1
1
2
3
1.ಕ್ರಿಸ್ತ ಯೇಸುವೀನ ಸೆರೆ ಆಯ್ಯುಂಡ ಪೌಲುಡು ಸಹೋದುರುಡು ಐನಾ ತೀಮೊತೀ ಮಾಕೀ ಪ್ರೀಯುಡು ಜೋತ್ಲ ಕೆಲಸಂ ಸೆಸ್ಕೊಂಡೆ ಐನ್ನಾಟ್ಟ ಫೀಲೆಮೋನ ಅನೆ ನೀಕೂ ಸಹೋದರೀ ಐನಾ. 2-3.ಅಪ್ಪೀಯಳೀಕು ಮಾ ಸಹಬಟ ಐನ್ನಾಟ್ಟೀ ಅರ್ಕೀಪ್ಪನೀಕು ನೀ ಈಂತ್ಲ ಕೂಡೆ ಸಬೆಯೋಳ್ನು ರಾಸೆದ್ದೀ ಹೇಮ್ ಅಂತೇ ಮಾ ತಂಡ್ರೀ ಐನಾ ದೆವುಡ್ನೀಚ್ಚನು ಕರ್ತುಡ್ ಐನಾ ಯೇಸು ಕ್ರಿಸ್ತನೀಚ್ಚನೂ ಮೀಕೀ ಕೃಪೆಯು ಶಾಂತೀಯು ಕಾನೀ.
4
5
6
7
4.ಕರ್ತುಡ್ ಐನಾ ಯೆಸುಮೀಂದ ನುವಾ ಪೆಟ್ಟುಂದ ನಮ್ಬೀಕೆನ್ನೀ ಕುರೀಚ್ಚೀ. 5.ದೇವಜನಲ್ ಅದ್ರು ಮೀಂದ ವುಂಡ ನೀ ಪ್ರೀತೀನ್ನೀ ಕುರೀಚ್ಚೀ ಇನುಂಡೆದಾನೀಚ್ಹ ನಾನು ಪ್ರಾರ್ತನೆ ಸೆಸಪ್ದಲ ದೆವುಡ್ನೀ ಯಾಪ್ದು ಸ್ತೋತ್ರನ್ನೀ ಸಲ್ಲೀನ್ಚೀ ನೀಕೊಸ್ಕರಮಾ ವೀಜ್ನಾಪನೆ ಸೆಸ್ತಾನು. 6.ಕ್ರೀಸ್ತುಡ್ಲ ಮಾಕೀ ದೊರಕುಂಡ ಎಲ್ಲಾ ಸುವರಲ್ನೀ ಕುರೀಚ್ಚೀ ನುವಾ ತೀಳುವಲೀಕೆನೀ ಹೊಂದೆದಾನೀಂಚ್ಚೀ ಕ್ರಿಸ್ತ ನಮ್ಬೀಕೆಲ ವುಂಡ ನೀ ಅನ್ಯುನ್ಯತೆ ಕ್ರೀಸ್ತುಡ್ನೀ ಹೇಚೈನಾ ಮಹೀಮೆನ್ನೀ ಉಂಟು ಸೆಯ್ಯಲನೀ ಪ್ರಾರ್ತನೆ ಸೆಸ್ತಾನು. 7.ಸಹೋದುರುಡಾ ನೀಮೂಲಕ ದೇವಜನಲ್ ಹೃದಯಲ್ನೀ ಪ್ರೋತ್ಸಾಹ ಉಂಟೈ ಯೇಲೈದಾನೀಂಚ ನೀ ಪ್ರೀತಿ ನೀಮೀತ್ತ ಮೈಯೀ ನಾಕೀ ಬಹಳ ಸಂತೋಶಮು ಅದರಣೆ ಉಂಟಾಯ.
