^{1 2 3} 1 ನಾಂಗ ಆತೇ೦ಟಿ ಪನೀಸೇದಿಕ್ರಗ್ಯರಾಯಿರೋ ನಿಂಗ ಹೊಂದಿಕ್ರ ದೌರ್ ಕ್ರುಪೆನ್ನವ್ಯರ್ಥಸೆದ್ಗೂಮನಾಂಗ ಇಂಡು ನಿಂಗುಲ್ನ ಬೇಡಿಗ್ಯಾರೇ 2 [ಅತನ .........ಅಂಗೀಕತ್ತಿ ಸಮಯತ್ಕುರು ನಾನು ನಿಗ್ಟ ಮನವಿನ ಕೊಟ್ಟಿ ರಕ್ಷಣೆಯ ನಾಲ್ಕುರು[ದಿನತ್ಕುರು]ನಾನು ನಿಂಗುಲ್ನು ಸಹಾಯಸೇದೆ ಇಂಡು ಸೋನಾರೆ ಇಪೋದೆ ಅ ಅಂಗಿಕಾರತ್ ಸಮಯ ಇಪೋದೆ ಅ ರಕ್ಷಣೆಯ ನಾಲೂ[ದಿನ]. 3 ಸೇವೆ ದೂಷಿಸಲ್ಪಡ್ ರಕಾನಿ ಯೇದು ವಿಷಯತ್ಕುರು ಅವಮಾನತ್ಗು [ವಿಂದೆಕೀ] ಅವಕಾಶ ಕೂಡುಕ್ಮನಂಗ. ^{4 5 6 7} 4 ಅನೇಕೆ ಅದಿ ಸಮಯತ್ಕುರು ಶ್ಯಾನ ತಾಳ್ಮೆಕುರು ಸಂಕಟತ್ಕುರು ಕೊರತೆಕುರು ಇಕ್ಕಟ್ಟುತ್ಕುರು 5 ಪೆಟ್ಟುಕುರು ಸೆರೆಮನೆಕುರು ಪ್ರಯಾಸತ್ಕುರು ಉಪವಾಸತ್ಕುರು ದೌರ್ ಸೇವಕರಿಂಡು ನಂಗುಲ್ನ ಸಮ್ಮತ ಸೇದ್ಗಾರೋ 6 ಶುದ್ದತೆಯಿಂಡು ಜ್ಞಾನತಿಂಡು ಧೀರ್ಘಶಾಂತಿಯಿಂಡು ಧಯೆಯಿಂಡು ಪವಿತ್ರಾತ್ಮನಿಂಡು ಪರಿಶುದ್ಧ ಪ್ರೀತಿಯಿಂಡು. 7 ಸತ್ಯವಾಕ್ಯತ್ತಿಂಡು ದೌರ್ ಶಕ್ತಿಯಿಂಡು ರಂಡು ಕೈಕುರು ನೀತಿಯಿಗ್ರ ಆಯುದ್ಧತಿಂಡು. ^{8 9 10} 8 ಮಾನ ಅವಮಾನತಿಂಡು ಕೀರ್ತಿ ಅಪಕೀರ್ತಿತಿಂಡು ಮೋಸಗಾರರುಯಿನುಸ್ ಕೊಂದೇಕು ಸತ್ಯವಂತರಾಯಿ 9 ಅಪರಿಚಿತರೆನ್ಸ್ ಕೊ೦ಡೇಕು ಪರಿಚಿತರಾಯಿ ಸಾಗ್ ರವರಾಯಿಕಂಡೇಕು ಬದುಕ್ ರವರಾಯಿರೋ ಶಿಕ್ಷೆಹೊ೦ದ್ ರವರಾಯಿದೇಕು ಕೊಲ್ಲಲ್ಪಡ ವರಾಯಿಂದೇಕು 10 ದುಃಖಪಡ್ ರವಾರಾಯಿದೇಕು ಯೇಪೋದು ಸಂತೋಷಪಡ್ ರಾಗ್ಯರಾವರಾಯಿ ಬಡವರಾಯಿಂದೇಕು