1
1
2
3
1.ದೆವುಡ್ ಚೀತ್ತನುಸಾರ ಮೈನಾ ಅಪೋಸ್ತಲ ಮೈನ ಪೌಲುಡು ಸಹೋದರುದೈನಾ ತೀಮೊತೀಯುಡು. 2.ಕೋಲೋಸ್ಸೆಲ ಕೊಂಡ ದೇವುಡು ಜನಲ್ ಕೀ ರಾಸೇಯೆಮಂಟೆ ಮಾತ್ರೆನ್ದ್ರೀ ಅಯ್ನಾ ದೇವುಡೀನ್ಚ ಕೃಪೆ ಶಾಂತೀ ಕಾನೀ. 3.ಕ್ರಿಸ್ತ ಯೇಸುಲ ಮೀಳು ಪೆಟ್ಟನ್ನ ನಂಬೀಕೆ ವೀಷಯಂ ಮಯ್ಯೀ ದೇವಜನಲು ಮೀಂದ ಮೀ ಪ್ರೀತಿಯ ವೀಶಯಂ ಮೈಯ್ಯೀ ಮಾಮು ಈನೀ ಪರಲೋಕಮುಲ ಮೀ ಕೊಸ್ಕರಮು ಸೀದ್ದ ಮೈನಾ
4
5
6
4-5.ಮಹಾಪದವೀನೀ ನೇನೆಪೀಚ್ಕೊನೀ ಮಾಮು ಪ್ರಾರ್ತನೆ ಸೇಸ್ನೆ ಅಪ್ದೇಲ ಮೀ ನೀಮೀತ್ತ ಮಯ್ಯೀ ತಂಡ್ರೀ ಅಯ್ ನ ದೆವುಡ್ಕೀ ಸ್ತೋತ್ರಮ್ ಸೇಸ್ತಾಮು. 6.ಮೀಳು ದೇವುಡ ಕೃಪೆನೀ ತುರೀಚ್ಚೀ ಸತ್ಯರ್ತಮುನೀ ಈನೀ ತೀಳುಚೋಕ್ಕೊನೀ ದೀವಸಂ ನೀಂಚ ಆ ಸುವಾರ್ತೆ ಮೀಲ ಪ್ರಕಾರಮು ಲೋಕಮುಲ ಅಬೀ ಫಲಮೀಚ್ಚೀ ವೃದ್ದೀ ಆಯ್ತ ವಸ್ತಾದೀ.
7
8
7.ಪ್ರೀಯಾ ದಾಸುದೈನಾ ಯಡಪ್ರಮ್ ನೀಂಚ ಆ ಸತ್ಯ ಉಪದೇಶನೀ ನೆಚ್ಕೊಟ್ಲೀ. 8.ವಾಡು ಮೀ ಕೊಸ್ಕರ ಕ್ರೀಸ್ತುಡ ನಂಬೀಕೆಗೊಸ್ತುಡೈನಾ ಸೇವಕುಡು ಪವೀತ್ರಾತ್ಮ ಪ್ರೇರೀತ ಮೈನಾ ಮೀ ಪ್ರೀತೀ ವೀಷಯಮ್ಲ ನಾಕೀ ತೀಳೀಯಪಡೀಚೀನ್ದೀ ವಾಡೆ.
9
10
9.ಅಂದುಗು ಮಾಮು ಮೀ ಸುದ್ದೀನೀ ಈನ್ನೇ ದೇವಸಂ ನೀಂಚ ನೀ ಕೊಸ್ಕರಮು ಪ್ರಾರ್ತನೆ ಸೇಸ್ದಾನೀ ಈಸ್ಪೆಡ್ದನೇ ಮೀಳು ಸಕಲ ಆತ್ಮೀಯ ಜ್ಞಾನಾನೀ ಗ್ರಹೀಕೆನೀ ಹೊಂದೀ. 10.ಕರ್ತುಡುಚೀತ್ತ ಮೈನಾ ತೀಳುವಳೀಕೇ ಯೀನ್ಚ್ ನೀನ್ಟೋಕೊನೀ ಯೇಸು ಕೀ ಯೋಗ್ಯ ಲಯ್ಯೀ ನೆಡೆಸ್ಕೋನೀ ಎಲ್ಲಾ ವೀದಂಲ ಯೇಸುನೀ ಸಂತೋಷ ಪಡೀನ್ಚೋಳ್ ಅಯುನ್ಡಾಲನೀ ಮೀಳು ಸಕಲ ಸತ್ಕಾರ್ಯಮು ಅನೀ ಫಲನೀ ಈಚ್ಚೀ ದೆವಜ್ಞಾನಂ ನೀಂಚ ಅಬೀವೃದ್ದೀ ಅಯ್ತಾಳಾನೀ.
