^{1 2} 01.ಅಪೋದು ಜನಸಮೂಹ ಅದ್ದಿ ಅದ್ದಿಂದು ಆತತ್ತೆಯ ಪಿಲಾತನ೦ಚ್ಗು ಅಗುಸ್ಗೊಂಡು ಹೋಸ್ನು. 02.ಐಗ್ಯ ಆತ್ಮೆನಿ ದೂರ ಸೊಂದ್ರುಕು ಆರಂಭುಸುಸ್ನು-ಈ ಮನುಷ್ಯ ಮಂದಿಲತ್ತೆಯ ತಪ್ಪು ಹೇಕ್ಕಿಕಿ ನಡುಸ್ರದಾಯಿ, ತಾನೇ ಕ್ರಿಸ್ತ ಇಂಗ್ರ ಅರಸ ಆಯಿದು ಇಂಡು ಸೋನ್ನಿ ಕೈಸರುನ್ಕು ಕಂದಾಯ ಕುಡುಕದೆ ಇದು ಅಡ್ಡಿ ಸೈರತ್ತ ನಂಗ ಪಾತಿರೋ ಇಂಡುಸ್ನು. ^{3 4 5} 03.ಆಪೋದು ಪಿಲಾತನು ಆತ್ಗು -ನೀನು ಯೆಹುದ್ಯರ ಅರಸನೋ ಇಂಡು ಕೋಟುಸು, ಅತ್ಗು ಅದು ತಿರ್ಗಿ ನೀನೆ ಸೊನ್ನ ಇಂಡುಸು. 04.ಅನ್ಬೇಸಾಲಿ ಪಿಲಾತನು ಪ್ರದಾನ ಯಾಜಕ್ರುಕು ಜನ್ರುಕು ಈ ಮನುಷ್ನುಕೋರು ನಾನು ಎ ತಪ್ಪು ಕಾಂಗುಲಾ ಅಂಡ್ಸು. 05.ಅತ್ಗು ಐಗ್ಯ ಸೇನಾ ಉಗ್ರತೆಯಿಂಡು - ಇದು ಗಲಿಲಾಯ ಮುನ್ನಿ ಗೊಂಡು ಈ ಸ್ಥಳ ವರೆತ್ಗು ಅದ್ದಿ ಯುದಾಯತ್ಗೋರು ಬೋದೊಸ್ತಾ ಮಂದಿಲತ್ತೆಯ ರೇಗಿಸ್ತ ಇಂಚು ಇಂಡು ಸೋನುಸ್ನು. ^{6 7} 06.ಪಿಲಾತನು ಗಲಿಲಾಯ್ತು ವಿಷಯ ಕೋಟು - ಆ ಮನಸು ಗಲಿಲಾಯತದೋ ಇಂಡು ವಿಚಾರಣೆ ಸೇಂಚು. 07.ಅದು ಹೆರೋದನ ಅಡಿಕಾರತ ವಿಭಾಗುತ್ಗು ಸಂಬಂದಪಟ್ಟಿದೆಂದು ತಿಳ್ಜನ ಪೋದೆ ಆ ಸಮಯತ್ಗೋರು ಯೇರುಸಲೆಮುಕೊರೆ ಇಂದ ಹೆರೋದಂಚ್ಗು ಆತತ್ತೆಯ ಅಂಪುಸು. ^{8 9 10} 08.ಹೇರೋದು ಯೇಸು ಆತ್ತೆಯ ಸೇನಾ ಸಂತೋಷ ಪಟ್ಟು, ಯಾಂತ್ಗು ಇಂಡೆಕ್ಯ ಅದು ಅತ್ರು ವಿಷಯವಾಯಿ ಸೇನಾ ಸಂಗತಿಯತ್ತೆಯ ಕೊಟಿಕ್ರತ್ಗು ಆತತ್ತೆಯ ಪಾಕುರ್ಕು ಸೇನ ನಾಲ್ ತಿಂಡು ಆಶೆ ಪತ್ತಿಂಚು ಅತಿಂಡು ಅದ್ಬುತ ಕಾರ್ಯತ್ತೆಯ ಪಕುರ್ಕು ನಿರೀಕ್ಷಿಸ್ತಯಿಂಚು. 09.