8
9
8.ಅದ್ಗು ನೀಕೀ ಯುಕ್ತಮೈನ್ದನ್ನೀ ಅಜ್ನಪೀನ್ಚಾರೆಕೀ ನಾಕೀ ಕ್ರೀಸ್ತುಡ್ಲ ಪೂರ್ತೀ ಅದೀಕರಂ ವುನ್ದ್ನಾ. 9.ಅಟ್ಟ ಅಜ್ನಾಪೀಸ್ತಾನೇ ಮುದುಕುಡು ಇಪ್ಪುಡು ಕ್ರೀಸ್ಥ ಯೇಸು ನೀಮೀತ್ತ ಮೈಯ್ಯೀ ಸೆರೆಯೋಡು ಐನ್ನಾಟ್ಟ ಈ ಪೌಲುಡು ಅನೆ ನಾನು ಪ್ರೀತೀ ನೀಮೀತ್ತ ನೀನ್ನೀ ಅಡೀಕೊನ್ತಾನು.
10
11
12
13
10.ನಾನು ಸರಲ್ಲಾ ಪದಸ್ಕೊನುಂಡ ನಾ ಕೊಡುಕ್ ಐನಾ ಒನೆಸೀಮ್ ವೀಷಯಮ್ಲ ನೀನ್ನೀ ಅಡೀಸ್ಕೊಂತಾನು. 11.ವಾಡು ಮೊದ್ಲು ನೀಕೀ ಅಪ್ರಯೋಜಕುಡು ಅಯ್ಯುನ್ದೆ ಇಪ್ದು ನೀಕೂನಾಕು ಪ್ರಯೋಜುಕುಡು ಐನ್ನಾಡು. 12.ವಾಡು ನಾಕೀ ಪ್ರಾಣಂ ರೀತೀ ವುಂತ್ನು ವಾಡ್ನೀ ನೀ ಹಂತ್ರನ್ಕೀ ಹೀನ್ಕೊಕೀ ಅಂಪೀಚ್ನಾನು. 13.ನಾನು ಸುವಾರ್ತೆ ನೀಮೀತ್ತ ಸೇರೆಲವುಂಡೆದಾನ್ಕಾಯೀ ನೀಕೀ ಬದಲಾಯ್ಯೀ ವಾಡು ನಾಕೀ ಉಪಚಾರಂ ಸೇಸ್ಸೆ ರೀತೀ ವಾಡ್ನೀ ನಾ ಹತ್ರುಲ್ಲನೆ ಪೆಟ್ಕೊವಾಲ್ನೀ ಯೋಚೀಚುನ್ತ್ಟೀ.
14
15
16
14.ಆಯ್ತೇ ನೀ ಉಪಾಕಾರಮು ಬಲತ್ಕರಮ್ನೀಂಚ ಕಾನ್ದನೆ ಮನಪೂರ್ವಕ ಮೈಯ್ಯೀ ವುನ್ದಾಲನೀ ಯೋಚೀನ್ಚೀ ನೀ ಸಮ್ಮತೀ ಲೆನ್ದನೆ ಹೇಮು ಸೆಸ್ಸಕು ನಾಕೀ ಇಷ್ಟಮು ವುನ್ದಲೆದು. 15.ವಾಡು ಕೊಚ್ಚಕಾಲಾಮು ನೀಯೀಂಚ ಅಗಲೀಚ್ಛಲ್ ಪೆಟ್ತೀ ನೀರನ್ತರಮೂ ನೀ ಹತ್ರ ವುನ್ದೇಕೋ ಹೇಮೋ. 16.ಇನ್ಕ ಮೀಂದ ವಾಡು ದಾಸುಡು ಐನ್ದಾನೆ ದಾಸುಡ್ನೀನ್ತಾನು ಉತ್ತಮಮೈಯ್ಯೀ ಪ್ರೀಯ ಸಹೋದುರುಡು ರೀತೀ ಕವಲಾ ವಾಡು ನಾಕೀ ಬಹಳ ಪ್ರೀಯಮೈಯ್ಯುನ್ದೆ ರೀತೀ ನೀಕೀ ಲೋಕಸಂಬಂದ ಮೈಯ್ಯೀ ಕಾರ್ತುಡ ಸಂಬಂದ ಮೈಯ್ಯೀ ಇನ್ಕ ಯಾಂತ ಪ್ರೀಯಮೈಯ್ಯೀ ವುನ್ತಾಡು.
