^{1 2} 1 ನಿಗ್ಲ ಆದ್ರುಕುರು ದಿನಾನಯಿ ತುರಿಕ್ರಪೋದು ನಿಗ್ಲಚ್ಕು ದಿಟ್ಟತನತಿಂಡು ಕಗ್ರವನಾಯಿರೆ ನಿಗಾ ತಿಳಿಜಿಕ್ರ ಪೌಲಯಿಗ್ರ ನಾನೇ ಕ್ರಿಸ್ತನ ಶಾಂತ ಮನಸ್ಸಿಂಡು ಸಾತ್ವಿಕತ್ವತಿಂಡು ನಿಂಗುಲ್ನ ಬೇಡಿಗ್ಯರೆ. 2 ಯೇದು ನಂಗುಲ್ನ ಲೋಕನುಸಾರವಾಯಿ ಇನ್ಡುಕ್ಕನೋ ನಿಜವಾಯಿಕ್ರ ದೈರ್ಯ ಕಟುರ್ದುಯಿಂಡು ನಾನು ಯೋಜುಸ್ತಯಿರೆ; ನಾನು ನಿಗ್ಲೆಂಚುಗು ವಂದಪೋದು ಅಂಥ ನಿಜವಾಯಿಕ್ರ ದೈರ್ಯ ಕಟುರ್ಕು ಅವಕಾಶ ವಗ್ಬರ್ದುಯಿಂಡು ನಿಂಗುಲ್ನ ಬೇಡಿಗ್ಯರೆ. ^{3 4} 3 ನಂಗ ಲೋಕತ್ಕುರುಯಿಂದೆಕು ಲೋಕನುಸರಾವಯಿ ಯುದ್ದ ಸೈರ್ಗ್ಯಯಲ್ಲ 4 (ನಂಗ ಉಪಯೋಗಿಸ್ರ ಆಯುದ್ದಗ್ಯ ಲೋಕಸಂಭಾವನದುಯಾಲ್ಲ; ಅದು ದೌರ್ ಮೂಲಕ ಬಲವಾನ ಕೋಟೆನ ಬುಗ್ಡ್ರದಾಯಿದು ) ^{5 6} 5 ನಂಗ ದೌರ್ ಜ್ಞಾನ ವಿರೋದ್ದಿಸ್ರ ಉನ್ನತವಾನ ಆದಿ ಕೋಟೆ ಕೊತ್ತಲನ ಬುಗ್ಟಿ ಅದ್ದಿ ಯೋಜನೆಯನ್ನ ಕ್ರಿಸ್ತಂಕು ವಿದೇಯತೆಯಾಗುರ್ಕನಿ ಪುಡ್ಸು 6 ನಿಂಗ್ಟ ವಿದೇಯತ್ವ ಪರಿಪೂರ್ಣವಾನ್ಬೇಸಲಿ ಆದಿ ಅವಿದೇಯತ್ಗು ಶಿಕ್ಷೆ ಸೈಯಿರ್ಕು ಸಿದ್ದರಾಯಿರೋ. ^{7 8} 7 ನಿಂಗ ಬೈಲಿ ಕಂಗ್ರತ ಪಾಕರಂಗ? ಯೇದನ ತನ್ನನ್ನ ಕ್ರಿಸ್ತಜಯಾದುಯಿಂಗೊಂಡೆಕೆ ಅದು ತಿರ್ಗಿ ಆಲೋಚನೆ ಸೇದ್ಗೊಂಡು ಅದು ಹೆಂಗು ಕ್ರಿಸ್ತನಾದು ಹೆಂಗು ಕ್ರಿಸ್ತನಾದೋ ಹಂಗು ಕ್ರಿಸ್ತನಾದುಯಿಂಡು ತಿಳಿಜ್ಗೊಟು 8 ನಾಗುಲ್ಕು ಇಕ್ರ ಅದಿಕಾರನ ನಂಗ ವಂಡು ಸಮಯತ್ಕುರು ಶ್ಯನ ಹೋಗಳಿಗೊಂಡು ಹಂಗು ಹೋಗಳತ್ಕುರು ನಾನು ನಾಚಿಕೆಪಡುಮಾಟೆ; ಆನೇಕೆ ನಿಂಗುಲ್ನ ಬುಗ್ಟುರ್ಕುಲ್ಲ , ಭಕ್ತಿವೃದ್ದಿಕಾಯಿ ದೌರು ಈ ಅಡಿಕಾರನ್ನ ನಂಗುಲ್ಕು ಕೊಡ್ಚು. ^{9 10} 9 ಪತ್ರಿಕೆಯಿಂಡು ನಿಂಗುಲ್ನ ಹೆದ್ದರಿಸ್ರವನಾಯಿ ಕಂಗುರ್ಕು ನಂಕು ಮನಸ್ಸಿಲ್ಲ 10 ಆಗ್ಯ ಆತ್ರ ಪತ್ರಿಕೆ ಗೌರವ ,ಬಲವುಲ್ಲದು ಆಯಿದು; ಆದು ಸಾಕ್ಷತ್ತಾಯಿ ವಾನ್ದೇಕೆ ಅದು ನಿರ್ಬಲನು ,ಆತ್ರು ಓಕೂ ಲೆಕ್ಕತ್ಗುವಾರ್ದೆಯಿಕ್ರದು ಇನ್ಗಕ್ನು. ^{11 12} 11 ಅಂಥಗ್ಯ ; ನಂಗ ತುರ್ಯಿಕ್ರಪೋದು ಪತ್ರಿಕೆ ಓಕೊಂಡು ಎಂಥವರಾಯಿರೋನೋ ಹತ್ರುತ್ಕುರು ಇಕ್ರಪೋದು ಅಂಥವನಾಯಿರೆ ಇಂಡು ತಿಳಿಜ್ಗೊಂಗೋ 12 ನಂಗುಲ್ನ ನಂಗೆ ಹೋಗಲಿಗ್ರ ಆನ್ತಲ್ಕುರು ನಾಂಗುಲ್ನ ಸೇರಿಗ್ರಿಗಾಗೋಟ್ಟು ಆಲ್ಕೀ ಹೊಲಿಸ್ಗುರ್ಕು ನಂಗುಲ್ಕು ದೈರ್ಯಾ ಶ್ಯನಗ್ದಿಲ್ಲ ; ಆಗ್ಯ ತಂಗುಲ್ಕುರು ತಗ್ಟತ ಆಳತೆ ಸೇದ್ಗೊಂಡು ತಗ್ ತಗ್ಲುಕುರು ಹೊಲಿಸ್ಗೊಂಡು ವಿವೆಕಯಿಲ್ದೆಯಿಕ್ರವರಾಯಿನು. ^{13 14} 13 ನಗ್ಲೋ ಮೇರೆ ತಪ್ಪಿ ಹೋಗಲಿಗ್ದೆ ದೌರು ನಗ್ಲುಕು ಪಂಚಿ ಕೊಡ್ತ ಮೆರೆಕುರು ಹೋಗಲಿಗ್ಯರೋ ; ಈ ಮೇರೆ ಕೂರುಯಿಂದು ನಿಗ್ಲೆಂಚ್ಗು ವಂದಿರೋ 14 ಕ್ರಿಸ್ತನ ಸುವಾರ್ತೆನ ಸಾರ್ತ ನಿಗ್ಲಚಂಗು ವಂದ ನಂಗ ನಿಗುಲ್ನ ತಲ್ಪುಲ್ಯ ಈನ್ಗುರ್ಕಾನಿ ಮೇರೆನ ಅತಿಕ್ರಮಿಸಿಕ್ರಗಳ. ^{15 16} 15 ನಂಗ ಮೆರೆತಪ್ಪಿ ಎನ್ನೊಂಡಲ್ತ ಪ್ರಯಾಸತ ಫಲನ ಆತ್ಗೊಂಡು ಇದು ನಗ್ಟದು ಇಂಡು ನಂಗ ಹೋಗಲಿಗ್ಮಟೆ ; ಆನೇಕೆ ನಿಗ್ಟ ನಂಬಿಕೆ ಶ್ಯಾನ ಹನ್ಕಾನಿ ನಿಗ್ಟಿನ್ಡು ನಗ್ಟ ಮೆರೆಯುಲ್ಲಿ ಇನ್ನು ಅಭಿವೃದಿ ಹೊಂದರೋ 16 ನಿಗ್ಟ ಭೈಲಿಯಿಕ್ರ ಸೀಮೆಕುರು ಸುವಾರ್ತೆ ಸಾರರೋಯಿಂಕ್ರ ನಿರೀಕ್ಷೆ ನಂಗುಲ್ಕು ಇದು ಆನೇಕೆ ಎನೋಡಲ್ತ ಮೆರೆಕುರು ಸೀದ್ದ ವಾಯಿಕ್ರದು ನಂಗುಲ್ಕು ಸಿಕಿಕ್ರದುಯಿಂಡು ನಂಗ ಹೆಚ್ಚಳಪಡುದಿಲ್ಲ. ^{17 18} 17 ಹೆಚ್ಚಳಪಡ್ರದೂ ಕರ್ತಂತ್ಕುರು ಹೆಚ್ಚಳ ಪಡೋಟ್ಟು 18 ತನ್ನ ತಾನೇ ಹೋಗಲಿಗ್ರದು ಯೋಗ್ಯನಲ್ಲ; ಕರ್ತನು ಎತ್ತ ಹೋಗಳಕೋ ಅದೇ ಯೋಗ್ಯನು