13
1
ಯೇಸು ದೇವುಡು ಆಲಯುಮ್ನಿ ಇಡ್ಸಿ ಪಾತ ವುಣ್ಣಪ್ಡು ವಾಳ್ ಶಿಷ್ಯುಲ್ಲಾ ಒಕ್ಡು ಯೇಸುಕಿ ಗುರುಲಾ , ಸೂಡಿ ಎಟ್ಟೆ ರಾಯ್ಲು | ಎಟ್ಟೆ ಕಟ್ಟಣ್ಮುಲು | ಅನಿ ಸೊಪ್ಪೆ .
2
ಯೇಸು- ಈ ಪೆದ್ ಕಟ್ಟಣ್ಮುಲ್ನಿ ಸೂಸ್ತಾವಾ ? ಈನ ರಾಯ್ಮಿಂದ ರಾಯಿ ಉಳ್ಸೆಟ್ಲೆದು , ಅನ್ನೀ ಪಡ್ತಾವಿ ಅನೆ .
3
ಆಮಿಂದ ಯೇಸು ಅಂದ್ಮು ಮಾನ್ಲು ಗುಡ್ಡುಮಿಂದ ದೇವುಡು ಆಲಯುಮ್ಕಿ ಎದ್ರಾಯಿ ಕುಚ್ಚೋನುಂಡ್ನಪ್ಡು ಪೇತ್ರುಡು ಯಾಕೋಬುಡು ಯೋಹಾನುಡ ಅಂದ್ರೆಯುಡು ವೂಳು
4
ಆದಿ ಎಪ್ಡು ಆಯೇದಿ ? ಅದಂತ ನೆರ್ವೇರೆಕಿ ವುಂಡೆನಪ್ಡು ಯಾವ್ ಸೂಚನ್ಮು ಸೂಪ್ತಾದಿ ? ಮಾಕಿ ಸೊಪ್ಪು ಅನಿ ವಾಡ್ನಿ ಪ್ರತ್ಯೇಕ್ಮಾಯಿ ಅಡ್ಗೇಕಿ ಯೇಸು ವಾಳ್ಕಿ ಸೊಪ್ಪಿನ್ದೆಮoಟೆ -
5
ಯೋಳಾರ ಮಿಮ್ಮುಳ್ನಿ ಮೋಸ್ಮು ಗೊಳಿಚ್ಚೋಳು ಸೂಸ್ಕೊಂಡ್ರಿ .
6
ಅನೇಕ್ಲು ವಚ್ಚಿ ನಾ ಪೇರ್ನಿ ಎತ್ಕೋನಿ - ನಾನು ಕ್ರಿಸ್ತುಡು , ನಾನು ಕ್ರಿಸ್ತುಡು ಅನಿ ಸೊಪ್ಪಿ ಎನ್ನೋ ಜನಲ್ನಿ ಮೋಸ್ಮು ಗೊಳಿಚ್ಚೋಳು .
7
ಇದ್ಕಾಕುನ್ನ ಯುದ್ಧಾಲುಅಯೇದ್ನಿ ಯುದ್ಧ್ಮು ಆಯೇ ಅಟ್ಗವುಂಡಾದಿ ಅನೆ ಸುದ್ದಿನಿ ಮೀರು ಇನೆ ನಪ್ಡು ಕಳ್ವಳ್ಮು ಪಡೋದಂಡ್ರಿ . ಅಟ್ಟಾಯೇದಿ ಅಗತ್ಯುಮು , ಆಯ್ತೆನು ಇದಿ ಇಂಕ ಅಂತ್ಯುಮು ಕಾಲ್ಮು ಕಾದು .
8
ಜನಲ್ಕಿ ವಿರೋಧ್ಮಾಯಿ ಜನಲು ರಾಜ್ಯಂಕಿ ವಿರೋಧ್ಮಾಯಿ ರಾಜ್ಯಾಲು ಲೇಸ್ತಾವಿ , ಮಲಿ ಭೂಕಂಪಾಲು ಆನಾನ ಆಯ್ತಾವಿ , ಬರಾಲು ವಸ್ತಾವಿ , ಇವಂತ ಕೊತ್ ಕಾಲ್ಮು ಪುಟ್ಟೇ ಪ್ರಸವ್ಮು ವೇಧನ್ಮು ಪ್ರಾರಂಭುಮು .
