1 ^{1 2 3} 1-2.ಸಭೆಯ ಮೊದಲನೇ ವಾಡು ದೇವುಡು ಆರಬಿಚ್ಗನಿ ಅಯಿನಾ ವಾಡು ಅನಿ ತಳ್ಳಿ ಗಂಟ ದಾನ ಬಿಡ್ಲವರಿಗೂ ರಾಶಿ೦ದಿ ಹೆಮಂಟ್ಟೆ ಮನಮುಲ ನಳಬಿಚ್ಚಿನ ಮಲ್ಲಿ ಸದಾಕಾಲಮು ಮಾ ಜೋತ್ಲ ಉಂಡಿನ ಸತ್ಯಮ್ನ ನಿಮಿತ್ತಮು ಆಯಿ ನಾನು ಮಿಮಲ್ನಿ ಸತ್ಯಮುನಿ ಪ್ರಿತಿಸ್ತನು,ನಾನು ಮಾತ್ರಂ ಕಾಗುನ್ನ ಸತ್ಯಮಂನಿ ತಿಳಿಚಿನ ವಾಳು ಅಂದರಗು ಮಿಮ್ಲಲ್ನಿ ಪ್ರೀತಿಸ್ತಡು 3.ತಂಡ್ರಿ ಅಯಿನಾ ದೇವುಡು ನಿಂಕ ಆ ತಂಡ್ರಿ ಆಯಿನಾ ಕೊಡಕು ಆಯಿನಾ ಯೇಸು ಕ್ರಿಸ್ತುಡೂ ನಿಂಕ ಕೃಪೆನಿ ಕರುಣ ಮಯನಿ ಶಾಂತಿನಿ ಸತ್ಯ ಪೂರಕ ಮೈನಾ ಪ್ರೀತಿ ಪೂರಕಮೈನಾ ಮನ ಜೋತ್ಲ ಉಂಟಾದೀ. ^{4 5 6} 4.ನೀ ಬಿಡ್ಲಾ ಕೊಂಚಮು ಜನಮು ತಂಡ್ರಿ ನಿಂಕಾ ಮಾಕಿ ಉಂಟಾ ಅಯಿನಾ ಆಜ್ಞಾ ಅನುಸಾರಮು ಆಯಿ ಸತ್ಯವಂತಲೂ ಆಯಿ ನಾಡಿಷೆದಾನಿ ಶೂಶಿ ಬಾಹಲ ಮಯಿ ಸಂತೋಷ ವುಳ್ಳ ಮೈನಾನು ಅಮ್ಮವಾಳ ನಾನು ಕೊತ್ತ ಅಜ್ಞಾನಿ ಮೀಕಿ . 5.ರಾಶಿಂದೆ ಮೊದಲನಿಂಕ ಮಾಕಿ ವಚ್ಚಿನ ಅಜ್ಞಾನಿ ರಾಶೆವಾಡು ಆಯಿ ನಾನು ಒಗ್ ಒಗ್ಲನಿ ಪ್ರಿತಿಚೆ ವಾಳು ಆಯಿದಾಮು ಅನಿನಿನ್ನಿ ಅಡಿಗಟ್ಟನು. 6.ದೇವುಡ ಅಜ್ಞಾಲ್ನಿ ಅನುಸರಿಸಿ ನಡಿಬಿಚ್ಚೆದೆ ಪ್ರೀತಿ ಪ್ರೀತಿಲ ನಡೆಯಲ ಅನ್ನೆದೆ ಮೀರು ಮೊದಲನಿಂಕ ಅಡಗಿನ ಅಪ್ಪಣೆ ಅಯಿಂದಿ ಮನುಷ್ಯಡು ಆಯಿ. ^{7 8} 7.ವಚ್ಚಿನ ಯೇಸು ಕ್ರಿಸ್ತುಡ್ನು ಒಪ್ಪುಗುನ್ನ ಉಂಡೆವಾಳೆ ಮೋಸಗಾರಲು ಅನೇಕ ಜನಮು ವಚ್ಚಿ ಲೋಕಮು ಲೋಗ ಅಯಿನಾಳು ಯೇಸುವುಡನಿ ಒಪ್ಪದಮು ಮೊಸಗಾರಲು ಕ್ರಿಸ್ತ ವಿರೋಧಲ್ನ ಆಯಿನಾಡು . 8.ಮಾಮು ಪ್ರಾಯಸಂ ಪಡಿ ಶೇಶಿ ವುಂಡೆ ಅಟ್ಲನಿ ಮೀರು ಕಳಸಗೊನ್ನ ಪೂರ್ವಾಪದಂನಿ ಒಂದೆ ಅಟ್ಗಾ ಜಾಗೃತ ಅಯಿಂಡ ರಿ. ^{9 10 11} 9.ಕ್ರಿಸ್ತುಡೂ ಉಪದೇಶಮುಲ ನೆಲೆಗೊಳ್ಳಗುನ್ನ ದಾನಿ ಅತ್ತಿ ಕ್ರಮಿಂಚಿ ಮುಂಡರಗಿ ಪಯೇವಾಡ ಗಿ ದೇವಡಾ ಅನ್ಯನ್ಯುತೆ ಲೇದು ಆ ಉಪದೆಶಮುಲ ನಿಲ್ನ್ಚಿ ವಾಡಗಿ. 10.ತಂಡ್ರಿ ಮಲ್ಲಿ ಕೊಡಕು ಅನ್ಯುನ್ಯೂತೆ ಉಂಟಾದಿ ಈ ಉಪದೇಶನಿಗಿ ಒಪ್ಪಗುನ್ನ ವಾಳಗಿ ಯೋಳಗಾಯಿನ ಮೀ ಅತ್ತಿರಗಿ ವಸ್ತೆ ವಾಡನಿ ಇ೦ಟ್ಲಲೋಗಕಿ ತೊಡಗನೀ ತೋಡಗೋದರಿ ವಾಡಗಿ ಶುಭಂ ಕನಿ ಅನಿ ಸೋಪದರಿ . 11.ವಾಡಗಿ ಶುಭಂ ಕನಿ ಅನಿ ಸೋಪ್ಪಿವಾಡು ವಾಡು ಶೇಡ ಇಟ್ಲಾ ಪಾಲುಗಾರುಡು ಅಯಿನಾಡು . ^{12 13} 12.ಮೀಕಿ ರಾಶೆದೀ ನೀಕಿ ಅನೇಕ ಸಂಗತಿಲೋ ಉನ್ನನ್ನು ಅವಟ್ಲಾನಿ ಮಸಿನಿಂಕ ಕಾಗದ ಮಿಂದ ರಾಸಿ ಸೋಪ್ಪೆದಾನಗಿ ನಾಕಿ ಮನಸ್ಸು ಲೇದು ನಾನು ಮೀ ಅತ್ತಿರಗಿ ವಚ್ಚಿ ಮೀ ಜೋತ್ಲ ಮುಕಮುಕಿ ಆಯಿ ಮಾಟ್ಲಾಡ್ತನು ಅನಿ ನಿರೀಕ್ಷಿಗಟ್ಟನು . 13.ಅಪ್ಪುಡು ಮೀ ಸಂತೋಷಮು ಪರಿಪೂರ್ಣ ಮಾಯಿ ದೇವುಡನಿ ಅರಿಬಿಗನಿನ ಮೀ ಅನ್ನದೊಂಬು ಲ ಬೀಡ್ಲ ಮೀಕಿ ವಂದನಲು ಸೋಪ್ತರು.