¹ Ijudi, ovbidogho si Jesu Kristi, li omio̱n Ijamisi, re̱yi ea Laecae, imio̱nmen vbe̱ ke̱in Oise̱le̱bua li era, lou khi are zobogban li Jesu Kristi. ² Ilueke̱n bi o̱fure ni ihume̱ke̱n oi'debavba iseki'seka. ³ Imio̱nme̱n, ebiai riakha lire von emoin amie̱nfan s'amai ere̱me̱n, lire̱ vin ena lire̱ vbu'vba ude livba riakhaa vbi o̱hio si amie̱nho̱n la wun yi ele mie̱nho̱n. ⁴ Eke̱n ata ea eso do'o ore vbi uhe'egbe vb'use vba. Ena vbi ea li ae̱'e̱n si ikhueo riain vb'egbe. Evbi ea niain moin ilo̱fen si Oise̱le̱bua niain deli ese̱'ohe̱n si Oise̱le̱bua yi ukpode'ohan, niain sin olo̱mo̱e̱rnma li Jesu Kristi. ⁵ Ilo̱ e'evba emi're sokpen vba kpao e̱in emi'vbokhi o̱lo̱mo̱e̱mai fan e'ea vbi oto̱i si igipti sokpe̱n o̱ke ran o̱'khuei eso'o niain mienho̱n. ⁶ Iyo̱ gbo'o̱ re̱yi ekhe̱n e̱hi liain wuei ehe siain, niain fi ehe si udia siain o̱vb'oto̱i Oise̱le̱bua ke huaian o̱vbi e̱ke̱n ighain re̱le̱'re̱le̱, vbe̱khe̱n obi siaso̱n vbi eimi si ihiamivin. Elo̱ evbi evbo se̱vbi o̱li ukpode li Oise̱le̱bua lo vbi ighae̱zon siain gbo ri oiya siain niain. ⁷ Iyo̱ lagboimie̱n, ea ie'evbi e̱vbo si Isodomu bi Igomora bi ela'errivbi Ulaga'a siain re vbi o̱kho̱'o̱ si oghe̱'e̱. Oghe̱'e̱ ohohan lo do̱in vbi o̱li Oise̱le̱bua mama re. Vbo̱hio̱ so̱na li Oiselebua re khuei evbo siain'o. Emo ruain yi eli ea'ain bi eli ehi'ain vbi okhum'eimi revbi khi Oise̱le̱bua lo ri oya li ea'e, elabi enia vbie emi lo̱ do̱in vbi ukpod'ata, vbi e̱ke̱n erian si eimi lobe. ⁸ Iyo̱ain'o, eli ea na lerivbi use'evba liain gbo fi'egbian ekpe̱n ub'egbea vbi ukpo̱hio̱ si oghe̱'e̱. Erian tai khi Oise̱le̱bua lo ri aghuan niain re vbi elemina. Sokpe̱n ei'rekhain uhi si Oise̱le̱bua, iyo yiain gboi khuei ekhe̱n e̱hi so̱i. ⁹ Eghe lare̱mie̱n khi Maikiel bi Esun khaeru o̱vbi o̱lolo mo̱i ase o̱vbi ekuoimi si Moses, oi'io̱ kho̱ ghue'o, emo̱tai ikhi'i "O̱lo̱mo̱e̱mai o̱lo̱ r'oya na'ae". ¹⁰ Sokpen ea lia viemi vb'emoian na yian teta lo̱be vbe̱mo̱in emikhemi lo̱hume̱n lou khiyain za en'emi. Erian vbi eam'ogo lian ya o'ouhumi, erimide emikhemi niain meti gue lo si ikhueo yiain. ¹¹ Oise̱le̱bua lo̱ ri ioya okhueme'e li ea lian vbi linan. Yiain we'ei uen elabi si Ikeni. O̱kho̱'o̱ niain uoiyiodan yi isi Balaam o̱hio̱ s'egho, eriain lo ue'u elabi kora, lokpayi Mosisi sum'abo. ¹² Eli'a na ubi udo lo̱rivbi e̱ke̱n e̱da li ok'e̱da oza su'uhumi. Ekha kpaye̱ gho̱ngho̱n, ekhoi ikha win'ain, erimidi emo̱in emae si o̱e̱nghe̱me̱n si egbesiain niain o̱'rekhian. Yian ubi okhumi'lo̱bi lo̱i run ame̱n, li efio da'an kua. Eimo̱n emilo̱sen niain u, ohio khi yiain ubi oran lako̱i loi mi ikperan, lovun deu. ¹³ Yiaubi efio lobe lo kpokpi okp'eda, niain hu'uhumi s'ekho̱i. Ukpahien lo dadai niain'u, lo̱u khi eo'ason lori re̱le̱'re̱le̱. ¹⁴ Enock ovbi Adamu lo̱zihio̱n lotai kho, "Ka'eo o̱lo̱mo̱e̱mai huai e̱gbe̱n e̱ghe̱n si ea lefuan so̱i vade. O̱vade lo̱'ovbi ighae̱zo̱n si o̱ia'ikhoia. ¹⁵ Ovade lo̱re̱o rioya si e̱mi'khe̱me lo̱be lau loi dewuin aho si Oise̱le̱bua, bi atalobe latai yio. ¹⁶ Ena vbi eniain mo'ovbunu, eniain gue̱zon nian rekhian aho'o siain. Yiain yan ruo̱ niain ri ika he̱e̱i e'evbe'e. ¹⁷ Sokpe̱n we̱we̱, omio̱n'me̱n, e'ere eta'ikheta li ivbiodogho si ao̱mo̱e̱mai tai vbi eghe lo̱rare. ¹⁸ Etai lavbaho̱n khi "E̱ghe̱ si ikpuokho ea lei humeken ata, niain lo ya ri aho'o si egbe s̱iain sian lo vare. ¹⁹ Eli ea na loya ghiyi ue̱n. Isi o̱lagbo̱na le kian, eimo̱in eti-lo̱fuan. ²⁰ Sokpe̱n wewe, imio̱n'men, vba totobo̱ mo̱in iyao vbi amie̱ho̱n, vbaya lie ero̱mo̱n vbe̱ke̱n eti'lo̱fuan. ²¹ Vba wu'egbevba o̱vbi ihume̱ke̱n si Oise̱le̱bua, vba muzan khei itue̱ke̱n si O̱lo̱mo̱e̱mai li Jesu Kristi lo̱ri agbo̱n lo̱i mo̱i ireso navba. ²² Vba ya mo̱i itue̱ke̱n yio elemo̱in azio'eva. ²³ Vba fan eso, vba sumiain vbe̱ke̱n erai. reyi eno̱i vba mo̱in itue̱ke̱ vbe̱ke̱n ofen. Vbae si kei uen lo̱kie̱in isi o̱lagbo̱na ukpo̱kpa. ²⁴ Yi o̱lo̱lo̱ meti fan'en lukere̱ de, lo̱lo̱ meti ze muzan vbi o̱khai si isao so̱i, vbe̱ke̱n khi umo̱i ihuan, bi vbe̱ke̱n egho̱ngho̱n lokhua. ²⁵ Reyi Oise̱le̱bua ukpo̱kpa li osimuan khiain vbobo̱ si Jesu Kristi li o̱lo̱mo̱e̱mai, likhi okha, ekpe̱n, utotomi, vbeghe ereme̱n, eyiain bi ire̱so, ise̱'e̱.