ಅಪೋದು ಅದು ಆತತ್ತೆಯ ಸೇನಾ ಹೊಕ್ಕಿಂಡು ಪ್ರಶ್ನೆ ಸೈಯಾಕು ಅದು ಅತ್ಗು ಎಂದು ಉತ್ರ ಕುಡುಕ್ಕಿಲ್ಲ. 10.ಅಪೋದು ಪ್ರದಾನ ಯಾಜಕ್ರು ಶಾಸ್ತ್ರಿಗ್ಯ ನಿಂದ್ರುಗೊಂಡು ಉಗ್ರತೆಯಿಂಡು ಆತ್ರ ಮೇನಿ ದುರತ್ತೆಯ ಸೊನುಸ್ನು. ^{11 12} 11.ಹೇರೋದು ತಟ ಯುದ್ದಭಟರೆ೦ನ್ಚಿ ಆತತ್ತೆಯ ತಿರಸ್ಕರ ಸೇಂದು ಹಾಸ್ಯ ಸೇಂದು ಆತ್ ಮೇನಿ ಶೋಭಾಯಮಾನ ಬಟ್ಲತೆಯ ಹೋಟು ಆತತ್ತೆಯ ತಿರ್ಗಿ ಪಿಲಾತನಂಚ್ಗು ಅಂಪುಸು. 12.ಇದಲ್ದೆ ಪಿಲಾತು ಹೆರೋದನು ಅದೇ ನಾಲ್ತುಗೊರು ಒಂಡುಕು ಒಂಡು ಸ್ನೇಹಿತರಾಸ್ನು ಯಾಂತ್ಗು ಇಂಡೆಕೆ ಐಲ್ಲಿಕೋರು ಮುನ್ನಿ ಹಗೆತನ ಇಂಚು. ^{13 14} 13.ಪಿಲಾತು ಪ್ರದಾನ ಯಾಜಕರತ್ತೆಯ ಅದಿಕಾರಿಲತ್ತೆಯ ಒಂಡಾಯಿ ಅಗ್ಸು ಅಲ್ಕಿ. 14.ಜನ್ರು ತಿರ್ಗಿ ಬುಗ್ರುತರ ಸೈಯಾಕು ಇಂಡು ನಿಂಗ ಈ ಮನ್ ಸುನ್ ಮೇನಿ ಸೋನ್ನಿ ಇತ್ತ ನನ್ನಚ್ಗು ಅತ್ತೆಂದಿರಂಗ, ಇದೋ ನಿಂಗ ಇತ್ರು ಮೇನಿ ಅತ್ತೆಂದಿಕ್ರ ದುರಲತ್ತೆಯ ನಾನು ನಿಂಗ್ಲು ಮುನ್ನೆವಿಚಾರು ಸ್ನಾಪೋದು ಇತ್ತಂಚ್ಲಿ ಎ ತಪ್ಪು ಕಾಂಗುಲ. ^{15 16 17} 15.ಇದಲ್ದೆ, ಹೇರೋದನ್ಕು ಸಹ ಎದು ಕಾಂಗುಲ, ಯಾಂತ್ಗು ಇಂಡೆಕ್ಯ ನಾನು ನಿಂಗ್ಲತೆಯ ಅತ್ತಂಚ್ಗು ಅಂಪಿದ್ದೆ, ಇದೋ, ಅದು ಇತ್ತಂಚ್ಲಿ ಮರಣುತ್ಗು ಯೋಗ್ಯ ಅನಾತ್ತೆಂತು ಕಾಂಗುಲಾ. 16.ಇನ್ಗಿ ಕ್ರತಿಂಡು ನಾನು ಆತತ್ತೆಯ ಮತಿಚು ಉಟೋಡಾರೆ ಇಂಡ್ಸು. 17.ಯಾಂತ್ಗು ಇಂದೆಕ್ಯ ನಾನು ಅದಿಪತಿ ಒಂಡತ್ತೆಯ ಪಂಡುಗ್ಲು ನಾಲ್ತುಗೋರು ಉದ್ರದು ಅವಶ್ಯ ಐದು. ^{18 19} 18.ಅಪೋದು ಐಗ್ಯದ್ದಿ ಅಪೋದೇ -ಇತ್ತತೆಯ ಕೊಲ್ಲಂಗೋ, ನಂಗ್ಲುಕು ಬರಬ್ಬನತ್ತೆಯ ಉಟ್ಟೋಡ೦ಗೋ ಇಂಡು ಕಿರುಲ್ತ ಸೊನುಸ್ನು. 19.