9
ಆಯ್ತೆ ಮೀ ವಿಷಯುಮ್ಲ ಸೂಸ್ಕೊಂಡ್ರಿ . ಮಿಮ್ಮುಲ್ನಿ ನ್ಯಾಯ್ಮುವಿಚಾರಣ್ಮು ಸಭೇಲ್ಕಿ ಎಳ್ಸ್ಕೋನಿ ಪಾತಾರು , ಸಭಾಮಂದಿರ್ಮುಲ ಮಿಮ್ಮುಲ್ನಿ ಕೊಡ್ತಾರು , ನಾ ನಿಮಿತ್ಮಾಯಿ ಮಿಮ್ಮುಲ್ನಿ ಅಧಿಪತಿಲು ಮುಂದ್ರಾನು ಅರಸುಲು ಮುಂದ್ರಾನು ಸಾಕ್ಷಿಲಾಯಿ ನಿಲ್ಪಡಿಸ್ತಾರು .
10
ಇಟ್ಟ ವಾಳ್ಕಿ ಸಾಕ್ಷಿ ಆಯ್ತಾದಿ . ಮೊದ್ಲು ಅನ್ನೀ ಜನಾಂಗ್ಮುಕಿ ಸುವಾರ್ತುಮು ಸಾರಲ್ಪಡಾಲ .
11
ಮಿಮ್ಮುಲ್ನಿ ಪಟ್ಕೋನಿ ಪಾಯಿ ಒಪ್ಪಿಚ್ಚೆನಪ್ಡು ಏಮಿ ಸೊಪ್ಪಾಲ ಅನಿ ಮುಂಚಿತ್ಮಾಯಿ ಚಿಂತಸೇಯದಂಡ್ರಿ , ಆ ಗಲ್ಗುಲ ಮೀಕಿ ಸೂಚನ್ಮು ಆಯೇ ಅಟ್ಟ ಮಾಟ್ನೆ ಆಡನ್ಡ್ರಿ , ಮಾಟ್ಲಾಡೋಳು ಮೀರ್ಕಾದು , ಪವಿತ್ರಾಥ್ಮುಡೇ .
12
ಇದ್ಕಾಕುನ್ನಾ ಅನ್ನ ತೊಂಬುಡ್ನಿ ತಂಡ್ರಿ ಕೊಡ್ಕ್ನಿ ಮರಣಂಕಿ ಒಪ್ಪಿಸ್ತಾರು . ಬಿಡ್ಳು ಪುಟ್ಟಿಚ್ನೋಳು ಮಿಂದ ತಿರ್ಗಿಪಡಿ ವಾಳ್ನಿ ಸೊಂಪಿಸ್ತಾಲು .
13
ಮಲಿ ನಾ ಪೇರ್ ನಿಮಿತ್ಮಾಯಿ ಮಿಮ್ಮುಲ್ನಿ ಅಂದ್ರೂ ಪಗ ಸೇಸ್ತಾರು . ಆಯ್ತೆ ಕಡೆಗಂಟ ತಾಳೋಡು ರಕ್ಷಣ್ಮು ಹೊಂದ್ತಾಡು .
14
ಇದ್ಕಾಕುನ್ನ ಪಾಡ್ಸೇಸೆ ಅಸಹ್ಯುಮು ವಸ್ತುಮು ನಿಲ್ಪಡ್ಲೇನಿನ ಸ್ಥಳ್ಮುಲ ನಿಲ್ಪಡುನ್ಡೇದ್ನಿ ಮೀರು ಕನೆನಪ್ಡು ದೀನ್ನೀ ಓದೋಡು ತಿಳ್ಚ್ಕೊನ್ನಿ ಯೂದಾಯ್ಮುಲವುಂಡೋಳು ಬೆಟ್ಟಲ್ಕಿ ಪರ್ಪೋನಿ
15
.
16
ಮಾಳಿಗ್ಮುಮಿಂದ ವುಂಡೋಡು ವಾಡ್ ಇಂಟ್ನೋನಿಂಚ ಏಮಾರ ಸೀಸ್ಕೊನೆ ದಾನ್ಕಿ ದಿಗ್ಕುಣ್ಣ ನೋನ್ಕಿ ಪೋಕುಣ್ಣ ಸೇನ್ಲವುಂಡೋಡು ತನ್ ಹೊದಿಕೆನಿ ಸೀಸ್ಕೊನೆದಾನ್ಕಿ ಎನ್ಕಿಕಿತಿರ್ಗಿ ರಾಕುಣ್ಣ ಪರ್ಪೋನಿ .
