9 ಅದ್ಯಯಮು
1
1:-ಅತುದು ದೊನಿನಿ ಎಕ್ಕಿ ಸಮುದ್ರ್ಮ್ನಿ ದಾಟಿ ತನಿ ಉರ್ಕಿ ಹೊಚ್ಚೆ .
2
2:-ಅಕ್ಕ್ದಿಕಿ ಹೊಚ್ಚ್ನಕ ಹಸಿಗೆಪೈನ ಪೋದಿಪೈನ ಓಕಾ ಪಾರ್ಶ್ವವಾಯು ರೋಗಿನಿ ಅತುದ ದೇಗ್ರಿಕಿ ತಿಸಿಕೊನಿ ಹೊಚ್ಲಿ .ಯೇಸು ವಾಲಾ ನಮ್ಬಿಕೆನಿ ಸುಶೀ ಪಾರ್ಶ್ವವಾಯು ರೋಗಿಕಿ -ಕೊಡಕ ,ದೈರ್ಮೈ ಉಂಡು ,ನಿ ಪಾಪಲು ಕ್ಷಮಿಸ್ಲಾಪತ್ತಿಂಡಿ ಅಣಿ ಸೊಪ್ಪೇ .
3
3:-ಅಕ್ಕದ ಉಂಡ ಶಸ್ರ್ತಿಲಾ ಕೆಲ್ವ್ಳು -ವಿಡು ದೇವದುಶ್ನೆ ಸೇಸ್ಥ್ದನ್ನಿ ವಾಲಾ ವಾಲಾ ಮತ್ತಡ್ಕೊನಿಲಿ.
4
4:-ಯೇಸು ವಲ್ಲ ಆಲೋಚೆನ್ನಿ ತಿಳ್ಚ್ಕೊನಿ -ಮಿರು ಎಂದುಕಿ ಮಿ ಮನಸಲ ಶೆಡ್ಡ ಆಲೋಚೆನ್ನೆನಿ ಸೇಸ್ಥರು ?
5
5:-ಯಾವದಿ ಸುಲಬಂ? ನಿ ಪಪಲು ಕ್ಷಮಿನಿಚಿಲ್ಪತ್ತ್ವಿಂಡಿ ಅನ್ನದೆ ?
6
6:-ಲೆಸಿ ನಡಿ ಅನ್ನದೆ ? ಐತ್ಹ್ಯೇ ಪಪ್ಲ್ನಿ ಕ್ಷಮಿನ್ಚಳನಿ ಮನುಷ್ಯ ಕುಮರ್ದ್ಕಿ ಬುಲೋಕ್ಮ್ಲ ಅದಿಕರ್ಮು ಉಂಡೆಡಿ ಅಣಿ ಮಿರು ತಿಲಿಚಿಕೊನಲಾ ಅಣಿ ಸೊಪ್ಪಿ ಪರ್ಸ್ವಯು ರೋಗಿನಿ ಸುಶೀ -ಲೆಸಿ ನೀ ಹಸ್ಗೆನಿ ಪೋತ್ತ್ಕೊನಿ ಇಂಥಿಕಿ ಪೋ ಅಣಿ ಸೊಪ್ಪೇ .
7
7:- ವಡೂ ಲೆಸಿ ಇನ್ನ್ತ್ಕಿ ಪೊಯ .
8
8:-ಜನಲು ದಿನ್ನಿ ಸುಶೀ ಬಯಮುಪೋತ್ತಿ ದೇವುಡು ಮನುಶ್ಯ್ಲ್ಕಿ ಅಟ್ಟ ಅದಿಕರ್ಮು ಇಚ್ಚಿದಂಕು ಅತುದ್ನ್ನಿ ಕೊಂದರ್ದ್ರಿ .
9
9:-ಯೇಸು ಅಕ್ಕ್ದ್ನಿಂಕ ಪೈಯತ್ತ್ಪುದು ಸುಂಕಕ್ಕಿ ಕುಚಿಕೊನ್ನ ಮತ್ತಾಯ ಅಣಿ ಒಕ್ಕ ಮನುಷ್ದ್ನಿ ಸುಶೀ -ನನ್ನೀ ಹಿಮ್ಬಲಿಂಚು ಅಣಿ ವದ್ನಿ ಪಿಲ್ಚಿ ವಡು ಲೆಸಿ ಅತುದ್ನಿ ಹಿಮ್ಬಲಿನ್ಚ್ರೆ .
