^{1 2} 1.ಅಪ್ಪೋದು ಪವಿತ್ರಾತ್ಮನಿಂಡು ಮೆಥ್ನದಾಯಿ ಯೋರ್ದನಿನಿಂಡು ಪರುಕು ತಿರುಗಿ ವಂದು ಆತ್ಮನಿಂಡು ಅಡವಿಕೊರು ನಡಿಚ್ಚದಾಸು. 2.ನಾಲ್ದ್ರಿಕಪೋತು ನಾಲು ಸೈತಾನನಿಂಡು ಶೋದಿಸಲ್ಪಟ್ಟುಸು.ಆ ನಾಲತ್ಕೊರು ಅದು ಎಂತು ತಿಗಿಲ್ಲ ಆದು ಮುಗ್ಜನಪೋದು ಅದು ಪೆಸ್ತುಗೊಂಡ್ಸು. ^{3 4} 3.ಅಪ್ಪೋದು ಸೈತಾನು ಯೇಸುವುಕು ನೀನು ಕರನ್ಕೆ ದೊವ್ರು ಮೌವು ಆಯಿದೇಕ್ಕೆ ಈ ಕೆಲ್ಲ ರೊಟ್ಟಿ ಆಗ್ರುಕನಿ ಅಪ್ಪಣೆ ಸೋನು ಅಂಡ್ಸು. 4.ಅತ್ಗು ಯೇಸು ತಿರುಗಿ ಅತ್ಗು ಮನುಷ್ಯ ರೊಟ್ಟಿ ತತಿಂಡ್ರೆಕೆ ಮಾತ್ರ ಅಲ್ಲ ಅನೇಕೆ ದೊವ್ರು ಒಂಡೆ೦ಡು ಒಕುನಿಂಡು ಜಿವಿಸಾಕು ಅಂಡು ವರ್ಜಿದು ಅಂಡ್ಸು. ^{5 6 7} 5.ತಿರುಗಿ ಸೈತಾನು ಉನ್ನತ ಅನಾ ಬೇಟ್ಟತ್ಗು ಆತ ಅಗುಸುಗೊಂಡು ಹೋಯಿ ಲೋಕದ ಅದ್ದಿ ರಾಜ್ಯಗಳನ್ನು ಕ್ಷಣ ಮಾತ್ರತ್ಕೊರು ಅತ್ಗು ಕಾಟುಸು. 6.ಅಪ್ಪೋದು ಸೈತಾನು ಅತ್ಗು ಈ ಅದ್ದಿ ಅದಿಕಾರತೆಯ ಅತ್ರ ವೈಬವತ್ತೆಯ ನಾನು ಇಷ್ಟ ವಂದಲ್ಕಿ ಮಾತುಗೂ ಅನೇಕು ನಾನು ಕೊಡ್ಕರೆ. 7.ಆದದರಿಂಡು ನೀನು ನನ್ನತೆಯ ಆರಾದುಸ್ಕೆಕೆ ಅದ್ದಿ ನಿಡ್ದು ಅಕ್ದು ಅಂಡು ಸೋನ್ಸು. ⁸ 8.ಅತ್ಗು ಯೇಸು ತಿರುಗ್ಸಿ ಅತ್ಗು-ಮನುಷ್ಯ ರೊಟ್ಟಿ ತಿಂದ್ರ ತಿಂದು ಮಾತ್ರ ಅಲ್ಲ ಅನೇಕೆ ದೊವ್ರು ಪ್ರತಿಯೊಂಡು ಒಕುಯಿಂಡು ಜೀವಿಸಾಕು ವರ್ಜಿದು ಅಂಡ್ಸು. ^{9 10 11} 9.ಇದ್ಲದೈ ಸೈತಾನು ಅತ್ತತೆಯ ಯೇರುಸಲೆಮುಕ್ಕೂ ಅಗುಸುಗೊಂಡು ವಂದು ದೇವಾಲಯ ಗೋಪುರದ ಮೇನಿ ನಿಪ್ಪಿಚು ಅತ್ಗು ನೀನು ದೊವ್ರು ಮೌವು ಅನ್ಬೇಕೆ ಇಂಡಿ೦ಡು ತರ್ಕಿ ದುಮುಕು. 10.