ಅದ್ಯಾಯ 12
1
2
3
1 ಇದ್ದಾದಿನ್ನಪ್ಪೋರು ಪಸ್ಕತ್ಗು ಇನ್ನು ಆರುನಾಲು ಇಂದಪ್ಪೋರು ಶತ್ತಯಿಲಿಕೊರಿಂಡು ಅದ್ದಿಪಿಚ್ಚಿಕ್ಕಿರಂತ ಲಾಜರನು ಇಕ್ಕಿರ ಊರುಕು ಬೆಥ್ಯಾನತ್ಗು ಯೇಸು ವಂಚು,
2 ಅಟಿ ಅಯಿಗ್ಯ ಅತನುಕಾಯಿ ಔತಣತ ಸಿದ್ದ ಸೇಂದಿ೦ಚುನು; ಮಾರ್ಥಳು ಉಪಚಾರತ ಸೆಂಚು,ಆಟನಂಟಿ ಕಲಿಕಿ ಉಕ್ಕೊಂಡಿಕ್ಕಿರಯಿಲಿಕೊರು ಲಾಜರನು ಒಂಡಾಯಿಂಚು
3 ಅಪ್ಪೋರು ಮರಿಯಳು ಶನ ಬೆಲಿಯುಳ್ಳ್ ಅಚ್ಚ ಜಟಮಾಂಸಿ ತೈಲತ ಒಂಡು ಸೇರಾದ್ನು ಅತ್ತೆಂದು ಯೇಸುವಿನತ ಪಾದಲುಕು ಆಂಟಿಚ್ಚು ತಟ ತಲಕಾಯಿ ಮಗುರಿಂಡು ಅತನತ ಪಾದಲಾತ್ತೆಯಿ ತೊಡುಸುಸು;ಆ ತೈಲತಾ ಪರಿಮಳ ಉಟುಮೆತ್ತ ಮೆತ್ತಿಗೊಂಡುಸು.
4
5
6
4 ಅಪ್ಪೋರು ಅತನತ ಶಿಷ್ಯರುಕೊರು ಒಂಡು ಇಂಡೆಕೆ ಅತನತ್ತೆಯಿ ಪುಡುಸುಕುಡುಕುರಂತ ಸಿಮೊಣನ ಮವ್ವ್ವುನಯಿಕ್ಕಿರ ಇಸ್ಕರಿಯೂತನು
5 ಈ ತೈಲತ ಯಂತ್ಗು ಮುನ್ನೂರು ರೂಪಾಯಿಕಿ ಇಚ್ಚು ಆ ದುಡ್ಲಾ ಬಡವುರುಕು ಕುಡ್ಕುಲ್ಲ ಇಂಡಸ್,
6 ಅದು ಇತ್ತ ಬಡವುರು ಬಗ್ಗೆ ಯೋಚನೆ ಸೆಂದು ಸೋನ್ನುಲ್ಲ;ಅದು ಕಳ್ಳನಯಿಂದು ತಟ ವಶತ್ಕೊರಿಂದ ಅಯಿಲತ ದುಡ್ದುಲಾತಸೆಂಚಿಯಿಂಡು ಅತ್ತ ವಂಕಿಗಿರುಕಾಯಿ ಅ ತರ ಸೋನ್ನುಸು.
7
8
7 ಅಪ್ಪೋರು ಯೇಸು ಅತ್ತ (ಪಂಬುಳತ್ತ )ಉಟ್ಟೋಡೋಂಗೋ; ನನ್ನತ್ತೆಯಿ ಹೂಣಿಡಿರ ದಿನುಕ್ಕಾಯಿ ಅತ್ತ ಅಚುಗೋಟು; 8 ಬಡವರು ಎಪ್ಪೋತಿಗು ನಿಂಗಲಾಂಚಿಲಿ ಇಕ್ಕ್ಯನು ನಾನು ನಿಂಗಲಾಂಚಿಲಿ ಇಕ್ಕಿಮಾಟೆ ಇಂಡಸ್.