10
10:- ಅಮಿತ್ಗ ಅತುದು ವಲ ಇಂಥಲ ಕುಡ್ಕಿ ಕುಚ್ಹೊನೋಪೋದು ಎಕ್ವ ಮಂದಿ ಸುಂಕವಳು ಪಪಿಲು ಹೊಚ್ಚಿ ಯೇಸು ಮರಿ ಅತುದ ಶಿಷ್ಯಳ ಪಂಗ್ತ್ಹಿಲ ಕುಚ್ಹೊಂಲಿ .
11
11:-ಪರಿಸಯಲು ದನಿ ಸುಶೀ ಅತುದ ಶಿಷ್ಯಳನ್ನಿ -ಮೀ ಗುರುವು ಸುಂಕವಲಾ ಮರಿ ಪಪಿಲಾ ಜೋಥಳ ಯೆನ್ತ್ತ್ಕಿ ಕೂಡ ಸೇಸ್ಥರು ಅಣಿ ಅಡ್ಗೆ .
12
12:-ಅತುದು ದನ್ನಿ ವಿನಿ -ಕ್ಷೆಮುಂದೊಲ್ಕಿ ವೈಧುಡು ಕವಲೆಧು ,ಕ್ಷೇಮ ಲೆಗುನೋದಲ್ಕಿ ವೈಧುದು ಕವಲ್ಲ .
13
13:-ಮಿರು ಪೋಹಿ -ನಾಕಿ ಯಗ್ನಮು ಓದ್ಧು ,ಕರುಣೆ ಕವಳನಿ ಅನಾ ಅರ್ತ್ಮ್ನಿ ಮಿರು ನೆರ್ಸ್ಕೊಂಡಿ .ನೇನು ನಿತಿವನ್ತುಳನಿ ಪಿಲ್ಚೆದಂಕಿ ರಲೆಧು ,ಪಾಪಿಲ್ನ್ನಿ ಪಿಲ್ಚೆದಂಕಿ ಹೊಸ್ಥಿನಿ ಅಣಿ ಸೊಪ್ಪೇ .
14
14:-ಆ ಮಿಟ್ಗ ಯೋಹಾನನ ಶಿಷ್ಯಲು ವಡಾ ದೆರ್ಗ್ರಿಕಿ ಹೊಚ್ಚಿ -ಪರಿಸಯಲು ಮರಿ ಮಾಮು ಉಪವಾಸ ಸೇಸ್ಥ್ಮುಕದಾ ; ನೀ ಶಿಷ್ಯಲು ಎಂದುಕಿ ಉಪವಸ್ಮು ಸೇಸಳೆದು ಅಣಿ ಅದ್ಗಿದಂಗು
15
15:- ಯೇಸು ವಲ್ಕಿ - ಪೆಂಡ್ಲಿ ಜನಲು ವಲ್ಲ ಜೋತ್ಹ್ಲಾ ಮದಲಿಂಗಡು ಉಂಡ ತನಕ ದುಕ್ಮು ಪಡ್ಥರಾ ? ಐತ್ಹ್ಯೇ ಮದಲಿಂಗದ್ನ್ನಿ ವಲಾನಿಂಕ ತಿಸಿಕೊನ್ನಮು ಕಲಮು ಹೊಸ್ಥದಿ ; ಅಪ್ದೂ ಉಪವಸ್ಮು ಸೆಸ ಕಲಮು ಹೊಸ್ಥದಿ .ಯೋರು ಕೊಥ್ಹ ಬಟ್ಲುಕಿ ತ್ಯಪ ಹೆಸಲೆಧು ;
16
16:- (ಹೆಸ್ಥ್ಯೇ ) ಆ ತ್ಯಪಕಿ ಬಟ್ಲ್ನ್ನಿ ಪಿಸ್ಕದನಿಂಕ ಹರುಕು ಏಕ್ವ ಐತ್ಹದಿ.
17
17:-ಇದಿಕುಕಂದ ಪತಾ ಬುದ್ದಲಿಕಿ ಕೊತ್ತ ದ್ರಕ್ಷರಸ್ಮನಿ ನಿಮ್ಪಲೆಧು ;ದನ್ನಿ ಪೆಡಥ್ಯೇ ಬುದ್ದಲಿಲು ಪೊಗಲಿ ದ್ರಾಕ್ಷರಸ್ಮು ಚೆಲ್ಲುಪೋಥದಿ, ಬುದ್ದಲಿಲು ಶೇಡಿ ಪೋಥದಿ ; ಐತ್ಹ್ಯೇ ಕೊತ್ತ ದ್ರಾಕ್ಷರಸ್ಮ್ನಿ ಕೊತ್ತ ಬುದ್ದಲಿಲ ಹೆಸ್ಥರು ,ಅಪ್ದುದು ರೊಂಡು ಉಸ್ಲಿಥದಿ ಅಣಿ ಸೊಪ್ಪೇ .