ಅದು ನಿನ್ನತೆಯ ಕಾಯಿರ್ಕು ತನ್ನ ದುತ್ರಕ್ಕು ಅಪ್ಪಣೆ ಕುಡ್ಕಕು. 11.ಹಾಗೆ ನಿಟ ಕಾಲು ಕೆಲ್ಲುಕು ತಗುರುಕಾನಿ ಎಪ್ಪೋದು ಅನೇಕು ಆಗ್ಯ ನಿನ್ನತೆಯ ತಗ್ಲ ಕೈಕೊರು ಪೇಚಿಗ್ಯಕ್ಸು ಅಂಡು ವರ್ಜಿದು ಅಂಡ್ಸ. ^{12 13} 12.ಅತ್ಗು ಯೇಸು ನಿನ್ನ ದೌವ್ರು ಆನ ಯೋಹೊವನನ್ನು ಪರಿಕ್ಸಿ ಸುದರ್ಚಂಚು ಅಂಡು ಸಾಸ್ತ್ರತ್ತ್ಕೊರು ವರ್ಜಿದು ಅಂಡು ಉತ್ತರ ಕುಟುಚು . 13.ಬಳಿಕ ಸೈತಾನನು ನೆಟ್ಟ ಆದಿ ಶೋದನೆಯನ್ನು ಮುಗಿಸ್ನಪೊದು ಸ್ವಲ್ಪ ಕಾಲ ಅತ್ತತೆಯ ಉತ್ತೆಂಟು ಹೋಯಿ ಬುದೊಸು ಆಮೇನಿ ಯೇಸು ಪವಿತ್ರಾತ್ಮವನ್ನು ಹೊಂದಿ ಗಲಿಲಾಯ ಅಂಗ್ರ ಉರ್ಕು ಪರುಕು ತಿರುಗಿಸು ಆತ್ರ ಕೀರ್ತಿಯು ಸುತ್ತ ಇಕ್ರಾ ಪ್ರಾಂತ್ಯತ್ಕೊರಾದಿ ಹರಡಿಸು. ^{14 15} 15.ಅದು ಅದ್ದಿ ಜರ್ರಿಂಡು ಮಹಿಮೆಯನ್ನು ಹೊಂದುತ್ತಾ ಅಲ್ಯ ಸಭಮಂದಿರತ್ಕೊರು ಭೋದಿಸ್ತ ಇಂಚು. ^{16 17} 16.ಬಳಿಕ ಯೇಸು ತಾನು ವಲ್ಜ ನಜರೆತುಗು ವಂಚು ಮತ್ತು ತನ್ನ ಪದ್ದತಿ ಅಂತೆ ಸಬ್ಬತ್ ನಾಲ್ತ್ ತ್ಕೊರು ಸಭಾಮಂದಿರುತೊಲ್ಲಿ ಹೋಗಿ ಓದ್ರುಕು ಅದಿಂದು ನಿಡ್ರುಸು. 17.ಅಪ್ಪೋದು ಪ್ರವಾದಿ ಆನ ಯೆಶಾಯನು ವರ್ಜು ಪುಸ್ತಕ ತತ್ತೆಯ ಅತ್ಗು ಕುಡುತಿಂಚು ಅದು ಆ ಪುಸ್ತಕವನ್ನು ವಂಗಿ. ^{18 19} 18.ಕರ್ತನ ಆತ್ಮವು ನನ್ನ ಮೇನಿ ಇದು ಯುತುಂಗು ಅಂದೇಕೆ ಬಡವ್ರುಕು ಸುವಾರ್ತೆಯ ಸಾರುರತ್ಕಾಯಿ ಅದು ನನ್ನತೆಯ ಅಭಿಷೆಕಿಸಿದು ವಡ್ಜ ಹೃದಯತ್ತೆಯ ಜೋಡಿಸ್ರುಕು ಸೇರೆಕೊರಿಂದಲ್ಕಿ ಬಿಡುಗಡೆ ಕುಡ್ರುಕು ದೃಷ್ಠಿ ಕುಡ್ರುಕ್ಕೂಜಜ್ಜಲ್ಪಟಲ್ಯ ಉಡಿಪ್ಪು ಅಮ್ಪ್ರುಕ್ಕು. 