^{1 2 3 4} 1 ಆನೆಕೆ ಕಡೆ ದಿನಾತ್ಕುರು ಅಪಾಯಕರವಾನ ಕಾಲ ವರಕುಯಿಂಡು ಸಹ ತಿಳ್ಜ್ ಗೊಂಗೋ . 2 ಮನುಷ್ಯರು ತಗ್ಲನ ತಂಗೆ ಪ್ರಿತಿಸ್ರಗ್ಯ ಲೋಬಿಗ್ಯ ಬಡಾಯಿ ಕೊಚ್ಚಿಗ್ರಗ್ಯ ಅಹಂಕಾರಿಗ್ಯ ದೇವ ದೋಷಕ್ರು ಅವ್ವ ಅಮ್ಮೂಕು ಅವಿದ್ಯರಗ್ಯ ಉಪಕಾರ ನೆನೆಸ್ದೆಯಿಕ್ರಗ್ಯ ಅಶುದ್ದರು 3 ಸ್ವಾಭಾವಿಕವಾನ ಮಮತೆಯಿಲ್ಲರಾಗ್ಯ ಒಪ್ಪಂದನ್ನ ಮುರಿರಗ್ಯ ಸುಳ್ಳು ಸೊಂಡ್ರಗ್ಯ ಕರುಣೆಯಿಲ್ಲರಗ್ಯ ಉಗ್ರತೆಯಿಕ್ರಗ್ಯ ನಾಲ್ಲನ್ನ ಹೀನೈಸ್ರಗ್ಯ 4 ದ್ರೋಹಿಗ್ಯ ಉಬ್ಬಿಗ್ರಗ್ಯ ದೌರ್ ಕಿನ್ನ ಶ್ಯಾನ ಬೋಗನೆ ಪ್ರಿತಿಸಕ್ನು ^{5 6 7} 5 ಭಕ್ತಿ ವೇಷಯಿಂದು ಅತ್ರ ಬಲನ ಅಲ್ಲಗಲಿರಗ್ಯ ಆಯಿನು ;ಇಂಥಲಿಂಡು ಬೇರಿಯಾಯಿದು . 6 ಉಟ್ ಕುರು ನುಸುಳಿಕ್ರ ಪಾಪತಿಂಡು ಮೇತಿಕ್ರಗ್ಯ ನಾನಾ ವಿಧವಾನ ಇಚ್ಛೆಯಿಂಡು ನಡಿಸ್ಳಪಡ್ರ ಆಯಿಕ್ರ ಅವಿವೆಕಿಯಾನ ಪಮ್ಲಲ್ನ ವಶಸೆದ್ರಗ್ಯ ಇತ್ಕುರು ಸೇರಿಕ್ರಗ್ಯ . 7 ಈಗ್ಯ ಎಪೋದು ಕೆಕಿತ್ತಯಿಂದೆಕು ಸತ್ಯತ್ತ ಪರಿಜ್ಞಾನ ಹೊಂದುದುಲ್ನು. ^{8 9} 8 ಯನ್ನಯಂಬ್ರ ಇಗ್ರಗ್ಯ ಮೊಶೆನ್ನ ವಿರೋದಿಸ್ನಾಕಾನಿ ಈಗ್ಯ ಸತ್ಯನ ವಿರೋದಿಸಾಕ್ನು ;ಇದಲ್ಲದೆ ಈಗ್ಯ ಬುದ್ದಿ ಕೆಟ್ಟಗ್ಯ ಭ್ರಷ್ಟರು ಆಯಿನು . 9 ಆನೆಕೆ ಈಗ್ಯ ಇನ್ನೂ ಮುಂದುವರಿದಿಲ್ಲನು ; ಈ ಯನ್ನಯಂಬ್ರಲತ್ತ ಮೂರ್ಖತನ್ನ ಹೆಂಗು ಆದೆರ್ಕು ಪರಿಷ್ಕಾರವಾಯಿ ತಿಳ್ಜು ವದ್ಕಾನಿ ಇಲ್ಟಾದು ವರಕು. ^{10 11 12 13} 10 ನಿಂಗನೆಕೋ ನಟ್ಟು ಬೊದನೆ ನಡತೆ ಉದ್ದೇಶ ನಂಬಿಕೆ ದೀರ್ಘ ಶಾಂತಿ ಪ್ರೀತಿ ಸೈರಣೆ ಇತಾತೆಯ 11 ಅಂತಿಯೋಕ್ಯ ಇಕೊನ್ಯ ಇಗ್ರ ಪಟ್ಟಣತ್ಕುರು ನಂಕು ಸಂಭಾವಿಸ್ನ ಹಿಂಸೆನ್ನ ಕಷ್ಟನುಭಾವಾನ ನಾನು ಎಂಥೆಂಥ ಹಿಂಸೇನ ಸಹಿಸ್ಕೊಂಡೆ ಇಗ್ರತ್ತ ನೀನು ಪೂರ್ಣವಾಯಿ ತಿಲ್ಜವಾನಾಯಿರ ,ಆನೆಕೆ ಆಗ್ಯದಿ ಇತ್ಕುರಿಂಡು ಕರ್ತನು ನನ್ನ ಹುಡಿಚುಸು . 12 ಅಂಬೋ .ಕ್ರಿಸ್ತ ಯೇಸುಕುರು ಭಕ್ತಿಯುಳ್ಳವರಯಿ ಜಿವಿಸ್ರತ್ಗು ಮನಸ್ಸು ಸೈರಗ್ಯಾದೆರು ಹಿಂಸೆಕಿವಳ್ಳಗಕ್ನು . 13 ದುಷ್ಟರು ವಂಚಕರು ಮೋಸ ಸೈತ ತಾಗ್ಲೆ ಮೋಷ ಹೋಗ್ತಾ ಶ್ಯನ್ನ ಕೊತ್ತಾತ್ಗು ಹೊಕ್ನು . ^{14 15} 14 ನಿಂಗನೆಕೋ ಕೆಚಿಕ್ರ ದೃಡವಾಯಿ ನಂಬಿಕ್ರತ್ಕುರು ನೆಲೆಯಾಯಿರು ಕೆಪ್ಚುತಂದಗ್ಯ ಎದು ಆಲೋಚಿಸು. 15 ಚಿನ್ನಪೋದಿಂಡು ನೀನು ಪರಿಶುದ್ದ ಬರಹನ್ನ ತಿಳ್ಜಿರಯೇ ;ಆ ಬರಹನ್ನ ಕ್ರಿಸ್ತ ಯೇಸುಕುರು ನಂಬಿಕೆತಿಂಡು ರಕ್ಷಣೆ ಹೊಂದಿಸ್ರ ಜ್ಞಾನತರುರ್ಕು ಕೊಡ್ಕುರ್ಕು ಶಕ್ತವಾಯಿದು. ^{16 17} 16 ಬರಹ ತಿಳ್ಜಿರಯೇ ; ಆ ಬರಹ ಕ್ರಿಸ್ತ ಯೇಸುಕುರುಯಿಕ್ರ ನಂಬಿಕೆತಿಂಡು ರಕ್ಷಣೆ ಹೊಂದಿಸ್ರ ಜ್ಞಾನನ ತರುರ್ಕು ಶಕ್ತವಾಯಿದು 17 ಇತಿಂಡು ದೌರು ಮನುಷ್ಯರ್ಕು ಪರಿಪೂರ್ಣವಾಯಿ ಆದಿ ಸತ್ಕಾರ್ಯತ್ಗು ಸನ್ನದ್ದನಾಗ್ದು.