ಅದ್ಯಾಯ 11
1
2
1 ಮರಿಯಳು ಮತ್ತೆ ಅತ್ರ ಸಹೋದರಿಯಾಯಿಕ್ಕಿರ ಮಾರ್ಥಳ ಊರುಯಿಕ್ಕಿರ ಬೆಥಾನ್ಯತ್ಕೊರು ಲಾಜರ ಇಂಗಿರಂತ ಒಂಡು ಅಸ್ವಸ್ಥನಾಯಿಂಚು,
2 (ಕರ್ತನುಕು ತೈಲತ ಆಂಟಿಚ್ಚು ತಟ ತಲಕಾಯಿ ಮಗುರಿಂಡು ಅತನತ ಪಾದಲಾತ್ತೆಯಿ ತೊಡುಸಾನ ಈ ಮರಿಯಾಳತ ಸಹೋದರನಯಿಕ್ಕಿರ ಲಾಜರನು ಅಸ್ವಸ್ಥನಾಯಿಂಚು)
3
4
3 ಅತ್ರಿಂಡು ಅತ್ರ ಅಕ್ಕದಸ್ಸಿಗಿನ –ಕರ್ತನೆ,ಇದೋ,ನೀನು ಪ್ರೀತಿ ಸೇಯ್ಯಿಂದಂತಹ ಮಣುಸು ಅರಾಮಿಲ್ಲದೇ ಬೂದಿದುಯಿಂಡು ಸೋನ್ನಿ ಅಂಪುಸು,
4 ಯೇಸು ಅತ್ತ ಕೋಟು ---ಈ ರೋಗು ಮರಣತ್ಕ್ಕಾಯಿ ಅಲ್ಲ ಅನೇಕೆ ದೇವಕುಮಾರನು ಅತ್ರಿಂಡು ಮಹಿಮೆ ಹೊಂದುರುಕನಿ ದವರತ ಮಹಿಮೆಕೊಸ್ಕರನೆ ವಂದಿಕ್ಕಿರಾದಿಂಡು ಸೋನ್ನುಸು.
5
6
7
5 ಮಾರ್ಥಳು ಮತ್ತೆ ಅತ್ರ ಸಹೋದರಿ ಮತ್ತೆ ಲಾಜರನತ್ತೆಯಿ ಯೇಸು ಪ್ರಿತಿಸಂಚು,
6 ಲಾಜರನು ಆರಾಮಿಲ್ಲಯಿಂಡು ಕೋಟೆಕೆನು ರಂಡುನಾಲು ತಾನಿಂದ ಊರುಕೊಕೆ ತಂಗುಸು,
7 ಪರ್ಗುಂಡು ಆತನು ತಟ ಶಿಷ್ಯರುಕು –ನಂಬುರು ತಿರಿಗಿ ಯೂದಯತ್ಗು ಹೋಗೋಮು ಇಂಡಸ್.
8
9
8 ಅತನತ ಶಿಷ್ಯರು ಅತನುಕು –ಅನೇಕೆ ಯೆಹೊದ್ಯರು ನಿನ್ ಮೇಕು ಕೆಲ್ಲ ಪೇಟುರುದಯಿಂಡು ದವ್ವುತಿನೇ;ತಿರಿಗಿ ನೀನು ಅಟ್ಗೆ ಹೊಕ್ಕುರ್ಯ?ಇಂಡಸ್ನು
9 ಯೇಸು ---ಪಗಮಾರಿಕಿ ಪನ್ನೆಂಡು ತಾಸುಗ ಇದಿಲ್ಯ ? ಏದೇ ಮಣುಸು ಅನೇಕು ಪಗುಮಾರಿಕಿ ತಿರುಗಾಡುನೇಕೆ ಈ ಲೋಕತ ಬೆಳಕ ಕಾಂಗರತಿಂಡು ಅದು ಎಡುವುದಿಲ್ಲ.