19.ಕರ್ತನು ನೆಯಿಸಿಕ್ರ ಶುಭಾವರ್ಷತೆಯ ಪ್ರಚುರ ಸೈರತ್ಗೂ ಅದು ನನ್ನತೆಯ ಆರಿಸಿಕೊಂಡಿದು ಅಂಡು ವರ್ಜಿಕ್ರತ ಪಾತು ಓದುಸು. ^{20 21 22} 20.ಓದಿನ ಮೇನಿ ಆಪುಸ್ತಕತೆಯ ಮುಚ್ಚ್ಚಿ ತಿರುಗಿ ಪರಿಚಾರಕನ ಕೈಕಿ ಕುಟ್ಟ ಉಕೊಂಡ್ಸು ಅಪ್ಪೋದು ಆ. 21.ಅತ್ಗು ಈ ನಾಲು ನಿಂಗ ಕೊಟಂತ ಬರಹವು ವರ್ಜಿಕ್ರದು ಈ ನಾಲು ನೆರವೇರಿಸು ಅಂಡು ಸೋನ್ಸು. 22.ಆದ್ಯರು ಅತಿಂಡು ವಾಯಿಂಡು ವಂದ ಕೃಪವಾಕ್ಯಗಳಿಗಾಯಿ ಆಶ್ಚರ್ಯಪಟ್ಟು ಸಾಕ್ಷಿಗಾಗಿ ಇದು ಯೋಸೆಪನ ಮೌವು ಅಲ್ಯ ಅಂಡ್ಸು. ^{23 24} 23.ಅತ್ಗು ಅದು ವೈದ್ಯನೇ ನಿನ್ನತೆಯ ನೀನೆ ವಾಸಿಸೆದ್ಗೋ ಅಗ್ರ ನಾನ್ನುಡಿ ಅನ್ನು ನಿಂಗ ನನ್ಕು ನಿಶ್ಚಯವಾಯಿ ಸೋನಿ ಕಪೆನಾಲುಕ್ಕೊರು ಎಂದದು ನಿಡಿಯತೆಂದು ನಂಗ ಕೋಟೋ ಅತ್ತತೆಯ ಇಟ್ಟಿ ನಿನ್ನ ದೇಶತ್ಕ್ಕೊರು ಸೈಯಂಗೋ ಅಂಡು ಸೋನರಂಗ ಅಂಡ್ಸು. 24.ಆಮೇನಿ ಅದು ನಿಗ್ಲುಕು ನಿಜವಾಯಿ ಸೋನ್ರದು ಅಂದು ಅಂದೇಕೆ ಯಾವ ಪ್ರವಾದಿಕು ತನ್ನ ಸ್ವಂತ ನಾಡ್ ಕೋರು ಸನ್ಮಾನವಿಲ್ಲ ಅಂಡು ಸೋನ್ಸು. ^{25 26 27} 25.ಅನೇಕೆ ಕೊರಂಗೋ ಎಲಿಯನ ನಾಲ್ತ್ಕೊರು ಮಾಡು ಆರು ಮಾದು ಆಕಾಶವು ಮುಚ್ಚಲ್ಪಟ್ಟು ದೇಶತ್ಕೊರುರದ್ದಿ ಬೇರು ಬರ ಉಂಟಾನಪೋದು ಇಸ್ರಾಯೇಲು ಕ್ಕೊರಿಂದ ಸೇನಾಳು ವಿದವೆಯರ್ಗ ಅಟ್ಟಿ ಇಂಚ್ನು. 26.ಅನೇಕೆ ದೊವ್ರು ಎಲಿಯನತ್ತೆಯ ಅಟಿ ಯಾತ್ರುಂಚ್ಗು ಸಹಾಯ ಸೈರಕು ಅಮ್ಪಲ ಅನೇಕೆ ಸಿದೊನ್ ಪಟ್ಟಣದ ಸರೆಪ್ತದಲ್ಲಿದ್ದ ಒಂಡು ವಿದವೆ ಅಂಚ್ಗು ಅಮ್ಪ್ರಸು. 27.