^{1 2 3} 1.ಇದಲ್ದೆ ಪಿಲಾತು ಗಲಿಲಾಯತಾಲ್ಯ ರಕ್ತತ್ತೆಯ ಐಲ್ಯ ಬಲಿಲ್ಕೊರು ಬೇರುಸ್ನ ವಿಷಯತ್ತೆಯಿ ಅತ್ಗು ಸೋನ್ನ ಸ್ವಲ್ಪ ಅಳು ಆ ಸಮಯತ್ಗೊರು ಅಟಿನಚ್ನು 2 ಅಪೋದು ಯೇಸು ಐಲ್ಕಿ ಈ ಗಲಿಲಾಯತಾಗ್ಯ ಇಂತಲ್ಯ ಅನುಬವುಸ್ನ ಕಾರಣ ಐಗ್ಯ ಅದ್ದಿ ಗಲಿಲಾಯಯಲ್ಕಿಂತ ಪಾಪಿ ಸ್ಟ್ರಿಂಡು ನಿಂಗ ಇಂಡ್ಗೋಡ್ರಂಗ ? 3 ಅನೇಕೆ ಅನ್ಗಲ್ಲ ನಾನು ನಿಂಗ್ಲುಕು ಸೊಂನಾರೆ: ನಿಂಗ ಮಾನಸಂತರ ಪಡದೇ ಹೊನೇಕೆ ನಿಂಗದ್ದಿ ಐಲ್ತರ ನಾಶ ಅಕ್ರಂಗ ^{4 5} 4.ಇದಲ್ದೆ ಸಿಲೊವಾಮಿಕೊರು ಗೋಪುರ ಬೂದು ಸೇತ್ತು ಹೋನಾ ಪದ್ನಟ್ಟು ಜನ್ರು ಯೆರುಸಲೆಮ್ಕೊರು ಇಕ್ರ ಅದ್ದಿ ಮಂದಿಲ್ಕಿಂತ ಪಾಪಿಸ್ಟ್ರು ಇಂಡು ನೆನ್ಸರಂಗ . 5 ಅನೇಕೆ –ಅನ್ಗಲ್ಲ ಇಂಡು ನಾನು ನಿಂಗ್ಲುಕು ಸೋನ್ನರೆ ನಿಂಗ ಮಾನಸಂತರ ಹೊಂದುದೇ ಹೊನೇಕೆ ನಿಂಗದಿ ಐಲ್ತರ ನಾಶ ಅಕ್ರಂಗ ಇಂಡ್ಸು. ^{6 7} 6 ಅದು ಈ ಸಾಮ್ಯ ಅತ್ತೆಯ ಸಹ ಸೋನ್ಸು :ಒಂಡನೊಂಡು ಮನುಶುನ್ಕು ತಟ ದ್ರಾಕ್ಷೆ ತೊಟುತ್ಕೊರು ನೆಟಿಂದ ಒಂಡು ಅಂಜೂರ ಮರ ಇಂಚು :ಅದು ವಂದು ಅತ್ಗೊರು ಪಲ (ಪಂಗು )ಹುಡುಕ್ರಪೋದು ಒಂಡು ಸಿಕ್ತಹಿಕ್ಕಿಲ . 7 ಅಪೋದು ಅದು ತಟ ದ್ರಾಕ್ಷೆ ತೋಟ ಸೈರತ್ಗು –ಇದೋ ಈ ಮೂಡು ವಟ್ಗಲ್ಲಿಂಡು ನಾನು ಈ ಅಂಜೂರ ಮರುತ್ಗೊರು ಪಂಗು ದೊವ್ನೆಕು ಒಂಡು ಪಕ್ಲ :ಇತ್ತ ಕಡ್ಜೋಡು :ಭೂಮಿಕಿ ಇದು ಭಾರ ಇಂಡು ಸೋನ್ಸು . ^{8 9} 8 ಅನೇಕೆ ಅದು ಪರ್ದಿರ್ಗಿ ಇನ್ಗು ಅತ್ಗು ಸೋನ್ಸು –ಒಡೆಯನೇ ,ನಾನು ಅತ್ರ ಸುತ್ತ ಅಗ್ಜು ಗೊಬ್ರ ಓಡ್ರುತಂಕಈ ವಟ್ಗಲು ಈ ಮರ ಅತ್ತೆಯ ಉಡು. 9 ಇದು ಫಲ ತಂದೇಕೆ ಸರಿ: ಇಲ್ಗುಂಟ್ಗೆ ನೀನು ಇತ್ತ ಕಡ್ಜೋಡು ಇಂಡ್ಸು. ^{10 11} 10 ಅದು ಸಬ್ಬತುಕೊರು ಸಭೆಮಂದಿರ್ ಕೋರು ಬೋದಿಸ್ತ ಇಂಚು. 