11
12
11.ಯೇಸು ಮಹೀಮ ಶಕ್ತಿಯ ಪ್ರಕಾರಂಗ ಪರೀಪುರ್ಣ ಬಲಂ ಹೊಂದೀ ಬಲೀಷ್ಟೀಲೈ ಆನಂದ ಪೂರ್ವಕ ಮೈನಾ ತಾಳ್ಮೆ ನೀ ದೀರ್ಗಶಾಂತೀನೀ ಯಪ್ಪುಡು ಸುಬೀಚ್ಚೋಳ್ ಅಯ್ಲಂಡಾಲನೀ. 12.ಎಲೀಗೀನ ರಾಜ್ಯಮು ಲೋಗ ದೇವಜನಲ ಬಾದ್ಯತಲ ಪಾಲುಗಾರ ಲೈಕೀ ಮೀಮುಲ್ ನೀ ಯೋಗ್ಯಲಯ್ಯೀ ಸೆಸ್ತಾನನ್ಟ ತಂಡ್ರೀ ಕ್ರುತಾಜ್ನಾತಾಸ್ತುತೀನೀ ಸೈಯುನ್ಡೋಳ್ ಕಾವಾಲನೀ ದೆವುಡ್ ನೀ ಆಡೀಕುಂಟಾಮು.
13
14
13.ದೇವುಡು ಮುಮುಲ್ನೀ ಅಂದಕಾರ ದೊರೆತನಮೀಂದ ಈಡೀವೀಂಚೀ ಪ್ರೀಯಕುಮಾರದೈನಾ ರಾಜ್ಯಂಲಾಗ ಸೆಪೀಂಚೆ. 14.ಆ ಕುಮಾರುಡೆಲ ಮಾಪಾಪುಲು ಪರಿಹಾರ ಮೈಯೀ ಮಾಕೀ ಬೀಡುಗಡೆ ಆಯಾ.
15
16
17
15.ಯೇಸು ಅದೃಷ ಮೈನಾ ದೇವುಡ ಪ್ರತೀರುಪಮು ಸೃಷ್ಟೀಕ್ಕೆಲ್ಲ ಶ್ರೇಷ್ಠ ಪುತ್ರುಡು ಸ್ನಾನ ವಂದೀನೊಂಟುಡು ಅಯ್ನಾಡು. 16.ಬೂ ಪರಲೋಕಂಲ ವುಂಡಾ ದೃಶ್ಯ ದೃಶ್ಯ ಮೈನಾ ಎಲ್ಲಾನೀ ಸೀಂಹಾಸನಂ ಮುಲ ಕಾನೀ ಪ್ರಬುತ್ವಮುಲ ಕಾನೀ ಯೇಸುಲ ಸೃಷ್ಟೀನ್ಚಲ್ಪಟ್ಟೆ. 17.ಯೇಸು ಎಲ್ಲಕೂ ಪೋದ್ಲೆ ಉಂಡೋನೋಡು ದೇವುಡು ಸಮಸ್ತಾಕೀ ಅದಾರ ಬುತುಡು.
18
19
20
18.ಸಬೇಯನೆ ದೇಹಂಕೀ ಯೇಸು ಶೀರಸ್ಸು ದೇವುಡು ಅದೀ ಸಂಬುತುಡು ಎಲ್ಲಾಮ್ಲ ಪ್ರಮುಕ ಮೈನಟ್ಗ ಸೆಚ್ಚೀಪೋನೋಳ್ ನೀಂಚ ಮೊದ್ಲು ಲೇಸೀ ವತ್ತೋನೋಡು. 19.ತಂಡ್ರೀ ಆಯ್ನ್ ದೇವುಡು ಯೇಸುಲ ಸರ್ವ ಸಂಪೂರ್ಣತೇ ವಾಸ್ಮೈ ವುನ್ಡಾಲನೀ. 20. ಯೇಸು ಶೀಲುಬೆ ಮೀಂದ ಸುರೀಬೀಚ್ನೆಂಟ ರಕ್ತಂ ನೀಂಚ ಸಮಾದಾನಮು ನೀ ವುಂಟ್ ಸೇಸೀ ಬೂ ಪರಲೋಕಂ ಲುಂಡ ಸಮಸ್ತಮುನೀ ಯೇಸು ಮುಲಕಂಗಾ ಮಾಕೀ ಸಂದಾನ ಪಡೀಚಾಲನೀ ನೀಷ್ಕರ್ಷಸೇಸೆ.
