^{1 2} 1.ಇದಾನಪೋದು ಯೇಸು ಸ್ವಾಮಿ ಇನ್ನು ಅಗ್ರುಕಪೋತು ಜನ್ರತೆಯ ನೆಮ್ಸಿ ಇಲ್ಯತೆಯ ರಂದ್ರನ್ಡಿ ಲ್ಲಯಿ ತಾನು ಹೋಗ್ರುದಂಡ್ಗೋದಿಂದ ಪ್ರತಿಯೊಂಡು ಪಳ್ಳಿಕು ಪ್ರತಿಯೊಂಡು ಸ್ಥಳುತ್ಗು ಅಂಪುಸು. 2.ಅಮ್ಪ್ರಪೋದು ಅಲ್ಕಿ ಸೋನ್ನಾದು ಎಂದ ಇಂಡೆಕೆ ಬೆಳೆಹೆಚ್ಚು ಇದು ಅನೇಕೆ ಪನಿ ಸೈರಾಗ್ಯ ಸ್ವಲ್ಪ ಅಳು ಅತಿಂಡು ಬೆಳೆಯ ನಾಯಕ್ನತ್ತೆಯ ನಿಟ ಬೆಳೆಯ ಪನಿಸೈರಾಲ್ಯ ಅಂಪುರ್ದು ಇಂಡು ಕೊಟ್ಗೊಂಗೋ. ^{3 4} 3.ಹೊಂಗೋ ನಕ್ಲ ನಡುಕು ಕುರುಬಾಡುಕುಟಿಗ್ರ್ಯ ಅಂಪಿಕ್ರುತಾರೆ ನಾನು ನಿಂಗ್ಲತೇಯ ಅಂಪರೆ. 4.ದುಡ್ಲ ಸೆಂಚುಗೋಟು,ಹಸಿಬೇಯಾತೆಯ ಪಾದರಕ್ಷೆಲತ್ತೆಯ ಅತ್ಗೊಂಡು ಹೋಗು ಮಾನಂಗ ಇಕ್ಯೋರು ಯಾತ್ಗು ವಂದ್ಸುಮಾನಂಗ. ^{5 6 7} 5.ಇದಲ್ದೆ ನಿಂಗ ಎಲ್ತುತ್ಗು ಹೊನೇಕು ಆ ಉತ್ಗು ಆಶೀರ್ವಾದವಾಗೋಟು ಇಂಡು ಸೋನಾಂಗೋ. 6.ಆಶೀರ್ವಾದ ಪಾತ್ರನು ಅತ್ರ ಮೇನಿ ನಿಕ್ಯಕು ಇಲ್ಗುಂಟೆಕ್ಯ ಅದು ನಿಂಗ್ಲುಕು ಪರುದಿರ್ಗಕು. 7.ಆ ಉತ್ಗೋರೆ ಇಂದು ಇಗ್ಯ ತರತ್ತ ತಿನಂಗೋ,ಕುಡಿಯನ್ಗೋ ಅಳು ತಟ ಕೂಲಿಕು ಯೋಗ್ಯಅದ್ನೇ ಒಂಡು ಉಡತೆಯ ಉಟೂಟು ಬೇರೆ ಜಾಯಿ ಉಳುಜುಗ್ಮಾನಂಗ. ^{8 9} 8.ನಿಂಗ ಎದಾನ ಪಳ್ಳಿಕ್ಕಿ ಹೋನಪೋದು ಆ ಜನ್ರು ನಿಂಗ್ಲತೆಯ ಅಗುಸುಗೊಂಡೆಕೆ ಇಗ್ಯ ತಂದಾತ್ತ ತಿನ್ನಂಗೋ. 9.ಅಟಿಕ್ರ ರೋಗಿಲತ್ತೆಯ ವಾಸಿಸೇಯಾಂಗೋ .ಅಲ್ಕಿ ದೊವ್ರು ರಾಜ್ಯ ನಿಂಗ್ಲ ಸಮಿಪುತ್ಗು ವಂದಿದು ಇಂಡು ಸೋನಂಗೋ. ^{10 11 12} 10.ನಿಂಗ ಎದಾನ ಪಳ್ಳಿಕು ಹೊನೇಕೆ ಆ ಜನ್ರು ನಿಂಗ್ಲತೆಯ ಅಗುಸ್ಗುಲ್ಗುಂಟೆಕೆ. 