1 ^{1 2} 1.ಮೀಮು ಮೀಕಿ ಪ್ರಸಿದ್ದಿಪದ್ಬಿಚ್ನಾ ಜೀಮುವಾಕ್ಯಾಮು ಆದಿನ್ನಿಂಕ ಉಂಡಿoದ್ದಿ.ಮಾಮು ದಾನ್ನಿ ಸೇವ್ವಾರೆ ಇನಿ ಕಂಡ್ಲಾಣೆ ಸೂಸಿ ಮಂಸುಪೆಟ್ಟಿ ಸೂಸಿ ಸೈನ್ನಿಂಕ ಮುಟ್ನಾಮು. 2.ಆ ಜೀಮು ಪ್ರತ್ಯಾಕ್ಷಂಆಯಾ;ತಂಡ್ರಿಯ ದೇಗ್ಗರುoಡಿ ಮಾಕಿ ಪ್ರತ್ಯಾಕ್ಷಂಮೈನ ಆ ನಿತ್ಯಾಜೀಮು ಮಾಮು ಸೂಸಿ ದಾನ್ನಿ ಕುರ್ಚಿ ಸಾಕ್ಷಿ ಸೊಪ್ಪಿ ದಾನ್ನಿ ಮೀಕಿ ಪ್ರಸಿದ್ದಂಪೋಡ್ಬಿಸ್ತಾನು. ^{3 4} 3.ಮಾಮು ಸೂಸಿ ಇನಿಂದ್ದಿ ಮೀಕು ಗೊತ್ತಾಯಿ ಮಾಕುಂಡ ಅನ್ಯೋನತೇಲಾ ಮೀಳು ಸೇರಾಲನಿ ದಾನ್ನಿ ಮೀಕಿ ಪ್ರಸಿದ್ದಂಪೋಡ್ಬಿಸ್ತಾಮು ಮಾಕುನ್ನ ಅನ್ಯೋನಂತೆಲಾ ತಂಡ್ರಿಯ ಸಂಗಡಲು ಆತುಡ ಕೊಡ್ಕೈನಾ ಯೇಸುಕ್ರೀಸ್ತುಡ ಸಂಗಡoಲಾಮು ಉಂಡಅಟ್ಟದಿ. 4.ಮಾ ಭಯಂತರಂ ಸಂತೋಷಂಮು ಪರಿಪೂರ್ಣಂಕಾವಾಲನಿ ಮಾಮು ಈ ಮಾಟಲ್ನಿ ರಾಸ್ತಾನು. ^{5 6 7} 5.ಮಾಮು ಆತುಡ್ನಿಂಕ ಇನಿ ಮೀಕಿ ತಿಲ್ಬಿಚ್ಚ ವಾರ್ತೆಯಾವುದಂಟ್ಟೆ ದೇವುಡು ಎಲ್ಗುಆಯ್ನಾಡು;ಮಲಿ ಆತುಡ್ಲಾ ಎಂತ ಮಾತ್ರಾಮು ಸೀಗ್ಟಿಲೇದು ಅನ್ನೆದೆ. 6.ಮಾಮು ದೇವುಡ ಸಂಗಡಂ ಅನ್ಯೋನತೆಉಳ್ಳವಾಳೈನಾಮುಅನಿ ಸೊಪ್ಪಿ ಸೀಗ್ಟಿಲಾ ನಡುಸ್ತೆ ಸುಳ್ಳಡೆವಾಲೈನಾಮು,ಸತ್ಯಾಮ್ನಿಅನುಸರಿಚ್ಚವಾಳುಕಾದು. 7.ಆಯ್ತೆ ಆತುಡು ಎಲ್ಗುಲಾಉಂಡಟ್ಟೆ ಮಾಮು ಎಲ್ಗುಲಾ ನಡ್ಸ್ತೆ ಮಾಮು ಒಕ್ಕಡಸಂಗಡಲೋಕ್ಕಳು ಅನ್ಯೋನತೇಲಉಂಡಮು,ಮಲಿ ಆತುಡ ಕೊಡ್ಕೈನಾ ಯೇಸುನಾ ರಕ್ತಮು ಸಕಲಪಾಪಾಲ್ನಿ ನಿವಾರಣಂಸೇಸಿ ಮಮ್ಮಲ್ನಿ ಶುದ್ದಿಸೇಸ್ತಾದಿ. ^{8 9 10} 8.ಮಾಲಾ ಪಾಪಂಲೇದು ಅನಿ ಮಾಮು ಸೋಪ್ತೆ ಮಮ್ಮಲ್ನಿ ಮಾನ್ಮೆ ಮೋಸಂಪೋಡ್ಬಿಸ್ತಾಮು,ಮಲಿ ಸತ್ಯಂಅನೇದಿ ಮಾಲಲೇದು. 9.ಮಾ ಪಾಪಾಲ್ನಿ ಒಪ್ಗಾನಿ ಆರ್ಕೆಸೇಸ್ತೆ ಆತುಡು ನಂಬಿಗಸ್ತುಡು ನೀತಿವಂತೂಡು ಆಯ್ದಗಾನ್ನಿಂಕ ಮಾ ಪಾಪಾಲ್ನಿ ಕ್ಷಮ್ಸಿಉಡ್ಸಿ ಸಕಲಂ ಅನೀತಿನ್ನಿ ಪರಿಹರ್ಬಿಚ್ಚಿ ಮಮ್ಮಲ್ನಿ ಶುದ್ದಿಸೇಸ್ತಾಡು. 10.ಮಾಮು ಸೇಯ್ಳೆದುಅನಿ ಸೋಪ್ತೆ ಆತುಡ್ನಿ ಸುಳ್ಳುಗಾರುಡೈ ಸೇಸ್ತಾಮು ಮಲಿ ಆತುಡ ವಾಕ್ಯಾಮು ಮಾಲಾಲೇದು.