^{1 2 3} 1 .ಆ ದಿನತ್ಗೊರು ಅನದು ಹೆಂದ ಇಂಡೆಕೆ ಲೋಕುತ್ಗೊರು ಖಾನೇಷುಮಾರಿ ವರ್ಪಿಚುಗ್ರುದುಇಂಡು ಕೈಸರಅನಾ ನಿಂಡು ಆಜ್ಞೆ ಅಇಂಚು 2. ಕುರೆನ್ಯನು ಸಿರಿಯತ್ಗು ಅದಿಪತಿಐನ್ದಪೊದು ಈ ಖಾನೇಷುಮಾರಿ ಹೊಡನೆ ರಕ ಅಸೂ. 3. ಅಪೋದು ಖಾನೇಸುಮಾರಿ ವರ್ಪಿಚ್ಗ್ರುಕು ತಂಗ್ ತಂಗ್ಲ ಉರ್ ಕುಹೊಸ್ನು. ^{4 5} 4.(ಯೋಸೇಫ ದಾವಿದ್ ವಂಶತಾದು ಅತ್ತಿಂಡು) ಅದು ಸಹ ಗಲಿಲಾಯದ ನಜರೇತ್ ಇಂಗ್ರ ಪಟ್ಟಣತ್ತಿಂಡು ಯೂದಯತ್ ಗೋರು ಬೆತ್ಲೇಹೆಮ್ ಇಂಡು ಸೊಂಡ್ರ ದಾವಿದ ಪಟ್ಟನತ್ಗು 5.ತನ್ಕು ಇಳೆಸಾಸ್ತ್ರ ಐನ್ದ ಮತ್ತೆ ಪೂರ್ಣ ಗರ್ಬಿಣಿಅಯಿಂದ ಮರಿಯಲ್ಲೆನ್ಟಿ ಖನೇಷುಮಾರಿ ವರ್ಪಿಚ್ಗ್ರುಕು ಹೊಸು ^{6 7} 6 .ಹಿನ್ಗೆ ಐಗ್ಯ ಅಟ್ಟಿ ಇಂದಪೋದು ಅತ್ಗು ಕಡೆಅಗ್ರ ದಿನ್ನು ಪೂರ್ಣಅಸೂ . 7 ಅತ್ಗು ತಟ ಚೊಚ್ಚಲು ಮೊವತ್ತೆಯ ಪೇಚು ಬಟ್ಟುಕೋರು ಸುತ್ತಿ ಛತ್ರತ್ಗೊರು ಅಲ್ಕಿ ಜಾಗುಯಿಕ್ದೆಇಕ್ರತ್ಗು ಅತ್ತ ಕೊಟ್ಗಿಕೊರು ಭುದಿಪ್ಚುಸು. ^{8 9} 8 ಅಪೋದು ಅದೇ ಸೀಮೆತ್ಗೊರು ಕುರುಬ್ರಬ್ಗ್ಯ ಕೊಲ್ಲುಕೊರುಯಿಂದು ತಂಗ್ಲ ಕುರುಬಡ್ಲ ಕಕ್ತಯಿಂಚ್ನು 9 ಇಗೋ ಕರ್ತನ ದೂತು ಐಲ್ಯಂಚ್ಗು ವಂಚು .ಅಪೋದು ಕರ್ತನ ಮಹಿಮೆ ಐಲ್ಯ ಸುತ್ತಮುತ್ತ ಪ್ರಕಾಸುಸು ಅತಿಂಡು ಐಗ್ಯ ಸೇನ ಬಿತ್ಗು ಗೊಂಡುಸ್ನು. ^{10 11 12} 10 ಅನೇಕೆ ದೂತು ಐಲ್ಕಿ ಬಿತ್ಗು ಮನಂಗ ಯಂತ್ಗು ಇಂಡೆಕ್ಯ ಇದೋ ಅದ್ದಿ ಮಂದಿಲ್ಕಿ ಸೇನ ಸಂತೋಷ ಆಗ್ರಾ ನಲ್ಲ ಸಮಾಚಾರತ್ತೆಯ ನಾನು ನಿಂಗ್ಲುಕು ಸೋನ್ನರೆ. 11 ಈ ನಾಲು ದಾವೀದ ಪಟ್ಟನತ್ಗೋರು ನಿಂಗ್ಲುಕೊಸ್ಕರ ಒಂಡು ರಕ್ಷಕ ಪರ್ದಿದು .