^{1 2 3} 1 ಪರುಗುಂಡು ಯೇಸು ಜನಸಮೂಹತ್ಗು ಮತ್ತೆ ಶಿಷ್ಯರುಕು ಯಂತ ಸೋನ್ನುಸು ಇಂಡೆಕೆ, 2 ಶಾಸ್ತ್ರಿಗ್ಯ ಪರಿಸಯರೂ ಮೋಶೆಯ ಸ್ಥಾನತ್ಕೊರು ಉಕ್ಕೊಂಡಿನು; 3 ಅತ್ರಿಂಡು ಅಯಿಗ್ಯ ನಿಂಗುಲುಕು ಸೋನ್ನರತದ್ದಿ ಕೈಗೊಂಡು ನಾಡಂಗೋ ;ಅಯಿಲಿತ ಕ್ರಿಯೇಲಾ ಪ್ರಕಾರ ನಿಂಗ ಸೇಯ್ಯಿಮಾನಂಗ ;ಯಂತ್ಗು ಇಂಡೆಕೆ ಅಯಿಗ್ಯ ಸೋನ್ನಾನು ಅನೇಕೆ ಸೇಯ್ಯಿದಿಲ್ಲನು, ^{4 5} 4 ಸಮುರುಕು ಬರುವಾಯಿಕ್ರ ಮತ್ತೆ ಕ್ರೂರವಾಯಿಕ್ರ ಹೊರೆಲಾ ಕಟ್ಟಿ ಜನತಾ ಬಸ್ತುಮೆನಿ ಸಮಿಪ್ಪಿಕ್ಯನು,ಅಯಿಗ್ಯನೇಕೆ ಬೆರಳಿಟ್ಟು ಆಯಿಲ್ಯ ಸರಿಸ್ಸುದಿಲ್ಲನು (ಮುಟ್ಟುದಿಲ್ಲನು ) 5 ಅನೇಕೆ ಅಯಿಗ್ಯ ಸೇಯ್ಯಿರ ಕ್ರಿಯೆಲದ್ದಿ ಜನುರು ಪಕುರುಕನಿ ಸೇಯ್ಯನು, ಅಯಿಗ್ಯ ತಂಗುಲುತ ಜ್ಞಾಪಕಪಟ್ಟಿಲಾ ಅಗಲು ಸೆಂದು ಬಟ್ಟುಲ್ತ ತುದಿಲಾ ವಸೂರು ಸೇಯ್ಯಾತ. ^{6 7} 6 ಔತಣಲುಕೊರು ಪ್ರಥಮ ಸ್ಥಾನಲಾಸಭಾಮಂದಿರಲಕೊರು ಮುಖ್ಯ ಸ್ಥಾನಲಾ 7 ಸಂತಾ ಅಗುರು ಜಗುಕೊರು ವಂದನೆಲಾ, ಮತ್ತೆ ಜನುರಿಂಡು ಬೋದಕರೆ ಬೋದಕರೆ ಇಂಡೂ ಅಕಿರತ್ತ ಅಯಿಗ್ಯ ಪ್ರಿತಿಸಾನು, ^{8 9 10} 8 ಅನೇಕೆ ನಿಂಗ ಬೋದಕರು ಇಂಡೂ ಅಕ್ಕಿರತ್ಗು ಸಂತೋಷ ಪಾಡುಮಾನಂಗ, ಕ್ರಿಸ್ತನೊಂಡೆ ನಿಂಗುಲುಕು ಬೋದಕ ಮತ್ತೆ ನಿಂಗ ಅದ್ದಿ ಅನ್ನ್ –ದೆಂಬಿಗಿನ, 9 ಭೂಮಿಮೀನಿ ಎತ್ತು ನಿಂಗ ಅವ ಇಂಡು ಅಕಿಮಾನಂಗ , ಪರಲೋಕತ್ಕೊರು ಇಕ್ಕ್ರದು ಒಂಡೇ ನಿಂಗಾವ, 10 ನಿಂಗ ಗುರುಗಾ ಇಂಡು ಆಗಸಿಚ್ಚಿಗ್ಮಾನಂಗ;ಕ್ರಿಸ್ತನೊಂಡೆ ನಿಂಗುಲುಕು ಗುರು, ^{11 12} 11 ಅನೇಕೆ ನಿಂಗುಲುಕೊರು ಎದು ಬೇರದು ಇಂಗಿಚ್ಚಿಗ್ರುದೋ ಅದು ಮೊದಲು ನಿಂಗುಲುತ ಸೇವಕನಾಗುರುದು, 12 ಎದಾನ ತನತ್ತ್ತೆಯಿ ಹೆಚ್ಚಿಸಿಕೊಂಡೆನೇಕೆ ಆದು ತಗ್ಗಿಸಿಲ್ಪಡದು;ಎದು ತಗ್ಗಿಸ್ಸಿಲ್ಪಡದೋ ಅದು ಹೆಚ್ಚಿಸಲ್ಪಡದು, ^{13 14 15} 13 ಅನೇಕೆ ಕಪಟಿಗ್ಯ ಅಯ್ಯಿಕ್ರ , ಪರಿಸಯರೇ ಶಾಸ್ತ್ರಿಲೇ ನಿಂಗುಲುಕು!ಅಯ್ಯೋ ನಿಂಗ ಮುಣುಸ್ರು ಎದುರುಕು ಪರಲೋಕತ ಮೆಚ್ಚರಂಗ. ಅನೇಕೆ ನಿಂಗ ವುಲ್ಲಿಕಿ ಪ್ರವೇಶ ಸೇಯ್ಯಮಾಟಾಂಗಾ, ಪ್ರವೇಶ ಸೇಯ್ಯಿರಯಲಾ ವುಲ್ಲಿಕಿ ನಿಂಗ ಉಡುಮಾಟಂಗ, 14 ಕಪಟಿಗ್ಯ ಅಯಿಕ್ರ ಶಾಸ್ತ್ರಿಲೇ, ಪರಿಸಾಯರೇ,ಅಯ್ಯೋ ! ನಿಂಗ ರಂಡಮುಂಡಿಲಾತ ಉಡುಲಾ ಮಿಂಗಾರಂಗ;ಮತ್ತೆ ನಾಟಕತ್ಗು ವಸೂರ ಪ್ರಾರ್ಥನೆ ಸೇಯ್ಯರಂಗ ;ಅತ್ರಿಂಡು. 15ಕಪಟಿಗ್ಯ ಅಯ್ಯಿಕ್ರ ಶಾಸ್ತ್ರಿಲೇ ಪರಿಸಾಯರೇ,ಅಯ್ಯೋ! ನಿಂಗ ಒಂಡು ಮತಾಂತರ ಸೇಯ್ಯಿರಿಕು ಸಮುದ್ರು ಭುಮಿಯಾದ್ದಿ ಸುತ್ತರಂಗ:ಮತಾಂತರ ಸೆಂದಾನ್ನಪೋರು ಅತ್ತ ನಿಂಗುಲುಕಿಂತ ರಾಂಡ್ರದ್ನು ನರಕತ್ಗು ಮಾವ್ವುನಯ್ಯಿ ಸೇಯ್ಯರಂಗ ^{16 17} 16 ಕುರುಡರಾಯಿಕ್ರ ಮಾರ್ಗದರ್ಶಕರೆ ಅಯ್ಯೋ! ನಿಂಗ ಒಂಡು ದವ್ರುಗುಡಿ ಮೆನಿ ಆಣೆ ಅಚ್ಚುನೇಕೆ ಯಂದು ಅಲ್ಲ ಇಂಗ್ಯಾರಂಗ:ಅನೇಕೆ ಎದಾನ ದವ್ರು ಗುಡಿತ ಬಂಗಾರುಮೆನಿ ಆಣೆ ಅಚ್ಚುನೇಕೆ ಅದು ತನುಸುಗಾರು ಇಂಗ್ಯರಾಂಗ, 17 ಮೂರ್ಖರೆ, ಕುರುಡರೇ ಎದು ಬೇರಾದು?