¹ Re̱yi elemie̱nho̱n levbi ighumi, eiwuin ekpe̱n li ele mo̱i'iain vbi ukpode̱ ere̱me̱n. eivbi ena laire̱mie̱n kh'eni si Oise̱le̱bua bi emi la'vbie̱, o̱ide'o̱vbi ukhue'e. ² Oghumi lo̱lo̱mo̱in kie̱in o̱lo̱mienho̱n o̱eo̱ mio̱inle erimidi kh'o̱kpa lekiain vbe̱ke̱n amie̱nho̱n. O̱lo̱mo̱n oghumi lo̱mo̱in ikpaobo̱ likhi o̱la hume̱ke̱o̱in. Vbiei elemina, ugbo weweo̱i. ³ Akhami o̱ia lo̱ vbie̱i emi o̱dan ⁴ lo̱i dewin ukpode̱ s'ata si Jesu kristi, o̱kie̱in o̱lo̱ ze̱o̱vbevbe bi o̱li emi'iwuo̱i vbeo kuere. Ea liyo̱ nian khaeru o̱vbi emi lo̱i dewu'emio̱so da'a emo̱n eta eso, e̱mo̱n liyo̱ lo̱si imo̱e̱o, uro'o, ukhue'e, okhena si e'evbe bi ⁵ aihuroegbe eghei'kheghe si ea lei mo̱in udu'o̱kpa. Eimo̱n eme'fio̱vbi ata. Yian o'okhi ue̱n'le̱se̱n e̱fe aro̱i ho. ⁶ Ue̱n si ukpode̱ si Oise̱le̱bua vbe̱ke̱n o̱kho̱nme̱n li e'e ri. ⁷ Erimidi mai wui emi'o̱so vare vb'agbo̱n. Iyo̱ ni maikhai wui emio̱so s̱o̱vbean re. ⁸ Sokpe̱n, vbazuan mo̱in o̱kho̱nme̱n si emae bi ikpun. ⁹ Enian ho'o e̱fe nia deovbi idamighe, nian gbo deovbi ifi. Yian deovbi oruru bi aho'o lo̱mo̱in okhe̱na, bi emievbe lo̱ wui o̱ria'a bi ikhueo yian. ¹⁰ Erimidi si ihume̱nke̱n si egho lo si o̱be o̱do̱dan re. Eso lian ho'oi ke dode̱ vbi ukkpode̱ si amie̱nho̱n egbo si oya bu'u egbian. ¹¹ Sokpe̱n we̱we̱, o̱ia si Oise̱le̱bua, biegbe vbi elemina. Re̱o̱vbi ata u'umi, are̱u si aho'o si Oise̱le̱bua, are̱khae̱n si uhi, ihume̱ke̱n, ozie̱n, bi ifue̱n'egbere. ¹² Kho̱in okho̱n le̱se̱n si amie̱ho̱n. Gi agbo̱n-lo̱imo̱ire̱so wun'mo̱e̱n la'ecie ni. O̱hio̱ so̱na lure̱ ro̱se̱i vb'isao si e̱khe̱n o̱se̱i lebun vbo̱hio̱ si o̱hume̱me̱n. ¹³ Ikkpi o̱li ase̱ na na'a vbisao si Oise̱le̱bua, lo̱ri eti ni emi'khemi, bi Jesu Kristi, lo̱ti emo̱vbata ni Po̱ntio̱s Paeleti ho̱n. ¹⁴ Reo̱vbi uhiu le̱se̱n'le̱se̱n, bi khaimi emi lalo̱za sowe̱ unu, se̱vbi avare si o̱lo̱mo̱e̱nmai li Jesu kristi. ¹⁵ Oise̱le̱bua lo̱ri azeo si avare so̱i vbie̱ vbeghe lo̱'eo̱vbo̱ - Oise̱le̱bua, lo̱'mo̱i ihianba, utotomi o̱kpa lo̱rivbo̱, o̱ba lo̱rivbȯ̱, o̱lo̱mo̱e̱nmai lo̱re̱mai s̱ian. ¹⁶ Yio̱in uo̱kpa lo̱mo̱n aye lo̱imo̱in ire̱so, lo̱rivbi ebi urukpa lai meti ghoi ebo̱ri. Aimi o̱lo̱meti mio̱in da'a lo̱meti zagho'oi. Re̱yo̱i likhi ekpe̱n bi utotomi li re̱le̱'re̱le̱. Ise̱'e̱. ¹⁷ Tali elefei si o̱lagbo̱na ho̱n l'eike ruo̱, l'eike diudu ain e̱fe laya meti mie̱n eghe̱i'ikhe̱ghe̱. Sokpe̱n ei diudu ain Oise̱le̱bua. Yio̱in lo̱ri e̱fe lata nuan lo̱mo̱in o̱e̱nghe̱me̱n. ¹⁸ Vba iain ya vb'o̱lese̱n, liain mo̱in e̱fe vbi si o̱se̱n u'umi, liainya re̱mi vbobo̱'re, leya an'ma ghaye̱ li e'evbe'e. ¹⁹ Yiain kha'vbina, yian ri emile̱se̱n yia li egbesiain khe̱'e̱ isao, li egbegbi agbo̱n lo̱re̱ siain obo̱. ²⁰ Timoti, re̱o khui ema're̱o̱we̱ vb'obo̱. Siegbe s̱o̱vbi eta si oruru bi ikhaeru lo̱i dewui ukpod'ata re. Ena ni eleie̱n o̱re̱ ecieo̱i oe̱n. ²¹ Ea eso mie̱n ena ho̱n lo̱ze̱i khi yiain re̱ fie̱mo̱n amie̱nho̱n do̱n. Esio̱he̱n i'debae̱.