11.ನಿಂಗ ಆ ಪಳ್ಳಿ ಬಿದಿಲ್ಕಿ ವಂದು ನಿಂಗ್ಲ ಪಲ್ಲಿಂಡು ನಂಗ್ಲಕಾಲ್ಕು ಹತ್ನ ದುಳತೆಯ ಜಡ್ಸೋಡ್ರೆ ಅದು ನಿಂಗ್ಲುಕೆ ಇಕ್ಯೋಟು ಅನೇಕೆ ದೌವ್ರು ರಾಜ್ಯ ಸಮಿಪುತ್ಗು ವಂದಿದು ಇಂಡು ನಿಂಗ್ಲುಕು ತಿಳ್ಜಿಕ್ಯೋಟು ಇಂಡು ಸೋನಂಗೋ. 12.ಆ ನಲ್ತ್ ಗೋರು ಅಂಥ ಪಳ್ಳಿಯ ಗತಿ ಸೋದೊಮುರಿನ ಗತಿಕ್ಕಿಂತ ಕಟಿನವಾಯಿಕ್ಯಾಕು ಇಂಡು ನಿಂಗ್ಲುಕು ಸೋನಾರೆ. ^{13 14 15} 13.ಅಯ್ಯೋ ಖೋರಾಜಿನೇ ಅಯ್ಯೋ ಬೆತ್ಸಾಯಿದವೇ ನಿಂಗ್ಲುಕೊರು ಅನಾ ಮಹತ್ಕಾರ್ಯಂಗ ತುರ್ ಮತ್ತೆ ಸಿದೊನ್ ಪಟ್ಟಣತ್ಕೊರು ಅಗಾದೆ ಇಂಡೆಕೆ ಅಟಿಕ್ರಾಗ್ಯ ಅಪೋದೆ ಸೆಂಚಿ ಹೊಟ್ಲೊಂಡು ಬುದ್ದಿಕೊರು ಉಕೊಂಡು ದೌವ್ರು ಜಾಯಿ ತಿರುಗ್ತಯಿಂಚು. 14.ಅನೇಕೆ ನ್ಯಾಯ ವಿಚಾರಣೆ ಸಮಯತ್ಕೊರು ನಿಂಗ್ಲ ಗತಿಗಿಂತ ತುರ್ ಸಿದೊನ್ ಪಟ್ಟಣತ ಗತಿ ಹೆಚ್ಚ್ಯ್ ಕ್ಯಾಕು . 15.ಎಲೈ ಕಪೆಸಾಮೆ ನೀನು ಪರಲೋಕುತ್ಗು ಹೊಕ್ಯ ಪಾತಾಳತ್ಗು ಇಗ್ಯಾರ್ಯ. ¹⁶ 16.ನಿಂಗ್ಲ ಒಕತೆಯ ಕೊಕ್ರದು ನಟ ಓಕತೆಯ ಕೋಕಾಕು ನಿಂಗ್ಲತೆಯ ಅಲಿಷ್ಯ ಸೇಯಿರಾದು ನನ್ನತೆಯ ಅಲಕ್ಷ್ಯ ಸೈಯಾಕು ಇಂಡ್ಸು. ^{17 18 19 20} 17.ಅನ್ಬೇಸಾಲಿ ಆ ಅಗ್ರುಕಪೋತು ಮಂದಿ ಸಂತೋಷತಿಂಡು ಪರುದಿರ್ಗಿ ವಂದು ಸ್ವಾಮಿ ದೌವ್ರುಗ ಸಹಾ ನಿಟ ಪೆರಾತೆಯ ಸೋನ್ನಿ ನಂಗ್ಲುಕು ಅದಿನ ಅಕುದ್ನು ಇಂಡ್ಸು. 18.ಅದು ಅಲ್ಕಿ ಸೈತಾನು ಸಿಡ್ಲುಕನಿ ಆಕಾಶದಿಂಡು ಬುಗ್ರತ ಪಾತೆ. 19.ಪಾರಂಗೋ ಪಂಲತ್ತೆಯ ಚೆಳುಲತ್ತೆಯ ವೈರಿಯ ಸಮಸ್ತ ಬಲತ್ತೆಯ ಮಿಕಿರ್ಕಿ ಅದಿಕಾರ ತಂದಿರೆ ಎದು ಕೇಡು ಸೇಯಿದಿಲ್ಲ. 20.