¹ Imio̱nme̱ vbai wui aduduan lō rivbi e̱ke̱in Jesu Kristi O̱lo̱mo̱e̱mai, O̱lo̱mo̱e̱n si o̱khai, ya debai agbo̱n eso. ² Asegaze o̱a ovbi ekue vba owei o ukpighain si golu ikpulo̱humose̱n, bi olesomgbe lo̱ ovbio̱ bi ukpu lo̱ gbiwan. ³ Ukha ghoi o̱lo̱ weiukpu lo̱ hunmose̱n ole̱ghe̱ utai, "khako̱n dia vbi ebo̱ hunmose̱n." vbekein khu o̱i ole̱ so̱n o̱gbe, "o̱muzan vbi evbo̱" dai, "dia vbi etawe̱me̱n." ⁴ vba ya ghai e̱zo̱n si egbevba'a? vbai debai elian ghai e̱zo̱n si ehe̱in vbi ao si uduvba'a? ⁵ Daeho̱n, imio̱nme̱n li imo̱nhe, ki Oise̱le̱bua ze̱i vbusemai ea li e̱so̱n o̱gbe lere fe vbe̱ke̱in ajuduan bi eli eukun si e̱ghe̱o̱ba kho̱ gbo vbi uruo̱mi re̱yi ea lekhume̱ke̱o̱n? ⁶ Am,a vbakefai e̱kpe̱n si eleso̱n gbe aa! elefei kian rue̱n vba? yain ki khi ea lian sivba khuu yi ebaza ghai e̱zo̱n? ⁷ Yai gbo khuei livba debaa? ⁸ O̱re̱ ri vbiyo̱, ukha reo̱vbi uhi si ojie lo̱ lei, la vio̱vbi ovboto̱i, "Hume̱ke̱n ozeva se̱'e̱ elabi egbe'se̱," uvbo̱i le̱se̱n. ⁹ Ama ukha si agbo̱n eso ke̱'egbe le̱i eso, o̱kho̱'o̱ lua uain, alo̱ ghai e̱zo̱n si o̱lo̱ gbi uhia na'a. ¹⁰ Re̱yi o̱ikho̱ia lo̱ re̱o̱vbeta si uhi ereme̱n, lo̱ ke fido̱n vbi ayo̱kpa vbo̱, o̱kie̱n o̱lo̱ do̱in vbi uhi ereme̱n. ¹¹ O̱hio̱ Oise̱le̱bua lo̱ tai, "Egbi o̱ghe̱'e̱," lo̱gbo̱ o̱i, "Ukha gbudu gbo̱ia." Ukha khu'u gbo̱ia, luke ya gb'ogbe̱'e̱, ukie̱n o̱lo̱ do̱in vb'uhi. ¹² O̱hio̱ so̱na, zi eta se̱'e̱ bi are̱o̱vb'eta se̱'e̱ u'ubi elalo̱ vbighae̱zo̱n sian vbi si amie̱nfa. ¹³ O̱hio̱ khi ighae̱zo̱n lo̱ vare bi khai mo̱in itue̱ke̱n re̱yi ea liain mo̱in itue̱ke̱n. Itue̱ke̱n lo̱ kpi okhumi li ighae̱zo̱n. ¹⁴ Emile̱se̱n emo̱kiain, imio̱nme̱n, e̱gbe̱li o̱i khi yio̱in mo̱in amienho̱n, sokpe̱n o̱i mo̱in obia? O̱li obia ain lo̱ meti fa'ain? Akha mi omio̱n li o̱mo̱he da'a o̱lo̱ o̱kpo ¹⁵ so̱ lo̱i mo̱in ikpun bi emae si ukpe̱de̱, ¹⁶ li oto̱kpa vbi us'e'evba re̱'oi, "Yia sian vbe̱ke̱n o̱fure, siudu khae̱n uya emae kho̱n," vbe̱ke̱in khi uwui emi si egbe loho'o nain, iyi emile̱se̱n vba'ain? ¹⁷ Re̱yi iyo̱, amienho̱n ukpo̱kpa, lo̱i mo̱i obia, ero̱'u. ¹⁸ O̱re̱kpe̱dei'yo̱ oa lo̱metitaa, ''omio̱n ajuduan, bi yon gbo moi obia; ri ajuduan se̱ vbie̱me̱n lo̱moin obia, bi i lo̱ ri ajuduan me̱n vbie̱ re̱sha vbi obia me̱n. ¹⁹ Umie̱nho̱n khi Oise̱le̱bua o̱kpa lo ri vbo̱; uoi le̱se̱n. Ama ivbiudogho si e̱sun gbomie̱n o̱an hon, yan gbo gue̱ gue̱. ²⁰ Uholu'e̱n we̱we̱ lo oruru, khi ajuduan lo̱imo̱i obia'a omoiemo̱n'dewu ? ²¹ Abraham oi'chien era mai lazavbi e̱ke̱in obia ri ari ikhaee ni bo̱ re̱ win ovbio̱i li isaac o̱vbi okhunmi ikpe̱kpe̱ ²² Umio̱n khi ajuduan obia vbi e̱ke̱in obia so̱i, bi vbe̱ke̱in obia ajuduan so̱i omiegbe gianre̱. ²³ Ebelo̱fuan mo̱i awunsee lotai khi,'' Abraham mie̱n Oise̱le̱bua ho̱n, bi ako̱ire̱'khan re̱yi o̱fuan; bi era echie̱ o̱i omo̱in Oise̱le̱bua. ²⁴ Umion khi re̱yobia la re̱ ri o̱khai yi o̱ya o̱vbi ajuduan o̱kpa. ²⁵ Re̱gboshan vbi ukpode̱ li'yo̱, ki rehab gboghe̱ laṟe ri o̱khae nai vbi obiaa, bo̱re̱ mie̱n aye̱ uko̱ boi egbere ogbore̱ yiain rale̱ shan vbi ukpode̱ o̱viee? ²⁶ Li egbe re̱ sho̱ vbi etire ochie̱n euu, iyo̱ gbo o̱ re̱yi ajuduan re̱ sho̱vbi obiare o̱chie̱n euu.