¹ Paul mangi a Jesus Christ ini, ami ga na ina vié Timothé.Philémon, na kumbara a pulvuru. ² Apphia, na ina vié a jono, ga Archippe na koni a chua pori ami a jié a dekgem ini, a na yop na ga ching. ³ pul vuru a dekgem ini a chi ga ni daggri ami honri bblang a na bâa jié Dekgem ami hini vié Jesus Christ ini am. ⁴ Mi har ni Dekgem dding ga dding, mi ta Dekgem ni mu. ⁵ mi tong mu kura ami, ga ndial wu mbrang a mu na ka ga dign a Jesus-Christ ini, ami ara vet a, a na, na kulu-ba. ⁶ Mi ta Dekgem kula yop a ga ndial wu a ni-ni a chi gi wa kula wa a kura wa ting vet ga na hobolji kula christ ting. ⁷ Ndua ma mi ki yi myim ddigla ami ga bbemi a pul vuru,kula ina vua a ndial wu bbemi ga hini daggri. ⁸ Ddang na, chua mi na kui mbara ga Jesus yiri na, a chigei ni mi vum pul ga jok-jok ga wa a mu na mba kaa ⁹ .Gi dua, kula pul vuru ga ting ka ,mi mbuk mu ga dua aye.mi paul, ndea mbagla, jok-jok na, mi gi mangi a Jesus ini. ¹⁰ Mi har kieri ni mu kulu ni kula mi vie Onesim ting ga chua a na vuru mi. ¹¹ Ndua ma gi wa mbbara aye ga jein tek kula mu ting, Ddang na, jok-jok nde, mba mu ami mba mi am. ¹² Mi honi ni yei ni mu, hini nde am mi pul ddigla. ¹³ Mi doa kula vuru ni ga mi yiri. ndua kula gi mbo mbara mi kula mu ting ga choa mi na gi plei choa dein a Degem ini. ¹⁴ Ddang na,mi mbiri ka wa a ga gei a muni aye. Mi gi gei ma mu wa a kura wa a ki ga di-ndey .Ndang na ga pul gei a mu ni, diekla ¹⁵ gi dua be gi ddigei vara ga mu daggri ga chualmi, kula ma mu mbo har kui ni kalwu. ¹⁶ Gi mbo chiri ga mangi aye, mbo chiri del mangi. dua na, kura kula chiri ina vie a pul vuru. Mi gei ni ddigla, ami gi wa kura ddigla kula mu ting ga mu sinl ji ami ga Baa ji. ¹⁷ Ami dié mu gi mi ni ma na, am ni die mi ma. ¹⁸ Chua ma viney mu wa,wala mbo na mu wa ga ni hobolji na, sang ni ei ga mi puachi. ¹⁹ Mi paul, mi kieri ga mi ju baba, mi har na mu. ²⁰ Mi be kei na mu ma, mu a mei mu yi kula mi ting aye. ga ndua,ina vie, tong-mi ga dign a Dekgem ini.tang mu yi ga Jesus christ yiri. ²¹ mi doa ga kulu ndua, ga wa a mi na kieri yei na mu kula mu a ki wa a mi na gi mbuk mu ni.-mi dign ma, mu mbo har ka del ching ollo. ²² ching ollo, mali ni mi jie,ndua ma Dekgem gi mbo tong na tara wa ami mbo mbara na am. ²³ Epaphras, mi kumbara a iri na ga dangai ji kula Jesus christ ting , yo mu wu ²⁴ ami Marc, Aristarque, Demas ami Luc a gi mi kumbara a choa huanl. ²⁵ ei honri bbilang a na bajie Jesus christ ini a chi ga ni daggri.