ಅದ್ಯಾಯ 6
1
2
3
1 ಇದ್ದಾದಿ ಅನ್ನಪ್ಪೋರು ಯೇಸು ತಿರಿಗಿ ತಿಭೇರಿಯ ಇಂಗಿರಾ ಗಲಿಲಾಯ ಸಮುದ್ರುತಾ ಅಕ್ಕಿಡಿಕಿ ಹೊಸು,
2 ಅಪ್ಪೋರು ಆತನು ರೋಗಿಲಿಕಿ ಸೇಂದಿಕ್ಕಿರ ಅದ್ಬುತಾ ಕಾರ್ಯಾಲ ಅಪಿಕ್ಕಿರ ಬೇರ್ ಜನುತಾ ಗುಂಪು ಅತನತ ಪರುಗೋಟೆ ಹೋಗುತಿಂಚುನು,
3 ಯೇಸು ಗಟ್ಟುಹತ್ತಿ ತಟ ಶಿಷ್ಯರಂಟಿ ಉಕ್ಕೊಂಡುಸು,
4
5
6
4 ಅಪ್ಪೋರು ಯೆಹೊದ್ಯರತ ಪಸ್ಕ ಪಂಡಾಗ ಕಿಟ್ಟುಕು ವಂದಿಂಚು,
5 ಬೇರ್ ಜನುತಾ ಗುಂಪು ತನ್ನಜಾಯಿ ವರ್ರತ ಪಾತು ಯೇಸು ಪಿಲ್ಲಿಪನುಕು –ಇಯಿಗ್ಯ ಕಲಿ ತಿಂಗಿರಿಕನಿ ರಟ್ಟಿಲಾತ್ತೆಯಿ ನಂಬುರು ಎಟಿ೦ಡು ಅತ್ತೆರಮಾಂಗ ಇಂಡಸ್,
6 ಅತ್ತ ಪರೀಕ್ಷಿಸುರುಕಾಯಿ ಯೇಸು ಈ ತರ ಕೊಟುಸು;ಯಂತ್ಗು ಇಂಡೆಕೆ ಯಂತ ಸೇಯ್ಯಿರುದು ಇಂಡು ಮುನ್ನೆ ತಿಲುಜುಗೊಂಡಿ೦ಚು,
7
8
9
7 ಅತ್ಗು ಫಿಲ್ಲಿಪ್ಪನು ಅತನುಕು –ಇಯಿಲಿಕೊರು ಸ್ವಲ್ಪಸ್ವಲ್ಪೇ ತಿಂಡಿರೆಕುನು ರಂಡುನೂರುಪಾಯಿ ರಟ್ಟಿಗ್ಯ ಇಲಿಕಿ ಪೋದುದಿಲ್ಲ ಇಂಡಸ್,
8 ಅಪ್ಪೋರು ಶಿಷ್ಯರುಕೊರು ಒಂಡಾಯಿಕ್ಕಿರ ಸಿಮೊನ್ ಪೇತ್ರನಾತ ತೆಂಬಿಯಾಯಿಕ್ಕಿರ ಅಂದ್ರೆಯನು ಅತನುಕು --
9 ಇಟಿ ಒಂಡು ಬುಡುಗಿದು;ಅತ್ತಂಚಿಲಿ ಅಂಜು ಜವೆಗೋದಿತ ರಟ್ಟಿಗ್ಯ ಮತ್ತೆ ರಂಡು ಚಿನ್ನು ಮೀನುಗಾ ಇದು;ಅನೇಕೆ ಇದ್ನಾಳುಕು ಅದು ಎಟಿ ಪೋದಾದು?ಇಂಡಸ್,
10
11
12
10 ಅಪ್ಪೋರು ಯೇಸು –ಆ ಜನರತ್ತೆಯಿ ಉಪ್ಪಿಯಂಗೋ ಇಂಡಸ್;ಆ ಜಾಗುತುಕೊರು ಶನ ಪುಲ್ಲಿಂಚು ಅತ್ತಮೇನೆ ಉಕ್ಕೊಂಡುಸುನು,ಅಯಿಲಿಕೊರು ಸುಮಾರು ಅಂಜುಸಾವರಳು ಅಂಬಾಳಯ್ಯಲೇ ಇಂಚುನು,