9
10
11
9 ಅಕಾರಣತಿಂಡು ಯೇಸು ಅಟಿದುಯಿಂಡು ಯೆಹೊದ್ಯರುಕೊರು ಶನಾಳು ತಿಲ್ಜುಗೊಂಡು ಅತನತ್ತೆಯಿ ಮಾತ್ರ ವಲ್ಲದೆ ಶತ್ತು ಪಗಿಸಿಕ್ಕಿರ ಲಾಜರನು ಸಹ ಪಕುರುಕಾಯಿ ವಂಚುನು,
10 ಅನೇಕೆ ಪ್ರದಾನಯಜಕರು ಲಾಜರನು ಸಹ ಕೊಲ್ಲುರುದಿಂಡು ಆಲೋಚನೆ ಸೆಂದುಗೊಂಡಿಚುನು
11 ಯಂತ್ಗು ಇಂಡೆಕೆ ಅತ್ರ ನಿಮಿತ್ತವಯಿ ಅನೇಕ ಯೆಹೊದ್ಯರು ಹೊಯ್ಯಿ ಯೇಸುನತ್ತೆಯಿ ನಂಬುಸುನು.
12
13
12 ಮರುದಿನ ಪಂಡುಗುಲಿಕಾಯಿ ವಂದ ಶನಾಳು ಯೇಸು ಯೆರೆಸೆಲೆಮುಕು ವರಾದಿಂಡು ಕೋಟಾಪ್ಪೋರು
13 ಖರ್ಜೂರತ ಗರಿಲಾತ್ತೆಯಿ ಅತ್ಗೊಂಡು ಅತನತ್ತೆಯಿ ಎದುರುಗೊಳ್ಳುರುಕಾಯಿ ಬೆಲಿಕಿ ವಂದು,---ಹೊಸನ್ನ,ಕರ್ತನತ ಪೆರುಮೆನಿ ವರ್ರಾ ಇಸ್ರಾಯೇಲಿನ ಅರಸನು ಆಶೀರ್ವದಿಸಲ್ಪಡೋಟು ಇಂಡು ವದುರುಸುನು.
14
15
14 ಯೇಸು ಪ್ರಯತ ಕೊದ್ಯ ಪಾತು ಅತ್ಮೆನಿ ಉಕ್ಕೊಂಡು;
15 ಹಿನಾಗೆ –ಚಿಯೋನ್ ಕುಮಾರಿಯೇ ಬಿತ್ಗುಮಾನ ; ಇದೋ, ನಿಟ ಅರಸನು ಪರೆತ ಕೊದಮೇಕು ಉಕ್ಕೊಂಡು ವರಾದಿಂಡು ವರ್ಜಿಕ್ಕಿರ ಪ್ರಕಾರ ನೆರವೆರುಸು.
16
16 ಇತಾದ್ದಿನು ಅತನತ ಶಿಷ್ಯರು ಮೊದಲು ತಿಲ್ಜುಗೊಂಡಿಕ್ಕಿಲ್ಲ; ಅನೇಕೆ ಯೇಸು ಮಹಿಮೆ ಹೊಂದನಪ್ಪೋರು ಇದಾದ್ದಿ ಅತನತ ವಿಷಯವಾಯಿ ವರ್ಜಿದಿಂಡು ಇತಾದ್ದಿ ಸೇಂದಪ್ಪೋರು ಜ್ಞಾಪಾಕ ಸೆಂದುಗೊಂಡುಸುನು,
17
18
19
17 ಇದಲ್ಲದೆ ಆತನು ಲಾಜರನತ್ತೆಯಿ ಸಮಾದಿಕೊರಿಂಡು ಅಗುಸು ಅತ್ತತ್ತೆಯಿ ಶತ್ತಯಿಲಿಕೊರಿಂಡು ಅದ್ದಿಪಿಚ್ಚಪ್ಪೋರು ಅತನಂಟಿ ಇಂದಯ್ಯ ಸಾಕ್ಷಿ ಕುಡ್ತುಸುನು,
18 ಆತನು ಇ ಅದ್ಬುತಾ ಕಾರ್ಯತ ಸೇಂದಿದಿಂಡು ಜನು ಕೋಟು ಅಯಿಲು ಸಹ ಅತನತ್ತೆಯಿ ಎದುರುಗೊಂಡುಸುನು
19 ಅತ್ರಿಂಡು ಪರಿಸಾಯರು ತಂಗುಲುಕೊರೆ ---ನಂಬುರತ ಪ್ರಯತ್ನ ಯಂದಾದು ನಡುಕುಲ್ಲ;ಪರಂಗೋ.ಇಗೋ,ಲೋಕಾದ್ದಿನು ಅತ್ತ ಪರುಗೋಟೆ ಹೊಸುಪಾರು ಇಂಡು ಅಯಿಲಿಕೊರೆ ವಸೆತ್ತಿಗೊಂಡುಸುನು,
20
21
22
20 ಪಂಡುಗುಲುಕೊರು ಅರಾದಿಸುರುಕು ವಂದಯಿಲಿಕೊರು ಕೆಲವುರು ಗ್ರಿಕರಿಂಚುನು,
21 ಇಯಿಗ್ಯ ಗಲಿಲಾಯ ಬೆತ್ಸಾಯಿತದಯಿಕ್ಕಿರ ಪಿಲ್ಲಿಪ್ಪನಂಚುಗು ವಂದು,---ಅಯ್ಯ ನಂಗ ಯೇಸುನತ್ತೆಯಿ ಪಕುರುದಿಂಡುಗೊಂಡಿರೋ ಇಂಡಸ್ನು,
22 ಪಿಲ್ಲಿಪನು ವಂದು ಅಂದ್ರೆಯನುಕು ಸೋನ್ನುಸು,ಅಂದ್ರೆಯನು ಪಿಲ್ಲಿಪನು ತಿರಿಗಿ ಯೇಸುಕು ಸೋನ್ನುಸುನು.
