ಅದ್ಯಾಯ 1
1
2
1 ದೌರ್ ಚಿತ್ತಾನುಸಾರ ಯೇಸು ಕ್ರಿಸ್ತನ ಅಪೊಸ್ತಲನಾನ ಪೌಲ ಮತ್ತು ನಾಟ್ಟು ಸಹೋದರನಾನ ತಿಮೊಥೆಯನ್ನೂ ಕೊರಿಂಥಕುರುಯಿಕ್ರ ದೌರು ಸಭೆಕು ಪರಿಶುದ್ಧದೇರ್ಕು ವರಿರದಿಂಡೇಕೆ
2 ನಾಂಗ್ಟು ಕರ್ತನಾನ ದೌರಿಂಡು ಯೇಸು ಕ್ರಿಸ್ತನಿಂಡು ನಿಂಗುಲ್ನು ಕೃಪೆಯು ಶಾಂತಿಯೂ ಆಗೊಟ್ಟು.
3
4
3 ನಾ೦ಗ್ಟು ಕರ್ತನಾನ ಯೇಸು ಕ್ರಿಸ್ತನ ತಂದೆಯುಯಿಕ್ರ ದೌರು ಕನಿಕರವುಳ್ಳ ತಂದೆಯೂ ಸಕಲ ವಿಧವಾಯಿ ಸಂತೈಸ್ರದುಯಾಯಿಕ್ರ ದೌರ್ಕು ಸೋತ್ರ
4 ನಾ೦ಗುಲ್ನು ಸಂಭವಿಸ್ರ ಅದಿ ಸಂಕಟತ್ಕುರು ಅತನು ನಾಂಗುಲ್ನು ಸಂತೈಸಕು ಹಿಂಗೂ ದೌರುಯಿ೦ಡು ನಾಂಗುಲ್ನು ಅಗ್ರ ಆಧಾರಣೆಯ ಮೂಲಕ ನಾಂಗ ನಾನ ವಿಧವಾನ ಸಂಕಟತ್ಕುರು ಇಗ್ರಲ್ಯನ್ನ ಸಂತೈಸೃತ್ಗು ಶಕ್ರರಕ್ರೋ.
5
6
7
5 ಕ್ರಿಸ್ತನ ನಿಮಿತ್ತ ನಂಗುಲ್ನು ಭಾಧೆಗಳ ಹೆಂಗೂ ಶ್ಯಾನಯಿಕಕೋ ಅಂಗು ಆಧಾರಣೆನು ಸಹ ಕ್ರಿಸ್ತನ ಮೂಲಕವಾಯಿ ಶ್ಯಾನವಾಕ್ದು
6 ನಾಂಗ ಸಂಕಟಪಟ್ಟೇಕೆ ಅದು ನಿಂಗ್ಲ ಅದರಣೆಕಾಯಿಯು ರಕ್ಷಣೆಕಾಯಿ ಅನಾದ್ದು ನಾಂಗ ಅನುಭವಿಸ್ರ ಶ್ರಮಕುರು ತಾಳ್ಮೆಯುಳ್ಳವರಾಗುರ್ಕಾನಿ ಅಗ್ಯದಿನು ಪರಿಣಯಿಸಕು ಇದಲ್ಲದೇ ನಿಂಗ ಅದರಿಸಲ್ಪಟಿಕ್ಕೆ ಅದು ನಿಂಗುಲ್ನು ರಕ್ಷಣೆಕಾಯಿ ಇಕಾಕ್ಕು
7 ನಿಂಗ ಬಾದೆಕುರು ಪಾಲುಯಾಯಿಕ್ರ ಪ್ರಕಾರ ಅದರಣೆಕುರು ಪಾಲುಗಾರರಯಿರಂಗಯಿಂಡು ನಂಕು ತಿಲಿಜ್ಗ್ರತಿಂಡು ನಿಂಗ್ಲ ವಿಷಯತ್ಕುರು ನ೦ಗುಲ್ಕುರುಯಿಗ್ರ ನಿರೀಕ್ಷೆಯು ದೃಢವಾಯಿದು.