ಅದು ಕರ್ತನಹಿಕ್ರ ಕ್ರಿಸ್ತು. 12 ಆ ಮೊವ್ವು ಭಟ್ಲಿಂಡು ಸುತ್ತಿ ಕೊಟ್ಗಿಕೊರು ಬುದ್ಗೊಂಡಿಕ್ರತ ನಿಂಗ ಪಕಾರಂಗ “ಇದೇ ನಿಂಗ್ಲುಕು ಗುರುತು ಇಂಡು ಸೋನ್ಸು. ^{13 14} 13 ಅಪೋದೆ ಪರಲೋಕ ಸೈನ್ಯದ ಸಮೂಹ ಆ ದೂತನ ಜೊತೆ ಇಂದು ದವ್ರತ್ತೇಯ ಕೊಂಡಾಡ್ತ 14 ಮಹೋನ್ನತ ದವ್ರುಕು ಮಹಿಮೆ, ಭೂಮಿ ಮೆನಿ ಸಾಮದಾನ ,ಮನುಷ್ಯರ್ ಜಾಯಿ ದಯೆ ಇಂಡು ಸೋನ್ಸು. ^{15 16} 15 ದೂತು ಐಲ್ಯಂಚ್ಲಿಂಡು ಪರಲೋಕುತ್ಗು ಹೊನಪೋದು –ಕರ್ತನು ನಂಗ್ಲುಕು ಸೊನ್ನ ಈ ವಿಷಯತ್ತೆಯ ನಂಗ ಇಪೊದೆ ಬೆತ್ಲೇಹೆಮ್ಕು ಹೋಯಿ ಪಕೋಮು ಇನ್ದು ತಂಗ್ತಗ್ಲುಲೇ ವಸೆತ್ಗೊಂಡುಸ್ನು . 16 ಐಗ್ಯ ಅವಸರ ತಿಂಡು ಮರಿಯಳ ತ್ತೆಯಿ ಯೋಸೆಪತ್ತೆಯಿ ಗೋದಲಿಕೊರು ಬುದ್ಗೊಂಡಿ೦ದ ಶಿಶುವತ್ತೆಯ ಪಚ್ನು. ^{17 18 19 20} 17 ಐಗ್ಯ ಆತತ್ತೆಯ ಪಾತನ್ಬೇಸಲಿ ಈ ಶಿಶು ವಿಷಯವಾಯಿ ತಂಗ್ಲುಕು ಸೋನ್ನಿಂದ ಒಕತ್ತೆಯ ಅದ್ದಿ ಜಯಿಂಡು ಪ್ರಕಟ ಸೇನ್ಚ್ನು 18 ಕುರುಬಾಡು ಮೈಕ್ರಗ್ಯ ಸೋನ್ನ ವಿಷಯಳತ್ತೆಯಿ ಕೋಟು ಆಶ್ಚರ್ಯ ಪಟ್ಟುಸ್ನು. 19 ಆನೇಕೆ ಮರಿಯಲು ಈ ಅದ್ದಿ ವಿಷಯಲತ್ತೆಯ ತಟ ಹೃದಯಕೋರು ಅಚ್ಗೊಂಡು ಯೋಚುಸ್ತಯಿಂಚು. 20 ತಂಗ್ಲುಕು ಕುರುಬ್ರು ಸೋನ್ನ ಮತ್ತೆ ಪಾತ ಅದ್ದಿ ವಿಷಯತ್ಗು ದವ್ರತ್ತೇಯ ಮಹಿಮೆಪಡುಸ್ತ ಕೊಂಡಡ್ತಾ ಪರ್ದಿರ್ಗಿ ಹೊಸ್ನು. ²¹ 21 ಶಿಶುಕು ಸುನ್ನತಿ ಸೈಪಿಕ್ರುಕು ಅಟ್ಟು ನಾಲು ಅನಪೋದು ಅತತ್ತೆಯ ಪೆಕಿರ್ಕಿಂತ ಮುನ್ನಿ ದೂತು ಪೇರಚ್ಕನೆ ಅದು ಯೇಸು ಇಂಡು ಪೇರುಅಚುಸ್ನು. ^{22 23 24} 22 ಮೋಶೆಯ ನ್ಯಾಯಪ್ರಮಾನುತ್ ಪ್ರಕಾರ ಅತ್ರ ಶುದ್ದಿಕರಣ ನಾಲು ಅನಪೋದು ಐಗ್ಯ ಅತತ್ತೆಯ ದವ್ರ್ಕು ಸಮರ್ಪಿಸ್ರುಕು ಯೆರುಸಲೆಮ್ಕು ಅಗ್ಸೆನ್ಚ್ನು. 