23
24
23 ಯೇಸು ಪ್ರತ್ಯುತ್ತರವಾಯಿ ಅಯಿಲಿಕಿನ್ ---ಮಣುಸುಕುಮಾರನು ಮಹಿಮೆ ಹೊಂದರ ಗಳಿಗಿ ವಂದಿದು
24 ನಾನು ನಿಂಗುಲುಕು ಕರ ಕರ ಸೋನ್ನರೆ ---ಗೊದುಮು ಕಾಳು ಭೂಮಿ ಮೆನಿ ಬೂದು ಸಾಗದಿಂದೆಕೆ ಅದು ಒಂಡೇ ಅಯ್ಯಿ ಉಳಿಯದು; ಅದು ಶತ್ತಮೆನಿ ಶನ ಪಲ ತರಾದು.
25
26
25 ತನ್ನ ಪ್ರಾಣತ ಪ್ರಿತ್ಸಾರದು ಅತ್ತ ಕಳ್ಜುಗಾದು ; ಈ ಲೋಕತ್ಕೊರು ತಟ ಪ್ರಾಣತ ಹಗೆ ಸೇಯ್ಯರಯ್ಯ ನಿತ್ಯಜಿವತ್ಕಾಯಿ ಅತ್ತ ಕಾಪಾಡಿಗ್ಯದು,
26 ಎದಾನ ನನ್ನ ಸೇವಿಸುರಾದನೇಕೆ ಅದು ನನ್ನ ಹಿಂಬಾಲಿಸೋಟು ನಾನು ಇಕ್ಕಿರದಟಲೇ ನಟ ಸೇವಕನು ಇಕ್ಕಿಯದು; ಎದಾನ ನನ್ನ ಸೇವಿಸುರಾದನೇಕೆ ನಂಗಾವ ಅತ್ತ ಸನ್ಮಾನಿಸಾದು.