10
11
10 ಅನೇಕೆ ಒಂಡು ಮಣುಸು ನಮಾರಿಕಿ ತಿರುಗಾಡುನೇಕೆ ತನ್ನುಕೊರು ಬೆಳಕು ಇಲ್ಲರತಿಂಡು ಅದು ಎಡವಾದು ಇಂಡಸ್,
11 ಈ ವೋಕುಲಾತ್ತೆಯಿ ಸೋನ್ನಿ ಅನ್ನಪ್ಪೋರು ಆತನು ಅಯಿಲಿಕಿ –ನಂಬುರುತಾ ಸ್ನೇಹಿತನಾಯಿಕ್ಕಿರ ಲಾಜರನು ವರುಕು ಸೇಯ್ಯಿತಿದು; ಅನೇಕೆ ನಾನು ಅತ್ತ ಅದ್ದಿಪಿಕ್ಕಿರುಕು ಹೋಗುತಿರೆ ಇಂಡಸ್.
12
13
14
12 ಅಪ್ಪೋರು ಅತನತ ಶಿಷ್ಯರು –ಅದು ವರಕು ಸೇಯ್ಯಿತಿಂದೆಕೆ ಅರಾಮಕ್ಕುದು ಇಂಡಸ್ನು,
13 ಅನೇಕೆ ಯೇಸು ಅತನತ ಮರಣತ ಬಗ್ಗೆ ಸೋನ್ನಿಂಚ್ಚು;ಅನೇಕೆ ಅಯಿಗ್ಯ ವರ್ಕುತ ವಿಶ್ರಾಂತಿ ಬಗ್ಗೆ ಆತನು ಸೋನ್ನಿದು ಇಂಡು ತಿಲ್ಜುಗೊಂಡಿ೦ಚ್ಚುನು,
14 ಅಪ್ಪೋರು ಯೇಸು ಅಯಿಲಿಕಿ ಸ್ಪಷ್ಟವಾಯಿ ---ಲಾಜರನು ಶತ್ತಿದು.
15
16
16 ನಿಂಗ ನಂಬುರುಕನಿ ನಾನು ಅಟಿ ಇಲ್ಲರತ್ಗು ಸಂತೋಷ ಪಡರೆ; ಹೆನಾಗು ನಂಬುರು ಅತ್ತಂಚುಗು ಹೋಗುಮುಇಂಡಸ್ ಪರಗುಂಡು 16 ದಿದುಮ ಇಂಗಿರ ತೊಮನು ತಟ ಜೊತೆ ಶಿಷ್ಯರುಕು ---ನಂಬುರು ಸಹ ಅತನಂಟಿ ಸಾಗುರುಕನಿ ಹೋಗೋಮು ಇಂಡಸ್,ಪರಗುಂಡು
17
18
19
20
17 ಯೇಸು ವಂದಪ್ಪೋರು ಲಾಜರನತ್ತೆಯಿ ಸಮಾದಿಕೊಕು ಅಚ್ಚು ನಾಲುನಾಲು ಅಯಿದು ಇಂಡು ಆತನು ತಿಲ್ಜುಗೊಂಡುಸು.
18 ಬೆಥಾನ್ಯವು ಯೆರೆಸೆಲೆಮುಕು ಹೆಚ್ಚು ಕಡಿಮಿ ಒಂಡು ಹರದಾರಿಯದ್ನು ಕಿಟ್ಟುಗೊರಿಂಚು
19 ಯೆಹೊದ್ಯರುಕೊರು ಅನೇಕರು ಮಾರ್ಥಳು ಮತ್ತೆ ಮರಿಯಾಳತ್ತೆಯಿ ಅದ್ಗ ದೆಂಬಿನಾತ ವಿಷಯವಾಯಿ ಸಮಾದಾನ ಸೇಯ್ಯಿರುಕು ವಂದಿ೦ಚುನು
20 ಅಪ್ಪೋರು ಯೇಸು ವರ್ತಿದು ಇಂಡು ಮಾರ್ಥಳು ಕೊಕುತಿಂದೆಪ್ಪೋರೆ ಹೊಯ್ಯಿ ಅತನತ್ತೆಯಿ ಎದುರುಗೊಂಡುಸು, ಮರಿಯಾಳನೆಕೋ ಉಟುಕೋರೆ ಉಕ್ಕೊಂಡಿ೦ಚು.
