekiyete. ¹⁸ Ba ge ene gẹ̀dẹ, ni utu wa gebye, a nya banị iwulu gẹ̀dẹ me mba ba wa guwupa ka iwu yabate. ¹⁹ Ba vu banị me mba na gbasa bani tẹ̀ ba ba guwụpa, ba nya ulufu la. ²⁰ Nde nyine ivavala nyine a mé iwu ya nne ni ulufu wa ubangaskiya nyine a me aduwa ni ulufu sensele ²¹ nyine e vo iwu ya nne ni gaye ka Usigapa nyine a pu liyeba ka Uyesu kristi me u bene ulayi gbogbo a ge tẹ̀. ²² Ba liyeba ka banị me mba ni iye yaba sa iva tẹ̀, ²³ fune banị kiki ni giwa gi ba wa ga se. Ba liyeba ka banị kiki. ²⁴ Kyẹkyẹ mẹ, unime utsi gi wa gigi gi ika tu gine la tẹ̀, gi ugini a gigi gi nya gyengye ni uyaba ana tẹ̀, ²⁵ Usigapa ume gatime ni Uyesu ne u sẹ yi tẹ̀, wa gụ uyaba, tigọmo si ntsi kyẹkyẹme si gbogbo a ge. usayite.