ಅನೇಕೋ ದೌವ್ರುಗ ನಂಗ್ಲುಕು ಅದಿನ ಇದ್ನು ಇಂಡು ಸಂತೋಷ ಪಡೆದೆ ನಂಗ್ಲು ಪೇರು ಪರಲೋಕುತ್ಕೊರು ವರ್ಜಿದುಇಂಡು ಸಂತೋಷ ಪಡಂಗೋ ಇಂಡು ಸೋನ್ಸು. ²¹ 21.ಅದೆ ಗಳಿಗಿಕೋರು ಅದು ಪರಿಶುದ್ದ ಆತ್ಮನ ಪ್ರರನೆಯಿಂಡು ಸಂತೋಷ ಪಟ್ಟು ಸೋನಾದು ಎಂದ ಇಂಡೆಕೆ ತಂದೆಯೇ ಪರಲೋಕ ಭೂಲೋಕತ ಒದೆಯನೆ ನೀನು ಬುದ್ದಿವಂತ್ರಕು ಈ ಹೊಕತೆಯ ಮರೆಸೆಂದು ಬಾಲಕುರ್ಕು ಪ್ರಕಟ ಸೇಂದಿರಾ ಇಂಡು ನಿನ್ನತ್ತೆಯ ಕೊಂಡಾಡರೆ. ²² 22.ಹಂಬೋ ಹವಾ ಹಿನ್ಗೆ ಸೈರಾದು ನಲ್ಲದು ನಿಟ ದ್ರುಷ್ಟಿತ್ಗು ಕಾಡ್ನತಿಂಡು ನಿನ್ನತೆಯ ಕೊಂಡಾಡರೆ.ನಟ ಹವು ಅದ್ದಿ ನನ್ಕು ಒಪ್ಪಿಸಿರೇ ಮೌವು ಇಂಥದ್ದು ಇಂಡು ತಂದೆಯೇ ಇನೆಂದು ತಿಳಿದಿಲ್ಲ ಮತ್ತೆ ಮೌವು ತಂದೆಯತ್ತೆಯ ಯಾತ್ಗು ಪ್ರಕಟಿಸುರ್ಕು ಮನಸ್ಸು ಉಳ್ಳದೈಕ್ರದೆ ಅದು ಆತತ್ತೆಯ ತಿಳಿಜ್ಗೊಂಡಿದು ಇಂಡ್ಸು. ^{23 24} 23.ಅನ್ಬೇಸಾಲಿ ಅದು ಶಿಷ್ಯರ ಜಾಯಿ ತಿರುಗಿಕೊಂಡು ಸೋನಾದು ಎಂದ ಇಂಡೆಕೆ ನಿಂಗ ಪಕ್ತ ಇಕ್ರ ಸಂಗತಿಲತ್ತೆಯ ಪಕ್ರಗ್ಯ ದನ್ಯರು. 24.ಸೇನಾ ಮಂದಿ ಪ್ರವಾದಿಗ್ಯ ಅರಸ್ರು ನಿಂಗ ಪಕ್ತ ಇಕ್ರ ಸಂಗತಿಲತ್ತೆಯ ಪಕ್ತ ಇಕ್ತ ಸಂಗತಿಲತ್ತೆಯ ಪಕ್ರದು ಇಂದೆಕು ಪಕ್ರಕು ಹಾಗುಲಾ ನಿಂಗ ಸೊಂತಿಕ್ರ ಸಂಗತಿಲತ್ತೆಯ ಕೊಕ್ರುದು ಇಂದೇಕು ಕೊಕ್ಕ್ರುಕು ಹಾಗ್ಲ ಇಂಡು ನಿಂಗ್ಲುಕು ಸೋನಾರೆ ಇಂಡ್ಸು. ^{25 26 27 28} 25.ಅಪ್ಪೋದು ಒಂಡು ದರ್ಮೊಪದೆಶಕು ಅದ್ದಿಂದು ಅತ್ತತೆಯ ಪರಿಕ್ಷಿಸ್ರು ಕಾಯಿ ಬೋದಕನೆ ನಾನು ನಿತ್ಯಜಿವುತ್ಗೂ ಬಾದ್ಯ ಆಗ್ರುಕನಿ ಯಂಚೈಯಿರ್ದು ಇಂಡು ಕೊಟ್ಟತ್ಗು ಅದು ಆತ್ಗು. 