21
22
23
21 ಅಪ್ಪೋರು ಮಾರ್ಥಳು ಯೇಸುಕು ---ಕರ್ತನೇ,ನೀನು ಇಟಿ ಇಂದೇಕೆ ನಂಗದೆಂಬಿ ಸಾಗಕಿಲ್ಲ,
22 ಅನೇಕೆ ಇಪ್ಪೋರು ಸಹ ನೀನು ದವರಿಂಡು ಯಂತ ಕೊಕಾರೆಯೋ ದವರು ಅತ್ತ ನಿನ್ಕು ತರಾದಿಂಡು ನಾನು ಬಲ್ಲೆ ಇಂಡಸ್,
23 ಯೇಸು ಅ ಪಂಬುಳಾತ್ಗೂ –ನಿಂಗ ದೆಂಬಿ ತಿರಿಗಿ ಪಕಿಯಾದು (ಅದ್ದಿಕ್ಯದು )ಇಂಡಸ್.
24
25
26
24 ಮಾರ್ಥಳು ಅತನುಕು ---ಕಡೇ ದಿಂತುಕೊರು ಪುನರುತ್ಥಾನವಾಗರಪ್ಪೋರು ಅದುನು ತಿರಿಗಿ ಅದ್ದಿಕ್ಯದು ಇಂಡು ನನ್ಕು ಗೊತ್ತಿದು ಇಂಡಸ್,
25 ಯೇಸು ಅತ್ಗು ---ನಾನೇ ಪುನುರುತ್ಥಾನನೂ ಜೀವವೂ ಅಯಿರೆ;ನನ್ನಮೆನಿ ನಂಬಿಕೆ ಅಕ್ಕಿರಯ್ಯ ಶತ್ತುನೆಕು ಪಕಿಯಾನು ,
26 ಎದಾನ ಪಕಿತಾ ನನ್ನಮೆನಿ ನಂಬಿಕೆ ಅಕ್ಕಿರಾದನೇಕೆ ಅದು ಎಮಾನ್ತಿಗು ಸಾಗುದಿಲ್ಲ, ಇತ್ತ ನೀನು ನಂಬರಯ್ಯ ಇಂಡು ಕೋಟತ್ಗು.
27
28
29
27 ಆಕೆಯು ಅತನುಕು ---ಅಂಬೋ, ಕರ್ತನೇ,ಲೋಕತ್ಗು ವರಾಬೇಕಾಯಿಂದ ದವರಮವ್ವುನಯಿಕ್ಕಿರ ಕ್ರಿಸ್ತನು ನೀನು ಇಂಡು ನಾನು ನಂಬರೇ ಇಂಡಸ್ ,
28 ಅದು ಇತರ ಸೊನ್ನೆಟು ಹೊಯ್ಯಿ ತಟ ಸಹೋದರಿಯಾಯಿಕ್ಕಿರ ಮರಿಯಾಳತ್ತೆಯಿ ಗುಪ್ತವಾಯಿ ಅಗುಸು ---ಬೋದಕನು ವಂದಿದು, ನಿನ್ನ ಅಕಿಯಾದು ಇಂಡಸ್,
29 ಮರಿಯಾಳು ಇತ್ತಕೋಟಾತಕ್ಷಣ ತಟ್ಟನೆ ಅದ್ದಿಂದು ಅತನಂಚುಗು ವಂಚು.
30
31
32
30 ಯೇಸು ಇನ್ನು ಊರುಲ್ಲಿಕಿ ವರಾದೆ ಮಾರ್ಥಳು ಅತ್ತ ಬೇಟಿಸೇಂದಿ೦ದ ಜಾಗುತ್ಕೊರೆ ಇಂಚು,
31ಉಟುಕೋರು ಅತ್ತ೦ಟಿ ಇಂದು ಅತ್ತ ಸಮಾದಾನ ಸೇಯ್ಯಿತಿಂದ ಯೆಹೊದ್ಯರು ಮರಿಯಾಳು ತಟ್ಟನೆ ಅದ್ದಿಂದು ಹೊನ್ನತಪಾತು--- ಅದು ಅಗುರುಕಾಯಿ ಸಮಾದಿಯಾಂಚುಗು ಹೊಗಿತಿದಿಂಡು ಅತ್ರ ಪರುಗೋಟೆ ಹೊಸುನು,ಪರುಗುಂಡು 32 ಯೇಸು ಇಂದಟುಕು ಮಾರಿಯಳು ವಂದು ಅತನತ್ತೆಯಿ ಪಾತು ಅತನತ ಪಾದಲಾಕು ಬೂದು ಅತನುಕು ---ಕರ್ತನೆ ನೀನು ಇಟಿಯಿಂದೆಕೆ ನಂಗದೆಂಬಿ ಸಾಗಕ್ಕಿಲ್ಲ,ಇಂಡಸ್.