11 ಪರುಗುಂಡು ಯೇಸು ರಟ್ಟಿಲಾತ್ತೆಯಿ ಅತಗೊಂಡು ಸೋತ್ರ ಸೆಂದು ಶಿಷ್ಯರುಕು ಕುಡುತುಸು;ಅಯಿಗ್ಯ ಉಕ್ಕೊಂಡಿಕ್ಕಿರಯಲಿಕಿ ಪಂಚುಸುನು; ಅದೇ ರೀತಿ ಮಿನುಲುನು ಪಂಚುಸುನು,
12 ಅಯಿಗ್ಯದ್ದಿ ತಿಂಡರು ತೃಪ್ತಿಯಾನ್ನಪ್ಪೋರು ಯೇಸು ತಟ ಶಿಷ್ಯರುಕು ಉಳ್ಲಿಜಿಕ್ಕಿರತ್ತ ಕುಡುಸಂಗೋ ಇಂಡಸ್
13
14
15
13 ಅಪ್ಪೋರು ಅಂಜು ರಟ್ಟಿ ತಿಂಡರು ಮಿಕ್ಕಿರದು ಪನ್ನೆಂಡು ಬುಟ್ಟಿಗ್ಯ ಮೆತ್ತುಸು,
14 ಅಪ್ಪೋರು ಯೇಸು ಸೇಂದಿಕ್ಕಿರ ಈ ಅದ್ಬುತಾ ಕಾರ್ಯತ ಪಾತು ಜನು ನಿಜವಾಯಿನು ಲೋಕತ್ಗು ವರಾಬೇಕಾಯಿಕ್ಕಿರ ಆ ಪ್ರವಾದಿ ಈತನೇ ಇಂಡಸ್ನು
15 ಅತ್ರಿಂಡು ಅಯಿಗ್ಯ ವಂದು ಒತ್ತಯತಿಂಡು ಅಸ್ಗೊಂಡು ಹೊಯ್ಯಿ ಅರಸನಯ್ಯಿ ಸೇಯಿರುದು ಇಂಡಿಗೊಂಡಿಕ್ಕಿರತ್ತ ಯೇಸು ತಿಲ್ಜುಗೊಂಡು ಅಟಿ೦ಡು ಪದ್ದಿರಿಗಿ ತಾನು ಒಂಟಿಗ್ಯರನೆ ಒಂಡು ಗಟ್ಟುಕು ಹೊಸು,
16
17
18
16 ಅಂದಿಬೆರಿ ಅನ್ನಪೋರು ಶಿಷ್ಯರು ಸಮುದ್ರುಕು ಹೊಯ್ಯಿ,
17 ದೋಣಿ ಹತ್ತಿ ಸಮುದ್ರು ಮರ್ಗವಾಯಿ ಕಪೆರ್ನೌಮುಕು ಹೋಗುತಿಂಚುನು,ಅಪ್ಪೋರೆ ನಬ್ಬಾಯಿಂಚು, ಯೇಸು ಅಯಿಲಾಂಚುಗು ವಂದಿಕ್ಕಿಲ್ಲ,
18 ಅಪ್ಪೋರು ಜೋರಾಯಿ ಗಾಳಿ ಇಸಾನತ್ಗು ಸಮುದ್ರು ಅಲ್ಲೋಲಕಲ್ಲೋಲ್ಲವಾಸು,
19
20
21
19 ಅಪ್ಪೋರು ಅಯಿಗ್ಯ ಹುಟ್ಟು ಹೊಡುತಾ ಒಂಡು ಹರದಾರಿಯದ್ನು ತೂರು ಹೊನ್ನಪ್ಪೋರು ಯೇಸು ಸಮುದ್ರು ಮೆನಿ ನಡುದುಗೊಂಡು ತಂಗಲಾತ ದೋಣಿಯಂಚುಗು ವರಾತ ಪಾತು ಬಿತುಗೊಂಡುಸುನು,
20 ಅನೇಕೆ ಯೇಸು ಅಯಿಲಿಕಿ –ನಾನೇ ಬಿತ್ಗುಮಾನಂಗ ಇಂಡಸ್,
