^{1 2} 1 ಇದಲ್ಲದೇ ಸಹೋದರರೇ ಮೆಕೆದೋನ್ಯ ಸಭೆಯಲ್ಯಕೀ ಅನುಗ್ರಹಿಸಲ್ಪಟ್ಟ ದೌರ್ ಕ್ರುಪೆನ್ನ ನಿಂಗುಲ್ಕು ಸೋನಾರೇ 2 ಅ ಸಭೆಯಗ್ಯ ಶ್ಯಾನ ಹಿಂಸೆ ತಡ್ಜಗ್ರಗ್ಯಸುನು ವಿಪರೀತವನ ಬಡತನಕ್ಕುರು ಹಿಂದೇಕು ಶ್ಯಾನ ಅನಂದತಿಂಡು ಮೇಲೆಗ್ರಗಾಯಿ ಅತ್ಯಂತ ಚಂದಿಗ್ರಗಾಸ್ನು. ^{3 4 5} 3 ಅಗ್ಯ ಬಾಸುನುಸಾರವಾಯಿ ಕೂಡ್ಕುಲ್ನ ಅಂಬೂ ಖಾಸುತ್ತಮೀರಿ ತಂಗೆ ತಿಳಿಜು ಇತ್ಗು ನಾನು ಸಾಕ್ಷಿ 4 ಪರಿಶುದ್ಧರಲ್ಯಕೀ ಧನಕೂಡ್ ಕ್ರ ಅನ್ಯೋನ್ಯತೆಕುರು ನಾಂಗ ಪಾಲಗಾರರುಕಾನಿ ನಂಗುಲ್ನ ಶ್ಯಾನ ಕುಟ್ಟೋಡುಸ್ನು 5 ನಾಂಗ ನಿರೀಕ್ಷಿಸಿಕ್ರ ಪ್ರಾಕಾರವಾಯಿ ಆಗ್ಯ ಕೂಡ್ಕಾದೇ ಮುನ್ನಿ ತಾಂಗುಲ್ನೆ ಕರ್ತನು ಒಪ್ಪಿಸಿಕೊಡ್ಜುನು. ^{6 7} 6 ಈ ಕ್ರುಪಕಾರ್ಯಾತ್ತ ಪ್ರಾರಂಭಿಸ್ನಾದು ತೀತ ನಿಂಗ್ಲೆಂಚಿಲ್ಲಿ ಅತಾತ್ತೇಯ ಕೊನೆಗಾಣಿಸುರ್ದುಯಿಂಡು ನಾಂಗ ಅತ್ತತ್ತೇಯ ಕಟ್ಗೊಂಡೊ 7 ನಿಂಗ ಅದಿಕುರು ಇಡೇಕೆ ನಂಬಿಕೆಕುರು ಓಕುಕುರು ಜ್ಞಾನತ್ಕುರು ಹದಿ ಅಸಕ್ತಿಕುರು ನಂಗ್ಲಜಾಯಿ ಇಗ್ರ ನಿಗ್ಟ ಪ್ರೀತಿಕುರು ಸಂವ್ರುದ್ಧವಾಯಿಗ್ರಕಾನಿ ಈ ಕ್ರುಪೆಕುರು ಸಂವೃದ್ದಿಯಾಯಿರೊಂಗೋ. ^{8 9} 8 ನಾನು ಇತ್ತಾತೆಯ ಆಜ್ಞೆತರೆ ಸೋನುದೇ ಬೇರಿಲ್ಯ ಆಸಕ್ತಿನ ಕಾಟ್ಟಿಕೂಡ್ತ ನಿಗ್ಟು ಪ್ರೀತಿನು ಯಥಾರ್ಥವಾಯಿದುಯಿಗ್ರದು ಸಿದ್ದಂತ ಪಡ್ಸು ರ್ಕಾಯಿ ಸೋನಾರೆ 9 ನಗ್ಟ ಕರ್ತನ ಯೇಸುಕ್ರಿಸ್ತನ ಕ್ರುಪೆನ್ನ ನಿಂಗ ತೇಲ್ಜ್ ಗೊಂಡಿರಂಗ ಹೆಂಗಿಂಡೇಕೆ ಐಶ್ವರ್ಯವಂತನಾಯಿದೇಕು ಅತ್ರು