4
1
2
1. ಮುಂದ್ರ ದಿನುಮ್ಲ ಕೆಲವುಲು ವಂಚಿಸೆ ಅತ್ಲುಲ ನುಡಿಲ್ಕಿ ದೈಮುಲ ಭೋಧನೇಕಿ ಲಕ್ಷ್ಮ ಇಚ್ಚಿ ಕ್ರಿಸ್ತನ ನಂಬುಕು ಮಿಂಚ ಭ್ರಷ್ಟರುಳು ಅಯ್ತರನಿ ದೇವುಡಾ ತುಡು ಸೂಪ್ತಾಡು 2. ಸುಳ್ಳು ಬೋದಕುಲುವಚಿ ಸ್ವಂತಮು ಮನಸ್ತುಲ ಅಪರಾಧಿಲನೆ ರಾಸ್ಕೊಲಯಿರಿ
3
4
5
3. ವಾಳು ನೀತಿವಂತುಲನಿ ಸೂಬಿಚ್ಕೊನಿ ವಾಳ್ನಿ ಮರುಳುಮು ಸೇಸೆ ಪೆಂಡ್ಲಿ ಅವುಗುಡ್ದು ಅನಿ ಇಟ್ಟಿಟ್ಟೆ ಆಹಾರುಮುನಿ ತಿಯಗೂಡ್ಡು ಅನಿ ಸೋಪ್ತಾರು 4. ಯೋಳು ನಂಬೋಳಾಯಿ ಸತ್ಯುಮ್ನಿ ಗ್ರಹಿಸ್ನಾರೋ ವಾಳು ಕೃತಜ್ಞತ ಸ್ತುತಿಕ ಸೇಸಿ ತಿನ್ನೆದಾನಿಕಿ ದೇವುಡುನಾ ಸಕಲಮು ವಿದಮಾಯಿನ ಆಹಾರುಮು ಉಂಟು ಸೇಸೆ ವಾಡು ಸೇಸಿನ ಅನ್ನಿ ಮಂಚೆದೆ 5. ದೇವುಡು ಸ್ತೋತ್ರಮು ಸೇಸಿ ಸಿಸ್ಕೊನೆ ಪತ್ವುಮುಕಿ ಯಾವುದ್ನಿ ನಿಷೇದೇಮು ಅನಿ ಸೋಪ್ಪೆದಿ ಕಾದು ದೇವುಡ ವಾ ಕ್ಯಮುನಿ ಸೊಪ್ಪಿ ಪ್ರಾದಿಂಚೆದಾಂಟ್ಲಾ ಆದಿ ಪವಿತ್ರಮಾಯ್ತಾದಿ
6
7
8
6. ಈ ಸಂಗತುಲ್ನಿ ಸಹೋದುರುಲ್ನಿ ತಿಳ್ಬಿಂಚ್ಚಿ ಸೊಪ್ಪಿ ಅನುಸರಿಚ್ಚೆ ಕ್ರಿಸ್ತ ನಂಬುಕುಮು ಮಲ್ಲಿ ಸುಬೋಧಮುಲ ವಾಕ್ಯಮುಲ ಅಭ್ಯಾಸುಮು ಹೊಂದೊಳಾಯಿ ಕ್ರಿಸ್ತ ಯೇಸುಲ ಮಂಚಿ ಸೇವುಕುಡಯುಂಟಾವು 7. ಕೆಲುವು ಪ್ರಾಪಂಚಿಕುಮು ಕರ್ತುಲ್ನಿ ತಲ್ಲಿಡ್ಸಿ ನುವ್ವ ದೇವುಡು ಭಕ್ತಿಲ ವಿಷಯಮ್ಲ ಸಾಧನ್ಮು ಸೇಸ್ಕೋ 8. ದೇಶಮು ಸಾಧನಮು ಕೊಂಚ ಮುಟ್ಟುಮೂಕಿ ಪ್ರಯೋಜನುಮಾಯಿಂದಿ ಭಕ್ತಿಯಾಯೋ ಅನ್ನಿ ವಿದುಮುಲ ಪ್ರಯೋಜಮ್ ಆಯಿಂದಿ ದಾನಿಕಿ ಇಹ ಪರಲೋಕುಮುಲ ಜೂಡಿನ ವಾಗ್ದಾನುಮು ವುಂದಿ
