^{1 2 3} 1 ಅನೇಕೆ ಇಸ್ರಾಯೇಲ್ ಮಂದಿಲ್ಕೊರು ಸುಳ್ಳು ಪ್ರವಾದಿಗ್ಯ ಅದ್ದಿಂದಿನಲ್ಯ; ಅದೇ ಪ್ರಕಾರ ನಿಂಗ್ಲುಲ್ಲಿ ಸಹ ಸುಳ್ಳು ಭೋದಕರು ಇಕ್ಯಾಕ್ನು ಐಗ್ಯ ನಾಶಕರ ಅನಾ ಮತ ಭೇದಲ್ಲತ್ತೆಯ ಕಳ್ಳುತನ ತಿಂಡು ಪರ್ಪಿಕ್ರಗ್ಯ ತಂಗ್ಲತ್ತೆಯ ಕೊಂಡ್ಗೊಂಡ ಒಡೆಯನತ್ತೆಯ ಕೂಡ ತಂಗ ಗೊತ್ತಿಲ್ಲ ಇಂಡು ಸೋನ್ದ್ರಗ್ಯ ಅಹಿಂದು ಅಪೋದೆ ತಂಗ್ಲ ನಾಶತ್ತೆಯ ವರ್ಪಿಚ್ಗಾಕ್ನು. 2 ಐಲ್ಯ ನಿರ್ಲಜ್ಜಾ ಕೃತ್ಯಲ್ಲತೆಯ ಸೇನ ಮಂದಿಗ್ಯ ಅನುಸರ್ಸ್ರಗ್ಯ. ಐಲ್ಜಯಿಂಡು ಸತ್ಯ ಮಾರ್ಗುತ್ಗು ದೂಷಣೆ ಅಕ್ದು. 3 ಐಗ್ಯ ದ್ರವ್ಯಾಶೆಸೈರಗಾಯಿ ಕಲ್ಪನೆಯ ಒಕತ್ತೆಯ ಸೋನ್ತ ನಂಗ್ಲಿಂಡು ಲಾಭತ್ತೆಯ ಸಂಪಾದಿಸ್ರುದುಯಿಂಡ್ಗೋ೦ಡಿ ಕ್ರಗ್ಯ ಲೋಕಾದಿಯಿಂಡು ಅಂತಲ್ಕಿ ನಾಶನ ವರ್ಕು ಸೈದಿಲ್ಲ. ^{4 5 6} 4 ಏನ್ಗೂಯಿಂಡೆಕ್ಯ ದೇವದೂತ್ರು ಪಾಪ ಸೇನ್ದಪೋದು ದವ್ರು ಐಲ್ಯತ್ತೆಯ ಅನ್ಗೆ ಹೂಡಾದೇ ನರಕತ್ಗೋರು ದೊಬ್ಬಿ ನ್ಯಾಯತೀರ್ಪತ್ತೆಯ ಹೊಂದ್ರುಕು ಅಚ್ಚಿಕ್ರಗ್ಯಐಕ್ರುದಿಂಡು ಕತ್ಲು ಗುಂಡಿಲ್ಕಿ ಒಪ್ಸಿದೂ. 5 ಅದು ಭಕ್ತಿಹೀನರಾನ ಪಗ್ನಲ್ತ ಲೋಕತ್ತೆಯ ಅನ್ಗೆ ಹುಡ್ದೇ ಐಲ್ತ್ ಮೇನಿ ಜಲಪ್ರಳಯತ್ತೆಯ ವರ್ಪ್ಚಿಸ್ಸೂ ಅನೇಕೆ ಸುನೀತಿಯತ್ತೆಯ ಸಾರದೂಯೈಂದ ನೋಹನತ್ತೆಯ ಅತ್ತೆ೦ಟಿ ಬೇರೆ ಓಗ್ ಮಂದಿಗ್ಯ ಉಳ್ ಪ್ಚುಸು. 6 ಅದು ಸೊದೋಮಗೊಮೋರ ಪಟ್ಟಣಲ್ಲತ್ತೆಯ ಸುಟ್ಟು ಬೂದಿಸೆಂದು ಮುನ್ಕು ಭಕ್ತಿಹೀನರಾಯಿ ಬದುಕ್ರಲ್ತ ಗತಿ ಇಂಥದುಯಿಂಡು ಸೂಚಿಸ್ರುಕಾಯಿ ಅಲ್ಕಿ ನಾಶತ್ತೆಯ ವಿದಿಸುಸೂ. ^{7 8 9} 7 ಅನೆಕ್ಯ ಆ ಅಧರ್ಮಿಲ್ಯ ನಾಚಿಕೆಗೆಟ್ಟ ನಡ್ತೆಕು ವೇದನೆ ಯೈಂದ ನೀತಿವಂತ ಅನಾ ಲೋಟನತ್ತೆಯ ತಪ್ಸುಸೂ. 