ಬಡತನತಿಂಡು ನಿಂಗ ಐಶ್ವರ್ಯವಂತರಾಗುರ್ಕಾನಿ ಅದು ನಿಂಗುಲ್ಕೊಸ್ಕರ ಓಡ್ವಸು. ^{10 11 12} 10 ಈ ಕಾರ್ಯತ್ಗು ನಟ್ಟು ಅಭಿಪ್ರಾಯತ್ತ ತಿಳಿಸರೇ ಇತ್ತ ಮಡು ವಟ್ ಕಾಲ್ಕಿತ್ತ ಮುನ್ನೇ ಸೈರಾತ್ಗು ಭಾಗಿಯಾಗ್೦ತ್ಗು ಅತ್ತ ನಡ್ಪಿಕೀರ್ದುಯಿಂಡು ಸೈರಾತ್ಕುರು ನಿಂಗ ಮಂಡರಾಯಿಕ್ರತಿಂಡು ಅದು ನಿಂಗುಲ್ನು ವಿಹಿತವಾಯಿದು 11 ಈ ಕಾರ್ಯತ್ತ ಸೈರಾತ್ಗು ಹೆಂಗೂ ನಿಂಗುಲ್ಕುರು ಸಿದ್ದ ಮನ್ ಸ್ಸು ಯಿಂಚೋ ಹಾಂಗೇ ಅತ್ತಾತೇಯ ನೇರವೇರಿಸುಗೋ ಹಿಂಗೇ ನಿಗುಲ್ಕುರುಯಿಕ್ರತಿಂಡು ಈ ಕಾರ್ಯನ್ನ ಪೂರ್ತಿಸೈಯಾಂಗೋ. 12 ವಂಡು ಕೂಡ್ಕುರ್ಕು ಮನ್ ಸಿದೇಕೆ ಅದು ತನ್ನು ಇಲ್ಲದಕ್ಕನುಸಾರವಾಯಿ ಅಲ್ಲ ಅನೇಕೆ ಇಕ್ರಕನುಸಾರವಾಯಿಯೇ ಕೂಡ್ತೇಕೆ ಅದು ಸಮರ್ಪಕವಾಯಿಕಕು. ^{13 14 15} 13 ಬೇರೆಲ್ಟ ಬಾರವೂ ಪರಿಹಾರವಾಗುರ್ದುಯಿಂಡು ನಿಂಗುಲ್ನು ಬಾರುವೂಗುರ್ದುಯಿಂಡು ನಾಟ್ಟು ಉದ್ದೇಸಯಲ್ಲ 14 ಸಮಾನತ್ವಯಿಕುರ್ದುಯಿಂಡು ನಾಟ್ಟು ಉದ್ದೇಶ ಸದ್ಯತ್ಗು ನಿಗ್ಟ ಸಂವೃದ್ದಿ ಅಲ್ಯಟ ಕೊರತೆನ್ನ ನೀಗಿಸಕು ಮುನ್ನು ಅಲ್ಯಟ ಸ೦ವೃದ್ದಿ ನಿಗ್ಟ ಕೊರತೆಯ್ಯದಿನ್ನು ನೀಗಿಸಾಕು ಹಿಂಗೂ ಸಮಾನತ್ವಯಾಕ್ದು 15 ಶ್ಯನ ಕೂಡ್ ಸೀಚ್ಚತ್ಗು ಹೇದುಯಿಲ್ಲ ಸ್ವಲ್ಪವಾಯಿ ಕೂಡ್ ಸಿಚ್ಚತ್ಗು ಎಂದೂ ಕಡಿಮೆಯಾಗುಲ್ಲಿ ಇಂಡು ವರ್ಜಿಕ್ರಪ್ರಕಾರವಾಗ್ದು. ^{16 17} 16 ಅನೇಕೆ ನಿಗ್ಟು ವಿಷಯವಾಯಿ ಅದೇ ನಲ್ಲ ಚಿಂತೆನ್ನ ದೌರ್ ತೀತನ ಹೃದಯತ್ಕುರು ಪರಿಪ್ಚತ್ಗು ದೌರ್ಕು ಸೋತ್ರ 17 ಅದು