21 ಅಪ್ಪೋರು ಅಯಿಗ್ಯ ಮನಪೂರ್ವಕವಾಯಿ ಅತನತ್ತೆಯಿ ಸೇರಿಸಿಗೊಂಡುಸುನು;ತಕ್ಷಣ ದೋಣಿ ಅಯಿಗ್ಯ ಸೆರ್ರ ಜಾಗಿಕಿ ಸೇರುಸು,
22
23
22 ಮರುದಿನ ಅಕ್ಕಿಡಿಲಿ ಇಂದ ಜನು ಯೇಸುನತ್ತೆಯಿ ದವ್ವುತಿಂಚುನು ಯಂತ್ಗು ಇಂ ಡೆಕೆ ಅತನತ ಶಿಷ್ಯರುತ ದೋಣಿ ಒಂಡೇ, ಇನ್ನೊಂಡು ಇಕ್ಕಿಲ್ಲ ಅತನತ ಶಿಷ್ಯರು ಮಾತ್ರ ಅಕ್ಕಿಡಿಕಿ ಹೊಯ್ಯಿನು ಯೇಸು ಹೋಗುಲ್ಲ ಇಂ ಡು ಜನು ತಿಲ್ಜುಗೊಂಡಿ೦ಚುನು,
23 ಅನೇಕೆ ಬೇರೆ ದೋಣಿಗ್ಯ ತಿಬೇರಿಯತಿಂಡು ಕರ್ತನು ಸ್ತೋತ್ರ ಸೆಂದು ರಟ್ಟಿಲ್ಯ ತಿಂಡಿರಿಕ್ಕಿರ ಜಾಗಿಕಿ ವಂದಿ೦ಚುನು,
24
25
24 ಅಪ್ಪೋರು ಯೇಸು ಮತ್ತೆ ಶಿಷ್ಯರು ಇಲ್ಲರತ್ತ ಪಾತು ಅಯಿಲು ಸಹ ಯೇಸುನತ್ತೆಯಿ ದವ್ವಿಗೊಂಡು ದೋಣಿಲಿಕೊರು ಕಪೆರ್ನೌಮುಕು ವಂಚುನು,
25 ಅಯಿಗ್ಯ ಅತನತ್ತೆಯಿ ಸಮುದ್ರುತಾ ಅಕ್ಕಿಡ್ಲೀ ಪಾತು,ಅತನುಕು –ರಬ್ಬಿಯೇ,ನೀನು ಇಟಗು ಏಪ್ಪೋರು ವಂದಾ ಇಂಡಸ್ನು,
26
27
26 ಯೇಸು ಅಯಿಲಿಕಿ –ನಾನು ನಿಂಗುಲುಕು ಕರಾನ್ಕೆ ಸೋನ್ನರೆ ನಿಂಗ ನನ್ನ ದವ್ವುತ್ತಿಕ್ಕಿರಾದು ಅದ್ಬುತಾಕಾರ್ಯಾಲ ಪಾತಿಕ್ಕಿರತಿಂಡಲ್ಲ ಅನೇಕೆ ರಟ್ಟಿಲಾ ತಿಂಡರು ತ್ರಿಪ್ತರಾಯಿಕ್ಕಿರತ್ಗೆ,
27 ನಾಶವಾಗುರ ಕಲಿಕ್ಕಾಯಿ ಅಲ್ಲ; ನಿತ್ಯಜಿವತಾ ತರಾಂತ ಕಲಿಕಾಯಿ ದುಡಿಯಂಗೋ; ಅತ್ತ ಮಣುಸ್ಕುಮಾರ ನಿಂಗುಲುಕು ತರಾದು; ದವುರಾಯಿಕ್ಕಿರ ನಂಗಾವ( ಇತ್ತಕಾಯೇ )ಅತನಕು ಮುದ್ರೆ ಹೊಟಿದು,
28
29
28 ಅಪ್ಪೋರು ಅಯಿಗ್ಯ ಅತನುಕು ನಂಗ ದವ್ರತ ಕ್ರಿಯೇಲ ಸೇಯ್ಯಿರಿಕನಿ ಯಂತ ಸೇಯ್ಯಿರಿದು ಇಂಡು ಕೋಟಾತ್ಗೂ