ಬಂಗಾರೋ ಇಲ್ಲ ಬಂಗಾರತ ಪವನ ಸೇಯ್ಯಿರ ದವ್ರತ ಅಲಾಯನೋ? ^{18 19} 18 ಎದಾನ ಯಜ್ಞಾವೇದಿಮೇಕು ಆಣಿ ಒಟೆಕೆ ಯಂದಾದು ಅಲ್ಲ ಇಂಗ್ಯರಂಗ, ಎದಾನ ಅತ್ತೊಗೊರು ಇಕ್ಕ್ರ ಕಾಣಿಕೆ ಮೆನಿ ಅಣಿ ಒಟೇಕೆ ಅದು ಅಪರಾದಿ ಇಂಗ್ಯರಂಗ. 19 ಮೂರ್ಖರೆ ಕುರುಡರೇ ಎದು ಬೇರಾದು? ಕಾಣಿಕೇನೋ ಇಲ್ಲ ಕಣಿಕೆನಾ ಪಾವನ ಸೇಯ್ಯಿರ ಯಜ್ಞಾವೆದಿನೋ, ^{20 21 22} 20 ಅತ್ರಿಂಡು ಯಜ್ಞಾವೇದಿ ಮೇಕು ಅಣಿ ಅಕ್ಕಿರದು ಅತ್ಗೊರು ಇಕ್ಕಿರತ್ತದ್ದಿ ಮೇಕು ಅಣಿ ಅಚ್ಚುಕಾನಿಯಾಯಿದು, 21 ದವ್ರುಗುಡಿ ಮೇಕು ಅಣಿ ಒಟೇಕೆ, ಅತ್ತ್ಮೆನಿ ಅತ್ತ್ಗೊರು ಇಕ್ಕಿರತಮೆನಿ (ದವ್ರಮೆನಿ )ಅಣಿ ಸೆಂದುಕನಿ ಅಕ್ಕುದು , 22 ಪರಲೋಕತ ಮೆನಿ ಅಣಿ ಅಕ್ಕಿರಾದು ದವ್ರತ ಸಿಂಹಾಸನತ ಮೇಕು ಅತ್ತಮೆನಿ ಉಕ್ಕೊಂಡಿಕ್ಕ್ರತ ಮೆನಿ ಅಣಿ ಅಚ್ಚುನುಕನಿ. ^{23 24} 23 ಕಪಟಿಗ್ಯ ಅಯಿಕ್ರ ಶಾಸ್ತ್ರಿಲೇ ಪರಿಸಾಯರೇ , ಅಯ್ಯೋ! ನಿಂಗ ಮರುಗಸೊಪ್ಪು ಜಿರಿಗೆಲುಕೊರು ದಶಮ ಬಗುತ ಸಲ್ಲಸರಂಗ; ಅನೇಕೆ ನ್ಯಾಯ ಪ್ರಮಾಣತ ತೀರ್ಪು ಕರುಣೆ ಮತ್ತೆ ನಂಬಿಕೆ ಇಂಗಿರತ್ತ ನಿಂಗ ಉಟ್ಟೋಟಿರಂಗ, ಇಯಿಲ್ಯ ಸೇಯ್ಯಿರಿದು ಉಡುಮಂದು , 24 ಕುರುಡು ಮಾರ್ಗದರ್ಶಕ ರಾಯಿಕ್ರ ನಿಂಗ ಸೊಳ್ಳೆ ಸೋಸುರಯ್ಯ ಮತ್ತೆ ಒಂಟೆ ಮಿಂಗರಯ್ಯ, ^{25 26} 25 ಕಪಟಿಗ್ಯ ಅಯಿಕ್ರ ಪರಿಸಾಯರೇ ಶಾಸ್ತ್ರಿಲೆ ಅಯ್ಯೋ! ನಿಂಗ ತಟುಗ ದಬ್ರಿಲ್ಯ (ಪಂಚ ಪಾತ್ರೆ) ಬೆಲ್ಲ್ಯತ್ತ ನಲ್ಲುಗು ಶುಚಿ ಸೇಯ್ಯರಂಗ, ಅನೇಕೆ ಉಲ್ಲಿ ಸುಲಿಗೆತಿಂಡು ದುರಾಸೇತಿಂಡೂ ಮೆತ್ತಿಕ್ಯದು, 26 ಕುರುಡನಯಿಕ್ರ ಪರಿಸಾಯನೆ ಮೊದಲು ಉಲ್ಲ್ಯಾತ ಶುಚಿ ಸೇಯ್ಯಿ:ಅಪ್ಪೋರು ದಬ್ರುಲ್ಯಾತ ಬೆಲ್ಯದು ಶುಚಿಯಕ್ಕುದು, ^{27 28} 27 ಕಪಟಿಗ್ಯ ಅಯಿಕ್ರ ಪರಿಸಾಯರೇ ಶಾಸ್ತ್ರಿಲೆ ಅಯ್ಯೋ! ನಿಂಗ ಸುನ್ನು ಆಂಟಿಚ್ಚಿಕ್ರ ಸಮಾದಿಲುಕು ಹೋಲಿಕೆ ಅಯಿರಂಗ, ಅದು ಬೇಲಿ ಚಂದೂಕಾಂಗಾದು,ಅನೇಕೆ ಉಲ್ಲಿ ಶತ್ತಯಲತ ಯಮುಕಲಿಂಡು ಮತ್ತೆ ಅಶುದ್ದತೆಯಿಂಡು ಮೆತ್ತಿಕ್ಯದು, 28 ಅದರಂತೆ ನಿಂಗುಲೂ ಸಹ ಬೇಲಿ ನೀತಿವಂತ ಮಣುಸ್ರು ತಾರಾ ಕಂಗರಂಗ ; ಅನೇಕೆ ಉಲ್ಲಿ ಕಪಟತನತಿಂಡು ದುಷ್ಟತನತಿಂಡು ಮೆತ್ತಿಕ್ಯರಂಗ. ^{29 30 31} 29 ಕಪಟಿಗ್ಯ ಅಯಿಕ್ರ ಪರಿಸಾಯರೇ ಶಾಸ್ತ್ರಿಲೆ ಅಯ್ಯೋ! ನಿಂಗ ಪ್ರಾವದಿಲ್ಯಾತ ಸಮಾದಿಲಾ ಕಟ್ಟಿ, ನಿತಿವಂತರತ ಗೊರಿಲ್ಯ ಅಲಂಕರಸರಂಗ, 30 ಅನೆಕೂ –ನಂಗ ನಂಗುಲುತ ಬೆರಯ್ಯಲತಾ ಕಲ್ತ್ಗೋರು ಇಂದಿಂದೇಕೆ, ಪ್ರಾವದಿಲತ ರಗುತ್ಗುರುತ ಪಾಪುತ್ಕೊರು ಅಯ್ಯಿಲ್ಯ೦ಟಿ ನಂಗ ಪಾಲುಗಾರರು ಆಗಕಿಲ್ಲ ಇಂಗ್ಯರಂಗ, 31ಅನಾಗಯಿ ಪ್ರವಾದಿಲ್ಯ ಕೊಂಡ್ರ೦ತಯಾಲತ ಮಕ್ಕಿಗ್ಯ ಇಂಡು ನಿಂಗುಲುಕು ನಿಂಗ್ಲೆ ಸಾಕ್ಷಿಗ್ಯ ಅಯಿರಂಗ. ^{32 33} 32 ಹನಗನೇಕೆ ನಿಂಗಬೆರಯ್ಯಲತ ಅಳತೆತ ನಿಂಗ್ಲೆ ಮೆತ್ತಡ್ಯಾ೦ಗೋ , 33 ಪಾಮುಲೇ , ಪಾಮುತಸಂತತಿಯಂಗಲೇ , ನಿಂಗ ನರಕದಂಡನೆಯಿಂಡು ಏನ್ಗು ತಪ್ಪಿಸಿಗ್ಯರಂಗ ? ^{34 35 36} 34 ಅತ್ರಿಂಡು ಇಗೋ, ನಾನು ಪ್ರಾವದಿಲ್ಯ, ಶಾಸ್ತ್ರಿಲ್ಯಾ, ಜ್ಞಾನಿಲ್ಯಾ , ನಿಂಗಾಲಂಚುಗು ಅಂಪ್ಪರೆ , ಅಯಿಲಿಕೊರು ನಿಂಗ ಕೆಲವುರುನ ಕೊಂಡ್ರುಶಿಲುಬೇಕು ಒಡರಂಗ; ಮತ್ತೆ ಕೆಲವುರುನ ನಿಂಗಲತ ಸಾಭಾಮಂದಿರತ್ಗೊರು, ಕೊರಡೆಲಿಂಡು ಮಾತಿ ಉರಿಂಡು ಊರುಕು ಗದ್ದಿ ಹಿಂಸಸರಂಗ, 35 ಇತರ ನೀತಿವಂತನಾಯಿಕ್ರ ಹೆಬೇಲನತ ರಗೂ ಮೊದಲುಗೊಂಡು, ದವ್ರುಗುಡಿಕೂ ಯಜ್ಞಾವೆದಿಕು ನಡುವುಲಿ ನಿಂಗ ಕೊಂಡ್ರೋಟ ಬರಾಕೀಯನ ಮಾವ್ವುನಯಿಕ್ರ ಜಾಕರಿಯನ ರಗುತು ತನಕ ಭೂಮಿಮೆನಿ ಸುರಿಸಿಕ್ರ ಅದ್ದಿ ನಿತಿವಂತರ ರಕ್ತಾಪರಾಧ ನಿಂಗುಲುಮೆನಿ ವರಾದು, 36 ನಿಂಗುಲುಕು ಸತ್ಯಾವಯ್ಯಿ ಸೋನ್ನರೆ ಇದ್ದಾದ್ದಿ ಈ ಸಂತತಿ ಮೇಕೆ ವರಾದು. ^{37 38 39} 37 ಓ ಯೆರೋಸೋಲೆಮೇ ಯೋರೆಸಲೆಮೆ ,ಪ್ರಾವದಿಲ್ಯಾ ಕೊಲ್ಲುರವಲೇ, ನಿನಾಂಚುಗು ಅಂಪ್ಪುರಯಲ್ಯ ಕೇಲ್ ಪೇಟಿ ಕೊಲ್ಲರವಲೇ , ಕೋಯಿ ಕುಂಜುಲಾ ತಟ ರೆಕ್ಕತಡಿಕಿ ಕೂಡಿಸಿಗಿರ್ಕನಿ, ನಿಟ ಮಕ್ಕಿಲ್ಯ ಕೂಡಸುರುಕು ನನಕು ಎದ್ನೋ ಸಾತಿ ಮನಸಿಂಚು; ಅನೇಕೆ ನಿಕು ಮನಿಸಿಲ್ಲದೆ ಹೊಸು, 38 ಪರಂಗೋ ನಿಂಗಲಾತ ಅಲಾಯ ನಿಂಗುಲುಕು ಬರಿದ್ದಾಯ್ಯಿ ಉಟ್ಟಿದು, 39 ಇಪ್ಪೋರುತಿಂಡು ಕರ್ತನ ಪೆರುಮೆನಿ ವರ್ರಂತದು ದನ್ಯನು, ಇಂಡೂ ನಿಂಗ ಸೋನ್ನುರುತನಕ ನಿಂಗ ನನ್ನ ಪಕೆಮಾಟಂಗ ಇಂಡು ನಾನು ನಿಂಗುಲುಕು ಸೋನ್ನರೆ ಇಂಡಸ್.