ಬರಬ್ಬ ಪಟ್ಟಣತ್ತ್ಗೋರು ಅನಾ ಬಂಡೋ೦ಡು ದಂಗೆತ್ಗು ಮತ್ತೆ ಕೊಲಿತ್ಗು ಕಾರಣ ಯೈಕ್ರತಿಂಡು ಜೈಲ್ಕು ಉತಿಂದ್ದಾದು ^{20 21 22} 20.ಅತಿಂಡು ಪಿಲಾತು ಯೇಸು ಆತ್ತೆಯ ಉದ್ದಕ್ರುದು ಇಂಡು ಮನ್ಸು ಸುಸೆಂದು, ಇನ್ನೊಂದ್ರಕ ಐಲ್ಕೆ೦ಟಿ ವಾಸೇತುಸು. 21.ಅನೇಕೆ ಐಗ್ಯ - ಆತತ್ತೆಯ ಶಿಲುಬೇತ್ಗು ಹೋದಂಗೋ, ಆತತ್ತೆಯ ಶಿಲುಬೇತ್ಗು ಹೋದಂಗೋ, ಇಂಡು ಸೊನ್ತ್ ಇಂಚ್ನು. 22.ಅನೇಕೆ ಅದು ಮೂಡ್ನೆರಾಕ ಐಲ್ಕಿ ಎಂತ್ಗು? ಇದು ಕೋಟ್ಯತ್ಯಾಂತ್ತು ಸೇಂದ್ದಿದು? ಇತ್ತಂಚ್ಲಿ ಮರಣತ್ಗು ಕಾರಣ ಅನಾ ಎ ವಿಷಯಾ ನನ್ಕು ಕಾಂಗುಲ, ಅತಿಂಡು ನಾನು ಇತತ್ತೆಯ ಮತಿಚು ಉಟುಡ್ರೆ ಇಂಡ್ಸು. ^{23 24 25} 23.ಅನೇಕೆ ಅದು ಶಿಲುಬೇತ್ಗು ಹೋದ್ರುದು ಇಂಡು ಐಗ್ಯ ಬೇರು ದ್ವನಿಇಂಡು ಒತ್ತಾಯ ಸೈತಯಿಂಚ್ನು, ಹಿನ್ಗೆ ಅಲ್ತ ಕುಗಾಟ ಪ್ರದಾನ ಯಾಜಕರತ್ತೆಯ ಗೆದ್ದುಸು. 24.ಅಪೋದು ಪಿಲಾತು ಐಗ್ಯ ಕೊಟ್ಗೋ೦ಡ್ಕನೆ ಅಗೋಟು ಇಂಡು ನಿರ್ಣಯ ಸೆಂಚು. 25.ಇದಲ್ದೆ ಐಗ್ಯ ಇಷ್ಟಪಾಟ್ನಾ ಇಂಡೆಕ್ಯ ದಂಗೆತ್ಗು ಮತ್ತೆ ಕೊಲೆ ಇಂಡು ಜೈಲ್ಕು ಓಟಿಕ್ರತ ಐಲ್ಕಿ ಉಟ್ಟೋಟ್ಟು ಯೇಸು ಆತ್ತೆಯ ಐಲ್ತ್ ಇಷ್ಟತ್ಗು ಒಪ್ಪಿಸುಸು. ²⁶ 26.ಐಗ್ಯ ಆತತ್ತೆಯ ಅಗುಸ್ಗೊಂಡು ಹೊಗ್ರಪೋದು ಕೊಲ್ಲಿಂಡು ವರ್ತ ಇಂದ ಕುರೆನ್ಯ ತದಾನ ಸಿಮೋನ ಇಂಗ್ರತತ್ತೆಯ ಪುಡ್ಸ್ನು.ಅತ್ರು ಮೇನಿ ಶಿಳುಬೇಯತ್ತೆಯ ಅಚ್ಚು ಯೇಸು ಪರುಗೊಟಲ್ ಪೆಚ್ಚಿಗೊಂಡು ಹೋಗ್ರುತರ ಸೇಚ್ನು. ^{27 28} 27.ಅಪೋದು ಮಂದಿಲ್ತ ಬೇರು ಗುಂಪು ಪಂಬ್ಲುಗ್ಯ ಆತ್ಗಯಿ ಶೋಕಿಸ್ತ ಆಗ್ತ ಗೋಳಾಡ್ತಾ ಆತ್ರು ಪರುಗೊಟ್ಲಿ ಹೋಸ್ನು. 28.