23 (ಕರ್ತನ ನ್ಯಾಯ ಪ್ರಮಾಣತ್ಗೊರು ವರ್ಜಿಕ್ರುಕನಿ –ಅದ್ದಿ ಚೊಚ್ಚಲು ಅಮ್ಬ್ಲು ಮಾಕ್ಯ ಕರ್ತನ್ಕು ಪರಿಶುದ್ಧ ಇಂಡು ಅಕಿರ್ ದು). 24 ಕರ್ತನ ನ್ಯಾಯಪ್ರಮಾನುತ್ಗೊರು ಸೋನಿಕ್ರುಕನಿ ಒಂಡು ಜೊತೆ ಬೆಳವಕ್ಕಿ ಅನಾ ರಂಡು ಪಾರಿವಾಳತ ಮರಿಯನ ಅಗೋಟು ಯಜ್ಞಾರ್ಪಣೆ ಸೇಯಿರ್ದು. ^{25 26} 25 ಇದೋ ಸಿಮೋನ ಹಿಂಗ್ರ ಪೇರು ಇಕ್ರ ಒಂಡು ಮನುಷ್ಯ ಯೆರುಸಲೆಮ್ಕೊರು ಇಂಚು .ಅದು ನೀತಿವಂತು ಭಕ್ತ ಅಇಂದು ಇಸ್ರಾಯೆಲರ ಆದರಣೆಕಾಯಿ ಕಕ್ತಯಿಂಚು . ಇತ್ರು ಮೇನಿ ಪವಿತ್ರಾತ್ಮ ಇಂಚು . 26 ಕರ್ತನಯಿಕ್ರ ಕ್ರಿಸ್ತನತ್ತೆಯ ಅದು ಪಕ್ರುಕಿಂತ ಮುನ್ನಿ ಸಗ್ದಿಲ ಇಂಡು ಪರಿಶುದ್ಧ ಅತ್ಮನಿಂಡು ಅತ್ಗು ಪ್ರಕಟ ಐನ್ಚು. ^{27 28 29} 27 ಅಪೋದು ಅತ್ಮನಿಂಡು ದೊವ್ರುಗುಡಿಉಲ್ಕಿ ವಂಚು “ಯೇಸು ಅಮ್ಮ ಹವು ನ್ಯಾಯ ಪ್ರಮಾನುತ್ ಪದ್ಧತಿ ಪ್ರಕಾರ ಸೈರುಕು ಅತ್ತ ಉಲ್ಕಿ ಅಗ್ಸೆನ್ಚ್ನು. 28 ಅಪೋದು ಅದು (ಸಿಮೊನತೇಯಿ )ಅತತ್ತೆಯಿ ತಟ ಕೈಹಿಂಡು ಪೆಚ್ಗೊಂಡು ದವ್ರತೇಯಿ ಕೊಂಡಡ್ತಾ. 29 ಕರ್ತನೆ ,ಇಪೋದು ನಿಟಾ ಹೋಕು ಪ್ರಕಾರ ನಿಟಾ ದಾಸನತ್ತೆಯಿ ಸಮಾದಾನತಿಂಡು ಒಗ್ರುಕನಿ ಸೇನ್ದಿರ. ^{33 34 35} 33 ಅಪೋದು ಅದು ಸೋನಿಕ್ರ ಹೊಕುಕು ಯೋಸೇಪ ಅತ್ರ ಅಮ್ಮ ಅಶ್ಚರ್ಯ ಪಟುಸ್ನು. 34 ಸಿಮೋನನು ಐಲ್ಯತ್ತೆಯ ಆಶೀರ್ವಾದಿಸಿ ಅತ್ರ ತಾಯಿಅನಾ ಮರಿಯಲ್ಕು –ಇದೋ .