^{1 2} 01.ಮಂದಿಗ್ಯ ಬೇಸರ ಇಲ್ದೆ ಎಪೋದು ಪ್ರಾರ್ತಿಸ್ರುದು ಇಂಡು ಅದು ಅಲ್ಕಿ ಒಂಡು ಸೌಮ್ಯ ಅತ್ತೆಯ ಸೋನ್ಸು. 02.ಒಂಡನೊಂಡು ಪಟ್ಟಣತ್ಗೊರು ಒಂಡು ನ್ಯಾಯಾದಿಪತಿ ಇಂಡು ಅದು ದೌವ್ರು ಭಯಪಡದೆ ಇಕ್ರದು ಮನುಷ್ಯರತ್ತೆಯ ಲಕ್ಕ್ಷ್ಯ ಸೈಯ್ದು ಇಕ್ರದು ಐನ್ಚು. ^{3 4 5} 03.ಆ ಪಟ್ಟಣತ್ಗೊರು ಒಂಡು ವಿದವೆಯಿಂಚು ಅದು ಅತಂಚ್ಗು ವಂದು ನ್ಯಾಯ ವಿಚಾರಣೆ ಸೇಂದು ನಟ ವಿರೋದಿಯಿಂಡು ನನ್ನತ್ತೆಯ ಉಡ್ಡಿ ಉಡ್ಡಿಇಂಡು ಕೊಟ್ಗೊಂಡ್ಸು. 04.ಅದು ಸ್ವಲ್ಪ ನಾಲು ಮನಸ್ಸು ಸೈಲಾ ಅನ್ಬೇಸಾಲಿ ಅದು ತನ್ನುಲೇ ನಾನು ದೌವ್ರು ಭಯ ಪದ್ಮಟೆ ಮನುಷ್ಯರತ್ತೆಯ ಲಕ್ಕ್ಷ್ಯ ಸೈಯಿ ಮಾಟೆ. 05.ಅನಗನೇಕು ಈ ವಿದವೆಯು ನನ್ಕು ತೊಂದರೆ ತಂದು ಪದೇ ಪದೇ ನನ್ನಂಚ್ಗು ವಂದು ನನ್ನತ್ತೆಯ ಕಾಡ್ಸುಕು.ನಾನು ಇತ್ಗು ನ್ಯಾಯ ವಿಚಾರಿಸಿ ತೀರ್ಪು ಕುಡ್ಕುರ್ದು ಇದ್ಗೊಂಡ್ಸು. ^{6 7 8} 06.ಕರ್ತನು ಈ ಅನ್ಯಾಯಗಾರ ಆನಾ ನ್ಯಾಯದಿಪತಿ ಇದ್ಗೊಂಡತ್ತ ಕೋರಂಗೋ. 07.ದೌವ್ರು ತ್ತೆಯ ನಂಬಿಗೊಂಡಿಕ್ರಗ್ಯ ಅತ್ಗು ಪಗ್ಮರ್ಕಿ,ನಮಾರ್ಕಿ ಮೊರೆಯಿದ್ರ ಪೋದು ಅದು ಐಲ್ಯ ವಿಷಯತ್ಗೋರು ಸೇನ ತಡ ಸೇನ್ದಕು ಐಲ್ಯ ನ್ಯಾಯತ್ತೆಯ ತಿರುಸ್ಪೆ ಇಕ್ಯಾಕು. 08.ಅದು ಬೇಗ ಅಲ್ಕಿ ನ್ಯಾಯ ತಿರಿಸಾಕು ಇಂಡು ನಾನು ನಿಂಗ್ಲುಕು ಸೋನ್ನಾರೆ,ಅನ್ಗನೆಕು ಮನುಷ್ಯಕುಮಾರ ವಂದಪೋದು ಬೂಮಿ ಮೇನಿ ನಂಬಿಕೆ ಆತ್ತೆಯ ಪರಾಕ ಇಂಡ್ಸು. ^{9 10} 09.