11 ಅಪೋದು ಇದೋ, ಪದ್ನಟು ವಟ್ಗಲಿಂಡು ದುರತ್ಮನಿಂಡು ರೋಗ ಪೀಡಿತಳಯಿ ನಡುಬೊಗ್ಗಿ೦ದ ಒಂಡು ಪಂಬ್ಲಾದು ಅಟಿ ಇಂಚು :ಅದು ಏರಿತಿಕೊರು ನಿಡ್ರುಗ್ರುಕು ಆಗ್ದೆ ಇಂಚು. ^{12 13 14} 12 ಯೇಸು ಅತ್ತತೆಯ ಪಾತು ಅತ್ರಂಚ್ಗು ಅಗ್ಸು ಅತ್ಗು ನೀನು ಈ ರೋಗ ತಿಂಡು ಬಿಡುಗಡೆ ಐರ ಇಂಡು ಸೋನ್ಸು. 13 ಅದು ಅತ್ಗು ಮೇನಿ ಕೈ ಅತ್ತೆಯ ಅಚ್ಚುಸು ಅಪೋದೆ ಅದು ನಲ್ಗಯಿ ದವ್ರತ್ತೇಯ ಮಹಿಮೆ ಪಡ್ಸುಸು. 14 ಯೇಸು ಸಬ್ಬತ್ ನಲ್ತ್ಗೊರು ಸ್ವಸ್ಥ ಸೇನ್ದತ್ಗು ಸಭಾ ಅದಿಕಾರಿ ಜನ್ರುಕು –ಆರು ನಲ್ತ್ಗೊರು ಜನ್ರು ಪನಿ ಸೈಹಿರ್ ದು ಅತಿಂಡು ಅತಿಂಡು ಐಗ್ಯ ವಂದು ಸ್ವಸ್ಥ ಹೊಂದೋಟ್ನು: ಸಬ್ಬತ್ ನಾಲ್ ಕೋರು ಮಾನಾ ಇ೦ಡ್ಸು. ^{15 16} 15 ಅತ್ಗು ಕರ್ತನು ಪದ್ರಿಗಿ ಅತ್ಗು –ಕಪಟಿಯೇ ನಿಂಗ್ಲುಕೊರು ಪ್ರತಿಹೊಂಡು ಸಬ್ಬತು ನಲ್ತ್ಗೊರು ತಟ ಮಾಡತ್ತೆಯ ಅದಲ್ದೇ ಕೊದತಗೊಟು ಬಾವಿ ಕೋರು ಬೂದೇಕೆ ಪೆಚ್ಮಟಾಂಗಾ ಅಲ್ಯ. 16 ಅನ್ಗನೇಕೆ ಇದೋ .ಅಬ್ರ ಹಾಮನ ಮಗ್ಲನ ಈ ಪಂಬ್ಲಾತ ಪದ್ನಟು ವಟ್ಗಲಿಂಡು ಸೈತಾನು ಕಟ್ಟಿಹೊಟಿನ್ಚು ಈ ಬಂದನತಿಂಡು ಸಬ್ಬತ್ ನಲ್ತ್ಗೊರು ಉಡಿಪಿಕ್ರುದಂಚ ಇಂಡ್ಸು ¹⁷ 17 ಅದು ಇತ್ತ ಸೊಂಡ್ರಪೋದು ಅತ್ರ ವಿರೋದಿಗ್ಯ ನಾಚಿಕೆ ಪಟ್ಸ್ನು: ಅನೇಕೆ ಜನ್ರದಿ ಅತಿಂಡು ಅನಾ ಅದ್ದಿ ಮಹತ್ತ್ ಕಾರ್ಯತ್ಗು ಸಂತೋಷ ಪಟುಸ್ನು. ^{18 19} 18 ಇದಲ್ದೆ ಅದು –ದವ್ರ ರಾಜ್ಯ ಯಂತ್ಗು ಹೋಲಿಕೆ ಹೈದು ಇಂಡೆಕೆ ?ನಾನು ಯಂತ್ಗು ಅತ್ತ ಹೊಲ್ಸುರ್ದು . 