33
34
35
33 ಅದು ಮತ್ತೆ ಅತ್ತಂಟಿ ವಂದ ಯೆಹೊದ್ಯರು ಸಹ ಅಗುರತ್ತ ಯೇಸು ಪಾತು ಆತ್ಮತುಕೊರು ಕಳವಳಪಟ್ಟು ಮೂಲ್ಗುತಾ --
34 ಅತ್ತ ಎಟ್ಗು ಅಚ್ಚಿರ೦ಗ ಇಂಡಸ್ , ಅಯಿಗ್ಯ ಅತನುಕು ---ಕರ್ತನೇ,ವಂದುಪಾರು ಇಂಡಸ್ನು,
35 ಯೇಸು ಕನ್ನೆರು ಓಟುಸು.
36
37
36 ಅಪ್ಪೋರು ಯೆಹೊದ್ಯರು ---ಇಗೋ ಆತನು ಅತ್ತ ಎದ್ನು ಪ್ರೀತಿ ಸೇಯ್ಯಂಚು ಇಂಡಸ್ನು
37 ಅಯಿಲಿಕೊರು ಕೆಲವುರು ---ಆ ಕುರುಡುನಕು ಕನ್ನ ಕುಡುತಾ ಈ ಮಣುಸುನುಕು ಇತ್ತ ಸಾಗದೆ ಇಕ್ಕ್ಯರಕನಿ ಸೇಯ್ಯದೆ ಇಕ್ಕ್ಯದಾ ಇಂಡಸ್ನು.
38
39
40
38 ಅತ್ರಿಂಡು ಯೇಸು ತಿರಿಗಿ ತನ್ನುಕೊರೆ ನೊಂದಿಗೀತಾ ಸಮಾದಿಯಾಂಚುಗು ವಂಚು,ಅದು ಗವಿಯಾಯಿಂಚು; ಒಂಡು ಕೆಲ್ಲು ಅತ್ತಮೆನಿ ಅಚ್ಚಿಂಚುನು,
39 ಯೇಸು – ಆ ಕೆಲ್ಲ ವಂಗಿಹೋಡೋ೦ಗೋ ಇಂಡಸ್, ಅತ್ಗು ಶತ್ತಿಕ್ಕಿರ ಲಾಜರನತ ಅಕ್ಕಯಿಕ್ಕಿರ ಮಾರ್ಥಳು ಅತನುಕು ---ಕರ್ತನೇ , ಇಯ್ಯಳ್ಗು ಅಪ್ಪೋತಿಗೆ ಅದು ನಾರಿತಿಕ್ಕ್ಯಿದು; ಯಂತ್ಗು ಇಂಡೆಕೆ ಅದು ಶತ್ತು ನಾಲುನಾಲಾಸು ಇಂಡಸ್,
40 ಯೇಸು ಅತ್ಗು –ನೀನು ನಂಬುರಾದನೇಕೆ ದವರತ ಮಹಿಮೆ ಕಾಂಗಾರ ಇಂಡು ನಾನು ನಿಕು ಸೋನ್ನುಲ್ಯ ಇಂಡಸ್.