ತಂಗ ನಿತಿವಂತರಿಂಡು ತಂಗಳು ತಂಗ್ಲುಲ್ಲೆ ಭರವಸ ಆಚ್ಗೊಂಡು ಬೇರೆ ಲತ್ತೆಯ ಅಸಡ್ಡೆ ಸೇಂದ ಸ್ವಲ್ಪ ಅಳುಲ್ಕು ಈ ಸಾಮ್ಯತ್ತೆಯ ಸೋನ್ಸು. 10.ರಂಡಳು ಪ್ರಾರ್ಥನೆ ಸೈರಕು ಗುಡಿಕಿ ಹೋಸ್ನು,ಒಂಡು ಪರಿಸಾಯರನ್ನು ಇನ್ನೊಂಡು ಸುಂಕತದು. ^{11 12} 11.ಪರಿಸಾಯ ನಿಂದ್ರುಗೊಂಡು ತನ್ನಲ್ಲೇ ಹಿನ್ಗು ಪ್ರಾರ್ಥನೆ ಸೈತ ದೌವ್ರು ಪಿಚುಗ್ರಗ್ಯ ಅನಿತಿವಾತರು,ವ್ಯಬಿಚಾರಿಗ್ಯ ಐಯಿಕ್ರ ಇಲತ್ತರ ಈ ಸುಂಕಲ್ ತರ ನಾನು ಅಲ್ಲ ಆದದರಿಂಡು ನಾನು ನಿನ್ಕು ಸ್ತೋತ್ರ ಸೈಯಾರೇ. 12.ನಾನು ವಾರುತ್ಗೋರು ರಂಡು ಸಾರಿ ಉಪವಾಸ ಸೈಯಾರೇ,ನನ್ನಂಚ್ಲಿ ಇಕ್ರ ಅದ್ದಿಕೊರು ದಶಾಂಶತ್ತರೆ ಇಂಡ್ಸು. ^{13 14} 13.ಅನೇಕೆ ಸುಂಕತದು ತುರುಕೋರು ನಿಂದ್ರುಗೊಂಡು ಆಕಾಶ ಜಾಯಿ ಕನ್ ಪೇಚಿ ಪಕ್ರುಕು ಮನಸ್ಸಿಲ್ದೆ ತಟ ಎದೆಯಾತ್ತೆಯ ಬಡುಜುಗ್ತಾ-ದೌವ್ರು ಪಾಪಿ ಆನಾ ನನ್ನತ್ತೆಯ ಕರುಣಿಸು ಅಂಡ್ಸು. 14.ಇದು ಪ್ರಿಸಾಯನಿಗಿಂತ ನೀತಿವಂತನಿಂಡು ನಿರ್ಣಯಿಸಲ್ಪಟ್ಟ ದಾಯಿ ತಟ ಉಟ್ಸು ಹೊಸು ಎಂತ್ಗು ಇಂಡೆಕೆ ತನ್ನತ್ತೆಯ ಹೆಚ್ಚಿಸಿಗ್ರದು ಪ್ರತಿಯೋಂಡು ತಗ್ಗಿಸಲ್ಪಡಾಕು ಮತ್ತೆ ತನ್ನತ್ತೆಯ ತಗ್ಗಿಸಿಗ್ರದು ಹೆಚ್ಚಿಸಲ್ಪಡಾಕು ಇಂಡು ನಾನು ನಿಂಗ್ಲುಕು ಸೋನ್ನಾರೆ ಇಂಡ್ಸು. ^{15 16 17} 15.ತರುವಾಯ ಚಿನ್ಮಕ್ಲತ್ತೆಯ ಸಹ ಯೇಸು ಅತ್ತೆಯ ಮುಟ್ರುಕು ವಂದಪೋದು ಜನ್ರು ಐಲ್ಯತ್ತೆಯ ಆತ್ರಂಚ್ಗು ಹೋಗ್ರುತಂಚು ಇಂಡು ಗದರುಸುಸ್ನು. 16.