18
19
18-19:-ಇಟ್ಟಳ ಅತುದು ವಲ ಜೋಥಳ ಮತ್ತ್ಲ್ದಥುನ್ನಪುದು ಅದಿಕರೀ ಹೊಚ್ಚಿ ಅತುದ್ಕಿ ಅದ್ದ್ಪೋಡಿ -ನಾ ಬಿಡ್ದ ಇಪ್ದ್ದೆ ಸಚಿಪೋಯ ;ಐತ್ಯೇ ನುವಾ ಹೊಚ್ಚಿ ದನ ಪೈನ ಸೈ ಪೆಡ್ತ್ಹ್ಯೇ ಬಧುಕುಥದಿ ಅನಿ ಅಡಿಕೊನಿ ಯೇಸು ಲೆಸಿ ವಲ್ಲ ಶಿಷ್ಯಲ್ನಿ ಪಿಲ್ಚ್ಕೊನಿ ವಾಲಾ ಎಂಕ ಪೈಲಿ.
20
21
20-21:-ಅನ್ಥಲೋಗ ಪನ್ನೆಂದು ವರ್ಷ್ಮುನಿಂಕ ರಕ್ತ ಕುಸುಮ ರೋಗ್ಮುನಿಕ ಓಕ್ಕ ಅಡಧಿ -ನೇನು ಅತುದ ವಸ್ಥ್ರಲಿನಿ ಮುಡ್ತ್ಹ್ಯೇ ಸಾಲು ,ನೆತ್ತಗೈಥನು ಅಣಿ ಮನಸಲ ಅನ್ಕೊನಿ ಉದುಪ್ಮ್ನಿನ ಗೊಂಡಿನಿ ಮುತ್ತೆ .
22
22:-ಅಪ್ದ್ದು ಯೇಸು ಎಂಕ ಅಕೆನಿ ಸುಶೀ - ಬಿಡ್ದ, ದೈರ್ಮೈ ಉಂಡು ;ನೀ ನಂಬಿಕೆನಿ ನಿನಿ ವಾಸಿಸೆಸೆ ಅನೆ . ಆ ಕ್ಷನ್ಮು ಆ ಅಡಧಿ ಸ್ವಸ್ಥಮೈಯಾ .
23
ಆಮಿಂದ ಯೇಸು ಆ ಅಧಿಕಾರುಡು ಇಂಟ್ಕಿ ವಚ್ಚಿ ವಾದ್ಯಾಗಾರುಲ್ನಿ ಗದ್ಲುಮು ಸೇಸೆ ಜನಲು ಗುಂಪ್ನಿ ಕನಿ - ಆಕ್ಟರ್ಕಿ ಪೊಂಡ್ರಿ,
24
ಪಿಲ್ಲ ಸಚ್ಪೋಲೆ , ನಿದ್ರಾ ಸೇಸ್ತಾವುಂಡಾದಿ ಅನ್ನಪ್ದು ವಾಳು ಯೇಸುನಿ ಹಾಸ್ಯುಮು ಸೇಸ್ರಿ
25
ಜನಲ್ನಿ ಆಕ್ಟರ್ಕಿ ಅಂಪಿoಚ್ಮಿಂದ ನೋನ್ಕಿ ಪಾಯಿ ದಾನ್ ಸೇತ್ನಿ ಪಟ್ಟೆಕಿ ಆದಿ ಲೇಸೆ .
26
ಈ ಸುದ್ದಿ ಆ ದೇಶ್ಮುಲ ಅಂತ ಹಬ್ಬೆ.
27
ಯೇಸು ಆನಿಂಚ ಪಾಯೇನಪ್ದು ಇದ್ರೂ ಗುಡ್ದೋಳು - ದಾವಿದುಡು ಕುಮಾರುಡ ,
28
ಮಮ್ಮುಲ್ನಿ ಕರುಣಿಯ್ಯಿ ಅನಿ ಕೂಸ್ಕೋನಿ ಯೇಸು ಎನ್ಕ ಪಾಯ್ರಿ. ಯೇಸು ಇಂಟ್ಕು ವಚ್ನಪ್ದು ಆ ಗುಡ್ದೋಳು ಯೇಸು ದೆಗ್ರುಕಿ ವಚ್ರಿ . ಯೇಸು ವಾಳ್ನಿ - ನಾನು ದೀನ್ನಿ ಸೇಸ್ತಾ ಅನಿ ನಂಬ್ತಾಲ ಅನಿ ಅಡ್ಗಿನ್ದಾಂಕು ವಾಳು - ಹೌನು , ಸ್ವಾಮೀ , ನಂಬ್ತಾಮು ಅನ್ರಿ.
29
ಅಪ್ಡು ಯೇಸು ವಾಳ್ ಕನ್ನುಲ್ನಿ ಮುಟ್ಟಿ - ಮೀರು ನಂಬ್ನಟ್ಗೆ ಮೀಕಿ ಆವ್ನಿ ಅನೆ.
30
ಅಪ್ಡು ವಾಳ್ಕಿ ಕನ್ಲು ವಚ್ಚೆ. ಮಲಿ ಯೇಸು ವಾಳ್ಕಿ - ಇದಿ ಯೋಳ್ಕು ಗೋತಾಗುಡ್ದು ಸೂಡoಡ್ರಿ ಅನಿ ಕಂಡಿತ್ಮಾಯಿ ಸೊಪ್ಪೇ.
31
ಆಯ್ತೆ ವಾಳು ಪಾಯಿ ಆ ದೇಶ್ಮುನೋನoತ ಯೇಸು ಸುದ್ದಿನಿ ಹಬ್ಬಿಚ್ಚ್ರಿ.
32
ವಾಳು ಪಾಯೇನಪ್ದು ದೈಮು ಪಟ್ಟಿನ ಒಕ್ಡು ಮೂಗುಡ್ನಿ ಯೇಸು ದೆಗ್ರುಕಿ ತೋಡ್ಕೊನೋಚ್ಚ್ರಿ.
33
ಯೇಸು ದೈಮ್ ಇಡ್ಬಿಚ್ಚ್ಮಿಂದ ಆ ಮೂಗ್ದು ಮಾಟ್ಲಾಡೋಡ್ ಆಯೆ . ದಾನ್ಕಿ ಆ ಜನಲು - ಇಸ್ರಾಯೇಲುಲು ಜನುಮ್ಲ ಇಟ್ಟೆ ಕಾರ್ಯುಮ್ನಿ ಇಂತ್ವರ್ಕು ಯೋಳು ಸೂಡ್ಲೆದನಿ ಬೆರ್ಗಾಯ್ರಿ.
34
ಆಯ್ತೆ ಪರಿಸಾಯ್ಲು - ವೂಡು ದೈಮುಲ ರಾಜುಡ ಸಹಾಯ್ಮಿಂಚಾನೆ ದೈಮುಲ್ನಿ ಇಡ್ಬಿಸ್ತಾಡು ಅನ್ರಿ.
35
ಯೇಸು ಅನ್ನೀ ಊರ್ಲುನಿ ಹಳ್ಳಿಪಳ್ಳಿಲ್ನಿ ಸುತ್ಕೋನಿ ವಾಳ್ ಸಭಾ ಮಂದಿರುಮ್ಲ ಉಪದೇಶ್ಮು ಸೇಸ್ತಾ ಪರ್ಲೋಕ್ಮುರಾಜ್ಯುಮಿನ ಸುವಾರ್ತುಮ್ನಿ ಸಾರಿ ಸೊಪ್ತ ಅನ್ನಿ ತರ್ಮು ರೋಗಲ್ನಿ ಅನ್ನಿ ತರ್ಮು ನಪ್ಪಿಲ್ನಿ ವಾಸಿಸೇಸ್ತಾ ವಚ್ಚೆ .
36
ಆಯ್ತೆ ಜನಲು ಗುಂಪುಲ್ನಿ ಸೂಸಿ ವಾಳು ಗೊರ್ರೋಡು ಲೇನಿನ ಗೊರ್ರುಲ ಅಟ್ಗ ಕೊರ್ಗಿ ಪಾಯ್ನಾರ್ಕದ ಅನಿ ವಾಳ್ ಮಿಂದ ಕನಿಕರ್ಮು ಪಡೆ .
37
ಅಪ್ಡು ವಾಳ್ ಶಿಷ್ಯುಲ್ಕಿ - ಬೆಳೆ ಬಹಳ್ಮು , ಕೆಲ್ಸ್ಮೊಳು ಕೊಂಚ್ಮು,
38
ದಾನ್ನಿಂಚ ಬೆಳೆ ಯಜ್ಮಾನುಡ್ನಿ - ನೀ ಬೆಳೆಕು ಕೆಲ್ಸ್ಮೊಲ್ನಿ ಅಂಪೀಯಾಲನಿ ಬೇಡ್ಕೊoಡ್ರಿ ಅನಿ ಸೊಪ್ಪೇ.