8
9
10
11
12
13
14
15
16
17
18
19
20
21
22
23
24
8 ಸಹೋದರರೇ ಅಸ್ಯತ್ಕುರು ನುಗುಲ್ನುನ ಬಪದ್ರದನಿಂಗ ತಿಳಿಜ್ ಗುರ್ದುಯಿಂಡುನಿಂಗುಲ್ನು ವಿಷಯತ್ಕುರು ನಂಗುಲ್ನುಯಿಕ್ರ ನಿರೀಕ್ಷೆ ದೃಢವಾಯಿದು
9 ಅನೇಕೆ ಮರಣವಾಗ್ದುಯಿಂಡು ನಿರ್ಣಯ ನಂಗುಲ್ನು ಉಂಟಾಸು; ನಾಂಗ ನಾಂಗುಲ್ ಮೇನಿ ಭರವಸಯಿಟ್ಟುಗ್ದೆ ಸತ್ತಾಲ್ಯನ ಅಬ್ಬಿಪ್ಚ್ ದೌರ್ ಮೇನಿ ಭರವಸಯಿಂಡ್ರಲ್ಯಗುರ್ದುಯಿಂಡು ಇಂಗಸೋ
10 ದೌರು ನಂಗುಲ್ನಿ ಎಂಥಾ ಭಯ೦ಕರವನ್ನ ಮರಣತಿಂಡು ತಪ್ಪಿಸಿದು ಇನ್ನು ಮೇನಿ ಅತನು ನಂಗುಲ್ನ ತಪ್ಪಸಕುಯಿಂಡು ನಾಂಗ ಆತನ್ಕುರು ಭರವಸೆಯುಳ್ಳವರಾಯಿರೋ
11 ಅನೇಕರ ಮೂಲಕವಾಯಿ ನಂಗುಲ್ನು ಅನುಗ್ರಹಿಸಲ್ಪಟ್ಟದಾನದ ತಿಂಡು ಶ್ಯಾನ ಮಂದಿಲ್ಯಕು ನಾಂಗ್ಲುಯಿಂಡು ಉಪಕಾರಯಿಂಗ್ರಕಾನಿ ನಿಂಗ್ಲು ಸಹ ಒಟ್ಟಾಯಿ ನಂಗುಲ್ಕೊಸ್ಕರ ಪ್ರಾರ್ಥನೆಯ ಸಹಾಯ
12 ನಾಂಗ ಮನುಷ್ಯನ ಜ್ಞಾನ ತಿಂಡುಯಾಲ್ಲಿ ಅನೇಕೆ ಸತ್ಯತೆಯಿ೦ಡು ಭಕ್ತಿಯ ನಿಷ್ಕಪಟತಿಂಡು ದೌರ್ ಕೃಪೆಯಿಂಡು ಲೋಕತ್ಕುರು ನಿಂಗುಲ್ನ ವಿಷಯತ್ಕುರು ನಡ್ಗೊಂಡಿರೋಯೀಂಡು ನಂಗುಲ್ ಮನಸ್ಸಿನ ಸಾಕ್ಷಿಯೇ ನಂಗುಲ್ಕುಯಿಕ್ರ ಸಂತೋಷವಾಯಿದು
13 ನಿಂಗ ಓದಿಒಪ್ಪಿಕೊಂಡ ಸಂಗತಿನಲ್ಲದೇ ಬೇರೆ ಎತ್ತುನು ನಾಂಗ ನಿಂಗುಲ್ನು ವರ್ಜಿಲ್ಲ ಹಾಂಗೇ ನಿಂಗ ಕಡೇತನಕ ಒಪ್ಪಿಗ್ರರಂಗಯಿಂಡು ನಾಂಗ ಭರವಸತಿಂಡುಯಿರೋ
14 ನಿಂಗ್ಲು ಸಹ ಸ್ವಲ್ಪ ಮಟ್ಟಿಕಿ ನಂಗುಲ್ನ ಒಪ್ಪಿಸಿಕೊಂಡು ನಂಗುಲ್ನ ಕರ್ತನನ್ನ ಯೇಸುಕ್ರಿಸ್ತನ ದಿನತ್ಕುರು ನಿಂಗ ನಂಗುಲ್ನ ಸಂತೋಷತ್ಗು ಕಾರಣವಾಯಿಕ್ರುಡ್ರುಯಿಂಡು ನಾಂಗ ನಿಂಗುಲ್ಲು ಸಂತೋಷತ್ಗು ಕಾರಣವಾಯಿರೋ
15 ಈ ಭರವಸತಿಂಡು ನಿಂಗುಲ್ನು ರಂಡು ಪ್ರಯೋಜನವಾಗುರ್ದುಯಿಂಡು ನಾನು ಮೊದಲು ನಿಂಗ್ಲಂಚುಗೂ ವರ್ಜಿಕಸು
16 ನಿಂಗುಲ್ನು ಮಾರ್ಗವಾಯಿ ಮೇಕೆದೋನ್ಯತ್ಗು ಹೋಯಿತಿರ್ಗಿ ಮೇಕೆದೊನ್ಯತಿಂಡು ನಿಂಗ್ಲಂಚುಗು ವಂಡು ನಿಂಗ್ಲಿಂಡು ಯೂದಾಯತ್ಗು ಹೋಗುರ್ದುಯಿಂಡು ಯೋಚನೆಸೆಂದೇ
17 ನಾನೂ ಹಿಂಗೂ ಮನಸ್ಸು ಸೇದಪೋದು ಹಗುರ ಭಾವನೆಕಟ್ ನೇಯಿಂಡು? ಇದಲ್ಲದೇ ನಾನು ಉದ್ದೇಶಿಸ್ಸಿಕ್ರತ್ತಯಿಂಡು ಅಲ್ಲ ಅಲ್ಲ ಇಗುರ್ಕಾನೀ ಮನುಷ್ಯರ ರೀತಿಯಿಂಡು ಉದ್ದೇಶಿಸಿರೇನೋ?