ಅನೇಕೆ ಯೇಸು ಐಲ್ಯತ್ತೆಯ ತತಂಚ್ಗು ಅಗ್ಸು-ಚಿನ್ಮಕ್ಲತ್ತೆಯ ನಟನ್ಚ್ಗು ಉಡ೦ಗೋ,ಅಲ್ಕಿ ಅಡ್ಡಿ ಸೈಮಾನಂಗ,ಯಾಂತ್ಗು ಇಂಡೆಕೆ ದೌವ್ರು ರಾಜ್ಯ ಐಲ್ತದು. 17.ಎದಾನ ಅನೇಕು ಈ ಚಿನ್ನು ಮೌವುತರ ಮಕ್ಕಿಲ್ ತ್ತರ ಆಗ್ದೆ ಇಂಡೆಕೆ ದೌವ್ರು ರಾಜ್ಯತ್ಗು ಸೇರಿದಿಲ್ಲ. ^{18 19 20 21} 18.ಅಪೋದು ಒಂಡು ಅದಿಕಾರಿ ಅತ್ಗು ನಲ್ಲ ಬೋದಕನೆ,ನಾನು ನಿತ್ಯ ಜಿವತ್ತೆಯ ಹೊಂದ್ರುಕು ಎಂದ ಸೈರುರ್ದು ಇಂಡು ಕೊಟ್ಸು. 19.ಅತ್ಗು ಯೇಸು ನೀನು ನನ್ನತ್ತೆಯ ನಲ್ಲದು ಇಂಡು ಯಾಂತ್ಗು ಅಕ್ಯಾರ? ದೌವ್ರು ಒಂಡೇ ನಲ್ಲದು ಬೇರೆ ದೌವ್ರು ಉತ್ತೆಕ್ಯ ಎದು ನಲ್ಲದು ಈ ಲೋಕುತ್ಗೊರು ಇಲ್ಲ. 20.ವ್ಯಬಿಚಾರ ಸೈದಂಚು,ನರಹತ್ಯೆ ಸೈಯಿರ್ ದಂಚು,ಕಳ್ಳತನ ಸೈಯಿರ್ ದಂಚು,ಸುಳ್ಳು ಸಾಕ್ಕ್ಷಿ ಸೊಂದ್ರದಂಚು,ನಿಟ್ಟ ಅವಾ,ಅಮ್ಮತ್ತೆಯ ಗೌರವಸ್ನುದು,ಇಂಡು ಸೋನ್ಸು. 21.ಅತ್ಗು ಅದು-ನಾನು ಚಿನ್ನಪೋತಿಂಡು ನಾನು ಇಲ್ಯದ್ದಿ ಸೇನ್ದಗೊಂಡು ಹಿರೇ ಇಂಡು ಸೋನ್ಸು. ^{22 23} 22.ಆಪೋದು ಯೇಸು ಇತ್ತತೆಯ ಕೋಟು ಅತ್ಗು ಅನೇಕು ನಿನ್ಕು ಒಂಡು ಕೊರತೆಯಿದು,ನಿನ್ಕು ಇಕ್ರ ತದ್ಡಿ ಹಿಚ್ಚು ವದುವ್ರಕು,ಕುಡು,ಪರಲೋಕತ್ಗೊರು ನಿನ್ನು ಸಂಪತ್ತು ಇಕ್ಯಾಕು,ವಂದು ನನ್ನತ್ತೆಯ ಹಿಂಬಾಲಿಸು ಇಂಡ್ಸು. 23.ಅದು ಇತ್ತತ್ತೆಯ ಕೋಟು ಬೇಸರಗೊಂಡು,ಯಾಂತಗು ಇಂಡೆಕೆ ಅದು ಸೇನಾ ಐಶ್ವರ್ಯವಾತನಯಿಂಚು. ^{24 25} 24ಅದು ಸೇನಾ ದುಂಖ ಪಡ್ರತ್ತ .