ಅನೇಕೆ ಯೇಸು ಐಲಿ ಜಾಯಿ ತಿರ್ಗಿ ಯೆರುಸಲೆಮ್ತು ಪಂಬ್ಲೈ ಲ್ಯೇ ನಾನುಕೊಸ್ಕರ ಆಗ್ಮನಂಗ, ಅನೇಕೆ ನಿಂಗ್ಲುಕಾಯಿ ನಿಂಗ್ಲ ಮಾರ್ಕಿಲ್ಕಯಿ ಅಗಂಗೋ. ^{29 30 31} 29.ಯಾಂತ್ಗು ಇಂಡೆಕ್ಯ, ಬಂಜೆಗ್ಯ ಎಮಾನು ಸೇರ್ಗುನಿಂದ್ರುಗ್ದೆ ಇಕ್ರಗ್ಯ ಎಮಾನು ಮೋಲೆ ಕುಡಿಸಿಕ್ದೆ ಇಕ್ರಗ್ಯ ದನ್ಯರು ಇಂಡು ಸೊಂದ್ರ ನಾಲು ವಾರಕು. 30.ಅಪೋದು ಐಗ್ಯ ಗುಟ್ಟುತ್ಗು -ನಂಗ್ಲುಮೆನಿ ಬುಗಂಗೋ, ಗುಡ್ಡತ್ಗು ನಂಗ್ಲತೆಯ ಮುಚ್ಯೊಂಗೋ ಇಂಡು ಸೊಂದ್ರುಕು ಪ್ರಾರಂಬಿಸಾಕ್ನು. 31.ಐಗ್ಯ ಪಸರೈಕ್ರ ಮರುತ್ಗು ಇಂದ ಪೋದೆ ಇತ್ತದ್ದಿ ಸೆ೦ಚ್ನು ಮರು ಒಡ್ನಪೋದು ಎಂದಗ್ ಬೋದು ಇಂಡುಸು. ³² 32.ಇದಲ್ದೆ ದುಷ್ಕರ್ಮಿ ಅನಾ ಬೇರೆ ಇನ್ನು ರಂಡತ್ತೆಯ ಅತೆಂತ್ಲಿ ಕೊಲ್ಲುರ್ಕು ಅತ್ಗೊಂಡು ಹೋಸ್ನು. ^{33 34} 33.ಐಗ್ಯ ಕಲ್ಬಾರಿ ಇಂಡು ಅಕೀರ ಸ್ವಳುತ್ಗು ವಂದಪೋದು ಅಟಿ ಆತ್ತ ಮತ್ತೆ ಆ ದುಷ್ಕರ್ಮಿಕೋರು ಒಂಡತೆಯ ಉನ್ ಗೈಕೋರು.ಇನ್ನೊಂಡತ್ತೆಯ ಅದ್ಕೈಕೋರು ಶಿಲುಬೇತ್ಗು ಉಟುಸ್ನು. 34.ಅಪೋದು ಯೇಸು -ಅವಾ, ಐಲ್ಯತ್ತೆಯ ಕ್ಷಮ್ಸು,ಯಾಂತ್ಗು ಇಂಡೆಕ್ಯೆ ತಂಗ ಎಂತು ಸೈತ ಇರೋ.ಇಂಡು ಅಲ್ಕಿ ಗೊತ್ತಿಲ್ಲ , ಇಂಡ್ಸು, ಐಗ್ಯ ಅತ್ರ ಬಟ್ಲತೆಯ ಸಾಲು ಸೇಂದು ಚೀಟಿ ಹೊಟುಸ್ನು. ³⁵ 35.ಮಂದಿಗ್ಯ ಪಕ್ತ ನಿಂದ್ರುಗೊಂಡಿಚ್ನು, ಅಪೋದು ಅದಿಕಾರಿಗ್ಯ ಸಹ ಆತ್ಗು ಅಪಹಾಸ್ಯ ಸೇಂದು, ಇದು ಬೇರೆಲತ್ತೆಯ ರಕ್ಷಿಸುಸು, ಇದು ದೌವ್ರು ವಂಕ್ಯೊಂಡ ಕ್ರಿಸ್ತ ಆಯಿಂದೇಕೆ ತನ್ನತೆಯ ರಕ್ಷಿಸ್ಕೋಟು ಇಂಡುಸ್ನು.36373836.ಸೈನಿಕ್ರು ಸಹ ಅತ್ತಂಚ್ಗು ಮದು ಅತ್ಗು ಹಾಸ್ಯ ಸೇಂದು ಪುಲ್ದು ರಸ್ತ ಕುಡ್ತು. ^{36 37 38} 37.