30
31
30 ಯೇಸು ಪ್ರತ್ಯುತ್ತರವಾಯಿ ---ಈ ದ್ವನಿಯು ನನಕೊಸ್ಕರವಲ್ಲ , ನಿಂಗುಲುಕೊಸ್ಕರ ವಂದಿದು, ಈಪ್ಪೋರು
31ಈ ಲೋಕತ್ಗು ನ್ಯಾಯ ತೀರ್ಪು ಅಕ್ಕುದು ; ಇಹಲೋಕತ ಅದಿಪತಿಯು ಈಪ್ಪೋರು ಬೆಲಿಕಿ ಹೋಡಲ್ಪಡಾದು
32
33
32 ನಾನು ಭುಮಿಮೆನಿಂಡು ಪೆಚ್ಚಲ್ಪಟ್ಟುನೇಕೆ ಅದ್ದಿನು ನನ್ನಂಚುಗು ಎಲ್ತ್ಗಾರೆ ಇಂಡಸ್
33 ತಾನು ಯಂತ ಮರಣತತಿಂಡು ಸಗುರುದಿಂಡು ಸೂಚಿಸಿ ಇತ್ತ ಸೋನ್ನುಸು,
34
35
36
34 ಜನು ಅತನುಕು ---ಕ್ರಿಸ್ತನು ಸದಾಕಾಲನು ಇಕ್ಕ್ಯದು ಇಂಡು ನಂಗ ನ್ಯಾಯಪ್ರಮಾಣತ್ಕೊರು ಕೋಟಿರೋ ; ಹಾನಾಗನೆಕೆ ಮಣುಸುಕುಮಾರನು ಪೆಚ್ಚಲ್ಪಡುರುದಿಂಡು ನೀನು ಸೋನ್ನರಾದು ಏನಾಗು?ಈ ಮಣುಸು ಕುಮಾರರು ಎದು ಇಂಡಸ್ನು,
35 ಅಪ್ಪೋರು ಯೇಸು ಅಯಿಲಿಕಿ –ಇನ್ನು ಸ್ವಲ್ಪನಾಲು ಮಾತ್ರನೇ ಬೆಳಕು ನಿಂಗಲಾಂಟಿ ಇಕ್ಕಿಯದು;ನಬ್ಬು ನಿಂಗುಲಾನು ಮುಸುಕರಾಕನಿ ವಲುಸುರು ಇಂದಪ್ಪೋರೆ ನಡ೦ಗೋ ; ಯಂತ್ಗಿಂಡೆಕೆ ನಬ್ಬುಕೊರು ನಡುಕುರಾದು ತಾನು ಎಟಗು ನಡುಕಾರೆ ಇಂಡು ತಿಲ್ಜುಗುದಿಲ್ಲ
36 ನಿಂಗ ವಲುಸುರುತಾ ಮಕ್ಕಿಗ್ಯ ಅಗುರುಕನಿ ನಿಂಗುಲುಕು ವಲುಸುರು ಇಕ್ಕಿರಪ್ಪೋರೆ ವಲುಸುರತ್ತೆಯಿ ನಿಂಗ ನಂಬಂಗೋ ಇಂಡಸ್,ಯೇಸು ಇತ್ತದ್ದಿ ಸೋನ್ನಿ ಅನ್ನಪೋರು ಹೊಯ್ಯಿ ಅಯಿಲಿಂಡು ನೋಜುಗೊಂಡುಸು,
37
38
37 ಅನೇಕೆ ಆತನು ಅಯಿಲಿ ಎದುರುಕು ಅನೇಕ ಅದ್ಬುತ ಕಾರ್ಯಲಾ ಸೆಂದೇಕುನು ಅಯಿಗ್ಯ ಅತನತ್ತೆಯಿ ನಂಬುಲ್ಲನು
38 ಅತ್ತರಿಂಡು ---ಕರ್ತನೆ, ನಂಬುರತ ವರ್ತಮಾನತ ಎದು ನಂಬಿದು ? ಕರ್ತನತ ಬಾಹು ಎತ್ಗು ಪ್ರಕಟವಾಯಿದು ಇಂಡು ಪ್ರವಾದಿಯಾಯಿಕ್ಕಿರ ಯೆಶಾಯನು ಸೋನ್ನಿಕ್ಕಿರದು ನೆರವೆರುಕನಿ ಇದಾಸು.
39
40
39 ಅಯಿಗ್ಯ ನಂಬಾದೆಹೊನ್ನತ್ಗು ಯೆಶಾಯನು ತಿರುಗಿ ಸೋನ್ನದು ಯಂದಾದಿಂಡೆಕೆ --
40 ಅಯಿಗ್ಯ ಕನ್ನಿಟ್ಟು ಪಾಕಾದೆ ಹೃದಯತಿಂಡು ಗ್ರಹಿಸಾದೆ ಮತ್ತೆ ತಿರುಗಿಗೊಂಡು ನನ್ನಿಂಡು ಸ್ವಸ್ಥತೆ ಹೊಂದಾದೆ ಇಕ್ಕಿರಿಕನಿ ಆತನು ಅಯಿಲಿತ ಕನ್ನುಲಾತ್ತೆಯಿ ಕುರುಡು ಸೆಂದು ಅಯಿಲಿತ ಹೃದಯಲಾತ್ತೆಯಿ ಕಠಿಣ ಸೇಂದಿದು ಇಂಗಿರಾದೆ.