ಇಸ್ರಯೇಲ್ಕೊರು ಸೇನ ಅಳು ಬುಗ್ರೂಕು ತಿರ್ಗಿ ಅದಿಕಿರ್ಕು ಅದ್ರುಕು ವಸೇತ್ರುಕು ಈ ಶಿಶು ಗುರುತಾಯಿ ಇಕ್ಯಾಕು. 35 ಅನೆಕ್ರ ಹೃದಯ ಆಲೋಚನೆಗ್ಯ ಪ್ರಕಟ ಅಕ್ದು (ಅಂಬೋ. ನಿಟ್ಟ ಸ್ವಂತ ಜೀವತ್ತೆಯಿ ಸಹ ಕೊಡ್ಲಿ ತಿವಿಯಾಕು)ಇಂಡ್ಸು. ^{36 37 38} 36 ಅಟ್ಟಿ ಅಸೇರೆನ ಗೋತ್ರದ ಫನುವೇಲನ ಮಗ್ಲನ ಅನ್ನ ಇಂಗ್ರ ಒಂಡು ಪ್ರವಾದಿ ಇಂಚು “ಅದು ಸೇನ ವೈಸೈಕ್ರದು: ತಟ ಕನ್ಯಾವಸ್ಥೆಯಿಂಡು ಮನಗ್ನೆನ್ಟಿ ಹೋಗು ವಟ್ಗಲು ಜೀವ್ನ ಸೆಂಚು. 37 ಅದು ಹೆಚ್ಜು ಕಡಿಮೆ ಅಗ್ರುಕತ್ತುನಾಲು ವಟ್ಗಲು ವಿಧವೆ ಅಯಿಂದು ದೊವ್ರು ಆಲಯತ್ತೆಯಿ ಉಟೋಟು ಹೋಗ್ದೆ ನಮಾರ್ಕಿ ಪಗ್ಮರ್ಕಿ ಉಪವಾಸತಿಂಡು ಪ್ರಾರ್ಥನೆ ಇಂಡು ದವ್ರತ್ತೆಯ ಕೊಂಡಡ್ತಾ ಇಂಚು. 38 ಆ ಕ್ಷಣತ್ಗೊರು ಅದು ಕರ್ತನತ್ತೆಯ ಅದೇ ರೀತಿಆಯಿ ಕೊಂಡಡ್ತಾ ಯೆರುಸಲೆಮುಕೊರು ವಿಮೋಚನೆಕಾಯಿ ಕಾಕ್ತ ಇನ್ದಲ್ಕಿ ಅತ್ರ ವಿಷಯವಾಯಿ ವಸೇತಹಿಂಚು. ^{39 40} 39 ಅದು ಕರ್ತನ ನ್ಯಾಯ ಪ್ರಮಾಣ ಪ್ರಕಾರ ಅದ್ದಿಅತ್ತೆಯ ಸೆಂದು ಮುಗುಸ್ನಪೋದು ತಂಗ್ಲ ಸ್ವಂತ ಪಟ್ಟಣ ಅನಾ ಗಲಿಲಾಲದ ನಜರೆತ್ಗು ಪರ್ದ್ರಿಗಿ ಹೊಸ್ನು. 40 ಆ ಶಿಶು ವಲ್ಜು ಆತ್ಮಕೋರು ಬಲಗೊಂಡು ಜಾನ್ಹ ತಿಂಡು ತುಂಬಿಕ್ರದಸು: ದವ್ರ ಕೃಪೆ ಅತ್ ಮೇನಿ ಇಂಚು. ^{41 42 43 44} 41 ಅತ್ರ ಅಮ್ಮ ಆವಾ ಪ್ರತಿ ವಟ್ಗಲು ಪಸ್ಕ ಪಂಡುಗ್ಲುಕೊರು ಯೆರುಸಲೆಮ್ಕು ಹೋಗ್ತಯಿಂಚ್ನು . 42 ಅದು ಪನ್ನೆಂಡು ವಟ್ಗಾಲ್ಐನ್ದಪೋದು ಐಗ್ಯ ಪಂಡುಗ್ಲು ಪದ್ಧತಿ ಪ್ರಕಾರ ಯೆರುಸಲೆಮ್ಕು ಹೊಸ್ನು . 43 ಐಗ್ಯ ಆ ಪಂಡುಲ್ಗ್ಲ ನಾಲು ಮುಗ್ಜನಪೋದು ಪರ್ದಿರ್ಗಿ ಹೊಗ್ರಪೋದು ಬಾಲಕ ಅನಾ ಯೇಸು ಯೆರುಸಲೆಮ್ಕೊರೆ ನಿಡ್ರುಸು ಅದು ಯೋಸೆಪ್ಕು ಅತ್ ಅಮ್ಮಿಕು ಗೊತಿಕ್ಲ. 44 .