ಪ್ರವಾದಿ ಆನಾ ಎಲಿಷನ ನಾಲತ್ಕೊರು ಸೇನಾ ಕುಸ್ಟೇರೋಗಿಗ್ಯ ಇಸ್ರಾಯೇಲ್ಕ್ಕೊರು ಇಂದಪೋದು ಎಲಿಷನ ಸಿರಿಯಾ ದೇಶ್ತವ ಅನಾ ನಾಮಾನನ ಹೊರತು ಅಲ್ಲಿಕೊರು ಒಂಡನಾನೆಕು ಶುದ್ದ ಸೈಯಿಲಾ ಅಡ್ಸು. ^{28 29 30} 28.ಸಭಾಮಂದಿರ್ತ್ಕೊರು ಇಕ್ರಾಗ್ಯದಿ ಇತ್ತತೆಯ ಕೊಡು ಎಶ್ರೀಂಡು ತುಮ್ಬಾಗ್ತಸು. 29.ಅಗ್ಯದಿ ಮೆಸ್ಕಾದಿಂಡು ಅತ್ತತೆಯ ಪಟ್ಟಣದ ಪರ್ಕು ಅಗುಸುಗೊಂಡು ಹೋಗಿ ತಲ್ಕಯಿ ತರ್ಕಿ ಸೆಂದು ದೊಬ್ಬುರುದು ಇಂದು ತಗ್ಲ ಪಟ್ಟಣ ಕಟ್ಟಲ್ಪತ್ಟಿಂದ ಗಟ್ಟು ಕಡಿದಾದ ಸ್ತಳಕ್ಕು ಅತ್ತತೆಯ ಅಗುಸುಗೊಂಡು ಹೊಸ್ನು. 30.ಅನೇಕೆ ಅದು ಅಲ್ಯಬಿಂಡು ಬಿಯೋಸ್ಸು. ^{31 32} 31.ಅದು ಗಲಿಲಾಯ ಪಟ್ಟಣ ಅನಾ ಕಪೇನೋರ್ಮುಕುವಂದು ಸಬ್ಬತ್ ನಾಲ್ತ್ಕೊರು ಅಲ್ಕಿ ಬೋದುಸ್ತಾ ಇಂಚು. 32.ಇಯಿಗ್ಯ ಆತ್ರ ಬೋದನೆಕೋ ಆಶ್ಚರ್ಯಪಟ್ಟಸ್ನು ಯಾನ್ತಗು ಇಂದೇಕೆ ಆತ್ರ ವಾಕ್ಯ ಅದಿಕಾರ ತ್ತಿಂಡು ಇಕ್ರದೈಂಚು. ^{33 34} 33.ಆ ಸಭಾಮಂದಿರ್ತ್ಕೊರು ಅಶುದ್ದ ದೊವ್ರು ಆತ್ಮಯಿಂದ ಒಂಡು ಮನುಷ್ಯ ಇಂಚು ಅದು ಗಟ್ಟಿಯಾಯಿ ವದಾರಿ. 34.ನಂಗ್ಲತೆಯ ಉಟ್ಟುಹುಡು ನಜರೆತಿನ ಯೇಸುವೆ ನಟು ಗೊಡವೆ ನಿಂಕ್ಯಾನ್ತ್ಗು?ನಗ್ಲತೆಯ ನಾಗ ಸೈರಕು ವಂದೆಯ?ನೀನು ಇದು ಇಂಡು ಸೋನ್ಸು. ^{35 36 37} 35.ಅಪ್ಪೋದು ಯೇಸು ಅತ್ತತೆಯ ಗದ್ರಿಸಿ ಸುಮ್ಮ ಇರು ಅತಿಂಡು ಚಾಲ್ಕಿ ವಾ ಅಂಡುಸು ಆ ದೊವ್ರು ಅತ್ತತೆಯ ಮದ್ಯತ್ಕ್ಕೊರು ಬೂಡಿಚು ಅತ್ತತೆಯ ಹಿಂಸೆ ಸೇಯಿದೆ ಅತಿಂಡು ಬೈಲ್ಕಿ ವಂಚು. 36.ಅಪ್ಪೋದು ಅಗ್ಯಾದಿ ಬೆರಗಾಯಿ ಇದೆಂದ ಹೊಕು ಇದು ಅದಿಕಾರತಿಂಡು ಬಲತಿಂಡು ಅಶುದ್ದಾತ್ಮಾಗಿಲುಕು ಅಪ್ಪಣೆ ಕುಡುತ್ತತ್ಗು ಆಗ್ಯ ಬೈಲ್ಕಿ ವಚ್ನು ಇಂಡು ತಂಗು ತಂಗ್ಲುಲೇ ವಸೇತ್ಕೊಂಡುಸ್ನು. 