41
42
41 ಅಪ್ಪೋರು ಅಯಿಗ್ಯ ಶತ್ತತ್ತ ಅಚ್ಚಿಂದ ಜಗುತಿಂಡು ಆ ಕೆಲ್ಲ ವಂಗುಸುನು;ಯೇಸು ಕನ್ನುಪೆಚ್ಚಿ ಮೆಕುಪಾತು –ತೋಪುನೇ, ನೀನು ನಟ ಪ್ರಾರ್ಥನೆ ಕೋಟತ್ಗಾಯಿ ನಾನು ನಿನ್ನ ಕೊಂಡಡಾರೆ,
42 ನೀನು ಎಪ್ಪೋತಿಗು ನಟ ಪ್ರಾರ್ಥನೆ ಕೊಕಾರಯಿಂಡು ನಾಕು ಗೊತ್ತಿದು,ಅನೇಕೆ ನನ್ನಂಚುಗು ನಿಂಡ್ರಿಕ್ಕಿರ ಜನುರುತಾ ನಿಮಿತ್ತವಾಯಿ ನೀನು ನನ್ನ ಅಂಪಿರಯಿಂಡು ಅಯಿಗ್ಯ ನಂಬುರುಕನಿ ನಾನು ಅತ್ತ ಸೊನ್ನೆ ಇಂಡಸ್.
43
44
43 ಆತನು ಈತರ ವಸ್ಸೇತಿನ್ನಪ್ಪೋರು ---ಲಾಜರನೇ,ಬೆಲಿಕಿ ವಾ ಇಂಡು ಗಟ್ಟಿಯಾನ ದ್ವನಿಯಿಂಡು ವದುರುಸು,
44 ಅಪ್ಪೋರು ಆ ಲಾಜರನು ಅದ್ದಿಂದು ವಂಚು ಅತ್ರ ಕೈ ಕಾಲ ಕಟ್ಟಿ೦ಚು ಅತ್ರ ಮಗುತ್ಗು ಕೈ ಪಾವಡತಿಂಡು ಸುತ್ತಿಂಚುನು; ಯೇಸು ಅಯಿಲಿಕಿ –ಅತ್ತ ಇಚ್ಚಂಗೋ,ಅದು ಹೋಗೋಟು ಇಂಡಸ್.
45
46
45 ಅಪ್ಪೋರು ಮರಿಯಳ೦ಚುಗು ವಂದಿಂದ ಯೆಹೊದ್ಯರುಕೋರು ಅನೇಕರು ಯೇಸು ಸೇಂದತ್ತ ಪತಯಿಲಿಕೋರು ಕೆಲವುರು ಅತ್ತ ನಂಬುಸುನು,
46 ಅನೇಕೆ ಅಯಿಲಿಕೊರು ಕೆಲವುರು ಪರಿಸಾಯರಂಚುಗು ಹೊಯ್ಯಿ ಯೇಸು ಸೇಂದಿಕ್ಕಿರತ್ತ ಅಯಿಲಿಕಿ ಸೋನ್ನುಸುನು,
47
48
47 ಅಪ್ಪೋರು ಪ್ರದಾನ ಯಜಕರು ಪರಿಸಾಯರು ಆಲೋಚನಾ ಸಬೆತ ಕುಡಿಸಿ –ಈ ಮಣುಸು ಅನೇಕ ಅದ್ಬುತಾ ಕಾರ್ಯಾಲ ಸೇಯ್ಯದೆ ಇತ್ಗು
48 ಯಂತ ಸೇಯ್ಯಮು ಇಂಡಸ್ನು ?ನಂಬುರು ಅತ್ತ ಅನಗೆ ಉಟ್ಟುಕೆ ಅದ್ದಿನು ಅತ್ತ ನಂಬನು ಮತ್ತೆ ರೋಮಾಯರು ವಂದು ನಂಬುರುತಾ ಜಾಗುಗ ಮತ್ತೆ ಜಾನಂಗತ ಅತುಗೊಂಡುಡೋದುಸುನು ಇಂಡಸ್ನು,
49
50
49 ಅನೇಕೆ ಅಯಿಲಿಕೊರು ಆ ವಟುಕಾಲುತಾ ಮಹಾಯಜಕನಯಿಕ್ಕಿರ ಕಾಯಪನಿಂಗರಾದು ಅಯಿಲಿಕಿ ---
50 ನಿಂಗುಲುಕು ಯಂದಾದು ಗೊತ್ತಾಗುದಿಲ್ಲ ; ಜನಾಂಗವದ್ದಿನು ನಾಶವಾಗರಕನಿ ಒಂಡು ಮಣುಸು ಜನುರುಕೊಸ್ಕರ ಸಗಾರಾದು ನಂಬುರುಕು ವಿಹಿತವಾಯಿದುಯಿಂಡು ನಿಂಗ ಯೋಚುಸುಮಾಟ೦ಗ ಇಂಡಸ್.