18 ದೌರು ಸತ್ಯವಂತನಾಯಿಕ್ರಕಾನೀ ನಗ್ಟ ಓಕು ಹೌದುಯಿಂಡೆ ಹೌದು ಇಲ್ಲಯಿಂಡೇಕೆ ಇಲ್ಲಯಿಂಚು ಇಕೋಟ್ಟು
19 ನಾಂಗ ಇಂಡೇಕೆ ನಾನು ಸಿಲ್ವಾನನ್ನು ತಿಮೊಥೆಯನ್ನು ನಿಂಗ್ಲೆಂಚಿಲ್ಲಿ ಸಾರಿಯಿಕ್ರ ದೌರ್ ಮೌನವ ಯೇಸುಕ್ರಿಸ್ತ ಹೌದುಯಿಂಡು ಇಲ್ಲಯಿಂಡು ಇಕ್ಕಿದಿಲ್ಲ ಅನೇಕೆ ಅತನ್ಕುರು ಹೌದುಯಿಗ್ರದು ನೆಲೆಗೊಂಡಿದು
20 ಅತ್ತಿಡು ನಂಗುಲ್ಲು ಮೂಲಕ ದೌರುಕು ಮಹಿಮೆಯುಂಟಾಗ್ರಕ್ಕಾನಿ ದೌರ ಅದಿ ವಾಗ್ದನನ್ನುವೇ ಅತನ್ಕುರು ಹೌದುಯಾಯಿದು ಅತನ್ಕುರು ಹೌದುಯಾಯಿದು ಅತನ್ಕುರು ಅಮೆನ್ ಯಾಯಿದು
21 ಕ್ರಿಸ್ತನ್ಕುರು ನಿಂಗ್ಲೆ೦ಟೀ ನಂಗುಲ್ನ ಸ್ಥಿರಪಡ್ಸೀ ನಂಗುಲ್ನ ಅಬಿಷೇಕಿಸಿಕ್ರದು ದೌರೇ
22 ಅತನು ನಂಗುಲು ಮೇನಿ ಮುದ್ರೆ ಹೊಟ್ಟು ನಂಗ್ಲ ಹೃದಯಾತ್ಕುರು ಪವಿತ್ರಾತ್ಮನನ್ನು ಸಂಚಕಾರವಾಯಿ ಅನುಗ್ರಹಿಸಿಸು
23 ಇದಲ್ಲದೇ ನಿಂಗುಲ್ ಮೇನಿ ಕನಿಕರಯಿಗ್ರತಿಂಡು ನಾನು ಈ ದಿನತನಕ ಕೊರಿಂಥತ್ಗು ವರುಲ್ಲಯಿಂಡು ನನ್ ಯೇಟಿ ದೌರೇ ಸಾಕ್ಷಿ
24 ನಿಂಗಲ್ಲಿ ನಂಬಿಕೆಯ ಮೇನಿ ನಾಂಗ ದೊರೆತನ ಸೈಯಿರ್ಕುಯಿಲ್ಲ ಅನೇಕೆ ನಿಗ್ಟು ಸಂತೋಷತ್ಗು ಸಹಾಯಸೈರರಾಯಿರೋ ಎತ್ತಿಗಿಂಡೇಕೆ ನಿಂಗ ನಂಬಿಕೆ ಮೇನಿ ನಿಂಡ್ರಿರಂಗ.