17
ಆಯ್ತೆ ಆ ದಿನಾಲ್ಲಾ ನಿನ್ಮನ್ಸ್ಳುಕಿ ಮೊಲೆಕೂಸ್ಲಿಕಿ ಆಡ್ದುಕಿ ಆಯೇ ಕಷ್ಟುಮ್ನಿ ಏಮಿ ಸೊಪ್ಪುದ್ನು |
18
19
ಆ ದಿವಸಾಲು ಸಂಕಟ್ಮು ದಿನ್ಮುಲು ಆಯುಂಡೆದಾನ್ನಿಂಚ ಇದಂತ ಚಳಿಗಾಲ್ಮುಲ ಆವ್ಗುಡ್ದನಿ ಪ್ರಾರ್ಥ್ನುಮು ಸೇಯಂಡ್ರಿ , ಅಟ್ಟೆ ಸಂಕಟ್ಮು ದೇವುಡು ಸೇಸಿನ ಸೃಷ್ಟಿ ಮೊದ್ಲುಗೋನಿ ಇಪ್ಡುಗಂಟ ಆವ್ಲೇದು , ಇನ್ಕ್ಮಿಂದನು ಆಯೇಟ್ಲೆದು .
20
ಕರ್ತುಡು ಆ ದಿನಾಲ್ನಿ ತಕ್ವಸೇಸುಂಡ್ಪಾತೆ ಓಕ್ ನರಪ್ರಾಣಿಯಾಯ್ತೆನು ಉಳ್ಸೆಟ್ಲೇ , ಆಯ್ತೆ ತಾನು ಆರ್ಪ್ನೋಳ್ಕೊಸ್ಕರ್ಮು ಆ ದಿನಾಲ್ನಿ ತಕ್ವ ಸೇಸ್ನಾಡು .
21
22
ಅಪ್ಡು ಯೋಳಾರ ಮೀಕಿ - ಇಗೋ ಕ್ರಿಸ್ತುಡು ಈನುಂಡಾಡು , ಅಗೋ ಆನುಂಡಾಡು ಅನಿ ಸೊಪ್ತೆ ನಂಬೋದಂಡ್ರಿ , ಸುಳ್ಳು ಕ್ರಿಸ್ತುಲು ಸುಳ್ಳು ಪ್ರವಾದಿಲು ಲೇಸಿ ಸಾದ್ಯುಮಾಯ್ತೆ ದೇವುಡಾರ್ಪಿಕೊನೋಳ್ನಿ ಮೋಸ್ಮುಗೊಳಿಚ್ಚೆಕೋಸ್ಕರ್ಮು ಸೂಚಕ್ಮು ಕಾರ್ಯಲ್ನಿ ಅಧ್ಭುತ್ಮು ಕಾರ್ಯಲ್ನಿ ಸೇಸಿ ಸೂಪ್ತಾರು .
23
23 ಮೀರಂತು ಸೂಸ್ಕೊಂಡ್ರಿ , ಮೀಕಿ ಅಂತಾನು ಮುಂದ್ರಾಯಿ ಸೊಪ್ನಾನು .
24
25
ಇದ್ಕಾಕುನ್ನ ಆ ದಿನುಮ್ಲ ಆ ಸಂಕಟ್ಮು ತೀರಿನ್ಮಿಂದ ಸೂರ್ಯುಡು ಸೀಕ್ಟಾಯಿ ಪಾತಾಡು , ಚಂದ್ರುಡು ಎಲ್ಗು ಇಯ್ಕುಣ್ಣ ವುಂಟಾಡು , ನಕ್ಷತ್ರಾಲು ಆಕಾಶ್ಮಿಂಚ ಉದ್ರುತಾವುಂಟಾವಿ , ಆಕಾಶ್ಮುಲವುಂಡೆ ಶಕ್ತಿಲು ಕದ್ಲುತಾವಿ .
26
ಅಪ್ಡು ಮನುಷ್ಯು ಕುಮಾರುಡು ಬಹು ಬಲ್ಮಿಂಚಾನು ಮಹಿಮೆಯಿಂಚಾನು ಮೆಘಾಲ್ಲಾ ವಚ್ಚೆದ್ನಿ ಕಂಟಾರು .
27
ಮಲಿ ಯೇಸು ತನ್ ದೂತುಲ್ನಿ ಅಂಪಿಚ್ಚಿ ತಾನು ಆರ್ಪಿಕೊನುಂಡೋಳ್ನಿ ಭೂಮಿ ಕಟ್ಟಕಡೆಯಿಂಚ ಆಕಾಶ್ಮಿನ ಕಟ್ಟ ಕಡೆ ಗಂಟ ನಾಲ್ಗು ದಿಕ್ಕುಲಿಂಚ ಒಟ್ಟು ಗೂಡಿಸ್ತಾಡು .