41
42
43
41 ಯೆಶಾಯನು ಅತನತ ಮಹಿಮೆ ಪತಿಕ್ಕಿರತಿಂಡು ಅತನತ ವಿಷಯವಾಯಿ ಇತ್ತ ಸೋನ್ನುಸು,
42 ಅದು ಎನಾಗೋ ಮುಖಯಾದಿಕಾರಿಲಿಕೋರು ಅನೆಕೆರು ಅತನಮೆನಿ ನಂಬಿಕೆ ಅಚ್ಚುಸುನು , ಅನೇಕೆ ಪರಿಸಾಯರತ ನಿಮಿತ್ತವಾಯಿ ತಂಗ ಸಭಾಮಂದಿರತಿಂಡು ಬಹಿಷ್ಕರಿಸಲಪಡುರದಲ್ಲಯಿಂಡು ಅಯಿಗ್ಯ ಅತನತ್ತೆಯಿ ಒಪ್ಪಿಗಿಲ್ಲ್ಯ
43 ಯಂತ್ಗಿಂಡೆಕೆ ಅಯಿಗ್ಯ ದವುರತ ಹೊಗಳಿಕಿಂತ ಮಣುಸುರುತಾ ಹೋಗಲಿಕಿಯತ್ತೆಯಿ ಹೆಚ್ಚಾಯಿ ಪ್ರಿತ್ಸುಸುನು.
44
45
44 ಅಪ್ಪೋರು ಯೇಸು ---ನನ್ನ ನಂಬುರಾದು ನನ್ನಲ್ಲ , ನನ್ನತ್ತೆಯಿ ಅಂಪಿರಾತನನ್ನೇ ನಂಬಿದು,
45 ನನ್ನತ್ತೆಯಿ ಪಕುರಾದು ನನ್ನತ್ತೆಯಿ ಅಂಪಿಕರಾತನನ್ನೇ ಪಕಾದು.
46
47
46 ನನ್ನಮೆನಿ ನಂಬಿಕೆ ಅಚ್ಚಿಕ್ಕಿರ ಎದುನು ನಬ್ಬುಕೊರು ಇಕ್ಕಿರದಲ್ಲಯಿಂಡು ನಾನು ಲೋಕತ್ಗು ಬೆಳಾಕಾಯಿ ವಂದಿರೆ,
47ಎದಾನ ನಟ ವೋಕುಲಾ ಕೋಟು ನಂಬಾದೆಹೊನೇಕೆ ನಾನು ಅಯಿಲಿಕಿ ತೀರ್ಪು ಸೇಯ್ಯಿಮಾಟೆ; ಲೋಕತ್ಗು ತೀರ್ಪು ಸೇಯ್ಯಿರುಕುಲ್ಲ ಲೋಕತಾ ರಕ್ಷಿಸುರುಕ್ಕಾಯೇ ನಾನು ವಂದಿರೆ
48
49
50
48 ನನ್ನತ್ತೆಯಿ ತಿರಸ್ಕರಿಸಿ ನಟ ವೋಕಲಾತ್ತೆಯಿ ಅಂಗಿಕರಿಸದೆಇಕ್ಕಿರತ್ಗು ತೀರ್ಪು ಸೇಯ್ಯಿರಂತಾದು ಒಂಡು ಇದು ; ಅದು ನಾನು ಸೋನ್ನಿಕ್ಕಿರ ವೋಕೆ;ಅದು ಕಡೆ ದಿಂತುಕೊರು ಅತ್ಗು ತೀರ್ಪು ಸೇಯ್ಯದು ,
49 ನನ್ನದ್ನುಕು ನಾನೇ ಸೋನ್ನುಲ್ಲ;ಅನೇಕೆ ನಾನು ಯಂತ ಸೋನ್ನುರುದೋ ಮತ್ತೆ ಯಂತ ವಸೆತ್ತುರುದು ಇಂಗಿರತ್ತ ನನ್ನತ್ತೆಯಿ ಅಂಪಿಕ್ಕಿರ ತೋಪುನೆ ನನ್ಕು ಅಜ್ನಾಪಿಸಿದು ,
50 ಅತನತ ಆಜ್ಞೆ ನಿತ್ಯ ಜಿವವಾಯಿದು ಇಂಡು ನಾನು ಬಲ್ಲೆ ; ಆತ್ತರಿಂಡು ನಾನು ವಸೆತ್ತರಂತಾತ್ತ ತೋಪು ನನ್ಕು ಸೋನ್ನುಕನೆ ನಾನು ವಸೆತ್ತಾರೆ ಇಂಡಸ್