26.ಶಾಸ್ತ್ರತ್ಕೋರು ಎಂದ ವರ್ಜಿದೋ ಏ ನ್ಗೂ ಓದಿರಾ ಇಂಡು ಸೋನ್ಸು ಅತ್ಗು ಅದು. 27.ನಿಟ ದೌವ್ರುನ ಯೇಸು ಅತೇಯ ಸಂಪೂರ್ಣ ಹೃದಯತಿಂಡು ನಿಟ ಪೂರ್ಣ ಪ್ರಾಣತಿಂಡು ಪ್ರಿತಿಸ್ರದು,ಪೂರ್ಣ ಬಲತಿಂಡು ನಿಟ ಪೂರ್ಣ ಜ್ಞಾನ ತಿಂಡು ಪ್ರಿತಿಸ್ರುದು ಮತ್ತೆ ನಿಟ ನೆರೆ ಅಕ್ಕ ಪಕ್ತಲ್ಯ ಪ್ರತಿಸೃದು ಇಂಡು ವರ್ಜಿದು ಅಂಡ್ಸು ಅತ್ಗು ಅದು. 28.ನೀನು ಸರಿಯಾಯಿ ಉತ್ತರ ತಂದು ಇತ್ರಂತೆ ಸೈಯಿ ಸೇನ್ದೇಕೆ ಜೀವಿಸಾರ ಇಂಡು ಸೋನ್ಸು. ^{29 30} 29.ಅನೇಕೆ ಅದು ತನ್ನತೆಯ ನೀತಿವಂತ ನಿಂಡು ಕಾಟಿಚುಗ್ರುಕು ಅಪೇಕ್ಷಿಸಿ ನೆರೆಯಾಗ್ಯ ಎದು ಇಂಡು ಯೇಸು ಅತ್ತೆಯ ಕೊಟ್ಟತ್ಗು ಯೇಸು ಅತ್ಗು ಪ್ರತ್ತ್ಯುತ್ತರವಾಗಿ ಸೋನಾದು ಎಂದ ಇಂಡೆಕೆ ಒಂಡು ಮನುಷ್ಯ ಯೇರುಸಲೆಮುತಿಂಡು ತಗ್ಗು ಇಗಿಜು ಯೆರಿಕೊವುಕು ಹೊಗ್ರಪೋದು ಕಳ್ದ್ರು ಕೈಕಿ ಸಿಕ್ಸು. 30.ಇಗ್ಯ ಆತ ಸುಲಿಗೆ ಸೆಂದು ಗಾಯ ಆಗ್ರುತರ ಅತ್ಗು ಮತಿ ಆತ ಅರೆಜಿವ ಸೇಂದು ಉಟ್ಟೋಟ್ಟು ಹೋಸ್ನು. ^{31 32} 31.ಅಪ್ಪೋದು ಇದೋ ಒಂಡು ಯಾಜಕು ಆ ಹೇಗಿಕೊರು ಇಗಿಜುವಂದು ಆತ ಪಾತು ವಾರೆಯಾಯಿ ಹೊಸು. 32.ಅದೇ ರಿತಿಕೊರು ಒಂಡು ಲೇವಿಯನು ಆ ಸ್ವಳತ್ಗುವಂದು ಹೊರೆಯಾಗಿ ಹೊಸು. ^{33 34 35} 33.ಅದೇ ರೀತಿ ಒಂಡು ಲೇವಿಯ ವಂದು ಆತ ಪಾತು ಆತಂಚ್ನು ವಂದು ಕನಿಕರಿಸಿ ಅತ್ರಂಚ್ನು ಹೋಯಿ ಆತ್ರ ಗಾಯಿತ್ಗು ಅನ್ನಿ ಅಂದಿಚು ದ್ರಾಕ್ಷಾರಸ ಹೋಟು ಕಂಡ್ಸು. 34.