51
52
53
51 ಈ ವೋಕತ್ತೆಯಿ ತನ್ನದ್ನುಕು ತಾನೇ ವಸುತ್ತುಲ್ಲ; ಅನೇಕೆ ಅದು ಆ ವಟುಕಾಲಿಕಿ ಮಹಾಯಜಕನಾಯಿಂದೂ, ಯೇಸು ಆ ಜನಾಂಗತ್ಗು ಮಾತ್ರವಲ್ಲದೆ
52 ಚದುರಿಕ್ಕಿರ ದವರತ ಮಕ್ಕಿಲ ಒಟ್ಟುಗೂಡುಸುರುಕು ಆತನು ಸಗಾಬೇಕಾಯಿದು ಇಂಡು ಅದು ಪ್ರವಾದನೆ ಸೋನ್ನುಸು,
53 ಅಯಿಗ್ಯದ್ದಿನು ಕುಡಿಗೊಂಡು ಅಮಾನ್ತಿಂಡು ಅತನತ್ತೆಯಿ ಕೊಲ್ಲುರುಕು ಆಲೋಚನೆ ಸೆಂದುಗೊಂಡುಸುನು.
54
55
54 ಹಿನಾಗಿಂದಪ್ಪೋರು ಯೇಸು ಯೆಹೊದ್ಯರತ ನಡುವುಲಿ ಬಹಿರಂಗವಾಯಿ ಓಡಾಡುಲ್ಲ, ಅನೇಕೆ ಅಟಿ೦ಡು ಕಾಟ್ಗು ಕಿಟ್ಟುಗಿಂದ ಎಪ್ರಾಯಿಮ್ಯಿಂಗರ ಪಟ್ಟಣ್ತ್ಗು ಹೊಯ್ಯಿ ಅಟಿ ತಟ ಶಿಷ್ಯರಂಟಿ ಇಂಚು,
55 ಅಪ್ಪೋರು ಯೆಹೊದ್ಯರತ ಪಸ್ಕ ಕಿಟ್ಟುಗೊರಿಂಚು; ಅನೇಕರು ತಂಗುಲನತ್ತೆಯಿ ಶುದ್ದಿಸೆಂದುಗುರುಕು ಪಸ್ಕತ್ಗು ಮುನ್ನೆ ಪಳ್ಳಿಲಿಂಡು ಯೆರೆಸೆಲೆಮುಕು ಹೊಸುನು.
56
57
56 ಅಪ್ಪೋರ್ ಅಯಿಗ್ಯ ಯೇಸುನತ್ತೆಯಿ ದವ್ವಿಗೊಂಡು ದೇವಾಲಯತ್ಕೊಕು ನಿಂಡ್ರುಗೊಂಡಿ೦ದಪ್ಪೋರು ---ಆತನು ಪಂಡುಗುಲುಕು ವರಿದಿಲ್ಲ್ಯ?ನಿಂಗುಲುಕು ಹೆನಾಗು ಕಂಗಾದಿಂಡು ತಂಗುಳುಕೊರೆ ವಸೆತ್ತಿಗೊಂಡುಸುನು,
57 ಅಪ್ಪೋರು ಪ್ರದಾನಯಜಕರು ಪರಿಸಾಯರು ಅತನತ್ತೆಯಿ ಪುಡಿಕಿರುಕು ಅತನಿಕ್ಕಿರ ಜಗ ಎತ್ಗಾನ ಗೊತ್ತನೇಕೆ ತಂಗುಲುಕು ಕಾಟುರುದಿಂಡು ಅಪ್ಪಣೆ ಕುಡಿತಿಂಚು,