29 ಯೇಸು ಅಯಿಲಿಕಿ –ದವ್ರತ ಕ್ರಿಯೆ ಯಂದಾದು ಇಂಡೆಕೆ, ಆತನು ಅಂಪಿಕ್ಕಿರತ ನಿಂಗ ನಂಬುರಾದೆ ಇಂಡಸ್,
30
31
30 ಅತ್ಗು ಅಯಿಗ್ಯ ಅತನುಕು –ಹಾನ್ಗಾನೆಕೆ ನಂಗ ನಿನ್ನ ನಂಬುರುಕನಿ ನೀನು ಏ ಸೂಚಕ ಕಾರ್ಯತ ಸೆಂದು ಕಾಟರ ?ನೀನು ಏ ಕ್ರಿಯೆತ ಸೇಯ್ಯರ?
31 ನಂಗುಲುತಾ ಹಿರಿಯರುಕು ತಿಂಗಿರುಕು ದವ್ರು ಪರಲೋಕತಿಂಡು ರಟ್ಟಿ ಕುಡುತುಸು ಇಂಡು ವರ್ಜಿಕ್ಕಿರ ಪ್ರಕಾರ ಅಯಿಗ್ಯ ಅಡವಿಕೊರು ಮನ್ನ ತಿಂಡರುಸುನು, ನೀನು ಯಂತ ಸೇಯ್ಯರಾ ಇಂಡಸ್ನು?
32
33
34
32 ಅತ್ಗು ಯೇಸು ಅಯಿಲಿಕಿ –ನಾನು ನಿಂಗುಲುಕು ಕಾರಾಣ್ಕೆ ಸೋನ್ನಾರೆ ಮೋಶೆ ನಿಂಗುಲುಕು ಪರಲೋಕತಿಂಡು ರಟ್ಟಿ ತರುಲ್ಲ;ಅನೇಕೆ ನಂಗಾವ ಪರಲೋಕತಿಂಡು ನಿಜಾವದ ರಟ್ಟಿತ್ತೆಯ್ಯಿ ತರಾದು,
33 ಪರಲೋಕತಿಂಡು ದಿಕು ವಂದು ಲೋಕತ್ಗು ಜಿವುತಾ ಕುಡ್ಕುರಾತನೆ ದವರತ ರಟ್ಟಿಯಾಯಿದು ಇಂಡಸ್
34 ಅತ್ಗಾಯ್ಯ ಅತನುಕು –ಕರ್ತನೇ,ಈ ರಟ್ಟಿಯತ್ತೆಯಿ ನಂಗುಲುಕು ಎಪ್ಪೋತಿಗು ತಾ ಇಂಡಸ್ನು,
35
36
37
35 ಅತ್ಗು ಯೇಸು ಅಯಿಲಿಕಿ –ನಾನೇ ಆ ಜಿವುತಾ ರಟ್ಟಿ;ನನ್ನಂಚುಗು ವರಾತ್ತಗು ಏಮಾನ್ತಿಗು ಪೇಶ ವರುದಿಲ್ಲ ಮತ್ತೆ ನನ್ನ ನಂಬುರಯಲಿಕಿ ಎಪ್ಪೋತಿತ್ಗು ತನ್ನಿ ಸಾಗು ಆಗುದಿಲ್ಲ
36 ಅನೇಕೆ ನಿಂಗ ನನ್ನ ಪಾತು ನಂಬುಲ್ಲ ಇಂಡು ನಾನು ನಿಂಗುಲುಕು ಸೋನ್ನಿರೆನೆ,
37 ನಂಗಾವ ನನ್ಕು ತರಂತಾಯ್ಯದ್ದಿನು ನನ್ನಂಚುಗು ವರಾನು;ನನ್ನಂಚುಗು ವರಾಯ್ಯಲಾತ್ತೆಯಿ ನಾನು ಎಮಾನ್ತಿಗು ದಬ್ಬುಮಾಟೆ,