21
22
23
21.ಈದೀ ಕಾಕುಂಡ ಮೀಳು ಯನಕ ಕಾಲಂಲ ಅನ್ಯಲು ದುಷ್ಟತ್ವ ಮುನೀ ಸೆಸೋಳು. 22.ದ್ವೇಷ ಮನಸುನ್ಡೋಳ್ ಅಯುನ್ಟ್ನು ಯೇಸು ಮೀಮುಲ್ ನೀ ಸಹತನ ಕುಮಾರ ಮೂಲ ವುಂಟಐನು ಮರಣ ಮುಲಕಂಗಾ ಈಪ್ಪುಡು ಸಂದಾನ ಪಡೀಚೋಕ್ಕೊನ್ನಮು ಮಲ್ಲೀ ಮೀಮುಲ್ ನೀ ಪರೀಶುದ್ದಲಯು ನೀರ್ದೊಶೀಲಯ್ಯು ತನ್ನ ಸನ್ನೀದೀಲ ನೀಲ್ಪೆಟ್ಟ ಅನ್ಕೊನ್ನಾಡು. 23.ಮೀಳು ಈನಂಟ ಸುವಾರ್ತೆ ಈಂಚ ವುಂಟಐನಾ ನೀರೀಕ್ಷೆನೀ ಇಸ್ಪೆಟೀ ತೋಲಗೀ ಪೊಂದೆನೆ ಅಸ್ತೀವಾರಂ ನೀಂದ ಸ್ತೀರ್ಮೈಯುಂಡ ನಂಬೀಕೆಲ ನೆಲೆ ಗೊಂಡುಳ್ ಅಯುಂಟೆ ಆ ಪದವೀ ಮೀಕೀ ಪ್ರಾಪ್ತಮೈತಾದೀ.
24
25
26
27
24.ಪೌಲುಡೇನೇ ನಾನು ಈ ಸುವಾರ್ತೆಕೀ ಸೇವುಕೂಡಐತೀ ನಾನು ಈಪ್ಪುಡು ಮೀಕೊಸ್ಕರಮು ಅನುಬವಿಸ್ತಾಂಗ ಬಾದೆಲ ಸಂತೋಷಮು ಕಟ್ಟೀ ಕ್ರಿಸ್ತ ಸಂಕಟಂ ವಾಂಗ ಇಂತ ಬದುಕೊಂಡದಾನೀ ಸಬೆನೀ ದೇಹಕೊಸ್ಕರಮು ನಾ ಶರೀರಮ್ಲ ಅನುಬವೀಚ್ಹ ತೀರೀವೀಸ್ತಾನು. 25.ನಾನು ಸಬೆಗೆ ಸೇವಕು ಡೈನಾನು ದೇವುಡು ತನ ವಾಕ್ಯಂ ನೀ ಸಂಪೂರ್ಣ ಮೈನೀ ತೀಲುವೀಚ್ಹ ಕೆಲಸಂನೀ ಮೀ ಪ್ರಯೋಜನಕ್ಕೋಸ್ಕರಮು ನಾಕೀ ದಯಾಪಾಲೀನ್ಚೆ. 26.ಆ ವಾಕ್ಯಮು ಯನ್ನಕ ಯುಗಲ್ ನೀಂಚನು ತಲತಲಾಂತರ ನೀಂಚನು ಮರೆಅಯುಂಡೆ ಈ ಕಾಲಂಲಾ ದೇವಜನಲ್ ಕೀ ತೀಳೀಬೀಚ್ಚಲ್ ಪಟ್ಟೇ. 27.ಅನ್ಯಜನಲ ವೀಷಯಂ ಮೈನಾ ಈ ಮಾರ್ಮ ಮಹೀಮೆ ಅತೀಶಯಮು ಎಂತೆನೆದಾನೀ ದೇವುಡು ತನ್ನ ಜನಲ್ಕೀ ತೀಳೀವೀಚ್ಹಲ್ಕೀ ಮನಸ್ಸು ಸೇಸ್ಕೊನೇ ಈ ಮಾರ್ಮ ಎಮಂಟೆ ಕ್ರೀಸ್ತುಡು ಮೀಲ ವುನ್ಡೀ ಪ್ರಬುವ ನೀರೀಕ್ಷೆಕೀ ಅದಾರ ಬುತುಡು ಅಯುಂಡೆದೇ
28
29
28.ಮಾಮು ಯೇಸುನೇ ಪ್ರಸೀದ್ದೀ ಪಡೀಚೋಳ್ಯೀ ಈ ಸಕಲ ಜನಲ್ಕೀ ಬುದ್ದೀ ಸೋಪ್ತಾ ಸರ್ವಲುಕು ಪೂರ್ಣಜ್ಞಾನುಮ್ ಮುನೀ ಉಪದೆಶಂ ಮುನೀ ಸೇಸ್ತಾ ದೇವುಡು ಅಂದ್ರೂನೀ ಕ್ರೀಸ್ತುಲ ಪ್ರಾವೀಣಲೈ ನೀಲ್ವೀಚ್ಚನ್ಕೀ ಪ್ರಯತ್ನಂಸೇಸ್ತಾ ವುಂಡಮು. 29.ನಾಲಾ ಕಾರ್ಯ ಸಾದೀಚ್ಚೆ ದೇವುಡ ಬಲನೀ ಪ್ರಯೋಗಂ ಸೇಸೇ ದೀನಕ್ಕೊಸ್ಕರಮು ಹೋರಾದ್ತಾನು ಪ್ರಯಾಸ ಪಟ್ತಾನು.