ಯೇಸು ಅತ್ಗು ಐಶ್ವರ್ಯವಂತೃ ದೌವ್ರು ರಾಜ್ಯ ತ್ಗೊರು ಸೊರ್ ರಾದು ಎದ್ನೋ ಕಷ್ಟ. 25.ಐಶ್ವರ್ಯ ವಂತ್ರು ದೌವ್ರು ರಾಜ್ಯತ್ಗೊರು ಸೆರೂರ್ ಕ್ಕಿಂತ ಒಂಟ ಸುಜಿಕೋರು ಕನ್ನುಕೋರು ದುರದು ಸುಲ್ಪ ಇಂಡು ಸೋನ್ಸು. ^{26 27} 26ಇತ್ತ ಕೊಟಿಗ್ಯ -ಅನ್ಗೆನೇಕೆ ರಕ್ಷಣೆ ಹೊಂದ್ರಗ್ಯ ಎದು? ಇಂಡ್ಸು. 27 ಅತ್ಗು ಅದು ಮನುಶ್ರಕ್ಕು ಅಸಾದ್ಯ ಅನಾದು ದೌವ್ರುಕ್ಕೂ ಸಾದ್ಯ ಇಂಡು ಸೋನ್ಸು. ^{28 29 30} 28.ಅಪೋದು ಪೇತ್ರ-ಇದೋ ನಂಗ ಅದ್ದಿಅತ್ತೆಯ ಉತೋಟು ನಿನ್ನತ್ತೆಯ ಹಿಮ್ಬಾಲಿಸ್ತ ಇರೋ ಇಂಡು ಸೋನತ್ಗು 29.ಅದು ಅಲ್ಕಿ ಒಂಡು ಉಪತ್ತೆಯ, ಅವಾ, ಅಮ್ಮತ್ತೆಯ, ಅನ್ನತೆಂಬಿಯತ್ತೆಯ, ಪಂಡತ್ತೆಯ ಇಲ್ಲವೇ ಮಕ್ಕಿಲ್ಲ ತ್ತೆಯ ದೌವ್ರು ರಾಜ್ಯ ತ್ಗಾಯಿ ಉಟ್ಟೋಟ್ಟು ವರಕೋ. 30.ಅದು ನಿತ್ಯ ಜೀವ ಹೊಂದೆ ಹೊಂದಾಕು ಇಂಡು ನಾನು ನಿಂಗ್ಲುಕು ನಿಶ್ಚಯವಾಯಿ ಸೋನ್ನಾರೆ ಇಂಡ್ಸು. ^{31 32 33} 31.ಇದಲ್ದೆ ಅದು ಪನ್ನೆಂಡು ಶಿಷ್ಯರತ್ತೆಯ ಅಗ್ಸು ಅಲ್ಕಿ ಇದೋ, ನಂಗ ಯೆರುಸಲೆಮ್ಕು ಹೊಕ್ರೋ ಮನುಷ್ಯಕುಮಾರನ ವಿಷಯತ್ಗೊರು ಪ್ರವಾದಿ ಇಂಡು ವರ್ಜಿಕ್ರದದ್ದಿ ನೆರವೆರುರ್ದು. 32.ಅದು ಅನ್ಯಜಡ್ರಕು ಒಪ್ಪಿಸಿಕ್ರದು, ಐಗ್ಯ ಆತತ್ತೆಯ ಹಾಸ್ಯ ಸೈತ ಅವಮಾನ ಸೈತ ಅತ್ರು ಮೇನಿ ಉಮಿಯಾಕ್ನು. 33.ಇದಲ್ದೆ ಐಗ್ಯ ಆತತ್ತೆಯ ತಂತಿ, ಕೊರಡೆಯಿಂಡು ಮೊತಕ್ನು ಕೊಲ್ಲುಕ್ನು, ಮುಡ್ನೆ ನಾತ್ಗೋರು ಅದು ತಿರ್ಗಿ ಅದ್ದಿಕ್ಯಾಕು ಇಂಡ್ಸು. ³⁴ 34.