19 ಅದು ಒಂಡು ಮನ್ಸು ಸಾಸಿವೆ ಕಾಳತ್ತೆಯ ಅತ್ಗೊಂಡು ಹೋಯಿ ತಟ ತೊಟುತ್ಕೊರು ಓಟತ್ಗು ಹೋಲಿಕೆ ಐದೂ :ಅದು ವಲ್ಜು ಒಂಡು ಬೇರು ಮರ ಅಸು :ಆಕಾಶ ಪಕ್ಷಿಗ್ಯ ಅತ್ರ ಕೊಂಬೆಕೊರು ವಾಸ ಸೈಯಕ್ನು ಇ೦ಡ್ಸು. ^{20 21} 20 ಅದು ತಿರ್ಗಿ ದವ್ರ ರಾಜ್ಯತ್ತೆಯ ಯಂತ್ಗು ಹೊಲ್ಸೋಟು ? 21 ಒಂಡು ಪಂಬ್ಲಾದು ಪುಲ್ಪು ಆತ್ತೆಯ ಅತ್ಗೊಂಡು ಮೂಡು ಸೇರು ಮಾವದ್ದಿ ಪುಲ್ಪು ಆಗ್ರಾ ತನ್ಕ ಮುಚ್ಯಚ ಪುಲ್ಪ್ಕು ಹೋಲಿಕೆ ಐದು ಇಂಡ್ಸು. ^{22 23 24} 22 ಅದು ಪಟ್ಟನತ್ತೆಯೂ ಪಳ್ಳಿಯಿಂಡು ಹೋಯಿ ಬೋದಿಸ್ತ ಯೆರುಸಲೆಮ್ ಜಾಯಿ ಪ್ರಯಾಣ ಸೆಂಚು. 23 ಅಪೋದು ಒಂಡು ಅತ್ಗು –ಕರ್ತನೆ ,ರಕ್ಷನತ್ತೆಯಿ ಹೊಂದ್ರಗ್ಯ ಸ್ವಲ್ಪ ಮಂದಿನ ಇಂಡು ಕೊಟತ್ಗು ಅದು ಅಲ್ಕಿ. 24 ಇಕ್ಕಟ್ಟಾನ ವಸ್ಲಿಂಡು ಉಲ್ಕಿ ಹೋಗ್ರುಕು ಪ್ರಯಾಸ ಪಡಂಗೋ :ಯಂತ್ಗು ಇಂಡೆಕ್ಯ ಸೆನ ಅಳು ಉಲ್ಕಿ ವೋಗ್ರುಕು ಪ್ರಯತ್ನ ಸೇನ್ದೆಕು ಅಗ್ದಿಲ್ಲ ಇಂಡು ನಾನು ನಿಂಗ್ಲುಕು ಸೋನಾರೆ. ^{25 26 27} 25 ಊಟು ಯಜಮಾನ ಒಂಡು ಸಾರಿ ಅದಿಂದು ವಸ್ಲತ್ತೆಯ ಮುಚೋಟೆಕ್ಯ ನಿಂಗ ಬೈಲ್ಕಿ ನಿಂಡ್ರುಗೊಂಡು ವಸ್ಲ ತಟ್ತ –ಕರ್ತನೆ ಕರ್ತನೆ, ನಂಗ್ಲುಕಾಯಿ ವಸ್ಲು ವಂಗು ಇಂಡು ನಿಂಗ ಸೊಂಡ್ರ ಪೋದು ಅದು ನಿಂಗ್ಲುಕು ಪ್ರತ್ಯುತರವಾಯಿ –ನಿಂಗ ಎದೂ ನಾನ್ಕುಗೊತ್ತಿಲ ಇಂಡು ಸೋನ್ನಕು. 26 ಅಪೋದು ನಿಂಗ –ನಿಟಾ ಸನ್ನಿದಿಕೋರು ನಂಗ ತಿಂಡ್ರು ಕುಡ್ಸೋ: ಮತ್ತೆ ನೀನು ನಂಗ್ಲ ಬೀದಿಕೊರು ಬೋದಿಸ್ತ ಇಂದ ಇಂಡು ಸೋನರಂಗ. 27 ಅನೇಕೆ ಅದು –ನಿಂಗ ಎದೋ ನಾನ್ಕು ಗೊತ್ತಿಲ್ಲ; ಅಕ್ರಮ ಸೈರಂಗ ಅನಾ ನಿಂಗದ್ದಿ ನಿನ್ನಿಂಡು ಹೊಂಗೋ ಇಂಡು ಸೋನಾಕು ಇಂಡು ನಾನು ನಿಂಗ್ಲುಕು ಸೋನಾರೆ. ^{28 29 30} 28 ಅನೆಕ್ಯ ನಿಂಗ ಅಬ್ರಹಾಮ ಇಸಾಕ ಯಾಕೋಬ ಮತ್ತೆ ಅದ್ದಿ ಪ್ರವಾದಿಗ್ಯ ದವ್ರ ರಾಜ್ಯಕೋರು ಇಕ್ರತಾ ನಿಂಗ ಮಾತ್ರ ಬೈಲ್ಕಿ ದೊಬ್ರತ್ತ ಪಕ್ರಪೋದು ಅಟಿ ನಿಂಗ್ಲುಕು ಗೋಳಾಟ ಪೇಲ್ಲುಕಡಿಕ್ರದು ಇಕ್ಯಾಕು. 