38
39
40
38 ನಾನು ನಟ ಸ್ವಂತ ಚಿತ್ತತಲ್ಲ; ನನ್ನತ್ತೆಯಿ ಅಂಪಿಕ್ಕಿರತನ ಚಿತ್ತತ ನೆರವೆರುಸುರೆಕೆ ಪರಲೋಕತಿಂಡು ವಂದಿರೆ 39 ನನ್ನತ್ತೆಯಿ ಅಂಪಿಕ್ಕಿರ ತೋಪುನುತಾ ಚಿತ್ತ ಯಂದಾದಿಂಡೆಕೆ; ಆತನು ನನ್ಕು ತಂದಿಕ್ಕಿರಯಲಿಕೊರು ನಾನು ಒಂಡುನೂ ಕಳ್ಜುಗಾದೇ ಕಡೆ ದಿನ್ತುಕೋರು ಅದ್ದಿಪ್ಪಿಕ್ಕಿರುದು ಇಂಗಿರಾದೆ,
40 ನನ್ನತ್ತೆಯಿ ಅಂಪಿಕ್ಕಿರ ತೋಪುನತ ಚಿತ್ತ ಯಂದಾದಿಂಡೆಕೆ ಮವ್ವುನತ್ತೆಯಿ ಪಾತು ಅತನತ್ತೆಯಿ ನಂಬುರಂತ ಪ್ರತಿಯೊಂಡುನು ನಿತ್ಯಜಿವುತಾ ಹೊಂದುರಾದೆ;ನಾನು ಅತ್ತತ್ತೆಯಿ ಕಡೆ ದಿನ್ತುಕೋರು ಅದ್ದಿಪ್ಪಿಕ್ಯರೆ ಇಂಡು ಸೋನ್ನಿದು,
41
42
41 ಪರಲೋಕತಿಂಡು ಇಗುಜು ವಂದಿಕ್ಕಿರ ರಟ್ಟಿ ನಾನೇ ಇಂಡಿಕ್ಕಿರತ್ಗು ಯೆಹೊದ್ಯರು ಆತನ ವಿಷಯವಾಯಿ ಗುಣುಗುಟ್ಟಿ --
42 ಇದು ಯೇಸೆಫ್ನ ಮವ್ವು ಯೇಸು ಅಲ್ಯ?ಇದ್ಗ ತಾಯಿ –ದೊಪು ನಂಬುರುಕು ಗೊತ್ತಿನು;ಹಾನಗನೆ ಇದು ತಾನು ಪರಲೋಕತಿಂಡು ಇಗುಜು ವಂದಿರೆ ಇಂಗಿಯದೆ ಅದು ಏನಾಗು ಇಂಡಸ್ನು
43
44
45
43 ಯೇಸು ಅಯಿಲಿಕಿ –ನಿಂಗುಲುಕೊರೆ ಗುಣುಗುಟ್ಟುಮಾನಂಗ
44 ನನ್ನ ಅಂಪಿಕ್ಕಿರ ತೋಪು ಸೋನ್ನದೆ ಹೊರತು ಏದುನು ನನ್ನಂಚುಗು ವರಾದಿಲ್ಲನು ಮತ್ತೆ ನಾನು ಕಡೇ ದಿನುಕೊರು ಅತ್ತ ಅದ್ದಿಪ್ಪಿಕ್ಯರೆ
45 ಅಯಿಗ್ಯದ್ದಿನು ದವರಿಂಡು ಬೋದಿಸಲ್ಪಡಾನು ಇಂಡು ಪ್ರವಾದನೆಲುಕೊರು ವರಿಯಲ್ಪಟ್ಟಿದು ಆದಕಾರಣತಿಂಡು ತೋಪುನಿಂಡು ಕೋಟು ಕೆಚ್ಚಂತ ಪ್ರತಿಯೊಂಡುನು ನನ್ನಂಚುಗು ವರಾದು.