17
18
19
20
17.ಅನ್ತತೈತೆ ನುವಾ ನನ್ನೀ ಜೋತೆಗಾರುಡ್ ಅನೀ ಎಣೆಸ್ತನೆ ನನ್ನೀ ಸೆರೀಬೀಚ್ಕೊನೆ ಪ್ರಕಾರಮೈಯ್ಯೀ ವಾಡ್ನೀ ಸೆರೀಬೀಚ್ಕೋ. 18.ವಾಡೀಂಚ ನುವಾ ಹೆಮೈತ್ನೋ ನಷ್ಟಪಟ್ತುಂಟೆ ಲೇದು ವಾಡು ಸಲನ್ನೀ ಹೆಮೈತ್ತ್ನೋ ತೀರೀಚ್ಚೆಬೆಕೈಯ್ಯುಂಟೆ ದಾನ್ನೀ ನಾ ಲೆಕ್ಕಕ್ಕೆ ಹೆಯ್ಯೀ. 19.ನಾನೆ ಈಚ್ಚೀ ತೀರೀಬೀಸ್ತಾನ್ ಅನೀ ಪೌಲುದ್ ಅನೆ ನಾನು ಸ್ವಂತ ಸೈಂಚ ರಾಸ್ತಾನು ನೀ ಆತ್ಮ ವೀಷಯಮ್ಲ ನುವೆ ನಾ ಸಲಾಂ ಐನಾವು ಅನೀ ನಾನು ಬೇರೆಸೊಪ್ಪಲ್ನ. 20.ಹೌನು ಸಹೋದುರುಡ ಕರ್ತುಡ್ಲ ನೀಮೀಂಚ ನಾಕೀ ಪ್ರಯೋಜಮ್ ಅಯ್ಯೆ ರೀತೀ ಸೆಯ್ಯೀ.
21
22
21.ಕ್ರೀಸ್ತುಡ್ಲ ನಾ ಹೃದಯನ್ನೀ ಸಂತೋಷಪಡೀಚ್ಚು ನಾ ಮಾಟ್ನೀ ಈನ್ತಂವು ಅನೆ ಬರವಸೆವುಳ್ಳೋದ್ ಅಯ್ಯೀ ಈ ಪತ್ರೀಕೆನ್ನೀ ನೀಕೀ ರಾಸ್ತಾನು ನಾನು ಸೋಪ್ಪುನ್ದೆ ದಾನ್ನೀತನು ಜಾಸ್ತೀ ಅಯ್ಯೀ ಸೆಸ್ತಾವು ಅನೀ ನಾಕೀ ಗೊತ್ತು. 22.ಇದು ಕಾಕುಂಡ ದೇವುಡು ನೀ ಪ್ರರ್ತೆನೆಲ್ನೀ ಈನೀ ನನ್ನೀ ಮೀಲ ಹಂತ್ರಕ್ಕೆ ವಚ್ಚೆಕೀ ಅನುಗ್ರಹೀಸ್ತಾದ್ ಅನೀ ನಾಕೀ ನೀರೀಕ್ಷೆ ವುನ್ನದೀ ಅದ್ಗೋ ನಾಕೊಸ್ಕರಮು ವುಳೀಸ್ಕನೆ ಸ್ತಳನೀ ಸೀದ್ದಂ ಸೆಯ್ಯೀ.
23
24
25
23.ಕ್ರಿಸ್ತ ಯೇಸು ನೀಮೀತ್ತ ಮೈಯ್ಯೀ ನಾ ಜೊತೆಸೆರೆಯೋಡ್ ಐನಾ ಎಫಾಫ್ರಡು. 24.ಸಹಕರೀಲ್ ಐನಾ ಮಾರ್ಕ್ ಅರೀಸ್ತಾರ್ಕ್ ದೆಯ ಲುಕಲು ನೀನ್ನೀ ವಂದೀಸ್ತಾರು. 25.ಮಾ ಕರ್ತುಡ್ ಐನಾ ಯೇಸು ಕ್ರೀಸ್ತುಡ ಕೃಪೆ ಮೀ ಆತ್ಮ ಜೋತ್ಲವುಡ್ನೀ.