ತಟ ಸ್ಫ್ವಂತ ಗಾಡಿಮೆನಿ ಪೆಚ್ಗೊಂಡು ಡವಕಾನ್ಕಿ ಆಗುಸುಗೊಂಡು ಹೋಯಿ ಆತತ್ತೆಯ ಆರೈಕೆ ಸೆಂಚು. 35.ತಿರುತ ಜಲ್ಲಿ ಅದು ರಂಡು ವಂಗಿ ಡವಕಾನ್ಕಿ ಕುಡ್ತು ಇತ್ತತೆಯ ನಾಲ್ಕುಸೈಯಿ ಇತ್ಗಿಂತ ಹೆಚ್ಚಾಯಿ ಎಂದನ ದುಡ್ಗು ಬೇಕಾನೇಕೆ.ನಾನು ತಿರ್ಗಿ ವಂದಪೋದು ನಿನ್ಕು ತಾರೆ. ^{36 37} 36.ಈ ಮುಡ್ಕೋರು ಎದು ಕಳ್ದ್ರ ಕೈಕಿ ಸಿಕ್ರತ್ಗು ಸಬಂದಿಕ್ರು ಇಂಡು ನಿನ್ಕು. 37.ಕಂಗಾಕು ಸೋನ್ಸು ಇಂಡು ಕೊಟ್ಟತ್ಗು ಆ ಧರ್ಮೊಪದೆಶಕು ಆತ್ಗು ದೆಯೇ ಕಾಟ್ನದೆ ಇಂಡ್ಸು.ಅಪ್ಪೋದು ಯೇಸು ಅತ್ಗು ಹೋ ನೀನು ಅನ್ಗೆಸೇಯಿ ಇಂಡು ಸೋನ್ಸು. ^{38 39} 38.ಇಗ್ಯ ಹೋಗ್ತ ಇಕ್ರ ಪೋದು ಅದು ಒಂಡು ಪಳ್ಳಿಕಿ ವಂಚು ಅಟಿ ಮಾರ್ಥಳಿಗ್ರ ಒಂಡು ಪಂಬ್ಲದು ತಟ ಉತ್ಗೋರು ಇರಿಚ್ಚುಗೊಂಡ್ಸು. 39.ಅತ್ಗು ಮರಿಯಳು ಇಂಗ್ರ ಒಂಡು ತಸ್ಸಿ ಇಂಚು,ಇದು ಸ್ವಾಮಿಯ ಕಾಲ್ತಂಚ್ಗು ಉಕ್ಕೊಂಡು ಆತ್ರ ವಾಕ್ಯತತ್ತೆಯ ಕೋಕ್ತ ಇಂಚ್ನು. ^{40 41 42} 40.ಅನೇಕೆ ಮಾರ್ಥಳು ಸೇನ ಸೇವೆಯು ವಿಷಯವಾಯಿ ಬೇಸತ್ತು ಆತ್ರಂಚ್ಗು ವಂದು ಸ್ವಾಮಿ ನಟ ತಸ್ಸಿ ಸೇವೆತ್ಗು ಪನಿಸೆಯಿರ್ಕು ನನ್ನೊಂಡೆ ಉಟ್ಟಿದು ಇತ್ಗು ನಿನ್ಕು ಚಿಂತೆ ಇಲ್ಯ ನನ್ಕು ಸಹಾಯ ಸೇಯಿರ್ಕು ಅತ್ಗು ಸೋನು ಇಂಡು. 41.ಸ್ವಾಮಿಯು ಯೇಸು ಆತ್ಗು ಮಾರ್ಥಳೆ ನೀನು ಸೇನ ವಿಷಯವಾಯಿ ಚಿಂತಿಕೋರು ಗಡಿಬಿದಿಕೊರು ಸಿಕ್ಕಿಕೊಂಡಿರ. 42.ಸ್ವಲ್ಪ ಮಾತ್ರ ಬೆಕೈಕ್ರದು ಮತ್ತೆ ಒಂಡೇ ಮರಿಯಳು ಆ ಉತ್ತಮ ಬಾಗ್ತತೆಯ ಪೆರಿಕಿಕೊಂಡಿದು,ಅದು ಅತಿಂಡು ವಂಗ್ರುಕು ಹಾಗ್ದಿಲ್ಲ ಇಂಡು ಸೋನ್ಸು.