46
47
46 ದವರುಕು ಸಂಬಂದ ಪಟ್ಟದೇ ತೋಪುನತ್ತೆಯಿ ಪಾತಿದು ಹೊರತು, ಬೇರೆ ಏದು ತೋಪುನತ್ತೆಯಿ ಪಕುಲ್ಲ,
47 ನಾನು ನಿಂಗುಲುಕು ಕಾರಣ್ಕೆ ಸೋನ್ನರೆ –ನನ್ನಮೆನಿ ನಂಬಿಕೆ ಅಕ್ಕಿರಯ್ಯ ನಿತ್ಯಜಿವುತಾ ಹೊಂದಿನು,
48
49
48 ನಾನೆ ಆ ಜಿವುತಾ ರಟ್ಟಿಯಾಯಿರೆ
49 ನಿಂಗುಲುತಾ ಬೆರಯ್ಯ ಅಡವಿಕೊರು ಮನ್ನ ತಿಂಡರು ಶತ್ತೊಸುನು,
50
51
50 ಮಣುಸ್ ತಿಂಡರು ಸಾಗಾದೆ ಇಕ್ಕಿರಕ್ಕನಿ ಪರಲೋಕತಿಂಡು ದಿಕಿಗಿಜು ವಂದ ರಟ್ಟಿ ಇದೇ,
51 ಪರಲೋಕತಿಂಡು ದಿಕಿಗಿಜು ವಂದ ಜೀವದ ರಟ್ಟಿ ನಾನೇ;ಈ ರಟ್ಟಿಯಾತ್ತೆಯಿ ಏದಾನ ತಿಂಡರೆಕೆ ಅದು ಏಮಾನಿತಿಗು ಪಕಿರಂತದಾಯಿದು; ನಾನು ಕುಡುಕುರ ರಟ್ಟಿ ನಟ ಕರ್ರೆ ಅಯಿದು,ಅತ್ತ ನಾನು ಲೋಕತ ಜಿವುತ್ಕಕಾಯಿ ಕುಡ್ಕಾರೆ,
52
53
52 ಇತ್ರಿ೦ಡು ಯೆಹೊದ್ಯರು ತಂಗುಲುಕೊರೆ ವಾಗ್ವಾದ ಸೇಯ್ಯಿತಾ –ಈ ಮಣುಸ್ ತಟ ಕರ್ರಿಯತ್ತೆಯಿ ನಂಬುರುಕು ತಿಂಗಿರುಕು ಏನಾಗು ತಾರದು ಇಂಡಸ್ನು,
53 ಯೇಸು ಅಯಿಲಿಕಿ –ಕರಾಣ್ಕೆ ನಾನು ನಿಂಗುಲುಕು ಸೋನ್ನರೆ ಮಣುಸು ಕಮಾರನತ ಕರ್ರಿ ತಿಂಡರು ರಗ್ತಾ ಕುಡಿಕ್ಯದೇ ಹೊರತು ನಿಂಗುಲುಕೊರು ಜೀವವಿಲ್ಲ,
54
55
56
54 ಏದು ನಟ ಕರ್ರಿ ತಿಂಡರು ನಟ ರಗ್ತಾ ಕುಡಿಕ್ಯದೋ ಅದು ನಿತ್ಯಜಿವುತಾ ಹೊಂದಿದು,ಅತ್ತ ಕಡೆ ದಿನುಕೋರು ಅದ್ದಿಪ್ಪಿಕ್ಯರೆ ಇಂಡಸ್,
