¹ 1 ಅತಿ ಪ್ರಿಯರೇ ಈ ವಾಗ್ದಾನ ನಿಂಗುಲ್ಕುಯಿಕ್ರತಿಂಡೇ ನಾಂಗ ಶರೀರಾತ್ಮತ್ತೆ ಕಲ್ಮಶತಿಂಡು ನಾಂಗುಲ್ನ ಪರಿಶುದ್ಧಸೇದ್ಗೊಂಡು ದೌರ್ ಭಯತ್ಕುರು ಪವಿತ್ರನ್ಮ ಸಿದ್ದಿಕಿ ಅತೇರಾಮಣ. ^{2 3 4} 2 ನಂಗುಲ್ನ ಸೇರಿಕೊಂಡಿಗೂ ನಾಂಗ ಯೇತುಗೂ ಅನ್ಯಾಯಸೇಯಿಲ್ಲ ಯೇತುನು ವಂಚಿಸುಲ್ಲಿ 3 ನಿಂಗುಲ್ ಮೇನಿ ತಪ್ಪುಹೋರಿಸ್ ರ್ದುಯಿಂಡು ನಾನು ಇತ್ತಾತ್ತೆಯ ಸೋನುಲ್ಲಿ ಎತ್ಗಿಂಡೇಕೆ ನಿಂಗ್ಲೇಟಿ ಸಾಗುರ್ಕು ಪಕೀರ್ಕು ನಿಂಗ ನಾಟ್ಟು ಹೃದಯತ್ತರಯಿರಂಗ ಮೊದಲೇ ಸೋನಿರೇ 4 ನಿಂಗ್ಲೇಟಿ ವಾಸೇತ್ರಕು ನಾಂಕು ಶ್ಯಾನ ಧೈರ್ಯ ನಿಗ್ಟ ವಿಷಯತ್ಕುರು ಹೆಚ್ಚಳನುಯಿದು ನಾನು ಅದರಣೆತಿಂಡು ನಾಂಗುಲ್ಕು ಅಗ್ರ ಹದ್ದಿ ಸಂಕಟತ್ಕುರು ಶ್ಯಾನ ಸಂತೋಷತಿಂಡುಯಿರೇ. ^{5 6 7} 5 ನಾಂಗ ಮೆಕೆದ್ಯೋಯತ್ಗು ವಂದಪೋದು ನಾಗ್ಟು ಶರೀರತು ಏದು ವಿಶ್ರಾಂತಿಯಾಗುಲ್ಲಿ ಅನೇಕೆ ಹದ್ದಿ ಜಾಯೆಲ್ಲ ನಂಗುಲ್ಕು ಕಳವಳಯಿಂಚು ಬೈಲ್ಯಕೀ ಕಲಹ ಉಲ್ಲಿ ಭಯಯಿಂಚು 6 ಅನೇಕು ಕುಗ್ಗಿಕ್ರಲ್ಯನ್ನ ಸಂತೈಸ್ರದೌರು ತೀತ ವರಾತಿಂಡು ನುಗುಲ್ಲಿ ಸಂತೈಸುಸು 7 ಅದು ಮಾತಿಂಚುಲ್ಲಿ ಅದು ನಿಗ್ಟ ಯಥಾಥವನ ಹಂಬಲವಾಯಿದು ನಿಗ್ಟ ಗೋಳಾಟ ನಟ್ಟು ಜಾಯಿಯಿಕ್ರ ನಿಗ್ಟ ಆಸಕ್ತಿ ಮನಸ್ಸು ನಾನು ನಿಗುಲ್ಯಕುರು ಹೊಂದಿಗ್ರ ಅದರಣೆ ಇತದಿನ್ನು ನಂಗುಲ್ಕು ತಿಳಿಸ್ ನ ಪೋದು ನಾನು ಶ್ಯಾನ ಸಂತೋಷಪಟ್ಟಿ. ^{8 9 10} 8 ನಾನು ಪತ್ರತಿ೦ಡು ನಿಂಗುಲ್ನ ದುಃಖಪಡ್ ಸಿಕ್ರತ್ಗು ನನ್ನ್ ಕು ದುಃಖನೇಕು ನಾನು ಪಶ್ವಾತ್ತಪಡುದಿಲ್ಲ ಎತ್ಗಿಂಡೇಕೆ ಅ ಪತ್ರಿಕೆ ನಿಂಗುಲ್ನ ದುಃಖಪಡ್ ಸ್ ನೇಕು ಅದು ಸ್ವಲ್ಪಕಾಲ ಮಾತ್ರ ಇಂಡು ನಾನು ತಿಳಿಜಿಕೀ 9 ಅನೇಕೆ ನಿಂಗುಲ್ನು ದುಃಖವಾಸುಯಿಂಡು ನಾನು ಸಂತೋಷಪಡ್ ದೇ ನಿಂಗ ದುಃಖಪಟ್ಟು ಮಾನಸಾಂತರ ಹೊಂದಿಕ್ರತ್ಗು ಸಂತೋಷ ಪಾಡಾರೇ ಎತ್ಗಿ೦ಡೇಕೆ ನಿಂಗ ದೌರ್ ಚಿತ್ತಕ್ಕಾನೀ ದುಃಖಸ್ ನಾತ್ಗು ನನ್ನಿಂಡು ಎತ್ತುಕುರು ನಿಂಗ ನಷ್ಟಪಡುಲ್ಲ 10 ದೌರ್ ಚಿತ್ತಾನುಸಾರವನ ದುಃಖ ರಕ್ಷಣೆಕಾಯಿ ಮಾನಸಾಂತರನ್ನ ಎಂಟು ಸೈಯಾಕು ಮಾನಸಾಂತರತ್ಕುರು ಪಶ್ಪಾತ್ರಪತ್ಗು ಅವಕಾಶಯಿಲ್ಲ ಅನೇಕೆ ಲೋಕಸಂಬಂಧವನ ದುಃಖ ಮರಣನ್ನುಂಟು ಸೈಯಾಕು. ^{11 12} 11 ಎತ್ಗಿಂಡೇಕೆ ದೌರ್ ಚಿತ್ತಾನುಸಾರವನ ಈ ದುಃಖ ನಿಂಗುಲ್ಕುರು ಎಂಥ ಎಚ್ಚರಿಕೆನ್ನ ಎಂಥ ನಿರ್ಧೋಷತ್ವನ ಎಂಥ ರೋಷನ್ನ ಎಂಥ ಭಯನ್ನಎಂಡ ಶ್ಯಾನ ಹಂಬಲನ್ನ ಎಂಥ ಅಸತ್ತಿನ್ನ ಪರಿಪ್ ಕ್ಯೂಕು ಯಿಂಡು ಪರೋಗೋ ಇತ್ಕುರು ನಿಂಗ ನಿರ್ದೋಷಿಗ್ಯಯಿಂಡು ಕಾಟೊಂಗೋ 12 ನಾನು ಇತ್ತಾತ್ತೆಯ ವರ್ಜಿಕ್ರದು ಅನ್ಯಾಯ ಸೇದತ್ಗುಲ್ಲ ಅನ್ಯಾಯನ್ನ ಸಭೆ ಕೊಂಡತ್ಗುಯಲ್ಲಿ ದೌರ್ ದ್ರುಷ್ಟಿಕುರು ನಿಂಗುಲೋಸ್ಕರ ನಂಕುಯಿಕ್ರ ಚಿಂತೆನು ನಿಂಗುಲ್ನು ಕಂಗುರ್ದುಯಿಂಡು ವರ್ಜೀ. ^{13 14} 13 ಅತಿಂಡು ನಿಂಗ್ಟು ಸಂತೈಸುವಿಕೆಯಿಂಡು ನಂಗುಲ್ನು ಅದರಣೆಸು ನಿಗ್ಲದೇರಿಂಡು ತೀತನ ಮನ್ಸುಕುಕು ಉಪಸಮನವಾನ ಕಾರಣತಿಂಡೂ ಅತ್ರು ಸಂತೋಷಕಾಯಿ ಶ್ಯಾನ ಸಂತೋಷಪಟ್ಟಿ 14 ಎತ್ಗಿಂಡೇಕೆ ನಾನು ಅತ್ರು ಮುನ್ನಿ ಹೋಗ್ ಳಕ್ರತ್ಗು ನಾಚಿಕೆಪಡರ್ಕಾನಿಯಾಗುಲ್ಲ ನಾನು ನಿಂಗುಲ್ಲ ಸೋನಿಕ್ರವಾದಿ ಹೆಂಗೂ ಸತ್ಯವಾಯಿಚೋ ಹಾಂಗೇ ತೀತನ್ನ್ ಮುನ್ನಿ ಅಡಿಕ್ರ ಹೊಗಳಿಕೆ ಸತ್ಯಯಿಂಡುಸು. ^{15 16} 15 ನಿಂಗ ಭಯತಿಂಡು ನಡುಗ್ರಗ್ಯರಾಯಿ ಅತ್ತಾತ್ತೇಯ ಸೇರಿಸ್ ಕೂಡಿಕ್ರತ್ಕುರು ನಿಗ್ಟದೇರ್ತ ವಿದೇಯತೆಯನ್ನ ಅದು ಜ್ಞಾಪಕಸೇದಗ್ರಪೊಂದು ನಿಗ್ಟು ಮೇನಿ ಅತ್ರು ಮಮತೆನು ಶ್ಯಾನವಾಕ್ದು 16 ಸರ್ವವಿಷಯತ್ಕುರು ನಿಂಗುಲ್ಲ ವಿಷಯತ್ ಕುರು ನಂಕು ಭರವಸಯಿಕ್ರ ತಿಂಡು ಸಂತೋಷಪಾಡಾರೇ.