ಅನೇಕೆ ಅದು ಗುಂಪುಕೊರು ಇಕ್ಬೋಹುದು ಇಂಡ್ಗೋ೦ಡು ಒಂಡು ನಲ್ತ ಪ್ರಯಾಣ ಸೇನ್ದನ್ಬೇಸಲಿ ತಂಗ್ಲ ಬಂದು ಬಳುಗ್ಲುಕೊರು ಪರಿಚಯ ಇಕ್ರಲಂಚ್ಲಿ ಅತ್ತ ದೊವುಸ್ನು. ^{45 46 47} 45 ಅನೇಕೆ ಐಗ್ಯ ಅತತ್ತೆಯ ಪಾಕ್ದೆ ಇಕ್ರತಿಂಡು ಅತತ್ತೆಯ ದೊವ್ತ ಮತ್ತೆ ಯೆರುಸಲೆಮ್ಕು ಪರ್ದಿರ್ಗಿ ಹೊಸ್ನು . 46 ಮೂಡು ನಾಲು ಅನಪೋದು ಅದು ದೇವಾಲಯತ್ಕೊರು ಭೋದಕರ ನಡುಕು ಉಕೊಂಡು ಐಲ್ಯ ಹೊಕತ್ತೆಯಕೊಕ್ತ ಐಲ್ಯತ್ತೆಯ ಪ್ರಶ್ನೆ ಸೈತ ಇಕ್ರತ ಐಗ್ಯ ಪಚ್ನು . 47 ಅದು ಸೋನ್ನ ಹೊಕತ್ತೆಯ ಕೊಟಗ್ಯದಿ ಅತ್ರ ಜ್ಞಾನತ್ಗು ಉತ್ರುಕು ಬೆರಗಸ್ನು. ^{48 49 50} 48 ಐಗ್ಯ (ಅವಾ ಅಮ್ಮ )ಅತತ್ತೆಯ ಪತಪೋದು ಆಶ್ಚರ್ಯ ಪಟುಸ್ನು :ಅಪೋದು ಅತ್ರ ಅಮ್ಮ ಅತ್ಗು ಮೊವ್ನೆ ‘ನೀನು ನಂಗ್ಲುಕು ಇನ್ಯನ್ತ್ಗು ಸೇಂದ ?ಇದೋ ನಿಟ್ಟ ಆವಾ ನಾನು ವ್ಯಥೆ ಇಂಡು ನಿನತ್ತೆಯ ದೊವ್ನೋ ಇಂಡ್ಸು . 49 ಅದು ಐಲ್ಕಿ –ನಿಂಗ ನನ್ನತ್ತೆಯ ಯಂತ್ಗು ದ್ವವ್ನಾಗ ?ನಾನು ನನ್ನ ಅವ್ತ ಪನಿಕೋರು ಇಕ್ರದು ಅಗತ್ಯ ಇಂಡು ನಿಂಗ್ಲುಕು ಗೊತಿಲ್ಯ ಇಂಡುಸ್ನು . 50 ಅನೇಕೆ ಅದು ಐಲ್ಕಿ ಸೋನ್ನ ಹೋಕತೆಯ ಐಗ್ಯ ಗ್ರಹಿಸಲಿಲ್ಲ. ^{51 52} 51 ಅನ್ಬೇಸಲಿ ಅದು ಐಲ್ಯ ಜೋತೆಕೊರು ನಜರೆತ್ಗು ವಂದು ಐಲ್ಕಿ ತಗಿಸ್ಕ್ಯೊಂಡಿ೦ಚು. ಅನೇಕೆ ಅತ್ರ ಅಮ್ಮ ಈ ಹೋಕತ್ತೆಯ ತಟ್ಟ ಹೃದಯ ಕೋರು ಅಚ್ಗೊಂಡ್ಸು. 52 ಯೇಸು ಜ್ಞಾನತ್ಕೊರು ಓಡ್ಮು ಬೆಳವಣಿಗೆ ಕೋರು ದವ್ರ ಮತ್ತೆ ಮನುಷ್ಯರ ದಯೆಕೊರು ವೃದ್ದಿ.