28
ಅಂಜೂರ್ಮು ಮಾನು ದುಷ್ಟಾನ್ತ್ಮುಯಿಂಚ ಬುದ್ದಿ ನೇರಿಯoಡ್ರಿ , ದಾನ್ ಕೊಂಬೆ ಇಂಕ ಮ್ಯಾತಿದಾಯುಂಡಿ ಹಾಕ್ ಇಡ್ಸೆನಪ್ಡು ಬೇಸಿಗ್ಮು ಹತ್ರುಮಾಯೇ ಅನಿ ತಿಳ್ಚ್ಕೊಂಟಾರೆ ,
29
ಅಟ್ಟೆನೆ ಮೀರು ಸಹ್ಮು ಇದಂತ ಆಯೆದಾನ್ನಿ ಸೂಸೆನಪ್ಡು ಹತ್ರುಮ್ಲವುಂಡಾದಿ , ವಾಕ್ಲುಲಾನೆ ವುಂಡಾದಿ ಅನಿ ತಿಲ್ಚ್ಕೊನ್ರಿ .
30
ಇದಂತ ಆಯೇ ಗಂಟ ಈ ಸಂತಿತಿ ಅಳ್ಸಿಪಾಯೇಕೆ ಲೇದು ಅನಿ ಮೀಕಿ ಸತ್ಯುಮಾಯಿ ಸೊಪ್ತಾನು .
31
ಭೂಮಿ ಆಕಾಶ್ಮು ಅಳ್ಸಿಪಾತಾವಿ ಆಯ್ತೆ ನಾ ಮಾಟ್ಳು ಅಳ್ಸಿಪಾಯೇಕೆ ಲೇದು .
32
ಇದ್ಕಾಕುನ್ನ ಆ ದಿನ್ಮು ವಿಷಯ್ಮಾವ್ನಿ ಆ ಗಳಿಗ್ಮು ವಿಷಯ್ಮಾವ್ನಿ ನಾ ತಂಡ್ರಿಕಿ ತಿಲ್ಸ್ತಾದೆ ಹೊರ್ತು ಇಂಕ್ಯೋಳ್ಕು ತಿಳ್ಚೆಟ್ಲೇ , ಪರ್ಲೋಕ್ಮುಲವುಂಡೆ ದೂತುಲ್ಕು ತಿಳ್ಚೆಟ್ಲೆ , ಕೊಡ್ಕುಕು ತಿಳ್ಚೆಟ್ಲೆ .
33
ಆ ಕಾಲ್ಮು ಎಪ್ಡು ವಸ್ತಾದೋ ಮೀಕಿ ಗೊತ್ಲೇದು ದಾನ್ನಿಂಚ ಸೂಸ್ಕೊಂಡ್ರಿ , ಜಾಗರುಕರಾಯುಂಡ೦ಡ್ರಿ .
34
ಓಕ್ ಮನುಷ್ಯುಡು ತನ್ ಇಂಟ್ನಿ ಇಡ್ಸಿ ಬೇರೊಕ್ಟಿ ದೇಶುಮ್ಕಿ ಪಾಯೇನಪ್ಡು ತನ್ ಆಳುಲ್ಕಿ ಇಂಟ್ ಆಡಳಿತ್ಮುನಿ ಒಪ್ಪಿಚ್ಚಿ ಇಚ್ಚಿ ಒಕ್ಕೊಕ್ಡಿಕಿ ವಾಡ್ ವಾಡ್ ಕೆಲ್ಸುಮ್ನಿ ನೇಮಿಚ್ಚಿ ವಾಕ್ಲಿನಿ ಕಾಸೆವಾಡ್ನಿ ಪಿಲ್ಚಿ - ನುವ್ವ ಎಚ್ರುಮಾಯುಂಡಾಲನಿ ಅಪ್ಪಣ್ಮು ಇಚ್ಛೆ ಮಾಟ ಪ್ರಕಾರ್ಮು ನಾನು ಮೀಕಿ ಅಪ್ಪಣೆನಿ ಇಸ್ತಾನು .
35
36
ಇಂಟ್ ಯಜ್ಮಾನುಡು ಮಾಟಾಲೊ ಸರುಪೊದ್ಲಾನೋ ಕೋಡಿ ಕೂಸೆನಪ್ಡೋ ಮುಂಜಾನ್ಮುಲಾನೋ ಎಪ್ಡು ವಸ್ತಾಡೋ ಮೀಕಿ ಗೊತ್ಲೇನಿನ ಕಾರ್ಣುಮಿಂಚ ಎಚ್ರುಮಾಯುಂಡoಡ್ರಿ , ವಾಡು ಏಕಾಏಕಿ ವಚ್ಚಿ ಮೀರು ನಿದ್ರ ಸೇಸೆದ್ನಿ ಕನೋಡು .
37
37 ನಾನು ಮೀಕಿ ಸೊಪ್ಪಿಂದಾನ್ನಿ ಅಂದ್ರುಕು ಸೊಪ್ತಾನು , ಎಚ್ರುಮಾಯುಂಡoಡ್ರಿ ಅನೆ .