¹ Imio̱me̱ ifo̱bo̱ so̱i, le mie'hon vba ya gho̱ngho̱n o̱hio̱ vba vbi li olo̱mo̱e, ama i lo̱ vi'ebe yi vba emo̱i emi li kpa gwe na vba hon, o̱ vbu egbe o̱ e̱me̱, o̱lo̱ khe̱ we̱ egbe ohiosi eya lian hi li'an wie̱ emi lo̱be. ² Kan'oya vba awa, kan'oya li ele bioba ebe, kan'oya e lea ria ue̱n ya. ³ Ama isa'ma eti si Oise̱le̱bua lo̱ zi ma ya ri egho̱ngho̱n gai Oise̱le̱bua o̱hio̱si ma ri'udu si Jesu Kristi, ukpe si agbo̱n o̱i ye̱n mai re yi mama legbe ma ihi eya la rita huei. ⁴ Aha mi oya lo̱lo̱ meti vbu emi ere̱me̱ re vbu Oise̱le̱bua vbu o̱khai, me̱me̱ o̱. ⁵ Evbu uhue̱ nime̱ e̱di ihio̱n la re̱ vbia'me̱, Ivbi oya si Izre̱li, i we si Ibe̱njamini iza diain're. Uha meti mi oya lo cie̱n Ihibrui le̱ me̱, Erierame̱ le̱'de ere̱me̱ Ihibru yan vbun, e̱he̱n Ifarisi yan re̱ hain uhi si Imosisi bi emi le erama lode̱ vbie'yan. ⁶ I mo̱i emi fio̱vbo̱ li agbo̱n rehain uhi eliyan mie'hon si Kristi mi'eso̱n o̱. Ari mi oya lo̱ ho̱ meti tar hi o̱mo̱i e̱gbe̱ li re̱ rehain o̱li uhi. ⁷ Ama emi ere̱me̱ lo̱ ha cie ee nime̱, i zo̱i'obo̱ o̱hio̱si Jesu Kristi. ⁸ Ya mi emi ere̱me̱ na ee ye'vbo o̱hio̱si ue̱n si Jesu Kristi o̱lo̱mo̱e̱ me̱, o̱hio̱ so̱i iya mi emi ere̱me̱ o̱i de vbo̱ so, ya gho̱i bi emi lo̱i hume̱ li re̱ mi ee visi Jesu Kristi. ⁹ La mi me̱ wegbe so̱i, I mo̱i iwata si egbe'me̱ vbo̱ o̱li uhi, Ama i mo̱i iwata o̱hio̱ aju'duan vbi Jesu Kristi, iwata isi Oise̱le̱bua oza vare o̱hio̱ aju'duan. ¹⁰ I sai gho li e̱n o̱i, eti si aza ewu cio̱re so̱i bi a mi esio̱n so̱i, i kho li'ya we emibi Jesu eghe lo̱ re̱ vbu. ¹¹ Labi o̱hio̱ iso̱na ikho li mi aza ewu ciere si agbo̱n le wu. ¹² O̱vbi ata hi ike mie̱n elemina le dai i ke gha le, ama igba ayie̱gbe li emi le bun emi li Jesu Kristi vbi nime̱ o̱. ¹³ Imio̱me̱, i o̱ si me̱me̱ legbeme̱ ise vbun o̱i, ama emi okpa ri'vbo, i e̱ emi lo̱ ri'vbi u'vbo'ho me̱ biemi lo̱lo̱ kpokpo me̱ vbi isawo. ¹⁴ Ayie̱n'gbe si ee la mie̱ vbi u cie mi si Oise̱le̱bua e̱ke̱in eni si Jesu Kristi. ¹⁵ Mai'mai ere̱me̱ li ma ke cie̱n o̱'ohia, ma ya e'nima bi uha e ede'dan we̱ mo̱i emi Oise̱le̱bua lo̱ ro̱i vbie̱ o̱i. ¹⁶ Ama emi li ma se̱ mo̱i, ma mo̱i le̱se̱n. ¹⁷ Wa ya regbe ome̱ imio̱me̱, wa ya ghoi li'an shan ela bi'vba li mai. ¹⁸ Ogbere yan shan elekpa ni vba ho̱n, eyan ya ri ami'evie tai, bi eli yan lian mi Jesu. ¹⁹ Ehi si'an li bi o̱ria, Oise̱le̱bua sian li e̱ke̱ in si'an, iluai'egbe yo'humi si'an lihi e̱ho si'ain emi si agbo̱na o̱kpa yan e.