ಅತ್ಗು -ನೀನು ಯೆಹುದ್ಯರ ಅರಸ ಆಯಿದ್ದೆಕ್ಕೆ ನಿನ್ನತೆಯ ನೀನೆ ರಕ್ಷಿಸ್ಗೋ ಇಂಡು ಸೊನುಸ್ನು. 38.ಇದಲ್ದೆ ಆತ್ರು ಮೆನ್ಕಿ -ಇದು ಯೇಹುದ್ಯರ ಅರಸು ಇಂಡು ವರ್ಜು ಸಹ ಗ್ರೀಕ್ ಲ್ಯಾಟಿನ್, ಮತ್ತೆ ಇಬ್ರಿಯ ಅಕ್ಷರುತ್ಗೋರು ವರ್ಜಿಂಚ್ಗು. ^{39 40 41} 39.ತೂಗು ಹೊತ್ತಿಂದ ದುಷ್ಕರ್ಮಿಕೋರು ಒಂಡು, ಆತತ್ತೆಯ ದೂಷ್ನೆಸೇಂದು,ನೀನು ಕ್ರಿಸ್ತ ಆಯಿಂದ್ದೇಕೆ ನಿನ್ನತ್ತೆಯ ರಕ್ಷಣೆಸೇಂದುಗೊಂಡು ನಂಗ್ಲತೆಯ ರಕ್ಷಣೆ ಸೈಯಿ ಇಂಡು ಸೋನ್ಸು. 40.ಅನೇಕೆ ಇನ್ನೊಂಡು ಪ್ರತ್ಯುತ್ತರ ಆಯಿ ಆತತ್ತೆಯ ಗದುರ್ಸಿ -ನೀನು ಇದೇ ದಂಡನೆತ್ಗೊರು ಇಕ್ರತ ಪಾತು ನೀನು ದೌವ್ರುಕು ಭಯಪಡ್ನ ಟ್ಯ. 41.ನಗಂತೋ ನ್ಯಾಯವಾಯಿ ನಂಗ್ಲ ಕಾರ್ಯತ್ಗು ತಕ್ಕ ಪ್ರತಿಫಲತ್ತೆಯ ಹೊಂದ್ತ ಇರೇ, ಇದಾನೇಕೆ ತಪ್ಪಾತೆಯ ಸೈಯಿಲಾ ಇಂಡು ಸೋನ್ಸು. ^{42 43} 42.ಇದಲ್ದೆ ಅದು ಯೇಸುಕು -ಕರ್ತನೆ, ನೀನು ನಿಟ ರಾಜ್ಯತ್ಗೋರು ವರಪೋದು ನನ್ನತೆಯ ನೆನ್ಪು ಸೆಂದ್ಗೋ ಇಂಡು ಸೋನ್ಸು. 43.ಅಪೋದು ಯೇಸು ಅತ್ಗು - ಈ ನಾಲು ನೀನು ನನ್ನೆಂಟ್ಟಿ ಪರದೈಸಿಕೋರು ಇಕ್ಯಾರ ಇಂಡು ನಾನು ನಿನ್ಕು ಕಾರಂನ್ಕೆ ಸೊನ್ಥ ಇರೆ ಇಂಡ್ಸು. ^{44 45} 44.ಅಪೋದು ಮದ್ಯಾನ ಅಯಿಂಚು, ಅಪೋದು ಮೂಡು ತಾಸು ಭೂಮಿ ಮೆಲಾದ್ದಿ ಕತ್ಲಸು. 45.ಇದಲ್ದೆ ಸೂರ್ಯ ಕತ್ಲಸು, ದೌವ್ರು ಆಲಯ್ತು ತೆರೆಯು ಮದ್ಯತ್ಗೋರು ಹರುಜುಸು ^{46 47} 46.ಯೇಸು ಸೇನಾ ಬೇರು ದನಿ ಇಂಡು -ಅವಾ ನಾನು ನಟ ಆತ್ಮ ಆತ್ತತೆಯ ನಟು ಕೈಕಿ ಒಪ್ಪಿಸ್ತ ಇರೇ ಇಂಡು ಸೋನ್ಸು, ಹಿನ್ಗು ಸೋನ್ನಿ ಅನಾ ಪೋದು, ಅದು ಪ್ರಾಣ ಉಟ್ಟುಸು. 