8 ಆ ನೀತಿವಂತು ಐಲ್ ಮದ್ಯ ಇಂದ್ಗೊಂಡು ಅಲ್ತ ಅನ್ಯಾಯಕೃತ್ಯಲತ್ತೆಯ ಪಾಕ್ತ ಕೊಕ್ತ ಐಲಿಂಡು ನಾಲ್ ನಾಲ್ ತಟ ನೀತಿಯುಳ್ಳ ಆತ್ಮತ್ಗೊರು ಸೇನ ಕರಕರೆಗೊಂಡಿಂಚು. 9 ಕರ್ತನು ಭಕ್ತರತ್ತೆಯ ಕಷ್ಟತುಲ್ಲಿಂಡು ತಪ್ಪಿಸ್ರುಕು ದುರ್ಮಾರ್ಗಿಲ್ಲತ್ತೆಯ ನ್ಯಾಯತೀರ್ಪಿನ ನಾಲ್ ತನ್ಕ ಶಿಕ್ಷಾನುಭವತ್ಗೊರು ಅಕ್ಕಿರ್ಕು ಗೊತಿಕ್ರದೈದೂ. ^{10 11} 10 ಮುಖ್ಯವಾಯಿ ಬಂಡುತನತ್ತೆಯ ಆಶಿಸಿ ಶರೀರ ಭಾವನುಸಾರ ನಡ್ದು ಪ್ರಭುತ್ವ ತಿರಸ್ಕಾರ ಸೈರಲ್ಕಿ ಇನ್ಗು ಶಿಕ್ಷಿಸಾಕು ಈಗ್ಯ ಎತ್ಗು ಹೆದ್ರುದೆ ಸ್ವಚ್ಪಾಪರರಾಯಿಂದು ಮಹಾಪದವಿಲ್ಯ ನಿರ್ಭಯವಾಯಿ ದೂಷಿಸಾಕ್ನು. 11 ದೇವ ದೂತ್ರು ಬಲುತ್ಗೊರು ಮಹತ್ವಕೋರು ಶ್ರೇಷ್ಠ ಅಯಿಂಚ್ನು ಕರ್ತನ್ ಮುನ್ನಿ ಮಹಾ ಪದವಿಯ ಮೇನಿ ದೂಷಣಾಬಿಪ್ರಾಯತೆಯ ಸೋನ್ನುದಿಲ್ನ್ ಅಲ್ಯ. ^{12 13 14} 12 ಅನೆಕ್ಯ ಸ್ವಾಭಾವಿಕವಾಯಿ ಬೇಟೆತ್ಗು ಕೊಲೆಕೂ ಪರ್ ದಿಕ್ರ ವಿವೇಕಶೂನ್ಯ ಪ್ರಾಣಿಲ್ ತರಯಿಕ್ರ ಈ ದುರ್ಮಾರ್ಗಿಲ್ಕಿ ತಂಗ್ಲುಕು ಗೋತಿಲ್ದೆ ಇಕ್ರ ವಿಷಯವಾಯಿ ದೂಷಣೆ ಸೊಂಡ್ರಗ್ಯ ಐನು. ಈಗ್ಯ ತಂಗ್ಲ ಕೊಟ್ಟಿತನತಿಂಡು ತಂಗ್ಲೆ ಕೊಟೋಯಿ ತಂಗ್ಲ ದುಸ್ಟ್ರ ವರ್ತನೆತ್ಗು ಸರಿ ಅನಾ ದುಸ್ಪಲತ್ತೆಯ ಪಡ್ ಜ್ಗಕ್ನು. 13 ದುಂದುಗರಿಕೆಕೋರು ಹಗ್ಲತ್ತೆಯ ಕಳಿರದೇ ಸುಖಯಿಂಡು ಅಣ್ ಸಾಕ್ನು .ಈಗ್ಯ ನಿಂಗ್ಲು ಜೊತೆ ಸೇರ್ಗ್ಯೊಂಡು ಕಲಿತಿಂಗ್ತಾ ಇಕ್ರಪೋದು ವಂಚಕರಾಯಿ೦ದು ಕುಡ್ಸು ತಿಂಡ್ರು ಕಳ೦ಕುತ್ಗು ಅವಮಾನುತ್ಗು ಕಾರಣಯೈದ್ನು. 14 ಈಗ್ಯ ಜಾರತ್ವತಿಂಡು ಮೇತ್ನ ಮತ್ತೆ ಪಾಪತ್ತೆಯ ಉಡ್ದೇಯಿಕ್ರ ಕನ್ನುಯಿಕ್ರಗ್ಯ ಚಪಲಚಿತ್ತರ್ಲ ಮರುಳುಗೊಲ್ಸ್ರಗ್ಯ ಲೋಭತ್ಗೊರು ಪಾಸ್ ಅನಾ ಮನ್ಸುಯಿಕ್ರಗ್ಯ ಶಾಪುತ್ಗು ಪಾತ್ರರು ಐನು. ^{15 16} 15 ಈಗ್ಯ ನಲ್ಲ ಹೇಗೆತ್ತೆಯ ಒಟೋಟು ಬೆಯೋರನ ಮೌವ್ವನ ಬಿಳಾಮನ ಹೇಗೆತ್ತೆಯ ಪುಡ್ಸು ತಪ್ಪಿಹೈನು. ಈ ಬಿಳಾಮನು ಅಧರ್ಮತಿಂಡು ಸಿಕ್ರ ದ್ರವ್ಯತ್ತೆಯ ಪ್ರೀತ್ಸುಸೂ. 