9
10
9. ಈ ವಾಕ್ಯಮು ನುಬೇದಾಯಿ ಸರ್ವಾಂಗಿಕಾರುಮುಕಿ ಯೋಗ್ಯಮೈನ ಉಂಡಾದಿ 10. ದೀನ್ಕಾಯಿ ಮಾಮು ಕಷ್ಟಮು ಪಡ್ತಾಮು ಹೊರಾಡ್ತಾಮು ಎoದ್ಕoಟೆ ಅನ್ನಿ ಮನುಷ್ಯುಲ್ಕಿ ವಿಶೇಷ್ಮಾಯಿ ನಂಬೋಳಿಕಿ ರಕ್ಷಕುಡೈನ ಜೂಡುವುಂಡೆ ದೇವುಡು ಮಿಂಡ ಮಾಮು ನೀರಿಕ್ಷುಮುನಿ ಪೆಟ್ಕೋನ್ನಾಮು
11
12
13
11. ಈ ಸಂಗತಿಲುನಿ ಅಜ್ನಾವೆಯಲ ಮಲ್ಲಿ ಬೋಧಿಯಾಲ 12. ಯೌವನಸ್ತುಡನಿ ನಿನ್ನಿ ಅಸೇಡ್ದೆ ಸೇಸೆಕಿ ಯೋಳುಕಿ ಆವಕಾಶಮು ಈಕುನ್ನ ನಂಬೋಳ್ಕಿ ನಡ್ಸೆದಿ ಮಾಟ್ಲಾಡೆದಿ ಪ್ರೀತಿ ನಂಬುಕುಮು ಶುದ್ದತ್ಮು ಈ ಇವುಟ್ಲು ವಿಷಯಮುಲ ಸುವ್ವೆ ಮಾದರಿ ಆಯುಂಡು 13. ನಾನು ವಚ್ಚೆ ಗಂಟ ವೇದಮು ಪಾರಾಯಣಮುನಿ ಪ್ರಸಂಗುಮುನಿ ಉಪದೇಶುಮುನಿ ಸೇಸೇದಾಂಟಲ ಆಸತ್ತುದಾಯುಂಡು
14
15
16
14. ನೀಲ ವುಂಡೆ ವರಮುನಿ ಅಲಕ್ಶ್ಯಮ್ ಸೆಕುನ್ನ ಸಭೆನ ಪೆದ್ದೊಳು ಪ್ರವಾಧನುಮು ಸಾಹಿತ್ಮಾಯಿ ನಿಮಿಂದ ಹಸ್ತುಮುನಿ ಪೆಟ್ನಪ್ದು ಅದೀ ನೀಕಿ ಇಚ್ಚೆಂದೆಕದ 15. ಈ ಕಾರ್ಯಮುಲ್ಕಿ ಸಧಿಸ್ಕೊನೆದಾಂಟಲ ಆಸತ್ತುದಾಯುಂಡು ದೀನಿಂಚ ನೀ ಅಭಿವೃದ್ದಮು ಅಂದ್ರುಕು ಪ್ರಸೆದ್ದ್ಮ ಆಯ್ತಂದಿ 16. ನೀ ವಿಷಯುಮ್ಲ ನೀ ಉಪದೆಶ್ಮು ವಿಷಯುಮ್ಲ ಐಚ್ರುಗಾಯುoಡು ನುವ್ವು ಈ ಕಾರ್ಯಮುಲ ನಿರತುಡಾಯಂಡು ಇಟ್ಟುoಡೆದಾನಿಂಚ ನಿನ್ನಿ ನೀ ಉಪದೆಶ್ಮು ಇನೊಳ್ಳಿ ರಕ್ಷಿಸ್ತಾವು