19 ¹ ಇದಅಮೇಕಿಂದ ಪರಲೊಕಮ್ಲಾ ಪೇದ್ದ ಗು೦ಪುಲಾ ಮಹಾ ಶಬ್ಧಮೂ ಅನೆ ಒ೦ಕ್ಟಿ ಶಬ್ಧಾ ಇನೀ . ವಾಳ್ - ಹಲ್ಲೇಲೂಯಾ . ² ಜಯಮೂ ಪ್ರಭಾವಮೂ ಶಕ್ತಿಮೂ ಮಾ ದೇವುಡುಲಾ ಉ೦ಡೆ ; ಆತಡು ನ್ಯಾಯತೀರ್ಪಮೂ ಸತ್ಯಮೂ ನ್ಯಾಯಮೂ ಅಯೀನಾವೀ , ತಾನ್ ಜಾರತ್ವನೀ ಭೂಲೋಕಮೂಲ ಕೆಡ್ಪತದೀ ಆ ಮಹಾ ಜಾರಸ್ತ್ರಿಕ್ಕಿ ಆತುಡು ನ್ಯಾಯಮೂ ತೀರ್ಪುಚದಕ್ಕಿ ಅದೀ ಅತುಡುನೀ ಸೇವಕಲ್ನೀ ಸೇಪ್ಪೆದಾಂಕಿ ದಾನ್ಕಿ ಪ್ರತಿದ೦ಡನೆನೀ ಸೆಸ್ನಾಡು ³ ಅನೀ ಸೂಪೇ ರೋಡ್ನೇ ಸಾರಿ - ಹಲ್ಲೇಲೂಯಾ ಅನೀ ಅರ್ಭಟಿಚ್ಚ - ದಾನ್ ದಹನಮೂ ಉ೦ಟಯೈ ಪಾಗ್ಗ ಯುಗಯುಗಾ೦ತರಲಾ ಏರಿಪತದೀ ಅನೀ ಸೂಪೇ . ⁴ ಅಪುಡು ಇವ್ಯೀನಾಲ್ಕು ಮ೦ದಿ ಹಿರಿಲು ಆ ನಾಲ್ಕೂ ಜೀವಿಲು ಅಡ್ಡಮೂ ಪಾಡಿ ಸಿ೦ಹಾಸನಮೂ ಮೀದ ಕುಚ್ಕ ವುಂಡ ದೇವುಡುಕ್ಕಿ ನಮಸ್ಕಾರಮೂ ಸೇಸೀ - ಆಮೇನ್ ; ಹಲ್ಲೇಲೂಯಾ , ಅನ್ಲೀ . ⁵ ಆಮೀದ ಸಿ೦ಹಾಸನಮೂ ಕೊನೆಯಿಂಚ್ಚ ವಚ್ನಾಟ್ಟ ಒಂಕ್ಕ ಶಬ್ಧಮೂ - ದೇವುಡು ದಾಸರೆಲ್ , ದೇವುಡುಕ್ಕಿ ಭಯಮ್ ಪಡೆ ಹಿರಿಕಿರಿಯೂಲಾ ಮಾ ದೇವುಡುನೀ ಕೊ೦ಡಾ೦ಡ್ರಿ ಅನೀ ಸೋಪ್ಪೆ . ⁶ ತರುವಾಯಮೂ ಜನಲು ಪೇದ್ದ ಗು೦ಪಿನೀಚ ಶಬ್ಧಮ್ ರೀತಿ ಜಲಪ್ರವಾಹಮೂ ಘೋಷಮೀಚ ಗಟ್ಟಿಯೈನಾ ಗುಡುಗಿ ಶಬ್ಧಮೂ ರೀತಿಲಾ ಉ೦ಡ ಒ೦ಕ್ಟಿ ಶಬ್ಧಮೂನೀ ಇ೦ಟೀ. ⁷ ಅದೀ ಹಲ್ಲೇಲೂಯಾ ; ಸರ್ವಶಕ್ತಡು ಐನಾ ಮಾ ದೇವುಡು ಕರ್ತುಡು ಆಳ್ತಾಡು ; ಯಜ್ಞದ ಕುರೀಯಾದಾತುಡ ವಿವಾಹಮೂ ಕಾಲಮೂ ವಾಚ್ಚಿ ; ಆತಡು ವಿವಾಹಮ್ ಐಯ್ಯೆ ಕನ್ಯೆ ತನೀ ಸಿದ್ದಮ್ ಸೇಸ್ಕೊನುಂಡಾದೀ ; ಸ೦ತೊಷಮೂ ಪಡ್ದಾಮೂ , ಹರ್ಷಮೂ ಪಾಡ್ದಾಮೂ , ಆತನುಡ್ನೀ ಘನ ಪಡಿಸ್ದಾಮೂ ಅನೀ ಸೋಪ್ಪೆ . ⁸ ನಿರ್ಮಲಮೂ ಐನಾ ನಯಮೈನಾ ನಾರುಮಡಿನೀ ಧರಿಚ್ಚದಕ್ಕಿ ಆಕೆಕೀ ಅನುಗ್ರಹಮ್ ಐಯು೦ಡೆ . ಆ ನಾರುಮಡಿ ಅಂಟ್ಟೆ ದೇವಜನಲೂ ಸತ್ಕಾರ್ಯಲೇ . ⁹ ಕಾಕುಂಡ ವಾಡ್ ನಾ ತೋಡು ಮಾಟಡಿನ್ದಾಕಿ - ಯಜ್ಞದ ಕುರೀಯಾದಾತುಡು ವಿವಾಹಮೂ ಔತಣಕ್ಕಿ ಪಿಲೀಬಿಚ್ಕನೀ ಉ೦ಡೋಳು ಧನ್ಯಲು . ಅನೀ ರಾಯ್ಯಿ ಅನೀ ನಾಕಿ ಸೊಪ್ಪಿ - ಈ ಮಾಟ್ಲೂ ದೇವುಡು ಸತ್ಯವಚನಲ್ ಐನಾವೀ ಅನೇ . ¹⁰ ಅಪ್ಡು ನಾನು ವಾಡ್ಕಿ ನಮಸ್ಕಾರಮೂ ಸೇಯ್ಯಲ ಅನೀ ವಾಡ್ ಪಾದಮೂ ಮುದ್ರ ಪೋಡ್ನಾಪ್ದು ವಾಡ್ - ಸೇಯದು ಸೂಡಿ , ನಾನು ನಿಕ್ಕಿ ದೇವುಡು ವಿಷಯಮೂ ಸಾಕ್ಷಿನೀ ಸೋಪ್ಪುಂಡ ನೀ ಸಹೋದುರುಡು ಜೋತೆಕ್ಕಿ ದಾಸುಡ್ ಐನಾನು ; ದೆವುಡ್ಕಿ ನಮಸ್ಕಾರಮೂ ಸೇಯೀ ಅನೀ . ದೇವುಡು ವಿಷಯಮೈನಾ ಸಾಕ್ಷಿ ಪ್ರವಾದನೆ ಆತ್ಮಡು. ¹¹ ಪರಲೋಕಮೂ ಸೀಸ್ ಉಂಡೆದಾನ್ನಿ ನಾನು ಸೂಸ್ತಿ . ಅಪುಡು ಇಗೋ , ಬಿಳೀ ಕುದುರೆಲಾ ನಾಕ್ಕಿ ಕಾಮಡಿಚ್ಚೆ ; ದಾನ್ ಮೀದ ಕುಚ್ಚೋವು೦ಡೋಡು ನ೦ಬಿಗಸ್ತಡು , ¹² ಸತ್ಯವ೦ತೂಡು ಅನೀ ಪೇರು . ಆತಡು ನೀತಿಯೀ೦ಚ ನ್ಯಾಯನೀ ವಿಚಾರಿಸ್ತಾಡು , ನೀತಿಯಿಂಚ ಯುದ್ಧಮೂ ಸೇಸ್ತಾಡು ; ಆತಡು ಕಣ್ಣುಲು ಆಗ್ಗಿ ರೀತಿ ಉರಿಸ್ತಉ೦ಡೆ ; ಆತಡು ತಲ್ಕಯೀ ಮೀದ ಅನೇಕಮೂ ಮಕುಟ ಉ೦ಡೆ ; ಆತಡುಕ್ಕಿ ಒ೦ಕಟೀ ಪೆರು ರಾಸೀ ಯೀಚಿದೀ , ಅದೀ ಆತಡುಕ್ಕಿ ಮಾತ್ರಮೂ ಮತ್ಯೋಲ್ಕಿ ಗೊತ್ಲೇದು . ¹³ ಆತಡು ರಕ್ತಪ್ರೋಕ್ಷಿತಮೈನಾ ವಸ್ತ್ರನೀ ಧರಿಚ್ಕನ್ ಉ೦ಡೆ. ಆತಡುಕ್ಕಿ ದೇವುಡು ವಾಕ್ಯಮೂ ಅನೀ ಪೇರು . ¹⁴ ಪರಲೊಕಮೂಲ ಸೈನ್ಯದುಲು ಶುಭ್ರಮೈ ನಿರ್ಮಲಮೈ ಉ೦ಡ ನಯಮೈ ನಾರುಮಡಿನೀ ಧರಿಚ್ಚಿ ಬಿಳೀ ಕುದುರೆಲಾ ಮೀ೦ದ ಯಕ್ಕಿ ಆತುಡ ಯಂಕ ವಾಸ್ತವುಡ್ಲಿ . ¹⁵ ಜನಾ೦ಗಮೂಲ್ನೀ ಕೊಟಿದಕ್ಕೀ ಹದಮೈನಾ ಕತ್ತಿನೀ ಆತಡು ನುಟ್ಯೀಚ ವಾಸ್ತದೀ . ಆತಡು ವಾಲ್ನೀ ಕಬ್ಬುಣ್ನೀಚ ಕೋಲಿನೀಚ ಆಲ್ತಲು . ಆತಡು ಸರ್ವಶಕ್ತಡುಮೈನಾ ದೇವುಡು ಉಗ್ರ ಕೋಪಮೂಮೀಚ ದ್ರಾಕ್ಷೆ ತೊಟ್ಟಲಾ ಉ೦ಡೆದೆಲ್ಲಾನೀ ತೊಕ್ತಾಡು . ¹⁶ ಆತಡು ತೊಡೆಮೂ ಪೈನಾ ವಸ್ತ್ರಮೂಲ - ರಾಜಾಧಿರಾಜಡು ಕರ್ತುಡ ಕರ್ತುಡು ಅನೀ ಪೇರು ರಾಸೀದೀ . ¹⁷ ಆ ಮೀ೦ದ ಒ೦ಕಡು ದೇವದೂತಡುನೀ ಸೂರ್ಯಮೂಲಾ ನಿಲ್ಚಕನೀ ಉ೦ಡದೀ ಸೂಸ್ತಿ . ವಾಡ್ ಮಹಾ ಶಬ್ಧಮೀಚ ಕುಸ್ಕನೀ ಆಕಾಶಮೂಲಾ ಹಾರಾಡುವ ಅನೀ ಪಕ್ಷಿನೀ - ರಾರ್ರಿ , ದೇವುಡು ಸೇಸ್ಸ ಮಹಾಭೋಜನಮೂನೀ ಕೂಡಿರಾರ್ರಿ , ರಾಜಡು ಮಾ೦ಸನೀ ಸಹಸ್ರಾಧಿಪತಿಲ್ಕ್ಕಿ ¹⁸ ಮಾ೦ಸನೀ ಪರಾಕ್ರಮಶಾಲಿ ಮಾ೦ಸನೀ ಕುದುರೆಲಾ ಮಾ೦ಸನೀ ರಾಹುತಲಾ ಮಾ೦ಸನೀ , ಸ್ವತ೦ತ್ರಯಲು ದಾಸಲು ಪೆದೂಲು ಸನ್ನುಲು ಅದ್ರು ಮಾ೦ಸನೀ ತಿನ್ನದಕ್ಕಿ ರಾರ್ರಿ ಅನೀ ಸೂಪೇ . ¹⁹ - ತರುವಾಯಮೂ ಆ ಮೂದಲ್ಲೂ ಮೃಗಮೂ ಭೂರಾಜಲು ವಾಳ್ ಸೈನ್ಯಲು ಆ ಕುದುರೆ ಮೀ೦ದ ಕುಚ್ಕಉ೦ಡೋಡ ಮೀ೦ದನೂ ಆತುಡು ಸೈನ್ಯಮೂ ಯುದ್ಧಮೂ ಸೇಸದ೦ಕ್ಕಿ ಕೂಡಿ ವಾಚುಲ್ನೀ ಸೂಸ್ತಿ . ²⁰ - ಅಪ್ಡು ಮೃಗಮೂ ಸೆರೆ ಪಡೆ ; ಇದೀ ಕಕುಡ ಮೃಗಮೂ ಮುದ್ರ್ ಮಹತ್ಕಾರ್ಯಲ್ನೀ ಸೇಸೀ ಮೃಗದೀ ಗುರುತುನೀ ಯೆಬಿಚ್ಕೋ ವುಂಡೊಲ್ನಿ ದಾನ್ ವಿಗ್ರಹಕ್ಕಿ ನಮಸ್ಕಾರರಿಚ್ಚಿ ಮರುಳುಗೊಳಿಚ್ಚಿ ಆ ಸುಳ್ಳು ಪ್ರವಾದಿನೀ ದಾನ್ ಜೋತ್ ಸೆರೆ ಸೀಕನೇ .ವುಳ್ಇದ್ರಲು ಜೀವಸಹಿತರೈ ಗ೦ಧಕಲು ಉರಿಚಟ್ಟ ಆಗ್ಗಿ ಕವಲ್ಕ್ಕಿ ಹಾಕಲ್ಪಡ್ಲೀ ²¹ ಆ ಕುದುರೆ ಮೀ೦ದ ಕುಚ್ಕ ಉ೦ಡುಡು ನೋರಿ೦ಚ್ಚ ವಾಚ್ನಾಟ್ಟ ಕತ್ತಿಯೀ೦ಚ ಹತಲೈಲೀ ; ಮಳೀ ಹಕ್ಕಿಲು ವಾಳ್ ಮಾ೦ಸನೀ ಕೊಡಪು ನೀ೦ಡ ತೀನೀ .