16 ಅನೆಕ್ಯ ಅತ್ರ ಅಕ್ರಮೂತ್ಗು ಖಂಡನೆ ಹಾಸು. ಮೂಕ್ ಪ್ರಾಣಿ ಮನ್ ಸ್ನಾ ದನಿಯಿಂಡು ವಸೇತ್ತಿ ಆ ಪ್ರವಾದಿಯ ಹೇರ್ರಿ ತನ್ಕು ಅಡ್ಡಿ ಸೆಂಚು. ^{17 18 19} 17 ಈಗ್ಯ ತನ್ನಿಲರ ಬಾವಿಗ್ಯ ಬಿರುಗಾಳಿಯಿಂಡು ಮತಿಚ್ಗೊಂಡು ಪರ್ದ್ಯೋಗ್ರ ಮಂಜು ಐದ್ನು; ಇಂಥಲ್ತ ಪಾಲ್ಕು ಕಾರ್ಗತ್ಲು ಹಚ್ಚಿಕ್ರದು. 18 ತಪ್ಪಾನ ಹೇಕ್ಯೋರು ನಡುಕ್ರಲ್ತ ಸಹವಾಸತಿಂಡು ಪುದಿದಾನ ತಪ್ಪಿಸ್ಗೊಂಡಲ್ಲೆಂಟಿ ಈಗ್ಯ ಹುರುಳಿ ಇಲ್ದ ಬೆರು ಬೆರು ಓಕತ್ತೆಯ ವಸೇತ್ತಿ ಬಂಡು ಬಂಡಾನ ದುರಾಶೆಲತ್ತೆಯ ಪರ್ಪ್ಚು ಇಲ್ಯತ್ತೆಯ ಮರುಳು ಸೈಯಾಕು. 19 ಸ್ವಾತಂತ್ರ್ಯ ತರೇಯಿಂಡು ಅಲ್ಕಿ ವಾಗ್ದಾನ ಸೈಯಾಕ್ನು. ಅನೇಕೆ ತಂಗ್ಲೆ ಕೊಟ್ಟಿತನ್ತ ದಾಸತ್ವತುಲ್ಲಿಕ್ಯಾಕ್ನು. ಒಂಡು ಎಂತ್ಗೆ ಸೋತು ವೈಕ್ಯಾಕೋ. ಅತ್ರ ದಾಸತ್ವತುಲ್ಲಿಕ್ಯಾಕುಆಸ್ಟೇ. ^{20 21 22} 20 ಕರ್ತನು ರಕ್ಷಕನೂ ಐಕ್ರ ಯೇಸು ಕ್ರಿಸ್ತನ ವಿಷಯ ಅನಾ ಜ್ಞಾನ ಹೊಂದಿ ಲೋಕ್ತ ಮಲಿನತ್ವುಕು ತಪ್ಪಿಸಿಗೊಂಡಗ್ಯ ತಿರ್ಗಿ ಐಲ್ಕ್ಯೋರು ಸಿಕ್ಕಿಗೊಂಡು ಸೋತು ಹೋನೆಕ್ಯ ಅಲ್ತ ಅಂತ್ಯ (ಕೊನೆ )ಸ್ಥಿತಿಯು ಮುನ್ನಿಕ್ಕಿಂತ ಕೊಡ್ಯದೈದೂ. 21 ಐಗ್ಯ ನೀತಿ ಹೇಗೆತ್ತೆಯ ತಿಳ್ಜು ತಂಗ್ಲುಕು ಕುಡ್ತಿಕ್ರ ಪರಿಶುದ್ದ ಆಜ್ಞೆಯಿಂಡು ತೊಲಗಿಹೋಗ್ರುಕ್ಕಿಂತ ಆ ಹೇಗೆತ್ತೆಯ ತಿಳ್ಜುಗ್ದೆ ಯಿಂದೆಕ್ಯ ಮೇಲಾಯಿಂಚು . 22 ನಾಯಿ ತಾನು ಕಕ್ಕಿಕ್ರತ ನೆಕ್ರುಕು ತಿರ್ಗೊಂಡ್ಸು ಮತ್ತೆ ಕೊವಿಕ್ರ ಪಂಡ್ರಿ ಬುರ್ದುಕೋಕು ಹೊಲ್ದ್ರುಕು ಹೊಸು ಇಂಗ್ರ ಕರ ಅನಾ ಗಾದೆತ್ಗು ಸರಿಆಯಿ ನಡ್ಜಿಂದೆಕ್ಯ.