29 ಇದಲ್ದೆ ಪೂರ್ವ ಪಶ್ಚಿಮ ಉತ್ತರ ದಕ್ಷಿಣ ತಿಂಡು ಐಗ್ಯ ವಂದು ದವ್ರ ರಾಜ್ಯತ್ಕೊರು ಉಕಾಕ್ನು. 30 ಅಪೋದು ಇದೋ ,ಪರ್ ಕಿಕ್ರಗ್ಯ ಮುನ್ಕಕುನು :ಮುನ್ಕಿಕ್ರಗ್ಯ ಪರ್ಕು ಅಕುನು ಇಂಡು ಸೋನ್ಸು. ^{31 32 33} 31 ಅದೇ ನಲ್ತ್ಗೊರು ಪರಿಸಾಯರ್ ಕೋರು ಸ್ವಲ್ಪ ಮಂದಿ ಅತಂಚ್ಗು ವಂದು –ನೀನು ಇಟಿಂಡು ಹೋ :ಯಂತ್ಗು ಇಂಡೆಕೆ ಹೇರೋದು ನಿನತ್ತೆಯ ಕೊಲ್ಲಕು ಇಂಡು ಅತ್ಗು ಸೋನ್ಸ್ನು. 32 ಅತ್ಗು ಅದು ಅಲ್ಕಿ –ಇದೋ, ನಾನು ಈ ನಾಲು ಮತ್ತೆ ತಜಲ್ಲಿ ದವ್ವತ್ತೆಯ ಉಡಿಪ್ಚು ಸ್ವಸ್ಥ ಸೈಯಾರೆ: ಮುಡ್ನೆ ನಲ್ಕೊರು ನಾನು ಸಿದ್ದಿಕಿ ವಾರ್ರೆ ಇಂಡು ನಿಂಗ ಹೋಯಿ ಆ ನರಿಕಿ ಸೋನಂಗೋ. 33 ಆದ್ಯಾಗೂ ಈ ನಾಲು ಮತ್ತೆ ತಿರ್ತಜಲ್ಲಿ ನಾನು ಸಂಚರಿಸುರ್ದು: ಯಂತ್ಗು ಇಂಡೆಕ್ಯ ಒಂಡು ಪ್ರವಾದಿ ಯೆರುಸಲೆಮ್ ಬೈಲ್ಕೊರು ಕೊಡ್ರುಕು ಅಗ್ದಿಲ್ಲ. ^{34 35} 34 ಓ ಯೆರೂಸಲೇಮೆ ,ಯೆರುಸಲೇಮೆ ಪ್ರವದಿಲ್ಯತ್ತೆಯ ಕೊಲ್ರವ್ಲೇ .ನಿಟಾನ್ಚ್ಗು ಅಮ್ಪ್ರಲ್ಕಿ ಕೆಲ್ಲೂ ಪೆಟ್ರ್ವ್ ವ್ಲೇ, ಕೋಯಿ ತಟ ಮರಿಲತ್ತೆಯ ತಟ ರೆಕ್ಕೆ ತರ್ಗ್ಲಿ ಕುಡಿಸ್ಗ್ರು ಕನಿ ನಾನು ನಿಟಾ ಮಕ್ಕಿಲತ್ತೆಯ ಎದ್ನೋರಕ ಅಗ್ಸಗ್ರ್ಕು ಮನಸ್ಸಿಂಚು: ಅನೇಕೆ ನಿಂಗ್ಲುಕು ಮನಸ್ಸಿಕ್ಲ, 35 ಇದೋ ,ನಿಂಗ್ಲ ಆಲಯ ನಿಂಗ್ಲುಕು ಬರಿದಾಯೋಯ್ದು. ಕರ್ತನ ಪೆರ್ಕೊರು ವರ್ರದು ದನ್ಯದು ಇಂಡು ಸೋಂಡ್ರ ಸಮಯ ವರುತನಕ ನಿಂಗ ನನ್ನತ್ತೆಯ ಪಕ್ಮಟಂಗ ಇಂಡು ನಾನು ನಿಂಗ್ಲುಕು ನಿಜವಾಯಿ ಸೋನ್ತಯಿರೆ ಇಂಡ್ಸು.