¹ Dua na, mu, kei kulu a na mbiri mbara ga kulu ni puachi.Kei ni ara mbar wa, a chi gi ara a sum wa yi var. ² Ara a dign kulu kei, chi ni bbemi ga ni ndial wu,ga pul vuru,ga vuru yi bbemi. ³ Jorom a mbar wa pini, mbo chiri ga ara, a ,a mbo sum wa var.A mbo chiri ga ara jorom a kei kulu a vuanl aye, a ddang gi yei wa dora na pym ala. a hati gi kulu a kura.A mbo hati ara jorom a chiri jié fign wa a gei wa obur wa, a ki kula wa vua wa ting. ⁴ A mbi hati wa kulu a dign kula kei kulu ni kunei, ndua ma, a plei wa ndua gigrang ga choa chiri a wa ua. ⁵ a har wa pua plei gali ga wa obur wa mbiri am, a gi mbo ga ndua kula ara a ddang gi chana kulu a dekgem ini ala. ⁶ Kei ni mbara surum wa a chi gi ara a mbiri. ⁷ Ga wa-wa ji vet na, dign mu yi kunei ga wa ka a kura, choa a mu na hati na, dign mu yi kunei, ei ara a gual kura ka a mu ni. ⁸ Kei kulu a kura, a nde mbiri ger mu aye, ndua ma, ara a gei hati a mu ni-ni aye na, a mbo kui kulu mbrang a kei na mu aye, ndua ma a ga kulu vuanl mei a kei na mu aye. ⁹ Mangi mbo tong kimla ga wa-wa ka ji vet. kimla yi gi mbo ka miyim ga wa puachi, a mbiri ger kulu ga kimla daggri aye. ¹⁰ A mbiri ka juri aye, ddang na, a mbi ka wa a ga ndial wu a kura, kula ná tong hati a dekgem ini bâa a wurei na. ¹¹ Ndua ma pul gei a Dekgem ini kula na ting vet. ¹² Gi hati na ma, na sang wa ka a vuanl wa yei ami, wa a na-na gi ka yi myim ga puachi wa, hati na ma, na chi gi ara a dign kulu, ga ara a dindei, ara a gei Dekgem ga chiri a na-na a jok-jok ni nde. ¹³ Gi dua na, china gual ni, kula am wa kui a na-na wa, ei na dora ga ni puachi ga dum ni nde, Dekgem a bengle, bâa a wurei na Jesus-Christ.