ಅನೇಕೆ ಶಿಷ್ಯರು ಇಲಿಕೊರು ಒಂಡು ಗ್ರಹಿಸಲ್ನು, ಈ ಹೋಕು ಅಲ್ಕಿ ಮರೆಐಕ್ರತ್ಗು ಅದು ಸೋನ್ನತ್ತ ಐಗ್ಯ ತಿಳುಜುಗ್ಲು. ^{35 36 37} 35.ಇದಾನಪೋದು ಅದು ಯೇರಿಕೊವಂಚ್ಗು ವಂದಪೋದು ಒಂಡು ಕನ್ನು ಇಲ್ಲರದು ರೋದಂಚ್ಲಿ ಉಕೊಂಡು ಬಿಕ್ಷೆ ಕೋಕ್ತ ಯಿಂಚು. 36.ಜನ ಸಮೂಹ ಹೊಗ್ರತ್ತ ಕೊಟಿಚ್ಗೊಂಡು ಅದು ಎಂದ ಇಂಡು ವಿಚಾರು ಸುಸು. 37.ಅಪೋದು ನಜರೆತಿನ ಯೇಸು ಹೋಗ್ತ ಇದು ಇಂಡು ಅತ್ಗು ಸೊನುಸ್ನು. ^{38 39} 38.ಅಪೋದು ಅದು -ಯೇಸುವೆ, ದಾವಿದನ ಕುಮಾರನೆ ನನ್ ಮೇನಿ ಕರುಣೆ ಹೈಯಿ ಇಂಡು ಕುಗ್ಸು. 39.ಮುನ್ಕು ಹೋಗ್ತ ಇಕ್ರಗ್ಯ ಅದು ಸುಮ್ಮದೆ ಇರು ಇಂಡು ಗದ್ರು ಸುಸ್ನು ಅನೇಕು ಅದು, ದಾವಿದನ ಕುಮಾರನೆ,ನನ್ನ ಮೇನಿ ಕರುಣೆ ಸೈಯಿ ಇಂಡು ಇನ್ನಿಂದ್ನು ಜೋರಾಯಿ ಸೋನ್ಸು. ^{40 41} 40.ಅಪೋದು ಯೇಸು ನಿಂದ್ರುಗೊಂಡು ಆತತ್ತೆಯ ತಟ೦ಚ್ಗು ಅಗ್ಸೆರುಕು ಅಪ್ಪಣೆ ಕುಡುಕು, ಅದು ಅಂತಂಚ್ಗು ವಂದಪೋದು ಅದು ಅತ್ಗು. 41.ನಾನು ನಿನ್ಕು ಎಂತುಸೈಯಿರ್ದು ಇಂಡು ಕೋಟತ್ಗು,ಅದು ಕರ್ತನೆ, ನಾನ್ಕು ಕನ್ನು ವರ್ಕು ಕನ್ನಿ ಸೈಯಿ ಇಂಡ್ಸು. ^{42 43} 42.ಅಪೋದು ಯೇಸು ಅತ್ಗು ನಿನ್ನು ಕನ್ನುವರೋಟು,ನಿಟ ನಂಬಿಕಯೇ ನಿನ್ನತ್ತೆಯ ರಕ್ಷಿಸಿದು ಇಂಡ್ಸು. 43.ಅಪೋದೆ ಅತ್ಗು ಕನ್ನುವಂಚು,ಅಪೋದು ಅದು ದೌವ್ರು ರತ್ತೆಯ ಮಹಿಮೆ ಪಡುಸ್ತಾ ಆತತ್ತೆಯ ಹಿಂಬಾಲಿಸು, ಅದ್ದಿ ಮಂದಿ ಆತ ಪಾತು ದೌವ್ರುತೆಯ ಕೊಂದಾಡುಸ್ನು.