¹ Betuzuge, ẹ bane vo ubi yeyeé Ugaius, umeé nme yé tẹ̀. ² De ge yeé gede ma gyi upeẹ gede nana nuú nbe kale su ulafiya meé uLiyi wo gye se na te. ³ Nime ma me imona moa nu utu meé uni vuva sami ube meé, na me ti te, ko tuzu ke gyeé se yi ti te. ⁴ Nime ma gyaá imoa na de meé ipeé nmeé te gala, gi nma wu gẹ̀dẹ babi yami a zutuzu ka kukwasi. ⁵ Liyeba kam gẹ̀dẹ gya tse neé lika sesele n ne me nna meé gatimeé a gyi banị evu va ya gyé su banị za. ⁶ Uni mé u bene lika ke gye tsini wo ga yé nu gazuge kọ Aduwa. Na meé lika ti mé nne neba tuzu gubé uvu ti wo Usigapa tẹ̀. ⁷ Gẹ̀dẹ, gebo kọ liye gume nba ge gase nba su gege nu alumai. ⁸ Nde neé iseya maba nna ba uyili me, gebo kọ ga gẹ̀dẹ ni ya vu banị ga ti me ti ga me. ⁹ Nemi n ka utakada gene vu Aduwa nde udiyotariffis uwa yeé gẹ̀dẹ a fulu a ban na te ugede wa guiyi la. ¹⁰ Nde nbebẹ mma a te lika kana sume uwa me tẹ̀ su n me uwa zu a yẹ yi nu uwo za banị kọ su banị tsuku ya aka ga me. Ume ma ugini tsa la ali ugini a gye bane iko yaná ugini a geba ni meé nbee ye gẹ̀dẹ niba a me tete ugine ukule banị nu Aduwa. ¹¹ Banị yeye yami ni ne a ka tsene akak bibi la, nde ngyi ne a tse ne aka sesele. Nde uni me uwa tse ne aka sesele game unawa vu wọ Uyesu uni aka bibi game wa kpu Uyesu la. ¹² Udimitiriya uyii te nú ugafu usenda nu uwoa a gugu ali ko su wozu wo lika te ni ma iwulu nane, ngya ma wulu ne ne gẹ̀dẹ ụ se ye tẹ̀. ¹³ Nemí ngya ibe na gadu ne me nmạ ka ma gé tẹ nde ma ye gẹ̀dẹ ma ká ya kaka me vo'a ne la. ¹⁴ Nde nami ma ye gẹ̀dẹ ma pé keke ni iyapo ni yapo ne, ¹⁵ bali gi gade lapya a de nene. banị ivu-va yami a le atsu, ngya du na gane atsu a vo banị ivu va liyene.