ಹಾದಿಯಿಕ್ರಗ್ಯರಾಯಿರೋ. ^{11 12 13} 11 ಓ ಕೊರಿಂಥಲ್ಯಗಯೇ ನಾಗ್ಟು ಹೃದಯ ವಿಶಾಲವಾಯಿಕ್ರತಿಂಡು ನಾಂಗ ನಿಂಗುಲ್ಜೋತೆ ಧಾರಳವಾಯಿ ವಾಸೇತಯಿರೋ 12 ನಿಂಗುಲ್ ಮೇನಿಯಿಕ್ರ ನಾಟ್ಟು ಪ್ರೀತಿ ಸಂಕೋಚವನತ್ತಲ್ಲ ನಗ್ಟು ವಿಷಯತ್ಕುರು ನಿಗ್ಟು ಪ್ರೀತಿನೇ ಸಂಕೋಚವನದು 13 ನಿಗ್ಟು ವಿಷಯತ್ಕುರು ನಾಗ್ಟು ಅಂತ ಕರುಣೆಯ ಫಲವಾಯಿ ನಿಂಗ ನಿಗ್ಟು ಹೃದಯನ್ನ ವಿಶಾಲಸೇದ್ಗೂಗೋ [ನಿಂಗ ನಾಟ್ಟು ಮಕ್ಕಿಗ್ಯಯಿಂಡು ಸೋನಾರೇ]. ^{14 15 16} 14 ನಿಂಗ ಅವಿಶ್ವಾಸಿಗ್ಯಲೇಟಿ ನೋಗನ್ನ ಹೊರ್ಮಾನಾಂಗ ಎತ್ಗಿಂಡೇಕೆ ಅನೀತಿಕು ನೀತಿಕು ಅನ್ಯೂನತೆಯೇದ? ನೊಬ್ಬುಕು ವಲ್ಸುರ್ಕು ಐಕ್ಯಯೇದ? 15 ಬೆಲಿಯಾಳಿದು ಕೂಡ ಕ್ರಿಸ್ತನ್ತುಗು ಒಪ್ಪಂದಯೇದ? ನಂಬುದೇಯಿಕ್ರದು ನಂಬುರತ್ಗು ಪಾಲುಗಾರಿಕೆ ಹೇದ? 16 ವಿಗ್ರಹ ದೌರ್ ಮಂದಿರ್ಕುರು ಒಪ್ಪಿಗೇನ? ಎತ್ತಿಗಿಂಡೇಕೆ ನಿಂಗ್ಲೇ ಜೀವವುಳ್ಳ ದೌರ್ಮಂದಿರವಾಯಿರಗ್ಲೆ ಇದರ ಸಂಬಂಧವಾಯಿ ದೌರು ನಾನು ಅಲೇಟ್ಟಿ ವಾಸಿಸಿ ತಿರುಗಾಡರೇ ನಾನು ಅಲ್ಯಿಕಿ ದೌರ್ ರಾಯಿರೇ ಅಗ್ಯ ನಂಗುಲ್ನು ಪ್ರಜೆಯಾಯಿಕಕ್ಕು ಇಂಡು ಸೋನಿದು. ^{17 18} 17 ಅಲ್ಯ ಮಂದಿತಿಂಡು ನಿಂಗ ಬೈಲ್ಯಕೀ ವಂಡು ಪ್ರತ್ಯೇಕವಾಯಿರೋಗೋ ಅಗುದ್ದವನ್ನತ್ತ ಯೇತ್ತು ಮುಟ್ಟುವನಾಂಗ ಇಂಡು ಕರ್ತನು ಸೋನಾಕು 18 ನಾಂಗ ನಿಂಗುಲ್ನು ಸೇರಿಕ್ಕೊಂಡು ನಿಂಗುಲ್ನು ತಂದೆಯಾಯಿಕರೇ ನಿಂಗ ನನ್ನಕು ಕುಮಾರ್ತೆಯರಾಯಿರಂಗ ಇಂಡು ಸರ್ವಶಕ್ತನನ ದೌರು ಸೋನಾಕು.