55 ಯಂತ್ಗು ಇಂಡೆಕೆ ನಟ ಕರ್ರಿ ನಿಜವಾದ ಕಲಿ ನಟ ರಾಗು ನಿಜವಾದ ಪಾನವು ಅಯಿದು,
56 ಏದು ನಟ ಕರ್ರಿ ತಿಂಡರು ನಟ ರಗ್ತ ಕುಡಿಕ್ಯದೋ ಅದು ನನ್ನಕೊರು ವಾಸಿಸಾದು;ನಾನು ಅತ್ತುಕೊರು ವಾಸಿಸಾರೆ,
57
58
59
57 ಜಿವವುಳ್ಳ ತೋಪು ನನ್ನತ್ತೆಯಿ ಅಂಪಿಕ್ಯಂದು ನಾನು ತೋಪುನ ಮುಖಾಂತರ ನಾನು ಜೀವಿಸುರುಕನೆನೇ, ನನ್ನ ತಿಂಗಿರಯ್ಯ ನನ್ನ ಮೂಲಕವಾಯಿನೇ ಜೀವಿಸಾದು,
58 ಪರಲೋಕತಿಂಡು ಇಗಿಜು ವಂದಿಕ್ಕಿರ ರಟ್ಟಿ ಇದೆ;ನಿಂಗುಲಾತ ಬೆರಯ್ಯ ಮನ್ನ ತಿಂಡರು ಶತ್ತಕನಿಯಾಲ್ಲ,ಅನೇಕೆ ಈ ರಟ್ಟಿಯಾತ್ತೆಯಿ ತಿಂಗಿರಯ್ಯ ಎಮಾನ್ತಿಗೂ ಜೀವಿಸಾನು,
59 ಕಪೆರ್ನೌಮುಕೋರು ಬೋದಿಸತಿಂದಪ್ಪೋರು ಸಭಾಮಂದಿರತ್ಕೊರು ಇತ್ತದ್ದಿ ಸೋನ್ನುಸು,
60
61
60 –--ಅತ್ರಿಂಡು ಶಿಷ್ಯರುಕೋರು ಅನೇಕರು ಇತ್ತ ಕೋಟು –ಇದು ಕಠಿಣವಾಯಿಕ್ಕಿರ ವೋಕು;ಇತ್ತ ಏದು ಕೊಕಾದು ಇಂಡಸ್ನು,
61 ತಟ ಶಿಷ್ಯರು ಇತ್ಗು ಗುಣುಗುಟ್ಟಾನು ಇಂಡು ತಿಲ್ಜುಗೊಂಡು ಅಯಿಲಿಕಿ –ಇದು ನಿಂಗುಲುಕು ಅಭ್ಯಂತರವಾಸೋ?
62
63
62 ಹನೇಕೆ ಮಣುಸು ಕುಮಾರನು ತಾನು ಮೊದಲಿಂದ ಜಾಗಿಕಿ ಏರಿಹೊಗಾಂದು ನಿಂಗ ಪಾತೆಕೆ ಯಂದಾದಿಂಗ್ಯರಂಗ ?