47.ಅಪೋದು ಶತಾಧಿಪತಿಯು ಅನಾತ್ತ ಪಾತು -ನಿಶ್ಚಯವಾಯಿ ಇದು ನೀತಿವಂತ ನಾಯಿಂಚು, ಇಂಡು ಸೋನ್ನಿ ದೌವ್ರುತ್ತೆಯ ಮಹಿಮೆ ಪಡ್ಸುಸು. ^{48 49} 48.ಆ ನೋಟತ್ಗಾಯಿ ವಂದಿಂದ ಮಂದಿಗ್ಯ ಅನಾ ಸಂಭವತ್ತೆಯ ಪಾಕ್ತ ತಂಗ್ಲ ಎದತ್ತೆಯ ಬುಡುಜುಗ್ತಾ ಹೋಸ್ನು. 49.ಅತ್ಗು ಪರಿಚಯ ಇಂದ ಅದ್ಯರು ಗಲಿಲಾಯ ತಿಂಡು ಆತತ್ತೆಯ ಹಿಂಬಾಲಿಸ್ನ ಪಂಬ್ಲಾಗ್ಯ ತುರ್ ಕೋರು ನಿಂದ್ರು ಇಲ್ಯತೆಯ ಪಾಕ್ತ ಇಂಚ್ನು. ^{50 51} 50.ಅಪೋದು ಇದೋ, ಅಟಿ ಯೋಸೇಪ ಇಂಗ್ರ ಸೇರಿಕ್ರ ಮನ್ಸು ಇಂಚು, ಅದು ಆಲೋಚನಾ ಸಭೆತ್ತದು ನಲ್ಲದು, ನಿಟ ವಂತು ಆಯಿಂಚು. 51.ಇದು ಯೇಹುದ್ಯರೆ ಪಟ್ಟಣ ಅನಾ ಅರಿಮ ಥಾಯತದು ದೌವ್ರು ರಾಜ್ಯತ್ಗಾಯಿ ಅದ್ರು ಪಕ್ತ ಇಕ್ರದು ಆಯಿಂಚು, (ಅದು ಐಲ್ತ, ಆಲೋಚನೆತ್ಗು , ಕೃತ್ಯತ್ಗು ಒಪ್ಪಿಗೊಂಡಿಕ್ಲ. ^{52 53} 52.ಇದು ಪಿಲಾತನಂಚ್ಗು ಹೋಯಿ ಯೇಸು , ಹೋದ್ಮತೇಯ ಕೊಡುಸು. 53.ಇದು ಆತ ತರ್ಕಿ ಇಗಿಸಿ ನಾರು ಮಡಿಯ ಬಟ್ಲತೆಯ ಸುತ್ತಿ ಬಂದ್ಲುಕೋರು ತೊಡ್ನ ಬೇರು ಸಮಾದಿಕೋರು ಅಂಚುಸು, ಮುನ್ನಿ ಯಾಕು ಅಟಿ ಅಚ್ಚಿಕ್ಲ. ^{54 55 56} 54.ಸಬ್ಬತು ನಾಲು ಸಮೀಪ ಆಯಿಂದ ಆ ನಾಲು ಸಬ್ಬತ್ ನಾಲು ಆಯಿಂಚು, 55.ಇದಲ್ದೆ ಗಲಿಲಾಯತಿಂಡು ಆತೆಂಟ್ಟಿ ವಂದಿದ್ದ ಪಂಬ್ಲಾಗ್ಯ ಸಹ ಪರ್ಗೊತ್ಲಿ ಹೋಯಿ ಸಮಾದಿಯತ್ತೆಯ ಆ ಸಮಾದಿಕೋರು ಆತ್ರ ಹೊಡ್ಮತೆಯ ಹೆನ್ಗೂ - ಇಟ್ಟುಸ್ನು ಇಂಗ್ರತ್ತ ಪಚ್ನು. 56.ಐಗ್ಯ ಪರ್ದಿರ್ಗಿ ಹೋಯಿ ಪರಿಮಳ, ದ್ರವ್ಯಲತ್ತೆಯ ಸುಗಂಧ ತೈಲತ್ತೆಯ ಸಿದ್ದ ಸೇಂದುಗೊಂಡು ಅಗ್ನಾನುಸಾರವಾಯಿ ಸಬ್ಬತ್ತು ನಾಲ್ತುಗೋರು ವಿಶ್ರಮಿಸ್ಗೊಂಡುಸ್ನು.