¹ Ufu ni itinebo ge nu nyine ni bebyi yana ne, ume nme yee ni iye yame tẹ̀, avu nakri la, si banị kiki yame imee nba kpu Uyesu te. ² Gebo kọ gasẹ kye ume uye neyine te, ula yi gbogbo a gẹ́. ³ Lika sesele , aneheli, liyeba, liyesi ume ufune Usigapa Ada wa yi nu Uyesu kristi ubyi wọ Usigapa ade niyine nu gaskiya ni geyene. ⁴ Ma me mmona gẹ́dẹ bebyi yane ide a zutizu nu timoze sesele kankọ mee n lika kọ usigapa tsine tẹ̀. ⁵ Kyẹkyẹ unyine me ma sẹbo, wavu ibe izizi ipepa na ka anya la, nde íme ise yí ní gbogbo te, gede ya ye idika. ⁶ Ge ye gume yaba ibe izizi yana tẹ̀. Na uvu ube uzizi ime iwu ne gbogbo tẹ̀, gẹ̀dẹ nyene a zutuzu nmo. ⁷ Banị ne gedu ne ime ba zabani tẹ̀ fu gase, iba gine wulu gede amo Uyesu ni guwupa la. Ba vu bamali yame ba za banị. ⁸ Nyene iwu yenye, ginye ka nabo tuzu gazu ni ibe me nnya kpu te ne la, gebo gẹ̀dẹ nyeba wa gamonu ka gatime ke nye. ⁹ Uni me uwa zutuzu ni ibe ibibi ime Uyesu aye la tene wa vu ubyi wọ Usigapa la. uni me uwa zutuzu ni ibe me atsina tẹ̀ unya Ada nu ubyi ne. ¹⁰ Nde uni de ube wazene uwa tsine ibe yelime la, nyane aka guwa ni gami kane la, nyane aka la atsu la. ¹¹ Uni me la atsu ude ni ibe ibibi yana do. ¹² Ngima nya ibe ne gedu ne ma ka ma gene nde ma kaya kaka la, gẹ̀dẹ nzi iye gede nbebe wuze nye gi ya pa idika gedegede, gi ya mee nmona za. ¹³ Bebyi yọ unikọ anye nu Uyesu ba la tsu.