63 ಪಕಿಪಿಕ್ಕಿರಂತದು ಅತ್ಮಾನೆ : ಕರ್ರಿ ಯಂದಾತ್ಗು ಪ್ರಯೋಜನವಿಲ್ಲ;ನಾನು ನಿಂಗುಲುಕು ಸೋನ್ನರಂತ ವೋಕುಗ ಆತ್ಮವಾಯಿನೂ ಜಿವವಾಯಿನೂ ಇದು,
64
65
64 ಅನೇಕೆ ನಂಬರಂತ ಕೆಲವುರು ನಿಂಗುಲುಕೊರಿನು;ಯಂತ್ಗು ಇಂಡೆಕೆ ನಂಬರಂತಯ್ಯ ಎದಿಂಡು, ತನ್ನ ಪುಡುಸು ಕುಡುಕ್ರಾದು ಎದಿಂಡು ಯೇಸುಕು ಮೊದಲೇ ಗೊತ್ತಿಂಚು,
65 ಆತನು –ನಂಗಾವಿಂಡು ಒಂಡುಕು ಕುಡುಕಾದೆ ಹೊರತು,ಏದುನು ನನ್ನಂಚುಗು ವರುದಿಲ್ಲ;ಅತ್ಗಾಯೇ ನಾನು ಇತ್ತಾದ್ದಿ ಸೋನ್ನಿರೆ ಇಂಡಸ್,
66
67
68
69
66 ಅಮಾನತಿಂಡು ಆತನ ಶಿಷ್ಯರುಕೊರು ಕೆಲವುರು ಪರುಕುಹೊಯ್ಯಿ ಮತ್ತೆ ಅಯಿಗ್ಯ ಅತನಂಟಿ ಸಂಚರಿಸೆ ಇಲ್ಲಾನು,
67 ಅಪ್ಪೋರು ಯೇಸು ಪನ್ನೆಂಡು ಮಂದಿ ಶಿಷ್ಯರುಕು –ನಿಂಗುಲು ಸಹ ಹೋಗುರುದು ಇಂಡುಗೊಂಡಿರಂಗ್ಲ ಇಂಡು ಕೋಟನತ್ಗು
68 ಸಿಮೋನ್ ಪೆತ್ರನು ಅತನುಕು –ನಂಗ ಎತ್ತಂಚುಗು ಹೋಗುರುದು?ನಿನ್ನಂಚಲಿ ನಿತ್ಯ ಜಿವತಾ ವಾಕ್ಯಗಿನೇ,
69 ನೀನು ಜಿವವುಳ್ಳ ದವರು ಮವ್ವುನಯಿಕ್ಕಿರ ಆ ಕ್ರಿಸ್ತನು ಇಂಡು ನಂಗ ಖಂಡಿತವಾಯಿ ನಂಬಿರೋ ಇಂಡಸ್,
70
71
70 ಅತ್ಗು ಯೇಸು ಅಯಿಲಿಕಿ ---ಪನ್ನೆಂಡು ಮಂದಿಯಾಯಿಕ್ಕಿರ ನಿಂಗುಲ್ಲನ ನಾನೇ ಪೆರಿಕಿಗೊಂಡಿರೆ ನಲ್ಲ್ಯ ?ಅನೇಕೆ ನಿಂಗುಲುಕೊರು ಒಂಡು ಸೈತಾನನ ಮವ್ವುನಾಯಿದು,
71 ಸಿಮೋನನಾ ಮವ್ವುನಯಿಕ್ಕಿರ ಇಸ್ಕರಿಯೂತ ಯೂದನ ವಿಷಯವಾಯಿ ಆತನು ಸೋನ್ನುಸು;ಯಂತ್ಗು ಇಂಡೆಕೆ ಈ ಪನ್ನೆಂಡಾಳುಕೋರು ಒಂಡಾಯಿಕ್ಕಿರ ಯೂದ ಅತನತ್ತೆಯಿ ಪುಡುಸುಕುಡ್ಕುರಂತಾದು ಅಯಿಂಚು,