37.ಆತ್ರ ಕೀರ್ತಿ ಸುತ್ತ ಇಕ್ರಾ ಪ್ರದೆಶದ ಪ್ರತಿಯೋಂಡು ಸ್ತಳತ್ಕೊರು ಅಬ್ಗೊಂಡುಸು. ^{38 39} 38.ಅನ್ಬೇಸಾಲಿ ಅದು ಸ್ಭಾಮಂದಿರತಿಂಡು ಅದಿಂಡು ಸಿಮೊನನ ಉತ್ಗು ಹೊಸು ಅಟಿ ಸಿಮೋನನ ಪಂಡಾ ಅತ್ಗು ಅಮ್ಕು ಕಠಿಣ ಜ್ವರ ಇಂದಾತ್ಗು ಆಗ್ಯ ಆತ್ಗೋಸ್ಕರ ಆತ್ತತೆಯ ಕೊದುಗೊಂಡಸ್ನು. 39.ಅಪ್ಪೋದು ಅದು ಆತಂಬ್ಲಿ ನಿಂದ್ರು ಜ್ವರತೆಯ ಗದರುಸ್ನತ್ಗು ಅದು ಅತ್ತತೆಯ ಉಟ್ಸು ಅಪ್ಪೋದು ಅದು ಅದಿಂದು ಅಲ್ಯತೆಯ ಉಪಚ್ರಸುಸು. ^{40 41} 40.ನಸ್ಲೊಟ್ಟಿ ಅಗ್ರಪೋದು ಸೇನಾತರ ರೋಗ ತಿಂಡು ಅಸ್ವಸ್ತ ಹೈಕ್ರ ಲ್ಯಾದಿ ಆಗ್ಯ ಅತ್ರ ಮುನ್ಕು ಅತೆಂಚ್ನು ಅದು ಅದ್ದಿಮೆನಿ ಅತ್ರ ಕೈಯಿ ಅಚ್ಚು ಅಲ್ಯಾತೆಯ ವಾಸಿಂಚು. 41.ಅನೇಕ್ರೂ ಊಲಿಂಡು ದೊವ್ರುಗ ಸಹ ಚಾಲ್ಕಿ ವೆಂದು ವದ್ರಿ ಕ್ರೈಸ್ತನೆ ಇಂಡು ಸೋನ್ಸು ಅದು ಅಲ್ಯತೆಯ ಗದರಿಸಿ ವಸೆತ್ರುದಂಚು ಇಂಡು ಸೋನ್ಸು ಯಾತ್ಗು ಇಂಡೆಕೆ ಅದು ದೊವ್ರು ಇಂಡು ಅಲ್ಕಿ ಗೊತ್ತಿಂಚು. ^{42 43 44} 42.ನಸ್ಗೋತ್ಲಿ ಅನಪೋದು ಅದು ಪ್ರಾರ್ಥನೆ ಸೇಯಿರುಕು ಗಾಟ್ಗು ಹೊಸು ಜನ್ರು ಅತ್ತತೆಯ ದೌಗೊಂಡು ಆತ್ನಿಂಚು ವಂದು ನಂಗ್ಲತೆಯ ಉಟ್ಟೋಟು ಹೋಗ್ರುತಂಚು ಇಂಡು ಅತ್ತತೆಯ ನಿಪ್ಚುಸ್ನು. 43.ಅನೇಕೆ ಅದು ಅಲ್ಕಿ ಬೇರೆ ನಾಟ್ಗು ದೊವ್ರು ರಾಜ್ಯತ್ ಬಗ್ಗೆ ನಾನು ಸಾರ್ರುದು (ಸರುರ್ದು ) ಇತ್ಗಾಯೇ ನಾನತೆಯ ಅಮ್ಪಿಂದು ಇಂಡ್ಸು. 44.ಅದು ಯುದಾಯ ದೇಶತ ಸಭಾಮಂದಿರತ್ರ್ಕೊರು ಸುವಾರ್ತೆಯತೆಯ ಸಾರ್ತ ಇಂಚು.