ನಿಂಗ್ಲಂಚುಗು ಹೋಗುರ್ದುಯಿಂಡು ನಾಂಗ ಕೂಟ್ಟೋಡಪೋದು ನಿಜವಾಯಿ ಒಪ್ಪಿಸಿಕ್ರದಲ್ಲದೇ ಶ್ಯಾನ ಆಸಕ್ತನಾಯಿ ತನ್ನಷ್ಟತ್ಗು ತಾನೇ ನಿಂಗ್ಲಂಚುಗು ವಂಚು ^{18 19} 18 ಇದಲ್ಲದೇ ಸುವಾರ್ತೆಯ ವಿಷತ್ಕುರು ಅದಿ ಸಭೆತ್ಕುರು ಪೇರ್ಗಳ ಹಂಪಿರೇ 19 ಈ ಕೃಪ ಕಾರ್ಯಗ ನಗ್ಟು ಮೂಲಕ ಕರ್ತನ ಮಹಿಮೆಕಾಯಿ ನಡ್ಕುರ್ಕು ನಿಗ್ಟು ಸಿದ್ದಮನ್ಸು ಪ್ರಕಟಿಸ್ರತ್ಗು ನಗ್ ಲೇಟಿ ಪ್ರಯಾಣ ಸೈರಾತ್ಗು ಇದು ಸಭೆಲ್ಕುರು ಅರಿಸಲ್ಪಟ್ಟದು. ^{20 21} 20 ನಾಂಗ ಪಾರುಪತ್ಯ ಸೈರ ಈ ಸಂವೃದ್ದಿಯ ವಿಷಯವಾಯಿ ವಂಡಲು ತಪ್ಪು ಹೋರಿಸ್ ಕುರು ಅವಕಾಶಯಿಕ್ ಬಾರ್ದು 21 ಎತ್ಗಿಂಡೇಕೆಕರ್ತನ ವೃಷ್ಟಿಕುರು ಮಾತ್ರಲ್ಯದೇ ಮನುಷ್ಯನ್ನ ದೃಷ್ಟಿತ್ಕುರು ಗೌರವನತ್ತ ಯೋಜನೆತ್ಗುಗು ಅತೇರೇ. ^{22 23 24} 22 ಅಲ್ಯ ಜೊತೆ ನಗ್ಟು ಸಹೋದರನ್ನ ಹಂಪಿರೇ ನಾಂಗ ಶ್ಯಾನ ಸಮಯತ್ಕುರು ಅನೇಕೆ ಕಾರ್ಯತ್ಕುರು ಅತ್ತಾತೇಯ ಪಂಕ್ಷಿಸಿ ಅಸಕ್ತಿಯುಳ್ಳದುಯಿಂಡು ತಿಳ್ ಜುಕೊಂಡಿರೋ ಇಪೋದು ಅದು ನಿಂಗುಲ್ಕುರು ಅಚ್ಚಿಕ್ರ ವಿಶೇಷ ಭರವಸತಿಂಡು ಇನ್ನೂ ಅಸಕ್ತಿಯುಳ್ಳವನಾಯಿರೋ 23 ತೀತನ್ನ ಕುಂತು ಪೊನ೦ಗ್ಲ ಅದು ನಗ್ಟ ಪಾಲುಗಾರನು ನಿಗ್ಟು ವಿಷಯವಾಯಿ ನಂಗುಲ್ ಜೊತೆ ಸಹಕಾರಿಯಾಯಿದು ನಗ್ಟ ಸಹೋದರನನ್ನ ಕುರಿತು ಕೊಕರಾಂಗ ಅಗ್ಯ ಸಭೆತ್ತ ಸೇವಕ್ರ ಕ್ರಿಸ್ತನ ಮಹಿಮೆಯನ್ನುವಾಯಿದು 24 ನಿಗ್ಟ ಪ್ರೀತಿನ್ನು ನಿಗ್ಟ ವಿಷಯವಾಯಿಕ್ರ ನಗ್ಟ ಹೊಗಳಿಕೆನ್ನ ಇಲ್ಯಕು ಸಭೆಲ್ಯಕು ವೃಕ್ತಪಡ್ಸೊಂಗೋ.